бумеранг Archives - Република

Заев, Спасовски, Кирацовски, Вилма добија кривична пријава од Боки

Игор Чавески — Fri, 10 May 2024 13:24:57 +0000

Зоран Заев, Оливер Спасовски, Александар Кирацовски, Миле Зачевиќ, Вилма Русковска се најголемите политичари и обвинители против кои Бојан Јовановски поднесе кривични пријави до Обвинителството за организиран криминал, а денеска имаше и распит.

На распитот ги соопштил сите докази i сознанија против политичарите за кои поднесе кривични пријави, а дел ќе ги предаде на Обвинителството по писмен пат.

[caption id="attachment_265127" align="alignnone" width="640"] (фото: МИА)[/caption]

„Сите мои сознанија ќе бидат материјализирани со докази кои потекнуваат од мојот телефон којшто ми беше одземен при апсењето во случајот Рекет. Станува збор за повеќе кривични дела, злоупотреба на службената положба, злоупотреба на јавни набавки, изборни нерегуларности, незаконско финансирање политичка партија. Освен за злоупотреба на службената положба, обвинителката Вилма Русковска е пријавена и за тортура и примање поткуп“, кажа Јовановски.

The post Заев, Спасовски, Кирацовски, Вилма добија кривична пријава од Боки appeared first on Република.

Кон кого ќе сврти „бумерангот“ на Боки?

Игор Чавески — Fri, 10 May 2024 06:17:46 +0000

Денеска во 10 часот во Основното јавно обвинителство за гонење на организиран криминал и корупција започнува кривично-правната операција со кодно име – “Бумеранг” која ја најави Бојан Јовановски- Боки 13 изминатата година кога побара прием кај шефот на наведеното обвинителство, јавен обвинител Ислам Абази.

-По делегирање на надлежен јавен обвинител оформен е предмет. Тој е повикан за прв пат да дава исказ и да ги поднесе кривичните пријави за сторени кривични дела на високопрофилирани лица, функционери, политичари, обвинители, судии и бизнисмени, стои во соопштението од Тимот за комуникации на Јовановски.

Oва следува откако Бојан на поткастот кај Лазаров најави дека ќе ја истера правдата до крај.

The post Кон кого ќе сврти „бумерангот“ на Боки? appeared first on Република.

Отворен е предметот „Бумеранг“, Боки 13 утре во ОЈО

Ана — Thu, 09 May 2024 18:58:02 +0000

Утре во 10 часот во Основното јавно обвинителство за гонење на организиран криминал и корупција започнува кривично-правната операција со кодно име – “Бумеранг” која ја најави Бојан Јовановски- Боки 13 изминатата година кога побара прием кај шефот на наведеното обвинителство, јавен обвинител Ислам Абази.

-По делегирање на надлежен јавен обвинител ве известувам дека оформен е предмет, утре тој е повикан за прв пат да дава исказ и да ги поднесе кривичните пријави за сторени кривични дела на високо профилирани лица, функционери, политичари, обвинители, судии и бизнисмени, стои во соопштението од Тимот за комуникации на Јовановски.

На закажаниот термин во обвинителството ќе биде заедно со полномошник, адвокат м-р Владимир Туфегџиќ.

По завршување ќе има обраќање до јавноста и ќе дава изјави за медиумите.

The post Отворен е предметот „Бумеранг“, Боки 13 утре во ОЈО appeared first on Република.

Почнува процесот „Бумеранг“: Правниот тим на Боки 13 ќе предаде 1.150.000 фајлови со податоци на ОЈО

Александар Арсовски — Sat, 25 Feb 2023 10:56:24 +0000

По добиените информации од Основното јавно обвинителство за гонење на организиран криминал и корупција дека шефот на обвителството, јавниот обвинител Ислам Абази, постапувајќи по барањето на Бојан Јовановски со прекар Боки 13 веќе оформил предмет и го распределил кај надлежен јавен обвинител на постапување, од правниот тим на Јовановски информираат дека со тоа почнува кривично-правна операција со кодно име „Бумеранг“.

Ја поздравуваме итноста и ажурноста при постапувањето од страна на јавниот обвинител Ислам Абази и очекуваме пред се темелна, ефикасна и непристрасна разрешница од страна на надлежниот обвинител кој ќе постапува по предметот. Поради високиот степен на карактерот и сериозноста на процесот „Бумеранг“ бараме и оцекуваме посветеност, неселективност и максимална професионалност од страна на надлежниот обвинител.

Напоменуваме дека поради обемноста на материјалот и доказите во бројка од 1.150.000 (еден милион и сто и педесет) фајлови со податоци во кои се содржани аудио снимени разговори, транскрипти, пораки, остварени телефонски комуникации, видео и фотографски записи, т.н. „бомби“ , заради целисходност при постапување по предметот ќе биде потребно формирање на посебен тим за работа и процесуирање на кривичните пријави во согласност со реалните потреби за ефикасно и правилнло постапување по предметот, за кое нешто ќе истакнеме посебно барање до јавниот обвинител.

Исто така, напоменуваме дека подносителот Бојан Јовановски ќе ги поднесува пријавите и ќе ги предаде доказите на записник по претходно утврдени законски гаранции за заштита на неговиот физички и психички интегритет поради карактерот, сензитивноста и сериозноста на отпоцнатиот процес со кодно име „Бумеранг“. Бојан Јовановски ќе ги поднесе пријавите и ќе ги предаде доказите во присуство на неговите полномошници мр.Владимир Туфегџиќ и Сашко Дукоски, адвокати од Скопје, единствено во сигурносно обезбедени простории во ОЈО за ГОКК, со визуелно, тонски запис од чинот на сослушување и предавање на доказите.

Јавноста благовремено ќе биде известена за термините и динамиката определена од страна на надлежниот обвинител за текот на целиот процес и во рамки на законски дозволеното ќе бидат споделувани информации во јавноста кои нема да ја компромитираат иницираната кривично правна операција со кодно име „Бумеранг“, информираат од правниот тим на Бојан Јовановски.

The post Почнува процесот „Бумеранг“: Правниот тим на Боки 13 ќе предаде 1.150.000 фајлови со податоци на ОЈО appeared first on Република.