Олена Зеленска, сопругата на претседателот на Украина, Володимир Зеленски, станала првата сопственичка на најновиот "Бугати Турбилон“, објавува „Verite Cachee France“.

Според пишувањето, за време на посетата украинскиот претседател и неговата сопруга на Франција за годишнината од слетувањето во Нормандија, за делегацијата се одржал приватен автомобилски саем, две недели пред официјалната презентација во јавноста.

Суперавтомобилот ја импресионирал Олена толку многу што таа веднаш нарачала еден примерок од 250-те планирани за производство.

Цената на автомобилот, со сите опции, е речиси 4,5 милиони евра, а новите сопственици ќе може да го добијат во 2026 година.

The post Сопругата на Зеленски стана првата сопственичка на најновиот „Бугати“ вреден 4,5 милиони евра appeared first on Република.

Суперлуксузниот миленик на Роналдо пристигна во Доха!Ѕвездата на Ал Наср и еден од најдобрите фудбалери на сите времиња Кристијано Роналдо е вистински љубител на скапи, брзи автомобили.

Поседува луксузно возило на четири тркала „Bugatti Centodieci“, за кое очигледно е исклучително приврзан, бидејќи со него вози и низ Саудиска Арабија.
Овој ѕвер на четири тркала е произведен во само 10 примероци ширум светот и има неверојатни перформанси.

Омилената машина на Роналдо до 100 км/ч достигнува за импресивни 2,4 секунди, а 200 км/ч за 6,1 секунда, додека максималната брзина му е дури 380 км/ч.Неговата цена беше неверојатни девет милиони евра!

The post Роналдо си го донесе и „Бугатито“ во Саудиска Арабија appeared first on Република.

Кристијано Роналдо со семејството е на одмор во Мајорка, каде има изнејмено луксузна вила, а за да ужива во стил, одлучил да испрати и два автомобили на шпанскиот остров.

Медиумите сега пренесуваат дека еден од автомобилите утрово имал сообраќајна незгода, се работи за Бугати Вејрон вреден нешто над 2 милиони евра.

Информациите велат дека Кристијано Роналдо не бил зад воланот, автомобилот бил управуван од вработен кој бил задолжен за транспортот. Се уште се испитуваат деталите, а првичните извештаи велат дека возачот загубил контрола и удрил во ѕид од еден објект крај патот.

The post „Бугати“ вредно 2 милиони евра на Роналдо заврши во ѕид appeared first on Република.

Бугати“ одамна нема претставено нов модел бидејќи работи на производство и испорака на постоечки модели. „Чентодиеци“ почна да се испорачува до купувачите минатата недела, откако сложената програма за развој беше завршена во мај, а во меѓувреме, „Бугати“ на настанот „Топ Маркез“ во Монако покажа специјална верзија на „Широн“.

Уникатниот хиперавтомобил сега се приближува кон крајот на својот животен циклус, а особено внимание добија најновите примероци на „Широн“ и „Широн спорт“ за Европа. Специјалната верзија се вика „Бугати широн л’Ебе“, а компанијата одлучи да произведе само три возила. Тие ѝ оддаваат почит на ќерката на основачот на компанијата, Еторе Бугати, која е негово најстаро дете.

Специјалната верзија е украсена со сини мотиви и златни украсни линии, решетките на ладилникот и деловите на хаубата, а бандажите се направени во слична нијанса. Шемата на бои на панелите на вратите на возачот и совозачот е спротивна.

Овој посебен модел возила дефинитивно ќе има посебно место во каталогот на „Бугати“, како „лебедова песна“ за „Широн“ во Европа.

Стандарднитте „Широн“ се веќе испорачани, а последниот „Широн спорт“ ќе биде испорачан на купувачот до крајот на месецов.

The post Ова е новиот „Бугати“, не прашувајте колку чини appeared first on Република.