Љубовната приказна на Светлана Цеца Ражнатовиќ и нејзиниот покоен сопруг Жељко Ражнатовиќ Аркан, позната и е на јавноста, но многумина незнаат дека нејзина прва љубов бил Владан Лукиќ.

Во прашање е некогашен фудбалер, а нивната љубов започнала во 1989 година, кога Цеца почнала да го качува патот на својот успех.

Лукиќ во тоа време важел за голем заводник, па приказната за нивната љубов ги полнела страниците на весниците, а дури се зборувало дека се свршиле и дека планирале свадба. Владан бил прв познат дечко на Цеца. Сепак љубовта згаснала наредната година, кога тој отишол во војска и се разделиле.

Како што се шушкало, Цеца на Владан му ја посветила песната „Пуштете ме да го видам“.

Години подоцна Цеца пееше на свадба на неговата ќерка Сара.

The post Тој бил најголемата љубов на Цеца: Му посветила песна, патела по него со години, па пеела на свадба на ќерка му appeared first on Република.

Бизнисменот Богдан Срејовиќ, поранешно момче на Светлана Цеца Ражнатовиќ, се ожени со својата долгогодишна партнерка Јована Љубисављевиќ, објави порталот Нова.

Тие се венчаа во манастирот „Грачаница“, а потоа фотографиите ги споделија на социјалните мрежи.

Инаку, тој е последниот партнер на пејачката кого таа го претстави во јавноста, а по врската со Цеца започна романса со Јована која претходно учествуваше во реални шоуа и беше во врска со Стефан Кариќ.

Љубомората е неопходна во врската, но во нормални граници, сржта е комуникацијата. Имам совршен однос со ќерката на Богдан, многу сум среќна и горда и ништо не би менувала. Јас и Богдан сме една целина, живееме заедно и 99% од времето го поминуваме заедно. Еден ден би правела гала свадба 3 дена и 3 ноќи, а следниот ден би се омажила некаде без никој да знае, но секако ќе бидете информирани – изјави во една прилика Јована.

The post Се ожени поранешниот на Цеца appeared first on Република.

Јагуарот во кој некогаш се возеше Цеца стои непродаден. Станува збор за специјален модел на оваа „маестрална“ лимузина, од кои во проширената верзија ширум светот ги има само 121.

Сопственост на жител на Ваљево кој со гордост вели дека е единствениот во Европа, покрај кралското семејство, кој има можност да се вози во овој луксузен автомобил. Му бара 121.000 евра, но лимузината стои непродадена.

The post „Јагуарот“ на Цеца стои непродаден, му бараат 120.000 евра appeared first on Република.

Цеца Ражнатовиќ на концертот во Виена се појави во прекрасен стајлинг. Таа носеше сако од брендот "Sparkling Bat Blazer" кој чини 7000 евра.

Цеца доби многу комплименти за изгледот а нејзините фанови со подлабок џеб побрзаа да го нарачат овој комплет.

The post Цеца во сако од 7000 евра appeared first on Република.

Претседателот на КФМ Перо Антиќ ги негира чаршиските муабети дека е во врска со балканската ѕвезда Цеца Ражнатовиќ. Тој за „ММС“ открива дека е во врска со „македонско девојче“.

https://republika.mk/scena/estrada/tsetsa-ima-nov-dechko-toa-e-poraneshen-makedonski-kosharkar/

Абе тоа се секти, кои измислуваат приказни, а јас сум си среќно заљубен со друга личност и нека не ме мешаат со други за ефтини кликови на интернет. Нема врска. Зашто Скопје е станато како „мртво море“, како што вели Цеца во песната? Ете затоа. Од рекла – казала приказни. Место да се гледат поголеми вредности, се измислуваат приказни. И затоа пропаѓа градот, да не кажам државата. Од такви нелуѓе, вели тој за ММС.

https://republika.mk/scena/estrada/arkan-ja-kupil-tsetsa-za-pola-milion-marki/

Муабетите за Антиќ и Цеца започнаа пред неколку месеци, откако јавноста дозна дека ја раскинал врската со најуспешната македонска манекенка и модел Катарина Ивановска.

https://republika.mk/scena/estrada/mislite-deka-e-rano-e-da-se-razmisluva-za-nova-godina-tsetsa-veke-zakazha-tezga-za-100-000-evra-snaata-na-lepa-brena-za-20-000/

The post Антиќ за врската со Цеца: Државата пропаѓа од вакви трачеви appeared first on Република.

