Комисијата за надворешна политика на Народното собрание на Бугарија денеска ја усвои декларацијата за односите со Македонија, предложена од крајнодесничарската партија „Преродба“, пренесува државната новинска агенција БТА.

Партиите застапени во парламентот најдоа консензус и се обединија околу текстот на декларацијата, која со мали амандмански корекции е едногласно усвоена во комисијата.

Претседателот на Комисијата за надворешна политика и лидер на ГЕРБ Бојко Борисов, најави дека декларацијата ќе биде усвоена од Народното собрание на Бугарија на пленарна седница, денеска (26 септември).

Најважното што го даваме како знак е дека бугарските политичари, бугарската држава, сите партии се обединети кога е во прашање добрососедството меѓу двете земји и секој што ќе го прекрши треба да си сноси одговорност, изјави Борисов.

Повод за вонредниот состанок и усвојувањето на декларацијата, како што се наведува, „се низата антибугарски изјави на водечките политичари во Република Cеверна Македонија, кои имаат за цел да ги минираат билатералните односи и да ја претстават Бугарија во лошо светло пред европските партнери“, како и „одбивањето на РСМ да ги исполни условите предвидени во преговарачката рамка, што ќе и овозможи на земјата да започне вистински процес на преговори за европска интеграција“.

The post Бугарските партии сложни околу декларацијата за Македонија appeared first on Република.

Пратеници од политичката партија Преродба се истепаа со колегите од Продолжуваме со промените на денешната пленарна седница во бугарското Собрание. Како што објави бугарската БНТ1, пратениците од Преродба побарале од пратениците на Продолжуваме со промените да го напуштат Парламентот, бидејќи „дозволиле државата да ја преземат странски амбасади“.

Пратениците од ПП-ДБ веднаш го возвратиле ударот и им порачале на колегите од спротивниот табор дека членуваат во проруска партија.

За време на седницата се разменувале реплики, а на крајот дошло и до физичко насилство помеѓу пратениците.

Микрофоните во салата биле исклучени затоа што во Собранието била распишана пауза.

https://youtu.be/zamI5-5z10c

The post Бугарите се истепаа во Собрание appeared first on Република.

Народното собрание на Бугарија денеска на седница треба да расправа за односите со Македонија и како што е најавено, последниот физичкиот напад врз бугарски државјанин.

БТА пренесува дека пред пратениците ќе се обрати министерот за надворешни работи Николај Милков.

Предлогот за ставање на оваа точка како трета на дневниот ред на денешната седница е на барање на партијата Преродба и на собрансиката комисија за политики за Бугарите во странство.

The post Бугарското Собрание ќе расправа за Македонија appeared first on Република.

Трет ден по ред по неуспешни обиди да изберат претседател на Парламентот, во Бугарија народните пратеници денеска повторно ќе заседаваат, и засега според медиумите и аналитичари се очекува поинаков тон во дискусиите.

Седницата повторно ќе ја води Вежди Рашидов како највозрасен пратеник кој вчера се повлече откако беше предложен од ГЕРБ-СДС за претседател на Парламентот, во обидите да се најде консензус. Рашидов објасни дека се повлекува поради разум и би бил среќен доколку пратениците го изберат претседателот на Националното собрание.

До т.н. пат-ситуација се дојде откако кандидатите на ГЕРБ Росен Желјазков и ПП Никола Минчев уште првиот работен ден не ја добија потребната поддршка. Вчера двете најголеми парламентарни политички сили ги повлекоа своите кандидатури. Вака дојде до изборот меѓу Јордан Цонев од ДПС и Кристијан Вигенин од БСП. Сепак, ниту еден од нив не доби доволно гласови за.

На прашање дали е оптимист дека денеска ќе биде избран претседател на Собранието, Христо Иванов од „Демократска Бугарија“ изјави дека очигледно тешкотиите продолжуваат, но атмосферата е сменета, јави БТА.

„Ситуацијата околу изборот на претседател на Народното собрание е без преседан. Денеска е критичен ден бидејќи завршува првата недела на овој парламент“, изјави за бугарската ТВ Нова уставниот судија Јанаки Стоилов.

