Бугарското Министерство за надворешни работи, во врска со знамињата на средбата меѓу македонската претседателка Гордана Сиљановска Давкова и бугарскиот претседател Румен Радев во петокот во Софија, вели дека посетата не била официјална.

Од Министерството за бугарската Нова, велат дека бугарскиот амбасадор во Скопје вчера бил повикан на разговор во Министерството за надворешни работи и надворешна трговија на Македонија, како што се наведува, „поради посетата на претседателката на Република Македонија на Софија на 13 септември и коментарите во јавноста во врска со фотографиите од средбата“.

Посетата беше по повод културниот настан - гостувањето на Националната опера и балет на Република Македонија во Софија и нема карактер на државна, официјална или работна посета. Во вакви случаи, протоколарната практика не предвидува интонирање химни, поставување на други државни знамиња, како и други протоколарни атрибути. Горенаведеното било посочено и од амбасадорот Радуков вчера во неговиот разговор со дипломатите од Министерството за надворешни работи на Република Македонија, велат од бугарското МНР.

Оттаму додаваат дека „водени од желбата за добрососедски односи и останувајќи последователни во политиката за поддршка на отворен дијалог со партнерите од Република Македонија, од бугарска страна беа упатени покани до министрите, кои ја придружуваа претседателката Сиљановска-Давкова, за средби со нивните хомолози. За жал, поканата од министерот за надворешни работи, Иван Кондов, до министерот за надворешни работи и надворешна трговија, Тимчо Муцунски била одбиена“.

Бугарскиот амбасадор вчера беше повикан во МНРНТ, каде му била изразена загриженост поради отстапувањето од договорениот протокол за фотографирањето на двајцата претседатели, при што е побарано дополнително објаснување од бугарската страна. Додека бугарскиот претседател Радев вчера кажа дека „посетата не била ниту државна, ниту работна“, премиерот Христијан Мицкоски истакна дека „кога ќе се помине црвената линија, тогаш треба и да се реагира“, затоа што, како што нагласува „ ако не реагирате, тој исклучок потоа ќе стане пракса“.

По дипломатскиот пропуст со неистакнувањето на македонското знаме на средбата на претседателката Гордана Сиљановска Давкова со Румен Радев на средбата во петокот во Софија, од македонска страна беше најавена протестна нота до бугарскиот амбасадор во земјава Желјаско Радуков. Радуков, кој вчера попладне беше повикан во македонското МНРНТ, одбил да ја прими протестната нота. Како што потврдија вчера за МИА од Министерството, бугарскиот амбасадор ја одбил протестната нота, со чија содржина бил запознаен усно од страна на директорот што го водел разговорот.

Министерот за надворешни работи и надворешна трговија Тимчо Муцунски, во однос на средбата на претседателката Сиљановска-Давкова со бугарскиот претседател Румен Радев во Софија, кажа дека очекува извинување од Бугарија и не би сакал да се разочара од соседот.

The post Бугарското МНР за знамињата на средбата меѓу Сиљановска Давкова и Радев: Посетата не беше официјална appeared first on Република.

Бугарско Mинистерство за надворешни работи(МНР), соопшти дека идеите на македонскиот премиер Христијан Мицкоски за повторно преговарање на рамката само ќе го оддалечат Скопје од ЕУ.

Потсетуваат дека европскиот консензус постигнат во летото 2022 година меѓу 27-те земји-членки на ЕУ и Македонија јасно го опишува чекорите за постигнување вистински напредок во евроинтегративниот процес на соседната земја.

Додаваат дека принципот на едногласност во процесот на проширување на ЕУ е вграден во Договорот за Европската унија и е вграден во преговарачките рамки на сите досегашни и сегашни проширувања.

„Потсетуваме дека како резултат на непотребните провокации и конфронтации со соседните земји, Cеверна Македонија веќе изгуби премногу време во процесот на отворање на пристапните преговори. Неприфатлива е наведената намера на новата влада на Cеверна Македонија да го отфрли легитимното барање на дел од сопствените граѓани да ги гарантира правата и слободите на еднаква основа со сите други заедници во Cеверна Македонија, вклучително и преку нивно вклучување во Уставот на соседната земја. Подеднакво неприфатлива е и наведената намера на Cеверна Македонија да не се придржува до меѓународните обврски и потпишаните договори. Ваквиот став е некомпатибилен со напредокот на европскиот пат. Остава сериозна загриженост дека во својата политика кон Бугарите и Бугарија, актуелната влада во Скопје ризикува да биде заробена од догмите на една минато време, отфрлена од сите демократски општества. Бугарската позиција е јасно наведена во Одлуката на Народното собрание од 24 јуни 2022 година, поддржана од сите политички сили. Тоа е израз на волјата на бугарските граѓани да ја поддржат Cеверна Македонија во процесот на исполнување на критериумите за членство во ЕУ, под услов соседната земја да се придржува до највисоките стандарди во областа на човековите права и да ги исполни меѓународните обврски преземени во добро вера“, соопштија од бугарското МНР.

