Нема доволно докази за да се препорача повеќе од една „бустер” доза за ковид-19 на годишно ниво за постарите луѓе и оние со ослабен имунолошки систем, соопшти Центарот за контрола и превенција на болести на САД (ЦДЦ).

Работната група ковид-19 на Советодавниот комитет за имунизација на ЦДЦ (АЦИП) поддржа годишна кампања за засилување, најверојатно наесен, особено за популации кои се сметаат со висок ризик, рече д-р Сара Оливер, службеник на ЦДЦ кој ја предводи групата, за време на состанокот на надворешните советници на агенцијата.

Агенцијата во моментов препорачува постарите и имунокомпромитирани луѓе почесто да го проверуваат имунитетот за да видат дали им е потребно зајакнување за ковид, бидејќи ефективноста на вакцините обично опаѓа побрзо кај тие популации во споредба со помладите луѓе со подобар имунолошки систем.

Во пролетта 2022 година, ЦДЦ препорача имунокомпромитирани и лицата постари од 50 години да добијат дополнителна вакцина доколку го примиле првата бустер доза најмалку четири месеци порано.

The post ЦДЦ: Нема доволно докази за да се препорача повеќе од една „бустер” доза против ковид-19 appeared first on Република.

Освен „фајзер“, третата бустер-доза од „Астра зенека“, „Спутник“, „Модерна“, кинеските вакцини „синофарм“ и „синовак“, на сите пациенти кои се вакцинирале во Србија не им се признаваат во Македонија, пишува весникот „Вечер“.

Македонците кои сакаат или веќе се вакцинирале со која било друга вакцина , освен со „фајзер“, нема да можат да го евидентираат тоа во системот на нашето здравство, односно нема да можат да добијат документ во Македонија дека примиле трета доза вакцина.

Информацијата за весникот „Вечер“ ја потврдиле од Министерството за здравство. Оттаму велат дека тоа е по препорака на Националната комисија за имунизација за трета доза вакцина.

Илјадници наши граѓани, на почетокот од пандемијата, кога Македонија немаше ниту една вакцина, беа примени во Србија, најмногу во Врање и во Ниш, каде што се вакцинираа , најголем број со вакцината на „Астра зенека“, „Спутник“ и со кинеските „синофарм“ и „синовак“. Многу од овие наши граѓани сега сакаат или веќе биле да примат трета доза од истата вакцина.

The post Во Македонија не се признаваат бустер-дозите од Србија, освен „Фајзер“ appeared first on Република.

Како дел од борбата против Омикронската варијанта на Ковид-19, Јапонија има за цел да дава дози за засилување на еден милион луѓе дневно.

Владата планира да ја прошири третата доза откако бројот на дневни случаи за прв пат викендов го надмина нивото од сто илјади.

Премиерката Кишида Фумио во својот говор на парламентарната седница рече дека имаат за цел да администрираат зголемена доза вакцина на еден милион луѓе дневно.

Осврнувајќи се на напорите за борба против варијантата Омикрон, Кишида рече: „Со оваа јасна цел, владата ќе работи да ги вакцинира оние што сакаат да се вакцинираат што е можно поскоро“.

Агенцијата Кјодо објави дека до 4 февруари, само 4,8 отсто од 125-милионското население на Јапонија ја примиле третата доза вакцина.

Бројот на случаи на Ковид-19 во Јапонија се зголеми на 3.316.122, а бројот на починати од вирусот се искачи на 19.357.

Бројот на случаи надмина 1 милион во првата недела од август 2021 година, кога се одржаа Олимписките игри во Токио, 2 милиони на 20 јануари и 3 милиони на 3 февруари.

Низ целата земја, 1134 лица се лекуваат од Ковид-19 во единиците за интензивна нега.

The post Во Јапонија планирани се 1 милион дози бустер вакцина appeared first on Република.

Пандемијата сè уште трае, а правилата се менуваат. Како што стојат работите, само вакцинацијата наскоро нема да биде доволна за патување, туку ќе биде потребна потврда за вашата засилена доза за влезете во посакуваната дестинација. Во последните неколку недели сè повеќе земји ги сменија правилата за влез и бараат од меѓународните патници засилена доза.

