Букинг (Booking), онлајн платформа за резервации на апартмани и хотели низ светот, во Србија се соочува со обвинувања од властите за огласување на нерегистрирани даватели на приватно сместување, односно станови кои нивните сопственици ги издаваат, а не плаќаат данок за тоа.

Од Министерството за туризам посочуваат дека оваа платформа овозможува промоција на субјекти кои не работат согласно законот, додека од Букинг одговараат дека е подготвена да ги едуцира давателите на сместување за нивните обврски, но и нешто повеќе од ова, јави дописникот на МИА од Белград.

Минатата недела министерот за туризам Хусеин Мемиќ изјави дека „во туризмот, кој постојано се развива и носи сè поголем девизен прилив, има многу сива економија, а најголем проблем се корисниците на приватното сместување и странски платформи кои во Србија работат на црно“.

Посебно внимание е насочено кон платформата Букинг, на која министерот посочи дека се воделе разговори со таа компанија, како и дека државниот апарат размислува да го укине работењето на оваа компанија во Србија.

Од Министерството за порталот Нова економија потврдија дека се остварени средби со регионални претставници на Букинг и дека по тој повод е дадено предлог решение во форма на барање за единствен матичен број (JID) на регистрирани угостители од Е-турист, при склучување на договор за огласување помеѓу угостителите и Букинг.

Како што посочуваат, „претставниците на Букинг не се согласиле со предлогот, туку како единствена можност го презентирале предлогот за спроведување информативна кампања за нивните корисници.

Букинг во одговорите за Нова економија наведува дека се подготвени да соработуваат со надлежните органи во Србија со цел да ги едуцираат своите провајдерите на сместување за нивните законски обврски.

„Кога се регистрирате за огласување на сместување на нашата платформа, давателите на услуги мора да ги прифатат нашите услови за користење, потврдувајќи дека имаат законско право да го изнајмат своето сместување“, наведуваат од компанијата.

Додаваат и дека Букинг воспоставил сигурен процес преку кој надлежните органи можат да пријават евентуални неправилности во однос на огласените објекти и дека брзо ќе реагираат и ќе ги отстранат објектите доколку се утврди дека не работат во согласност со локалните закони.

Директорот на Националната асоцијација на туристички агенции на Србија (ЈУТА), Александар Сеничиќ на прашањето како ќе се одрази евентуалното заминување на Букинг од Србија, одговори дека државата треба да разговара со нив за промена на правилата на оваа компанија, но дека во случај тоа да не вроди со плод, забраната за работа на оваа компанија „нема да биде првиот прекин на работата на територијата на една земја, барем привремено“.

– Пример е Турција која имаше долг спор со Букинг поради појавата на нелојална конкуренција и на крајот успеа да инкасира неколку милиони евра обесштетување, а компанијата привремено го „затвори“ своето работење таму – што даде јасна порака до Турција дека треба да се работи според прописите – заклучи Сеничиќ.

The post Луѓето кои издаваат станови не плаќале данок: Србија ќе го затвори Букинг? appeared first on Република.

Шпанското тело за заштита на конкуренцијата во вторникот соопшти дека ѝ наложила на онлајн туристичката агенција Booking.com рекордна казна од 413 милиони евра за „злоупотреба на својата доминантна позиција“ во последните пет години.

Овие практики ги погодија хотелите лоцирани во Шпанија и другите онлајн туристички агенции кои се натпреваруваат со платформата. Нејзините одредби и услови создаваат неправедна нерамнотежа во комерцијалните односи со хотелите лоцирани во Шпанија, се вели во соопштението на ЦНМЦ.

Со подобро позиционирање на хотелите со повеќе резервации на Booking.com, другите онлајн агенции беа спречени да влезат на пазарот или да се прошират, се додава во него.

Ова е најголемата парична казна што некогаш била изречена од ЦНМЦ, изјави за АФП портпаролката на властите.

ЦНМЦ рече дека пазарниот удел на Booking.com во Шпанија, втората најпосетувана земја во светот по Франција, за време на периодот под истрага бил помеѓу 70 и 90 проценти.

Booking.com, чија матична компанија Booking Holdings е со седиште во САД, е доминантен играч со пазарен удел во Европа од повеќе од 60 проценти.

Во мај, Европската унија ја додаде туристичката агенција на својата листа на дигитални компании доволно големи за да потпадне под построги правила за конкуренција, давајќи ѝ рок на компанијата шест месеци да се подготви за усогласување со историскиот Закон за дигитални пазари.

Правилата имаат за цел да ги изедначат условите за игра на дигиталниот пазар, осигурувајќи дека корисниците на ЕУ имаат повеќе опции при изборот на производи.

Брисел рече дека построгата регулатива на Booking.com ќе значи дека туристите „ќе почнат да имаат корист од поголем избор“, а хотелите „ќе имаат повеќе деловни можности“.

Унгарското тело за заштита на конкуренцијата претходно овој месец ја казни Booking.com со втора казна поради тоа што не ги прекина своите „нефер“ деловни практики, вклучително и психолошки притисок врз клиентите.

Во 2020 година, компанијата беше казнета со 2,5 милијарди форинти (7 милиони долари) од Унгарската управа за конкуренција (GVH) за агресивна тактика на продажба.

И на 15 јули властите го погодија Booking.com со дополнителна казна од 382,5 милиони форинти, откако понатамошната истрага покажа дека компанијата продолжила со своите нефер практики.

The post Поради нелојална конкуренција: Шпанија го казни „Букинг“ со 413 милиони евра appeared first on Република.

Холандските обвинители разгледуваат кривична пријава против платформата за изнајмување сместувачки капацитети (Букинг) Booking.com за рекламирање имот во израелските населби.