„Јасно е дека овој процес само ќе ја докаже неспособноста на Собранието да направи нешто. Во средниот век имало случаи кога биле потребни месеци, па и години за да се избере папа. Но, ние сме сепак во подинамично време“, додаде тој.

Уставниот судија е дециден дека не треба да се менуваат правилата околу изборот на првиот човек на Собранието. Според него, може да се поднесуваат имиња, да се извлече едно име и да се гласа. „Идентификацијата на лица по ждрепка не е непознато. Овој метод може да се примени, но ја покажува немоќта на парламентот. Но, пак треба да се гласа“, смета тој.

Според пратеникот од политичката партија „Продолжуваме со промената“ Венко Сабрутев претходните претседатели на бугарскиот Парламент „се избираа со театар“.

„Задкулисните игри се заседнати, има договор и се прави театрална сцена во пленарната сала каде се говори со солзи и фиктивно гласање. Оваа година гледаме дека статус квото се повеќе губи позиции“, изјави тој.

Сабрутев додаде дека – Не може да се именуваат луѓе кои имаат лош углед во јавноста, и посочи дека партијата е категорична дека сакаат стабилност во државата, а не нови избори.

„Веќе имаше идеја да ја напуштат салата и да не учествуваат во процедурите и гласањето. Одбиваме да учествуваме во дебати и нема да учествуваме во гласањето доколку нема договор дека може да се избере еден кандидат“, изјави лидерот на „Бугарски подем“ Стефан Јанев.

– Расправата во Народното собрание мора да биде зрела, а таму моментално гледаме градинка, изјави Даниел Митов од ГЕРБ.Според него политичката партија Продолжуваме со промената сака нови избори.

– Довербата на граѓаните во парламентот е исклучително намалена. Тоа се гледа од слабиот одѕив на гласачите, изјави Петар Петров од бугарската политичка партија „Прородба“.

„Политичка шизофренија“. Со таква квалификација бугарскиот психијатар Цветеслава Галабова ја коментираше неможност на пратениците да го изберат претседателот на Народното собрание во изјава за ТВ Нова.

„Тоа се луѓе целосно водени од нивните внатрешни стимулации, без допир со реалноста. Парламентот е шарен букет патологија на личноста, преовладуваат нарцисите. Тие покажаа дека воопшто не се грижат за гласачите. Тие се целосно преокупирани со своите желби за величина“, истакна психијатарот.

Според неа, лекот за пратениците се „социјални шамари“.

„Во сите партии има квалитетни луѓе, но тие не излегуваат напред, туку се користат како полнење. Ги гледаме истите луѓе кои и покрај неисполнетите ветувања се уште сакаат да владеат. Не ги сакаме веќе овие личности кои претставуваат ниско ниво на театар. Ќе го скршат парламентарниот систем“, изјави таа. Според неа, „политичката елита“ ја сочинуваат луѓе водени од лични стимулации, па затоа не можат да се обединат околу јавниот интерес.

The post Во Бугарија нов обид на народните избраници да изберат претседател на Парламентот appeared first on Република.

 И третиот обид за избор на претседател на бугарскиот Парламент е неуспешен. По историски долга пауза – од среда попладне до четврток наутро пратениците повторно гласаа, но сепак не постигнаа консензус.

По гласањето, привремениот спикер Вежди Рашидов им даде едночасовна пауза на бугарските парламентарци и истакна дека по паузата ќе ја имаат последната шанса да го изберат првиот човек на парламентот.

За функцијата во моментов има четворица кандидати – Росен Желјазков од ГЕРБ-СДС, Петар Петров од Преродба, Кристијан Вигенин од БСП и Јордан Цонев од ДПС. На вонреден брифинг синоќа политичката партија  „Продолжуваме со промената“ ја повлекоа својата номинација – на Никола Минчев.

Во вториот круг стигнаа Јордан Цонев и Росен Желјазков, но ниту еден од нив не доби повеќе од половина од гласовите на присутните пратеници.

Подготвени сме повеќе да не го номинираме нашиот кандидат за претседател на 48. Народно собрание. Ова пред новинарите на маргините на Собранието го изјави Десислава Атанасова од ГЕРБ-СДС, јави БТА.