Дино Мерлин во интервју за српски Курир раскажал како настанал најголемиот и најпознат хит на пејачката Светлана Цеца Ражнатовиќ.

Тој вели дека не е вистина дека хитот кој го напишал за Цеца требало да го испее тој.

За жал тоа не е вистина. Хитот „Белград“ е напишан за Цеца Величковиќ во Швајцарија една ноќ во 1991-та година на молба на нејзиниот тогашен партнер, Харун Самарџиќ. Тогаш напишав три песни, меѓу која и песната „Белград“ - открил Мерлин.

The post Дино Мерлин ја откри вистината за „Белград“: Ја напишав 1991, а за се беше крив тогашниот партнер на Цеца, Харун appeared first on Република.

Претходната година беше многу плодна и профитабилна за естрадните уметници, покажуваат официјалните документи. Според податоците на Агенцијата за економски регистри, Саша Матиќ заработил најмногу пари во 2022 година.

Неговата фирма „См мјузик“ остварила вкупен бруто промет од 1.050.000 евра. Кога од таа бројка ќе се одбијат деловните трошоци од 315.000 евра, како и државната такса од 75.000 евра, на Саша му остануваат чисти 662.000 евра.

На врвот на листата на најбогати забавувачи е и Цеца Ражнатовиќ. Бруто деловните приходи на нејзината компанија „Цеца мјузик“ во 2022 година изнесувале цели 1.886.000 евра, но пријавени се трошоци од 1.260.000 евра, па пејачката откако платила данок на државата од 94.000 евра, завршила со нето заработка од 532.000 евра.

Со огромни примања може да се пофали и Милица Павловиќ. Имаше најголем скок во однос на 2021 година (двојно повеќе), па така на крајот на 2022 година компанијата „Сењорита мјузик“ имаше бруто приход од 555.000 евра. Кога ќе се одбијат деловните трошоци од 272.000 евра, како и данокот од 31.000 платен на државата, на Павловиќ и останале 252.000 евра.

The post Кој колку заработи минатата година: Саша Матиќ, 600.000 евра, Цеца и Милица Павловиќ половина милион appeared first on Република.

Идната баба, Светлана Цеца Ражнатовиќ, не можела да ја сокрие среќата по радосната вест од нејзината ќерка дека е бремена. Таа проговори за медиумите и откри како дознала дека ќе има уште еднo внучe, затоа што Анастасија го откри и полот на бебето.

Кога Анастасија преку видео повик ми кажа дека чекам трето внуче, бев пресреќна. Таа вест за мене не беше шок, туку прекрасно изненадување. Ова е голем благослов од Бога за целото семејство. Анастасија се чувствува одлично, спие малку повеќе од вообичаено, но тоа е нормално – изјави Цеца во емисијата „Цеца шоу“.

Анастасија и Немања веќе го започнаа заедничкиот живот во Севиља каде уживаат во секојдневието и интензивно ја подготвуваат собата за бебето.

The post Еве како Цеца дознала дека ќерка ѝ е бремена: Toa за мене не беше шок appeared first on Република.

Фолк ѕвездата Светлана Цеца Ражнатовиќ откри кога е терминот за породување на Богдана за време на вечерата со нејзините блиски пријатели.

Имено, фолк ѕвездата истакна дека се надева дека, по доаѓањето на второто дете, парот ќе и додели повеќе од старателството над Жељко.

19 или 17 април, тогаш е терминот. Ќе се вика Крстан. Видовме на 4г и личи на тато колку што можевме да кажеме. Се надевам дека кога ќе се роди второто бебе ќе им треба простор за да ми го дадат Жељко уште малку – рече Цеца во новата, 25-та епизода од документарно-фантастичниот серијал „Цеца шоу“ што се емитува на Телевизија Блиц.

Таа исто така додаде дека Вељко посакува тоа да биде 17 април, денот кога се родил неговиот татко Жељко Ражнатовиќ Аркан.