Европската комисија го ревидираше дигиталниот сертификат за коронавирус на ЕУ, па сега овие пропусници важат 270. дена, освен ако нивната важност не се обнови со засилена доза.

Ви претставуваме земји во кои се влегува со бустер доза.

Австрија
Претходно, сертификатите за вакцини важеа 12. месеци, но австриските власти ги променија прописите на почетокот на декември. Сега, доказот за вакцинација со две дози е само девет месеци од последната доза, но може да се обнови доколку примите трета доза.
Официјалните лица, исто така, одлучиле дека вакцината Џонсон и Џонсон нема да биде признаена доколку поединецот не прими засилена доза.

Хрватска
Хрватска смета дека сертификатот за вакцинација од две дози е истечен доколку поминат повеќе од 365. дена од последната доза. Информациите за бустер дозата не се јасно наведени, но претпоставуваме дека таквите правила ќе наведат многумина да ја земат бустер дозата пред да заминат за Хрватска.

Франција
Патниците ќе треба да имаат трета доза за да влезат ако поминале четири месеци или повеќе од втората доза. Правилото стапува на сила на 15. февруари.

Грција
Почнувајќи од февруари, Грција ќе им дозволи влез само на патниците кои примиле втора доза во последните седум месеци, освен ако не примиле и засилена доза.

Исланд
Исланд ќе „прими“ само патници кои биле вакцинирани со две дози во последните девет месеци, освен ако не ја примиле третата доза.

Израел
Патниците кои сакаат да одат во Израел ќе треба да се вакцинираат со втора доза не повеќе од 180. дена пред патувањето, освен ако не се вакцинирани и со дополнителна доза од вакцината

Холандија
Американците од 2. февруари ќе можат да ја посетат Холандија без карантин, под услов претходно да се вакцинирани со третата доза од вакцината. Оние кои примиле само две дози ќе мора да бидат во карантин 10 дена.

Шпанија
Без бустер доза, сертификатите за Ковид се сметаат за валидни само 270. дена (девет месеци) од последната доза.

The post Во овие земји не се влегува без бустер доза, меѓу нив се и Грција, Хрватска, Шпанија… appeared first on Република.

The post Засилувачката доза може да ги намали хоспитализациите поради Ковид-19 во Европа до 800.000 appeared first on Република.

Европската агенција за лекови на редовната прес-конференција денеска порача дека четврта доза вакцина за сега не се препорачува за здравото население, јави дописничката на МИА од Брисел.

Докторот Марко Кавалери од Европската агенција за лекови (ЕМА) објасни дека бројни бустер дози на вакцината против Ковид-19 на краток рок не се одржливи за населението на долг рок, не само поради заморот што ќе го почувствуваат луѓето, туку и поради последиците врз имунолошкиот систем.

Повторување на бустери на краток рок може да ги намали антителата бидејќи на имуниот систем му е потребно време да реагира, рече Кавалери и предупреди дека постојани бустери може да ја направат вакцината помалку ефикасна.

Исклучок се лицата со компромитиран имунитет за кои сепак четврта доза би била од помош.

Регулаторите сè уште ги разгледуваат клиничките докази и ќе ја информираат јавноста навремено за своите наоди. Како што стои ситуацијата моментално ЕМА смета дека би било добро да се оди кон сезонска вакцина како и да се разгледуваат други алтернативи од типот на мултивалентни вакцини отпорни на сите соеви, а не само вакцина отпорна на омикрон.

Што се однесува до третата доза, ЕМА ја препорачува без задршка, бидејќи иако омикрон сојот успева да ја избегне вакцината, таа сепак останува ефикасна против тешки облици на Ковид-19 и хоспитализација.

Кавалери денеска исто така информираше дека состојбата во ЕУ со Ковид-19 во овој момент не е добра: бројот на новозаразени расте поради омикрон сојот што доведува до силен притисок врз болниците

The post „Не“ за четврта доза за здравото население, постојаните бустери може лошо да влијаат врз имунитетот appeared first on Република.