The post И третиот обид за избор на спикер на бугарскиот Парламент е неуспешен appeared first on Република.

Ситуацијата без преседан го остави новото Народно собрание на Бугарија без спикер. Без успех беше и вториот обид за избор на нејзин претседател, јавува дописникот на МИА од Софија.

До ваква состојба дојде откако кандидатот на ГЕРБ, Росен Жељазков, и Никола Минчев од „Промените продолжуваат“ не успеаја да ја соберат поддршката на повеќе од половината од пратеници на Народното собрание на Бугарија за да застанат на чело на парламентот.

За Жељазков гласаа само пратениците од ГЕРБ и ДПС кои собраа 103 гласа. И Никола Минчев ја зголеми поддршката во однос на првото гласање од 74 на 98 гласа. Дополнителните дојдоа гласовите од БСП откако нивниот кандидат Кристијан Вигенин отпадна во првиот круг.

Пратениците од „Бугарски подем“ на поранешниот бугарски в.д. премиер Стефан Јанев гласаа воздржано, и покрај тоа што најавија дека ќе го подджат кандидатот на ГЕРБ , Росен Жељазков. Според бугарските медиуми, меѓутоа, и 12-те гласа на партијата на Јанев немаше да бидат доволни за негов избор.

Ова што се случува во Народното собрание на Бугарија е првпат пратениците да не можат да го изберат претседателот на парламентот на земјата.

За избор на претседател на парламентот е потребно барем еден од двајцата кандидати да собере 50+ еден од присутните пратеници во 48. Народно собрание на Бугарија.

The post И по вторпат Бугарите останаа без спикер appeared first on Република.

Нов скандал беснее во бугарскиот парламентот. Се покажа дека и втор амбасадор не бил добредојден на свечената средба што ќе го отвори 48-то Национално собрание на 19 октомври 2022 година.

Покрај руската дипломатка Елеонора Митрофанова, пратениците прашаа и дали и претставникот на Македонија треба да влезе во Народното собрание, откако како што велат тие „нашата национална химна беше исвиркана на фудбалски натпревар во Скопје“.

Ова доведе до жестока дискусија за време на прелиминарниот состанок за деталите од почетниот состанок, распределбата на местата во салата, просториите во парламентот и резиденциите на одделенијата. Згора на тоа, Скопје има нов амбасадор и вака пречекот ќе ги наруши односите меѓу двете земји.

Пред да се конституира парламентот и да се создадат пратеничките групи, се е во рацете на администрацијата на Народното собрание, коментира Росен Костурков, од „Продолжуваме со промената“.

Денеска на иницијатива на Демократска Бугарија ќе има нова средба на која ќе се допрецизира ставот на Митрофанова и амбасадорот на РСМ.

Единствена тема за која досега немаше несогласувања е доделувањето на одделенски станови на пратениците, коментира учесник на средбата.

The post Бугарски пратеници бараат македонскиот и руски амабсадор да не бидат поканети на конститутивната седница на бугарскиот парламент appeared first on Република.

Претседател на политичката партија „Преродба“, Костадин Костадинов во бугарскиот Парламент кажа дека иднината на Бугарија и Македонија е една, односно тоа е една заедничка држава.

„Иднината на Бугарија и Македонија е една, тоа е една заедничка држава. За тоа треба да се бориме сите ние, затоа ви го дадов примерот од 1941 година. Една заедничка држава, обединета Бугарија со Македонија, а не членство во ЕУ“, вели Костадинов.

Костадинов вели дека влезот на Македонија во ЕУ нема да го реши проблемот.

„Тоа нема да ни го реши проблемот. Затоа што ако Македонија влезе во тој свет, тогаш македонскиот јазик ќе стане официјален во ЕУ. И кога некој од нас ќе почне да зборува на дијалект, ќе треба да му објаснуваме дека тоа не е бугарски, туку е македонски“, кажа Костадинов.

The post Костадинов: Иднината на Бугарија и Македонија е една – тоа е една заедничка држава appeared first on Република.

