Кумановските пожарникари вечра извадиле човек кој паднал во бунар, во кумановската населба Карпош, информираа денеска од Регионалниот центар за управување со кризи Куманово како и од Територијалната противпожарна единица Куманово.

– Добивме повик од 112 дека човекот пропаднал во длабок бунар од околу 15 метри. Се упативме и со помош на јажиња, појаси, успешно го извлековме човекот и го предадовме на екипа на Итна помош Куманово за натамошно лекување, изјави Сашо Илиевски, командир на смена кој заедно со уште двајца колеги учествувале во интервенцијата

Интервенцијата завршила во 13:50 часот и како што е наведено во дневниот билтен на РЦУК, човекот е во добра здравствена состојба.

Во текот на вчерашниот ден, кумановските пожарникари интервенирале шест пати на опожарена сува трева и вегетација во липковските села Матејче и Отља, во кумановските Речица, Табановце, на „Никуљски пат“ и во село Никуљане.

Пожарникарите од Старо Нагоричане пак гаселе пожар во Челопек на запалено стрниште, сува трева, грмушки и гранки на површина од околу три декари. 

The post Кумановските пожарникари извадија човек кој паднал во бунар appeared first on Република.

Кумановските пожарникари вечра извадиле човек кој паднал во бунар, во кумановската населба Карпош, информираа денеска од Регионалниот центар за управување со кризи Куманово како и од Територијалната противпожарна единица Куманово.

- Добивме повик од 112 дека човекот пропаднал во длабок бунар од околу 15 метри. Се упативме и со помош на јажиња, појаси, успешно го извлековме човекот и го предадовме на екипа на Итна помош Куманово за натамошно лекување, изјави Сашо Илиевски, командир на смена кој заедно со уште двајца колеги учествувале во интервенцијата

Интервенцијата завршила во 13:50 часот и како што е наведено во дневниот билтен на РЦУК, човекот е во добра здравствена состојба.

Во текот на вчерашниот ден, кумановските пожарникари интервенирале шест пати на опожарена сува трева и вегетација во липковските села Матејче и Отља, во кумановските Речица, Табановце, на „Никуљски пат“ и во село Никуљане.

Пожарникарите од Старо Нагоричане пак гаселе пожар во Челопек на запалено стрниште, сува трева, грмушки и гранки на површина од околу три декари.

The post Кумановските пожарникари успешно извадија човек кој паднал во бунар appeared first on Република.

Започна судската разрешница на еден од најинтригантните случаи во Хрватска

„Јас не сум виновен“, рече на почетокот на судењето Дамир Келеминчиќ (65), обвинет за убиство на својата сосетка Славојка Сенишин (76) во 2011 година, на подмолен начин и од личен интерес. Според обвинението, Келеминчиќ ја убил својата сосетка за да добие пристап до нејзиниот стан.

Според обвинението, Келеминчиќ ја убил својата сосетка на крајот на 2011 година, а потоа нејзиното тело го фрлил во бунар во близина на неговата куќа во Пречно.Телото било откриено со помош на гугл стрит вју апликацијата.

The post Дамир ја убил сосетката за да и го земе станот, телото 11 години го криел во бунар appeared first on Република.

Грозоморно убиство се случи во Србија, во местото Тутин. Жртва е 28- годишниот Нусрет Дестановиќ, кој бил претепан до смрт од повеќе лица, меѓу кои и поранешниот сопруг на жена со која тој се среќавал. Дестановиќ отишол на средба , мислејќи со жената, а бил пречекан и убиен од лицата блиски до нејзиниот сопруг.

Се покажало дека пораката за средба ја испратил поранешниот сопруг на жената, со цел да го намами да дојде. Притоа, го начекале мажите и го претепале до смрт. Жителите на Тутин се сомневаат дека и жената е вмешана и дека таа намерно го дала својот телефон, за Дестановиќ да мисли дека ќе се сретне со неа.

Телото на несреќното момче е пронајдено во бунарот во дворот кај осомничениот за убиство. Во меѓувреме, тој успеал да побегне во Германија, без никој да забележи деа нешто се случило.

Во полициска акција припадниците на МВР во Нови Пазар уапсија три лица во врска со бруталното убиство на Дестановиќ. Меѓу уапсените е и Е.Џ. (18) од Сјеница, осомничен за тешко убиство во соизвршителство и Елвис Хрњак (40) од Нови Пазар, обвинет дека му помагал на сторителот по извршувањето на кривичното дело. Третото лице Ријалда Хачи (27) од Сјеница е приведено бидејќи не пријавило подготвување кривично дело. Додека Сеад Зеќовиќ е во бегство и недостапен за полициските власти.

The post Грозоморно убиство во Србија: Го претепале до смрт, па го фрлиле во бунар appeared first on Република.

Жена (67) скокнала во бунар длабок осум метри на островот Крф за да ја спаси својата четиригодишна внука која паднала во него.

Како што објави "Екатеимерини", и бабата и внуката се добро и не се повредени.

Бабата забележала дека нејзината внука паднала во бунарот и веднаш скокнала и се втурнала во два метри длабоката вода на дното за да ја спаси.

Брзата помош со помош на специјални алатки ги извлекла бабата и внуката и за секој случај ги префрлила во болница.

The post Баба скокнала во бунар длабок 8 метри за да ја спаси својата внука appeared first on Република.

Петгодишното момче Рајан, кое четири дена помина во бунар длабок 32 метри, почина кога спасувачите го извлекле од бунарот, соопштија мароканските власти.

Момчето починало пред спасувачите да дојдат кај него, изјавија владини претставници.

Како што објавија странските агенции, спасувачите со раце ги ископале последните три метри во бунарот за да не дојде до одрон.

Спасувачките служби во Мароко со денови се обидуваа да стигнат до петгодишниот Рајан, кој пред четири дена падна во јама длабока околу 32 метри.

Во комплицираната спасувачка акција беа вклучени бројни служби, а особено се стравуваше од одрони со оглед на тоа што јамата се наоѓа на свлечиште.

Теренот во тој дел бил составен од мешавина од камења и песок, па спасувачките служби морале да употребат тешка механизација за да стигнат до момчето.

Несреќата се случила кога таткото на Рајан работел на поправка на бунарот.

Кралот Мухамед Шести од Мароко ги повикал родителите на момчето за да им изрази сочувство.

The post Светот тагува по петгодишното момче од Мароко, кое четири дена беше заробено во бунар appeared first on Република.