Во втората фаза од реализацијата на проектите за 2022 година од програмата на градоначалничката Арсовска, „За Модерно Скопје“ во јули по 12 години почнува реконструкција на улицата Бутелска во општина Бутел. Покрај реконструкцијата на оваа значајна улица која се наоѓа во лоша состојба, во јули почнува и реконструкција улицата Перо Наков во општина Гази Баба, која со децении е заборавена и нереконструирана.

Во оваа втора фаза што ќе се реализира во јули почнува и реконструкцијата на улицата Рузвелтова, на потегот од булевар Илинден до булеварот Партизански одреди, а ќе се реконструираат и улиците Скоевска во општина Бутел, Димо Хаџи Димов и Славка Динкова во општина Кисела Вода.

Значајно за жителите на општина Кисела Вода е што во населбата Градинар почнува изградба на фекална канализација, а ќе почне и реализацијата на големиот проект за изградба, реконструкција и покривање на Усјански канал, со кој ќе се реши проблемот со проточноста и миризбата на овој канал и веќе нема да претставува еколошка опасност за овој дел од Скопје.

The post Арсовска: По 12 години во јули почнува реконструкција на улицата Бутелска во општина Бутел appeared first on Република.

На улицата Бутелска се работи на формирањето на зелен кордиор на површина од 1600 квадратни метри, со обновување и засадување нова тревна површина и одржување на вегетацијата. Реализацијата на зелениот коридор во Бутел се одвива со фрезирање на постојната подлога, нанесување нова квалитетна почва, поставување систем за полевање и садење ново зеленило. На новата уредена зелена површина ќе се засадат листопадни и зимзелени садници и украсни грмушки.

На 16-та Македонска Бригада во општина Гази Баба во тек се активностите за уредување на паркот „Скулптура” со вкупна површина од 4200 квадратни метри. На овој потег се врши интервенција на целата вегетација, обнова на почвата, како и поставување на систем за полевање со што би се овозможило континуирано одржување на зеленилото. Предвиденото зеленило го сочинуваат зимзелени и листопадни садници, кои функционално и естетски одговараат на просторот на кој се прилагодени според климатските услови.

The post Се формира зелен кордидор на улицата Бутелска и се уредува паркот Скулптура во Гази Баба appeared first on Република.