Националното собрание му даде мандат на кабинетот да го одобри францускиот предлог за PCM. Ова е првиот чекор кон добивање зелено светло за укинување на ветото и почеток на преговори меѓу РС Македонија и ЕУ. Бугарија усвои четири услови за влез на Македонија во Унијата- ефикасно имплементирање на Договорот за добрососедство, гаранција за правата на Бугарите во Македонија преку нивното вклучување во Уставот како државотворен народ, дека ништо во пристапниот процес на Македонија нема да биде протолкувано како признавање на македонскиот јазик од страна на Бугарија, и европски гаранции дека бугарските услови ќе биде исполнети.

Европратениците го усвоија францускиот предлог со 170 гласови за, 37 против и 21 воздржан.

Темата беше поставена како прва точка на дневниот ред на Националното собрание на петочната седница.

Сега предлогот мора да биде прифатен од Советот на министри, кој ќе го испрати во Брисел.

The post Бугарското собрание го одобри францускиот предлог за Македонија, но постави и услови appeared first on Република.

Пратениците од пратеничката група „Преродба“ како и гостите на балконот од пленарната сала во бугарското Народно собрание подигнаа транспаренти со натпис: „Македонија е Бугарија“, а претседавачот на седницата Атанас Атанасов побара да ги тргнат за да не мора да ги земе и да ги избрка надвор од салата.

Овие транспаренти испечатени на листови беа декор на говорот на претседателот на Преродба Костадин Костадинов кој од собраниската говорница го искритикува меѓудругото и предлогот на Макрон и француската политика на Балканот:

-Целта на Макрон не е да го реши бугарското национално прашање и проблемите туку да си ги реши неговите внатрешни проблеми зошто на националните избори загуби истовремено и од левицата и од десницата и бидејќи завршува француското претседателство треба да заврши со некаков надворешнополитички медал, да покаже победа. Тоа е како на времето Австроунгарија што се фалела со победите на Балканскиот полуостров каде единствено можела да победи. Па Франција како една опаѓачка голема сила очигледно нема со што да се пофали освен да каже дека успеала да ја замолчи Бугарија, рече Костадинов.

Тој распали и по Србија дека тамошните разузнавачки служби преку Макеоднија работат против Бугарија, но и по Албанија, посебно навреден од албанскиот премиер Еди Рама кој вчера со ироничен тон и навреди се обрати кон нивната земја.

-Се обидоа партиите ГЕРБ, ДПС, Продолжуваме со промената и Демократска Бугарија да направат зделка со Македонија. Со Македонија зделка не можеме да правиме. Кога и да сме се обиделе да направиме зделка со нив сме завршувале со национална катастрофа. Секогаш било така. Правата национална катастрофа е што тргнавме да ја делиме Македонија со Србија, ама да не ви држам историски час. Макрон сакаше да направи реформа во ЕУ за да се прескокне бугарското вето за Македонија, рече Костадинов пред пратениците кои истакнаа транспаренти дека ГЕРБ, ДПС, ПП и ДБ се национални предавници.

На крајот од својот говор пред пратениците Костадинов истакна:

-Македонија е Бугарија, Бугарија е Македонија. Македонија е Тракија. Македонија е Добруџа и ние никогаш нема да дозволиме бугарскиот национален интерес да биде предаден, зошто две национални катастрофи истрпевме заради тоа што нашата бугарска власт ја даде и предаде Македонија и сега стигаме до трета национална катастрофа, дециден е Костадинов чија партија Преродба денеска нема да гласа за резолуцијата за Македонија во бугарското собрание.

The post Македонија е Бугарија – бугарските пратеници со транспаренти на седница appeared first on Република.

Народно собрание на Бугарија денеска се очекува да расправа за усвојувањето одлука со која се одобрува предлогот на француското претседателство со Европската Унија за преговарачката рамка за Македонија и Албанија.

Ова следува откако вчера членовите на Комисијата за надворешни работи на бугарското Собрание три и пол часа дебатираа за трите предложени решенија за решавање на македонско-бугарскиот спор. По дебатата, Комисијата синоќа го усвои предлогот од лидерот на „Демократска Бугарија“ Христо Иванов, за решение на односите меѓу Софија и Скопје.