The post Цеца го откри терминот на Богдана: Вториот внук на пејачката пристигнува на денот кој е од големо значење за семејството appeared first on Република.

Многу се радувам што ќе се дружам со моите фанови на настапот во Скопје на 4 март, порача балканската мегаѕвезда Цеца Ражнатовиќ.

За настапот покрај од домашната публика, има навистина огромен интерес и во Србија, Бугарија, Црна Гора… се организираат и туристички автобуси со голем број туристи – обожаватели на Цеца.

Во Македонија, досега можевме да ја слушаме (и гледаме) оваа мегапопуларна пејачка само во текот на топлите денови. Последниот настап со кој предизвика делириум го имаше во Пробиштип, кога пееше заедно со ќерка си Анастасија.

Цеца сега ќе дојде во Скопје директно од Словенија, каде што ќе одржи неколку концерти. Настапот во Македонија, во Скопје, ќе се случи во дискотеката „Централ парк“, а уживањето во живо со нејзините хитови влезниците се по 1.000 денари, а резервацијата на маса со вклучен пијалак – 5.000 денари.

The post Цеца во Скопје на 4 март appeared first on Република.

Тоа што се случи е за да земе некој да напише сценарио, вели Светлана Ражнатовиќ Цеца во новата епизода од нејзиното реално шоу, во која открива какви сè непријатности имала со фановите.

Имав ситуација кога некој заѕвони на вратата, притрча обезбедувањето, и видовме како пијана жена запре со таксито, го извади сопственото дете влечејќи го за коса и почна да вика по мене. Дојде полиција и брза помош, настана хаос, се присетува Цеца.

Пејачката раскажува дека оваа ситуација, поради која доживеала вистински стрес, настанала само зошто жената ѝ барала пари.

Сакав да излезам и да ѝ дадам пари, зошто го слушав детето како вриска, но полицијата не ме пушти да излезам. Агонијата траеше со часови, открива Светлана Ражнатовиќ.

The post Пијана жена пред куќата на Цеца за коси ја влечела ќерката од такси и почнала да вика по пејачката appeared first on Република.

Цеца Ражнатовиќ секогаш се грижела за својот стил, а со текот на времето својот изглед го прилагодувала на трендовите.

На Инстаграм кружи фотографија од пред триесетина години која досега не е објавена.На неа  Цеца го носи популарниот„ мини вал“ како и повеќето пејачки од тие години. Пејачката, чие презиме тогаш беше Величковиќ, изгледаше многу привлечно во црн и тесен фустан со прерамки.

The post Досега необјавена фотографија: Цеца со „мини вал“ фризура appeared first on Република.

Веб-страницата „Celebrity networth“ објави податоци кои покажуваат колку пари заработиле српските пејачи во текот на својата кариера.

Имено, најголемата српска ѕвезда Цеца Ражнатовиќ вреди неверојатни 80 милиони долари.

Драгана Мирковиќ, тежи вкупно 30 милиони долари. Нејзината слава одамна ги надмина границите на Србија, а популарна е и во Бугарија и Романија.Драгана е сопственик на сателитската телевизија ДМ САТ.

Последната југословенска пејачка Лепа Брена досега заработила 16 милиони долари а покојниот Шабан Шаулиќ 20.

The post Колку заработиле досега балканските звезди: Цеца 80 милиони долари, Драгана Мирковиќ 30,Лепа Брена „само“ 16 appeared first on Република.

Српската естрадна ѕвезда, Цеца Ражнатовиќ, е многу активна на социјалните мрежи и редовно ги известува своите следбеници со детали од нејзиното секојдневие, но со најновата објава на својот Инстаграм профил, Цеца од фризерски салон ги изненади сите.

Пејачката донесе одлука да промени нешто на себе, па ја промени бојата на косата пред полуфиналето на „Ѕвездите на Гранд“.

Одам меѓу плавушите - напиша Цеца во описот на снимката, а во позадина ја објави песната на Жељко Јоксимовиќ „Дрска жена плава“.

Да потсетиме, неодамна Рада Манојловиќ ја обвини Цеца Ражнатовиќ дека ја украла песната „Лажго озлогласениот“, а фолк дивата веднаш се огласи по овие обвинувања, но како и секогаш беше воздржана.