Додаваат дека позицијата на национално ниво нема да се менува.

Според Мицкоски, доколку има политичка волја и вистинско читање на нештата, промена на преговарачката рамка со ЕУ е можна.
Бугарија претходно го блокираше почетокот на преговорите на Македонија со ЕУ.

The post Бугарско МНР: Нема да има предоговарање на рамката appeared first on Република.

Бугарското Министерство за надворешни работи на Твитер профилот упати честитка за празникот Илинден на Македонија.

Честит Национален празник на Cеверна Македонија! Заедно го чуваме сеќавањето за подвигот на борците за слобода и рамноправност. Заедно гледаме кон заедничката иднина - Европската Унија, пишува бугарското МНР на Твитер.

Претходно, претседателот Румен Радев упати честитка до својот македонски колега Стево Пендаровски по повод државниот празник на Република Македонија, Илинден - Денот на Републиката, соопштија од прес-службата на шефот на државата.

Бугарскиот претседател во честитката истакнал дека годинава се навршуваат 120 години од „Илинденско-Преображенското востание – величествен и значаен настан од заедничкото историско и културно минато на Бугарија и Република Македонија“.

Целта и саможртвата на хероите од Илинденско-Преображенското востание е еден од мостовите низ времето што ги поврзува двете земји и нивните граѓани, наведува шефот на бугарската држава.

The post „Заедно го чуваме сеќавањето за подвигот на борците за слобода и рамноправност“: Бугарското МНР ни го честита Илинден appeared first on Република.

Компромисот за европската перспектива на Македонија, договорен во 2022 година, јасно ги наведе условите што земјата кандидат мора да ги исполни, како пред целосното отворање на преговорите, така и за време на целиот преговарачки процес. Ова се наведува во официјалниот одговор од бугарското МНР до бугарски „БГНЕС“ како одговор на прашањето за европската интеграција на Македонија.

„Компромисот опфаќа три посебни, но меѓусебно поврзани елементи – заклучоците на Советот на ЕУ од јуни 2022 година, преговарачката рамка на Македонија и билатералниот Договор за добрососедство од 2017 година и мерките за негова имплементација (наведени во Записникот од состаноците на Меѓувладината комисија за член 12). Овој компромис е прифатен од сите земји членки на Унијата, тој е на сила, што повторно го потврдија сите земји членки во нивните заклучоци од декември 2022 година и договорите преку неа механизмот има европски, а не билатерален карактер“, нагласуваат од бугарското МНР.

„Постигнувањето членство во ЕУ е долг процес со многу чекори, во кој земјата кандидат постепено се приклучува кон почитувањето на европските принципи и примената на стандардите на Унијата во секоја сфера од нејзиниот политички, социјален и економски живот. Еден од предизвиците со кои се соочува Македонија е да се решат проблемите со правата на Бугарите и со развојот на добрососедските односи со Бугарија. Надминувањето на ова ќе се оценува во евроинтеграцискиот процес на Скопје како еден од критериумите утврдени во преговарачката рамка. Пред тоа, земјата-кандидат мора да започне целосни преговори за членство, што е целосно зависно од вклучувањето на Бугарите во нејзиниот устав“, стои во соопштението. „Министерството за надворешни работи редовно ги информира бугарските партнери во ЕУ и европските институции за состојбата во односите со Македонија, вклучително и кршењето на правата на Бугарите во соседната земја, што е дел од Копенхашките критериуми за членство во ЕУ “, порачуваат од официјалната бугарска дипломатија

The post Бугарско МНР: Има јасни европски услови за Македонија appeared first on Република.

„Министерството за надворешни работи со зголемена загриженост ги следи случувањата во  Македонија поврзани со обидите за ограничување на правото на здружување на Бугарите во земјата“.

Вака ја коментира бугарското МНР одлуката на македонското министерство за правда да издаде негативно мислење за употребата на името на бугарскиот клуб Ванчо Михајлов во Битола поради тоа што се асоцира со фашизмот и е провокативно, јавува БГНЕС.

Оваа реакција следува откако владина комисија вчера се изјасни против клуб со името на фашистичкиот соработник оти тоа ги навредува чуствата на Македонците

The post Ќе биде ли ова изговор за ново вето? Бугарското МНР се жали дека власта во Скопје го забрани „Ванчо Михајлов“ appeared first on Република.