Како што јави БГНЕС, предлогот е усвоен со гласовите на ГЕРБ и ДПС, а документот што е изгласан се базира на францускиот предлог. Партиите „Има таков народ“, БСП и „Преродба“ рекоа дека нема да ја поддржат одлуката бидејќи се разликува од она што досега го усвои бугарскиот Парламент. Воедно, од ИТН посочија дека дебатата во Комисијата е беспредметна, оти премиерот на Македонија, Димитар Ковачевски веќе го одбил предлогот.

Со францускиот предлог се предвидува Националното собрание да ѝ даде мандат на Владата да го одобри предлогот на француското претседателство за измени на нацрт-преговарачката рамка и да го укине ветото против РСМ.

Предлогот на „Демократска Бугарија“ предвидува тоа да се направи под 4 услови:

1.пречистување на текстот за да се обезбеди влез на Бугарите во Уставот на Македонија;
2. ништо во процесот на пристапување на Скопје во Европската унија не може да се толкува како бугарско признавање на постоењето на „македонски јазик“;
3. да се осигура дека добрососедството останува хоризонтален критериум до крајот на преговорите на Скопје со ЕУ;
4. периодичното разгледување на имплементацијата на договорот за соседство да биде јавно објавено во преговарачкиот процес.

The post Народното Собрание на Бугарија денеска ќе расправа за францускиот предлог appeared first on Република.

До овој момент нема закажана седница на Комисијата за надворешни работи на бугарскиот Парламент на која ќе се разгледува бугарскиот предлог за решавање на спорот меѓу Бугарија и Македонија, јави дописникот на МИА од Софија.

Како што пренесува Бугарската национална телевизија (БНТ), парламентарната комисија ќе биде свикана најверојатно во четврток.

Членови на комисијата од владејачката коалиција, според БНТ, оценуваат дека гаранциите кои ги дава тој документ се добри за Бугарија – според нив Скопје треба да преземе ангажман пред ЕУ да го промени Уставот и да ги впише Бугрите како државотворен народ, и ако Македонија не го направи тоа, нема да има преговори со ЕУ и соодветно на тоа нема да биде кренато ветото.

The post Засега нема закажана седница на бугарската собраниска комисија на која ќе се разгледува францускиот предлог appeared first on Република.

Францускиот предлог за одлука за ветото на Бугарија за почеток на преговорите на Македонија за членство во ЕУ е испратен до Комисијата за надворешни работи на бугарското собрание, пишува БНР повикувајќи се на два независни извори од парламентот.

Француската амбасадорка во Бугарија Флоренс Рубин вчера се сретна со пратениците од Групата за пријателство со Франција во собранието. На оваа средба се разговараше за документот. Се расправаше и за тоа дали органите на власт го имаат потребното мнозинство да го прифатат, пишува бугарскиот медиум.

Подоцна, копретседателот на ДБ, Христо Иванов, на маргините на парламентот објасни дека ќе биде успех за Бугарија доколку Скопје се согласи да ги прифати бугарските услови и ЕУ стане гарант за нивното спроведување.

Во средата, Советот на министри одлучи сите предлози за преговорите со Македонија, освен сегашната бугарска позиција, да бидат одобрени од бугарското собрание.

Пред една недела токму оваа тема стана причина за заминувањето на владејачката коалиција од ИТН, а лидерот на партијата Слави Трифонов постапките на премиерот Кирил Петков ги оцени како национално предавство.

Македонскиот политички врв се’ уште немал увид во документот, а неофицијално, според информациите предлогот содржи вклучување на бугарските услови во преговарачката рамка.

The post Францускиот предлог за ветото стигна во бугарското собрание appeared first on Република.

Атмосферата во бугарското Собрание беше ептен напната, објавија бугарските медиуми.

Пратеникот Искрен Митев кажа дека е јасно кој го предал народот, а притоа мислеше на Костадин Костадинов, претседателот на „Преродба“.

Веднаш почнаа со навреди и закани пратениците, а за среќа беше избегната тепачка.

https://youtu.be/3lnZRv1Mu9U

The post Овој е идиот, ќе му го скршам носот! Напната атмосфера во бугарското Собрание appeared first on Република.