The post Шок трансформација на Цеца: Драстична одлука пред полуфиналето на „Звезде Гранда“ appeared first on Република.

Цеца Ражнатовиќ за првпат проговори за заедничкиот настап со  Анастасија во живо на сцената во Пробиштип.

- Ја гледав од колата. Го замолив менаџерот да заминеме порано, хотелот во кој престојувавме беше во близина на бината и дојдов порано да ја видам, па ја погледнав од страната на автомобилот. Тоа е прекрасно чувство.

Дали во Пробиштип имавте повеќе нервози или кога Анастасија го имаше првиот настап во Париз?

-Не бев нервозна бидејќи и таа се опушти. Таа, генерално е се поопуштена и подобра од настап до настап. Сето тоа е разбирливо бидејќи тој нема пеачко искуство кога се во прашање настапите. Поинаку е кога стоиш, со име и презиме на сцената пред публиката, тоа е одговорност и тогаш има позитивна нервоза. На естрадата сум 35 години, па сега ми е лесно да зборувам, но претпоставувам дека не и е лесно, особено што има мајка која е веќе остварена. На децата на славните родители им е многу потешко да си го пробијат својот пат, особено ако влегуваат во истите води во кои нивните родители реализирале и направиле големи кариери-објасни Цеца.

The post Цеца од возило го гледала настапот на Анастасија во Пробиштип appeared first on Република.

При акциска контрола на територија на градот Пробиштип изминатата вечер се санкционирани 29 возачи кои управуваат моторни возила под дејство на алкохол, соопшти МВР.

За време на контролата биле санкционирани и три учесници кои управувале патничко моторно возило пред да се стекнат со право за управување на моторно возило, еден учесник во сообраќајот кој управувал патничко возило по истекот на важноста на сообраќајната дозвола.

The post Полицијата казнуваше возачи во Пробиштип за време на концертот на Цеца appeared first on Република.

Цеца и Анастасија вчера пееја заедно на сцена, и тоа во Пробиштип.

Анастасија имаше одличен настап, буквално ја „запали“ публиката, а потоа и се придружи и нејзината мајка, па се прегрнаа на сред сцена.

Двете блеснаа, тешко е да се каже која изгледаше подобро.

The post Цеца и Анастасија ја „запалија“ Македонија: Мајката и ќерката заедно на сцена, не се знае која подобро изгледа appeared first on Република.

Српските естрадни ѕвезди отсекогаш работеле на својот имиџ, а многу од нив ставаат силикони во градите со цел да изгледаат најдобро и најатрактивно за публиката.

Со таквите хируршки зафати тие го имаат својот денес препознатлив имиџ, но многумина ќе се зачудат кога ќе видат како изгледале дамите од јавната сцена на почетокот на нивните кариери, пред да имаат направено пластична операција.

Музичките ѕвезди како Цеца Ражнатовиќ, Јелена Карлеуша, Дара Бубамара, Наташа Беквалац и Тања Савиќ сега имаат многу побомбастични деколтеа отколку на почетокот на кариерата.

Сепак, некои од нив тврдат дека никогаш не додале силикони на градите.

Никогаш не би подлегнала на естетска хирургија, зголемување или затегнување на гради, задник или што било друго. Гледам една емисија каде што покажуваат како жените се изобличувале со разни интервенции. Шокирана сум од тоа како изгледаат. Тоа за мене е повеќе од страшно -  изјави Тања Савиќ пред пет години.

Во 2011 година, Јелена Карлеуша имаше тешка операција на градите, која траеше повеќе од пет часа.

Имплантите ми направија голем проблем, па на лекарите им требаше долго време да ги отстранат. Беше направена реконструкција на мускулите на дојката и беше отстрането многу фиброзно ткиво. Ужас. Се одлучив за операција бидејќи забележав дека нешто не е во ред. Но, од рутинската операција која ја очекуваа хирурзите, на операционата маса се случи непријатно изненадување.

 

Благодарна сум на лекарите кои буквално ми го спасија животот. Би им рекла на девојките добро да размислат пред да одлучат да ги зголемат градите. Кога би можела да го вратам времето, никогаш не би го направил тоа - изјави Карлеуша во таа пригода.