Бугарското Министерство за надворешни работи попладнево излезе со реакција за денешното одбележување на годишнината од раѓањето на Гоце Делчев.

Во соопштението објавено на нивната веб – страна се посочува дека денешното одбележување на 151 – годишнина од раѓањето на Делчев не придонесе за унапредување на добрососедските односи и дека ќе биде забележано оти македонските власти не им дозволиле на бугарски граѓани да му одадат почит на великанот.

-Во периодот по 1991 година, Република Бугарија постојано покажува искрена желба за развивање на добрососедски односи со Република Македонија. По потпишувањето на Договорот за пријателство, добрососедство и соработка во 2017 година, беше воспоставена практика за заедничко одбележување на историските личности од нашата заедничка историја, како што без сомнение е и Георги (Гоце) Николов Делчев, се посочува во соопштението.

За жал, као што се наведува, одбележувањето на 151-годишнината од неговото раѓање не придонесе за надоградување на билатералните односи помеѓу Софија и Скопје.

-Со длабоко жалење констатираме дека 04.02.2023 година ќе влезе во историјата како датум на кој властите во Македонија, со крајно неубедливи причини и со прекршување на уверувањата дадени однапред, не им дозволија на бугарските граѓани да му оддадат почит на делото и животот на Делчев. Министерството за надворешни работи го дефинира денешното однесување на владата во Македонија како понижувачко и неприфатливо кон бугарскиот народ и Република Бугарија, се вели во соопштението.

Ваквите дејствија, како што стои, Софија ги оценува како неисполнување на обврската да се обезбеди непречен пристап за сите добронамерни граѓани кои сакаат да му одадат почит на големиот револуционер.

-Ова, заедно со несакањето делегациите на Бугарија и Македонија заеднички да положат венец, претставува отстапување од воспоставените добри практики и ги поткопува напорите на Република Бугарија со цел зајакнување на добрососедството. Денес, дејствата на властите во Македонија нанесоа сериозна штета на процесот на враќање на довербата, и покрај напорите на премиерот Галаб Донев, кој во сложена ситуација иницира процес на деескалација и вицепремиерот за јавен ред и безбедност и министер за внатрешни работи Иван Демерџиев, кој го посети Скопје токму за таа цел на 30 јануари оваа година, како и неговата посета денес, се наведува во соопштението.

Според информацијата со која располага бугарското Министерството за надворешни работи досега е дека на граничните премини од македонска страна на бугарските граѓани со часови не им се дозволувал влез на територијата на Македонија поради аргументи од техничка природа. Потоа, како што се наведува, некои од бугарските граѓани добиле официјални одбивања да влезат на територијата на Македонија, додека други се вратиле поради долгите часови на чекање.

-. Меѓу оние кои се погодени од овие рестриктивни мерки има и новинари, за кои основата била „закана за јавниот ред, националната безбедност, јавното здравје или за меѓународните односи на Република Македонија", наведуваат од бугарското МНР.

Оттаму посочуваат и дека има информации за насилство од страна на граничните власти на Македонија и оти истовремено, во Скопје бил направен „исклучително изненадувачки, но неуспешен обид за ограничување на бројот на лицата во бугарската официјална делегација за време на нејзиното обожување во црквата Св. Спас“.

Бугарскиот министер за надворешни работи разговарал со амбасадорката на Македонија во Софија Агнеса Руси со барање за враќање на слободата на движење.

-Истото прашање повеќе пати беше покренато во Скопје од страна на вицепремиерот и министер за внатрешни работи Иван Демерџиев. Уште еднаш констатиравме дека изјавите и уверувањата што ги добивме од претставниците на властите во Македонија не одговараа на ситуацијата на терен. Овој пристап на никаков начин не придонесува за конструктивен и добронамерен дијалог, посочуваат од бугарското МНР.

Во врска со информациите за уапсените бугарски државјани, Амбасадата на Република Бугарија во Скопје официјално се обратила до локалните власти со барање за дополнителни информации, иако ваквите информации, како што се посочува во соопштението, требало веднаш да бидат испратени од страна на властите.

-Тие се очекува да бидат обвинети по итна постапка постапка, наведуваат од бугарското МНР.

Министерството за надворешни работи во Софија апелира до бугарски граѓани кои писмено биле одбиени да влезат на територијата на Македонија да го информираат Министерството со цел да ги преземе потребните дејства преку дипломатски канали и да ги информираат меѓународни партнери.