Холандската непрофитна организација СОМО (SOMO) соопшти дека поднела жалба до државниот обвинител во ноември заедно со три други групи за човекови права, но дека тоа не било претходно објавено.

Во жалбата, групите ја обвинуваат платформата за „профитирање од воените злосторства преку олеснување на изнајмувањето на викендички на земјиште украдено од домородното палестинско население“.

Booking.com соопшти дека не се согласува со наводите и дека нема закони со кои се забранува рекламирање сместувачки капацитети во израелските населби, додека низа американски закони би забраниле повлекување на инвестициите во регионот.

Населбите изградени на земјиште окупирано од Израел во војната на Блискиот Исток во 1967 година се сметаат за нелегални од повеќето земји, вклучително и Холандија.

The post Холандските обвинители го истражуваат Букинг за рекламирање сместување во израелските населби appeared first on Република.

Италијанската агенција за конкуренција објави дека покренала истрага за да утврди дали дигиталната платформа „Букинг.ком“ ја злоупотребува својата доминантна позиција на пазарот за хотелско сместување. Италијанскиот регулатор се сомнева дека веб-страницата, со „претпочитано партнерство“ со одредени хотели, „веројатно ја попречува ефективната конкуренција на пазарот на онлајн продажба на услуги за сместување и резервации на хотели, барем во Италија“.

Таквата стратегија „им штети на другите онлајн туристички агенти, со негативни ефекти врз капацитетите за сместување и, во крајна линија, врз потрошувачите, кои се рефлектираат со повисоки цени и ограничен избор“, се вели во соопштението на регулаторот.

Даночната полиција „Гардија ди финанца“ извршила претрес во италијанските канцеларии на „Букинг“.

Целосно соработуваме со „Гардија ди финанца“ и италијанскиот орган за конкуренција кои ги посетија нашите канцеларии во Италија. Додека соработуваме со италијанските власти, целосно веруваме дека проблемите со конкуренцијата треба да се решат директно со ЕУ, во согласност со нејзините сегашни регулаторни предлози, а не одделно, од земја до земја“, изјави портпаролоката на „Букинг“.

The post Италија почна истрага против „Букинг“ appeared first on Република.

Европската комисија денеска донесе одлука да го блокира купувањето на „еТравели“ од страна на „Букинг“, од причина што со нивното спојување дополнително би се ја зајакнала доминантна позиција на „Букинг“ на пазарот на онлајн туристички агенции за хотелско сместување во ЕУ, соопшти денеска еврокомесарот за правда Дидие Рејндерс.

Спојувањето би довело до намален избор на хотели и повисоки трошоци за потрошувачите, додаде Рејндерс.

Тој посочи дека дигитализацијата се повеќе навлегува во туристичкиот сектор, што го зголеми значењето и влијанието на онлајн туристичките агенции за хотелско сместување, кои обезбедуваат посредување помеѓу хотелите и потрошувачите, со што имаат влијание врз трошоците за хотелите и на крајот и на цената што ја плаќаат граѓаните.

По повод прес конференцијата на евркомесарите за правда, Дидие Рејндерс и Вера Јурова, посветена меѓу другото на борбата против расизмот и заштитата на правата на жртвите на дискриминација, н

Според Рејндерс, иако онлајн туристички агенции вршат и други услуги, како резервација на летови, изнајмување автомобили и посета на туристички атракции, резервирањето хотелски соби е најголемиот и најпрофитабилен сегмент во овој сектор, со годишен приход од приближно 40 милијарди евра.

„Букинг“ денес е доминантен на пазарот на онлјан туристички агенции во Европската економска област со пазарен удел близу 70 отсто, кој постојано се зголемува во изминатите 10 години. Спојувањето би му овозможи на „Букинг“ дополнително да ја зајакне својата доминантна позиција, додаде Рејндерс.

Според него, при сместувањето во хотелите значајна улога има и резревирањето на авионски летови, па со презмењето на „еТравели“, кој има значаен удел во овој сектор, „Букинг“ би станал уште подоминантен.

Комбинирањето на неколку туристички понуди во неговиот систем, ќе му овозможи на „Букинг“ да генерира значителен дополнителен сообраќај кон својата платформа, бидејќи летовите нудат најголема можност за поврзана продажба. Овие ефекти од трансакцијата би ја засилиле инерцијата на клиентите и постојните мрежни ефекти. Спојувањето би им отежнало на конкурентите да ја загрозат позицијата на „Букинг“ на пазарот во иднина, рече Рејндерс.

Според него, истрагата на ЕК покажала и дека спојувањето ќе доведе до повисоки трошоци за хотелите и можеби и за потрошувачите, бидејќи зголеменета доминација ќе ја засили и преговарачката позиција на „Букинг“ со хотелите.

Дополнително спојувањето може да резултира и со повисоки цени за потрошувачите, бидејќи има некои индикации дека „Букинг“ е скап канал за услуги на онлајн туристичките агенции за хотелско сместување, додаде Рејндерс.

Тој нагласи дека имајќи ги предвид ваквите согледувања и очекуваните значителни негативни ефекти од спојувањето и отсуството на соодветни правни лекови, Европската комисија одлучи да го блокира преземањето.

Нашата денешна одлука значи дека европските хотели и патници нема да бидат дополнително ограничени во опциите што им се достапни за сместување и резервирање на своите патувања. Тоа исто така значи дека овој важен дел од туристичката индустрија ќе остане конкурентен, зачувувајќи ја желбата за конкурентни цени и иновации, додаде Рејндерс.

The post Спојувањето би довело до намален избор на хотели: ЕК го блокира преземањето на „еТравели“ од страна на „Букинг“ appeared first on Република.