Руската интерконтинентална балистичка ракета „Булава“, која ја разви Московскиот институт за топлинска технологија, влезе во служба на вооружените сили на Русија, соопшти денеска главниот конструктор на институтот Јуриј Соломонов.

На 7 мај годинава беше потпишан указ за прифаќање на ракетниот систем „Булава“ за употреба во вооружените сили, изјави Соломонов за руските медиуми.

Во ноември минатата година руското Министерство за одбрана објави дека подморницата „Цар Александар III“ успешно тестираше балистичка ракета „Булава“.

The post Русите се засилија со моќната интерконтинентална балистичка ракета „Булава“ appeared first on Република.

Руското Министерство за одбрана соопшти дека новата руска подморница на нуклеарен погон „Цар Александар Трети“ успешно тестирала лансирање на балистичка ракета „Булава“.

Интерконтиненталната балистичка ракета е лансирана од подводна позиција во Белото Море во близина на северниот брег на Русија и погодила цел оддалечена илјадници километри на полуостровот Камчатка на рускиот Далечен исток.

Во соопштението на руското министерство за одбрана, не се прецизира кога било извршено тестирањето.

Ракетата „Булава“ е долга 12 метри, може да носи шест нуклеарни боеви глави и има дострел од 8.000 километри.

Рускиот претседател Владимир Путин во декември присуствуваше на свеченото спуштање на подморницата „Цар Александар Трети“ во морските води.

The post Погодена цел оддалечена илјадници километри: Најновата руска нуклеарна подморница изврши тест-лансирање на балистички ракети appeared first on Република.