-Ве потсетуваме дека слободното движење на луѓето е еден од основните принципи на функционирањето на ЕУ. Покрај тоа, ова е конкретна мерка за зајакнување на добрососедски односи. Ако е потребно, Бугарија е подготвена да обезбеди техничка помош за да се обезбеди непречено функционирање на граничниот контролен пункт. Најмалку двајца искрени партнери се потребни за воспоставување добрососедски односи. Се потешко е во однесувањето на властите во Скопје да се препознае вистинска желба за градење на потребната доверба, пријателство и соработка, се посочува во денешната реакција на бугарското МНР за чествувањето на роденото на Гоце Делчев.

The post Им пречи што немало заеднички венец: Бугарското МНР не е задоволно од одбележувањето на роденденот на Гоце Делчев appeared first on Република.

Бугарија го повика својот амбасадор во Република Македонија, Ангел Ангелов, на консултации во главниот град.

„Причината за неговото привремено враќање во земјава е сериозната состојба во однос на правата на Бугарите во Македонија и ескалацијата на дејства и злосторствата од омраза против нив во последните месеци: подметнување пожар во културниот центар „Иван Михаилов“ во Битола во јуни 2022 година, три последователни напади на зградата на организацијата „Цар Борис Трети“ во Охрид, вклучително и пукање со огнено оружје на 24 ноември 2022 година, агресивната антибугарска кампања на социјалните мрежи во Македонија, бруталниот напад на 19 јануари, 2023 година на Христијан Пендиков, секретар на организацијата „Крал Борис Трети“ во Охрид, како и донесување во ноември 2022 година на дискриминаторскиот Закон за фондации и здруженија во Македонија“, соопшти Министерството за надворешни работи на Република Бугарија.

Целта на консултациите е да се разговара за можностите за запирање на опасниот тренд на зголемен притисок врз граѓаните на Република Македонија со бугарска самосвест и за изгледите за понатамошен развој на билатералните односи.

The post Бугарскиот амбасадор во Скопје повикан на консултации во Софија поради случајот Пендиков appeared first on Република.

Македонската амбасадорка во Софија Агнеза Руси Поповска е повикана во бугарското Министерство за надворешни работи за да ѝ биде врачена протестна нота поради инцидент во Охрид во кој бил физички нападнат граѓанин на тој град со чувство на бугарска припадност и секретар на пробугарската организација „Цар Борис Трети“.

https://republika.mk/vesti/crna-hronika/vo-ohrid-pretepan-sekretarot-na-bugarskiot-klub-tsar-boris/

Најавата ја објави агнецијата БГНЕС и во неа се вели дека станува збор за кривично дело врз „македонскиот Бугарин“ кој со тешки повреди бил примен во болница. Бугарското МНР го објави својот став полн со критики кон Македонија.

Министерот за надворешни работи на Бугарија, Николај Милков реагирал телефонски до македонскиот колега Бујар Османи, од кого, како што пишува бугарската агенција, добил уверување за потребна помош од локалните власти.

Привремениот раководител на Генералниот конзулат на Република Бугарија во Битола и екипа од бугарската Амбасада во Скопје се во контакт со повредениот државјанин и се испратени во Охрид, наведува агенцијата.

Во текстот на БГНЕС се вели дека бугарската држава со месеци упорно го потенцира своето очекување властите во Македонија да преземат итни и ефективни мерки против сериозната ескалација на злосторствата од омраза и манифестации против Бугарите во земјата.

Бугарската страна сè уште нема добиено официјални информации за истрагата и спроведувањето на правдата во врска со неодамнешните напади, вклучително и за пукањето со огнено оружје, врз организацијата Цар Борис III од крајот на 2022 година. За жал, нападот на 19 јануари годинава. е индикативен пример за тешките последици од системското отсуство на адекватна реакција и посветеност од страна на Македонија, вклучително и неможноста да ја исполни својата основна заложба - да ја гарантира безбедноста на сопствените граѓани“, се вели во ставот на бугарското Министерството за надворешни работи.

Бугарија, како што се вели натаму, очекува надлежните органи во Македонија да преземат итни активности за откривање, изведување пред лицето на правдата и казнување на сторителите на кривичното дело, имајќи ја предвид сериозноста на делото.

Плурализмот, недискриминацијата, толеранцијата и еднаквоста меѓу луѓето се универзални принципи кои ги поврзуваат европските демократски општества. Очекуваме земјата која ја декларира својата желба да биде дел од Унијата заснована на слобода, демократија и владеење на правото, да вложи доследни и реални напори за исполнување на своите заложби поврзани со заштитата и гарантирањето на човековите права. За жал, последниве месеци сме сведоци токму на спротивните трендови во општеството во Македонија. Постоењето на проблеми со правата на Бугарите во Македонија не може да продолжи да се негира и од локалните власти и од меѓународните партнери. Очигледно тоа само води кон нивно продлабочување и е неспоиво со членството во Европската Унија“, наведува бугарското министерство.