Кога се појави на сцената во 2001 година, Наташа Беквалац веќе го зголеми деколтето. Новите гради Наташа ги направи со мерка, во согласност со градбата, висината и тежината, па изгледаат како да се природни.

Подоцна, по втората бременост, Беквалац реши да оди на „ремонт“ за да ги подигне и затегне градите.

Цеца, пак, два пати ги намалила градите, еднаш за здравје, а вториот за изглед.

Сакав поинаква естетика, промена на визуелниот идентитет и нешто што е повеќе во склад со трендовите, а да бидам искрена и со мојата возраст. Интервенцијата не е комплицирана, многу брзо се опоравив - изјави Цеца, која во 2012 година, по првиот ремонт на силикони, изјави:

Вистина е дека имав операција на градниот кош. Тоа морав да го направам пред се од здравствени причини. Операцијата ја искористив и за намалување на градите, но пред се ми беше важно да го решам мојот здравствен проблем - изјави Цеца.

Дара Бубамара денес важи за една од пејачките со најголеми гради на домашната естрада. Сепак, Дара не секогаш можеше да се пофали со бујно деколте.

The post Некогаш немаа што да прикажат, а сега деколтето прска: Вака изгледаа естрадните ѕвезди без силикони во градите appeared first on Република.

Поради огромен интерес за концертот закажан за на 11.06 (сабота) на најголемата балканска ѕвезда Цеца Ражнатовиќ и нејзината ќерка, младата ѕвезда Анастасија Ражнатовиќ истиот ќе биде преместен на градскиот стадион во Пробиштип, наместо „Аква паркот“.

Организаторите велат дека морале да се одлучат на овој чекор, бидејќи аква паркот би бил претесен да ги собере сите обожаватели на Цеца и Анастасија.

Моравме да го преместиме концертот, бидејќи интересот е преголем. Секој ден добиваме повици и резервации и од Србија и Бугарија. Она што е најважно тоа што во сабота не очекува топло и убаво време, велат тие.

Инаку ова е прв заеднички настап на Цеца и нејзината ќерка Анастасија и којзнае дали повторно некогаш ќе ги видиме двете на иста бина. Она што беше интересно пред неколку дена е нивната листа на желби кои ја открија организаторите.

Двете пејачки всушност не бараат „од пиле млеко“ како некои други ѕвезди, напротив, тие се скромни во своите побарувања.

Тие кои сè уште немаат набавено влезници, истото може да го сторат онлајн преку продажната мрежа на www.kupikarta.com, продавницата на „Југотон“, како и „Розе Веро 2“.

Исто така на денот на концертот ќе има и организиран превоз од Скопје и сите поголеми градови. За подетални информации јавете се на телефонскиот број: +389 75 507 455

The post Поради преголем интерес, концертот на Цеца и Анастасија се сели на градски стадион appeared first on Република.

За помалку од две недели, поточно на 11 јуни, во „Аква парк“ во Пробиштип првпат со заеднички голем концерт ќе настапуваат мајката и ќерката Ражнатовиќ - Цеца и Анастасија. Токму поради тоа, покрај македонската публика, се очекуваат и гости од соседните земји, Бугарија и Србија.

Хотелите во Пробиштип и околината на тој датум веќе се резервирани од странски, но и домашни гости.

Организаторите на овој голем музички настан велат дека подготовките се во тек. Тие откриваат дека музичките ѕвезди во Македонија ќе пристигнат два дена порано, но не откриваат каде ќе престојуваат.

Строго забрането е да откриеме каде ќе престојуваат, но можеме да ви откриеме дел од нивната рајдер-листа. Претпоставуваме дека луѓето мислат дека Цеца и Анастасија бараат „од пиле млеко“, но не е така. Како и сите нормални луѓе, тие бараат во бекстејџ да има ладна вода, свежи сокови, грицки и тоа е се, велат организаторите.

Карти за овој голем музички настан закажан за на 11-ти јуни во Пробиштип може да купите преку продажната мрежа на „www.kupikarta.com“.

The post Скромни барања: Еве што побараа да имаат Цеца и Анастасија за концертот во Пробиштип appeared first on Република.