The post Бугарското МНР со протестна нота поради претепувањето на секретарот на бугарскиот културен клуб во Охрид appeared first on Република.

Јавните изјави со кои се навредува или провоцира Македонија се апсолутно неприфатливи и контрапродуктивни и тие не го претставуваат официјалниот став на бугарската држава и не можат да се толкуваат како такви, соопшти бугарското Министерството за надворешни работи.

Како што се наведува во соопштението објавено на веб-страницата на бугарското МНР, Министерството ја потврдува својата категорична позиција оти политичарите и јавните личности од Бугарија и Македонија имаат одговорна улога во градењето доверба и развивање на добрососедски односи меѓу двете земји, како и во намалувањето на тензиите во јавноста.

– Имајќи ја предвид заедничката историја што ги поврзува двете земји, одбележувањето на заедничките историски настани и личности, како што е годишнината од смртта на Мара Бунева, треба да доведат до зајакнување на довербата и добрососедството, се вели во соопштението на бугарското МНР.

Според Министерството, како што јави БТА, во исто време, не помалку опасни за билатералните односи се и апелите на „маргиналните партии во Македонија против бугарските политичари и јавни личности кои се залагаат за заштита на правата на Бугарите во Македонија и проектите за зближување на луѓето меѓу двете земји“.

– Ваквиот пристап има очигледна цел да создаде дополнителна тензија во билатералните односи во интерес на кругови кои не се заинтересирани за европската интеграција на Република Македонија. Добрососедските односи со нашите пријатели во Скопје ќе се градат со дијалог, а не со забрани, се додава во соопштението на бугарското МНР.

The post Наместо да се извини за однесувањето на Џамбаски, Бугарија ни порача да не заборавиме дека имаме заедничка историја appeared first on Република.

Вработените во бугарското Министерството за надворешни работи од денеска почнуваат со штрајк поради ниските плати.

Вработените во секторот денеска ќе одат на работа, но нема да ги извршуваат службените задачи, изјави за БТА претседателот на Синдикатот на државните службеници од Дипломатските служби Мартин Колев.

Според него, во моментов не е планирано да протестираат пред министерството. Колев потсети дека официјалните лица тоа го направиле во средата. Просечната плата во тоа бугарско министерство е од 800 до 1.000 лева, објавија локални медиуми. Платите на вработените во МНР треба да се зголемат за 30 отсто. Тоа му го предложил бугарскиот министер за надворешни работи Николај Милков на вршителот на должноста премиер Галаб Донев.

The post Во бугарското МНР почнаа штрајк со барање за зголемување на платите appeared first on Република.

Бугарското Министерство за надворешни работи категорично го осуди, како што се наведува, сериозното кривично дело во кое беше употребено огнено оружје врз Клубот на граѓани со бугарска самосвест „Цар Борис III“ вчера во Охрид.

Како што јави дописникот на МИА од Софија, според објавата на Министерството, бугарскиот генерален конзул во Битола Димитар Иванов бил во посета на Охрид и воспоставил контакт со членовите на здружението и надлежните институции во градот инволвирани во случајот.

Ова е трет напад врз клубот Цар Борис III за помалку од два месеци. Претходниот напад беше извршен пред само два дена, за што бугарското МНР испрати вербална нота до амбасадата на Македонија во Софија.

Бугарското МНР, се додава, ја нотира реакцијата на Министерството за надворешни работи на Македонија, но, се посочува, категорично не прифаќаат „вакви тешки кривични дела да се дефинираат како вандалски чин“.

Властите во Софија, како што пренесува дописникот на МИА, очекуваат надлежните органи во Македонија „во најкраток можен рок да преземат мерки за откривање и изведување пред лицето на правдата на сторителите на злосторството врз клубот „Цар Борис Трети““.

По тој повод, денеска во Министерството за надворешни работи на Бугарија, на средба ќе биде повикана амбасадорката на Македонија, Агнеза Руси-Поповска, на која ќе ѝ биде врачена протестна нота.

Македонското Министерство за надворешни работи синоќа го осуди оштетувањето на стаклото на бугарскиот клуб „Цар Борис Трети“ во Охрид кое се случило вчера, оценувајќи го како вандалски чин.

Ваквите настани се целосно неприфатливи, можат да загрозат човечки животи, и ги засилуваат ретроградните процеси кои се во спротивност со европските интеграции на земјава, се наведува во реакцијата за МНР.

The post Бугарија: Нападот врз клубот не е вандалски чин, туку кривично дело appeared first on Република.

Бугарското Министерство за надворешни работи со особено внимание ја следи, како што наведува, „кампањата на опозицијата во Република Македонија против бугарските клубови и нејзино инструментализирање за внатрешно политички цели“, изјави бугарскиот заменик-министер за надворешни работи Костадин Коџабашев.

Како што јави дописникот на МИА во Софија, според Коџабашев, вакво однесување е единствено во корист на фактори или трети страни, кои имаат интерес да ја попречат европската интеграција на Македонија.

Коџабашев ги коментираше измените и дополнувањата на Законот за здруженија и фондации и на Законот за политички партии во Македонија, наведувајќи дека властите во Софија стравуваат дека со нив може да се ограничи правото на здружување.

Тој истакна дека со законските измени се воведува нова комисија за имиња на личности, прашувајќи кој ќе има контрола врз ставовите на комисијата, дали се обезбедува правото на обжалување на нејзините одлуки, какви се критериумите од кои комисијата ќе се води во својата работа.

Коџабашев исто така наведе дека сега претстои дали Владата во Скопје ќе го испрати Законот за здруженија и фондации за мислење до Венецијанската комисија.

-Бугарија смета дека ако се водело соодветно внимание и грижа за човековите права, таков важен предлог-закон требало претходно да се испрати на мислење, бидејќи сега во практика законот почна да се применува, додаде тој.

The post Бугарското МНР внимателно ги следи ставовите на македонската опозиција за затворање на бугарските клубови appeared first on Република.

Кога ќе стапи во сила Законот за здруженија зависи од тоа кога ќе биде објавен во Државниот весник на Република Македонија. Сигурно ќе се забранат клубовите, прашање е дали ќе се изнуди промена на името. Не можеме да одговориме на тоа бидејќи тоа ќе биде одлука на секој од овие клубови. Тие ќе имаат можност или да ги променат имињата или да си ги бараат правата преку суд. Бугарската држава ќе ги поддржи и во двата случаи.

Ова го изјавил главниот експерт во бугарското Министерството за надворешни работи Жељазко Радуков на редовниот брифинг со новинарите.

Дали Венецијанската комисија може да го запре спроведувањето на законот – практично не, затоа што – пред се, одлуките на Венецијанската комисија се советодавни, а не задолжителни. Второ, одговорна влада, кога оди да бара мислење од Венецијанската комисија, тоа го прави во моментот кога законот се уште е предлог закон, а не кога е веќе усвоен“, објаснил тој.

Во оваа смисла, ги сметаме за неодржливи сите уверувања што ги слушаме од Македонија дека Венецијанската комисија веројатно ќе го запре спроведувањето на овој закон, рекол Радуков, пренесе БГНЕС.

The post Бугарското МНР: Софија ќе ги поддржи бугарските клубови во Македонија appeared first on Република.

Бугарија отсекогаш настојувала да ги зајакне и продлабочи пријателството и добрососедските односи со Македонија. Бугарија вложи многу труд за да ја реализира оваа цел во последните години, се наведува во соопштение на бугарското Министерство за надворешни работи.

Како што пренесува дописникот на МИА од Софија, во оваа насока Министерството за надворешни работи на Бугарија нагласува дека секакви јавни изјави со кои се навредува или провоцира другата страна се апсолутно неприфатливи. Тие, се посочува, не го претставуваат официјалниот став на бугарската држава и обидите да се претстават како такви се неточни и знак на лоша волја.

Без оглед на бројните провокации против Бугарија и особено кон Бугарите во Македонија во последните месеци, бугарското Министерство за надворешни работи смета дека ваквиот говор е неприфатлив и крајно контрапродуктивен.

-Ваквите изјави не се во интерес на Бугарите во Македонија. Тие го одвлекуваат вниманието на јавноста од правичниот и легитимен стремеж на бугарската заедница за еднакви граѓански права, особено за слободно здружување и одбрана на нивното културно и историско наследство, се наведува во ставот на Софија.

Согласно духот на Договорот за пријателство, добрососедство и соработка од 2017 година меѓу Бугарија и Република Македонија, тие ги повикуваат политичарите и јавните личности од двете страни на границата да ги насочат своите напори и пораки за поддршка на процесот на обновување на довербата и воспоставување добрососедски односи.

The post Бугарско МНР: Сите јавни изјави што ја навредуваат или провоцираат другата страна се апсолутно неприфатливи appeared first on Република.

Бугарското министерство за надворешни работи го осуди исвиркувањето на бугарската химна на фудбалскиот натпревар меѓу репрезентациите на Македонија и Бугарија во Скопје.

Во изјавата на портпаролот на бугарското МНР и заменик министер за надворешни работи, Костадин Коџабашев, се наведува и дека „говорот на омраза кон Бугарија и Бугарите од трибините на националниот стадион во Скопје е недвосмислена негација на основните вредности на современите демократски општества и е во контраст со европските принципи и норми на однесување“.

Во соопштението се наведува и дека бугарското МНР ја зема предвид реакцијата на Министерството за надворешни работи на Македонија, кое го осудува говорот на омраза за време на фудбалскиот натпревар и истовремено ги повикува официјалните власти во Скопје да го направат тоа што е неопходно за искоренување на „антибугарската агресија во јавниот простор на земјата“.

Бугарското МНР потсетува и дека со Договорот од 2017 година и билатералните протоколи потпишани во 2019 и 2022 година, двете земји категорично се залагаат за преземање ефективни мерки против говорот на омраза. Исто така, се посочува дека зачувувањето на напредокот постигнат во последните месеци во политичкиот дијалог бара ваквите настани засекогаш да станат дел од минатото, за двете земји да отворат нова страница во односите, засновани на меѓусебно почитување и почитување и добрососедство.

The post Бугарското МНР го осуди исвиркувањето на химната во Скопје appeared first on Република.

Министерството за надворешни работи на Бугарија во соопштение ја охрабри мешовитата Комисија за историски и образовни прашања  да продолжи поинтензивно со своите напори со цел завршување на нејзините работи за сите периоди од заедничката историја согласно со член 8 став 2 од Договорот за пријателство и добрососедство и соработка.

Во согласност со договорите од Протоколот според чл. 12 од Договорот за пријателство, добрососедство и соработка, потпишан на 17 јули 2022 година, Министерството за надворешни работи на својата официјална страница го објави Записникот од првиот состанок на Меѓувладината комисија од чл. 12, одржана на 10 јуни 2019 година.

Во соопштение на бугарското МНР се наведува дека со Протоколот потпишан во 2019 година, владите на Република Бугарија и на Република Македонија, ги прифатиле предлозите на Заедничката мултидисциплинарна експертска комисија за историски и образовни прашања за заедничко одбележување на следните личности од заедничката историја на двете земји: Св. Кирил и Методиј, Свети Климент, Свети Наум и Цар Самоил, како и општи начела и белешки за содржината на учебниците за V одделение во Република Бугарија и VI одделение во Република Македонија Праисторија и стара историја).

Во Протоколот од чл. од 12 јули 2022 година, пишува МНР на Бугарија, беше договорено во рок од еден месец двете страни официјално да ги објават сите резултати и препораки од досегашната работа на Мешовитата комисија за историски и образовни прашања.

-Објавувањето на предлозите за 2019 година одобрени од владите е важен чекор кон информирање на јавноста во двете земји за резултатите од работата на Комисијата. Така, се создава потребната основа за да се продолжи со практично спроведување на друг договор од Протоколот според чл. 12 јули 2022 година – договор за календар на заеднички прослави за периодот 2022-2023 година за петте заеднички историски личности. МНР и се заблагодарува на Мешовитата комисија за историски и просветни прашања за досегашната активност и ја охрабрува поинтензивно да продолжат со своите напори, со цел да се заврши работата на сите периоди од општата историја, согласно чл. 8 ст. 2 од Договорот за пријателство, добрососедство и соработка, стои во соопштението на бугарското МНР.

The post Бугарското МНР е многу задоволно што ги добиле Цар Самоил, Кирил и Методиј и Климент и Наум, ја поттикнува комисијата да продолжи со работа appeared first on Република.

Во посебна декларација, дистрибуирана пред неколку минути, од страна на Министерството за надворешни работи на Бугарија, Софија укажува дека упатувањето во документите на ЕУ на официјалниот јазик на Република Македонија во никој случај не треба да се толкува како признавање на „македонскиот јазик“ од страна на Република Бугарија пишува порталот БНТ.

Декларацијата со бугарската позиција ќе биде земена предвид од Советот на ЕУ, пишува порталот. Таа била презентирана пред постојните претставници во Брисел при самото гласање за преговарачката рамка за Скопје.

Во декларацијата се наведува и дека:

Бугарскиот литературен јазик има шест регионални писмени норми (кодификации). Три од нив се засновани на дијалекти, а три на литературен бугарски јазик.

Создавањето на „македонскиот јазик“ во 1944-1945 година во поранешна Југославија беше чин на секундарна кодификација (ре-кодификација) заснована на бугарскиот литературен јазик, дополнително „збогатен“ со локални форми, со што се симулираше „природен“ процес заснован на дијалектна форма.

Со мерки во три документи – Рамка за преговори, заклучоци на Советот и билатерални протоколи – Бугарија утврдува мерки за строго спроведување на Договорот за добрососедство од 2017 година од Скопје, што ЕК ќе го следи.

„Повикувајќи се на став 7 од Заклучоците на Советот за [Проширување – Македонија и Албанија] од (јули 2022 година),

Повикувајќи се на став 22 од Преговарачката рамка за пристапување на Република Македонија во ЕУ и нејзиното повикување на официјалниот јазик на Република Македонија, согласно нејзиниот Устав, како јазик за превод на законодавството на ЕУ,

Со оваа декларација Бугарија го потврдува следново:

Бугарскиот литературен јазик има шест регионални писмени норми (кодификации). Три од нив се засновани на дијалекти, а три на литературен бугарски јазик. Создавањето на „македонскиот јазик“ во 1944-1945 година во поранешна Југославија беше чин на секундарна кодификација (ре-кодификација) врз основа на бугарскиот литературен јазик, дополнително „збогатен“ со локални форми, со што се симулираше „природен“ процес заснован на дијалектна форма.

Секое повикување на официјалниот јазик на Република Македонија во официјални/неофицијални документи/позиции/изјави и други на ЕУ и нејзините институции, тела, канцеларии и агенции мора да се разбере строго во согласност со Уставот на оваа земја и никако не се толкува како признавање од страна на Република Бугарија на „македонскиот јазик“.

Бугарија продолжува да се придржува до јазичната клаузула содржана во Договорот за пријателство, добрососедство и соработка, потпишан во Скопје на 1 август 2017 година помеѓу Република Бугарија и Република Македонија, за целите на билатералните договори/договори/меморандуми и други меѓу двете земји“, се вели во Декларацијата.

The post Бугарија објави Декларација во која се вели дека македонскиот јазик е дијалект на бугарскиот appeared first on Република.

Бугарскиот литературен јазик има шест регионални писмени норми (кодификации). Три од нив се засновани на дијалекти, а три на литературен бугарски јазик. Создавањето на „македонскиот јазик“ во 1944-1945 година во поранешна Југославија беше чин на секундарна кодификација (ре-кодификација) врз основа на бугарскиот литературен јазик, дополнително „збогатен“ со локални форми, со што се симулираше „природен“ процес заснован. на дијалектна форма.

Ова го наведува прес-центарот на бугарското МНР пред утрешната средба во Брисел каде Македонија наместо отворање на преговорите како Албанија ќе добие услов да ги внесе Бугарите во македонскиот Устав пред вистинки да почне да преговара со ЕУ.

https://republika.mk/vesti/makedonija/ushte-edna-protokolarna-sopka-se-krie-od-javnosta-sudbinata-na-car-samoil-i-sv-kiril-i-metodij-e-sodrzana-vo-protokolite-na-istoriskata-komisija/

The post Бугарското МНР ги поздрави Османи и Ковачевски: Македонскиот јазик се заснова на бугарскиот литературен јазик, „збогатен“ со локални форми appeared first on Република.

Министерство за надворешни работи на Бугарија соопшти дека е подготвено да продолжи со потпишувањето на Протоколот, согласно член 12 од Договорот за пријателство и добрососедство со Република Македонија.

Како што јави дописникот на МИА од Софија, ваквото соопштение на бугарското МНР следи по вчерашната одлуката на Народното собрание на Бугарија со која се дава зелено светло на предлогот на француското претседателство за почеток на преговорите за пристапување на Македонија во ЕУ.

Во соопштението на Министерството се вели дека „е време одговорните фактори во Република C. Македонија не со зборови, туку со дела, да ја покажат својата посветеност и желба за сопствената и европската иднина на регионот“.

Брзината со која Република Cеверна Македонија ќе пристапи кон членство во Европската Унија зависи од неа и нема да се одложи доколку земјата ги исполни преземените обврски во однос на европските вредности и добрососедските односи - се наведува во соопштението на бугарското Министерство за надворешни работи.

The post Бугарското МНР е спремно да го потпише Протоколот според член 12 од Договорот за добрососедство appeared first on Република.

Бугарското министерство за надворешни работи уште еднаш ги разобличи лагите на македонскиот шеф на дипломатијата Бујар Османи.

Откако најпрво тврдеше дека го нема видено францускиот предлог па денеска велеше да ги види бугарските услови па ќе коментира, бугарското МНР беше побрзо.

Оттаму бараат  да се потпише билатералниот протокол (составен од историски, образовни услови и идентитетски прашања), како што бил преговаран / усогласен меѓу двете министерства за надворешни работи.

Today🇧🇬Parliament took a decision in support of WB in the #EU We have not added any new requests to Skopje& stand ready to approve holding of the first political IGC as soon as our friends from🇲🇰sign the bilateral protocol,as discussed by the ministers of foreign affairs @MFA_MKD

— MFA Bulgaria (@MFABulgaria) June 24, 2022

The post Бугарското МНР го откри Османи дека лаже: Бара да се донесе протоколот што тој го договарал appeared first on Република.