Вo Ниш е основан и регистриран „Културно-информативниот центар“ на бугарското малцинство во земјата, јавува Гласпресс. Центарот е регистриран  како невладино здружение, за реализација на различни цели на полето на зачувувањето на националниот идентитет на бугарското малцинство во Република Србија.

Во текот на изминатите месеци основната активност на здружението беше создавање услови за работа на КИЦ, изнаоѓање на канцеларија, како и нејзино опремување.Центарот ќе  реализира  различни проекти од областа на културата, туризмот и спортот.

The post „Бугари ушли у Нишу“: Отворен бугарски културен центар во Ниш appeared first on Република.

„Јас сум прилепчанец, кој себе си се чувствува како Бугарин од Македонија. И бидејќи во Прилеп има многу Бугари, а кои поради свои лични причини и мислења, не го искажуваат својот став за етничката припадност, одлучив Здружението на Бугарите „Југ“ да го регистрирам во Прилеп. Целта на ова Здружение не е да прерасне во Клуб, туку институционално да се бориме против дискриминацијата на малцинствата во Македонија“, вели за Алфа, претседателот на Здружението на Бугарите „Југ“, Зоран Мрсески, кој одамна не живеел во Прилеп.

Мрсески изјавил дека е македонски Бугарин кој живее и ќе живее во Македонија.

„Видете, јас сум македонски Бугарин. По потекло сум Бугарин, сум пораснал во Македонија и планирам да живеам во Македонија. Не може тоа мене никој да ми го оспори како јас ќе се чувствувам, нели, тоа си е мое лично демократско право, како и на секој еден граѓанин. Ние во нашето Здружение имам членови од сите етнички заедници“, вели Зоран Мрсески.

По однос на поплаката која што тој и неколку негови истомисленици од Македонија пред неколку дена ја упатија во Софија пред пратениците од парламентарната Комисија за Бугарите во странство дека Бугарите во Македонија биле систематски дискриминирани, дури тој однос споредувајќи го со војна, Мрсески вели дека тоа се однесувало на насилствата кои се случиле во Битола и Охрид.

„Сите знаеме што се случи во Битола, сите знаеме што се случи во Охрид и вие како новинари не го осудивте тој чин. Видете насилството мора да се осуди од било која етничка заедница да се прави насилство..во тој случај, значи едноставно се води војна против Бугарите“, – објаснува Мрсески.

Запрашан за тоа како Македониците се чувствуваат во Бугарија, ако се знае со какви проблеми тие се соочуваат таму и колку се обесправени, Мрсески се прогласи за ненадлежен да го коментира тоа, препорачувајќи Македонците во Бугарија тоа да си го решавале со бугарската држава, како што тој, како Бугарин тоа го правел со македонската држава.

Инаку, откако вчера Алфа откри дека во Прилеп веќе седум месеци постои Здружение на Бугарите, прилепчани бурно реагираа на социјалните мрежи. Според нивните коментари, зачестеното отворање на бугарски здруженија и клубови во Македонија, била тивка окупација на македонските градови.

Здружението на Бугарите „Југ“ во Централниот регистар е регистрирано во мај годинава, со седиште на улицата „Максим Горки“ бр. 126, каде живеат родителите на Мрсески.

https://republika.mk/vesti/makedonija/vo-prilep-otvoreno-zdruzenie-na-bugarite-postoi-vekje-sedum-meseci/

The post Мрсески: „Јас сум Бугарин од Македонија, а како прилепчанец, Здружението на Бугарите „Југ“ го регистрирав во Прилеп“ appeared first on Република.

Бугарскиот пратеник Костадин Костадинов на отворањето на Културно информативниот центар на Бугарија во Скопје го повтори радикалниот став дека Македонија е втора бугарска држава, односно треба да бидеме една држава која ќе се протега од Црно Море до Охридско езеро.

Се разбира, Македонија е втора бугарска држава. Секој Бугарин во Бугарија ја сака Македонија, ние сме еден народ, зборуваме еден јазик и имаме заедничка култура. Јас ништо не ве убедувам, имате глава на рамењата. Јас ви велам, ли како да се чувствувате? Зошто тогаш на луѓето тука кои сакаат да се чувствуваат како Бугари им забранувате така да се чувствуваат? Со вас зборувам еден ист јазик, се разбираме. Јас немам против да чувствувате како Македонци – рече тој.

Во центарот на Скопје Костадинов и неколкумина негови колеги од партијата ја негираа македонската посебност и историскиот факт дека тогашна фашистичка Бугарија не окупирала, а не не ослободила како што сметаат тие.

Бугарија и Македонија воделе војна, кога било тоа? Имавте ли држава во Втората светска војна? Дајте ми документи каде што има окупација. Тука се создадени комитети кои ги пречекале бугарските војски. Кој ги избрка германските војски, нашите војски ве ослободиле. Документите тоа го велат - истакна тој.

The post Костадинов со нова провокација од центарот на Скопје: Македонија е втора бугарска држава appeared first on Република.

ТВ24 објави дека на 25 ноември во Скопје се отвора државен културен центар на Бугарија, но под тоа име – затоа што е таква практиката кога станува збор за културни центри зад кои стои државата.

Инаку, во Софија, веќе со години работи државен културен центар на Македонија, изјавиле за ТВ24 високи допломатски извори.

Оттука, овојпат не е на сила досегашната пракса на именување на контроверзни личности со фашистичко минато – како Ванчо Михајлов, Цар Борис, Фердинанд.

The post На 25 ноември во Скопје се отвора државен културен центар на Бугарија?! appeared first on Република.

Министерството за надворешни работи на Република Бугарија му врачи протестна нота на привремениот шеф на Амбасадата на Република Македонија во Софија, Владимир Крстевски, по повод пожарот во Центарот за култура „Иван Михајлов“ во Битола, соопшти бугарското МНР.

На вонредната средба што се одржа денеска во МНР, заменик-министерката за надворешни работи Велислава Петрова изрази загриженост и најостро го осуди делото извршено од непознати лица, поради што е причинета материјална штета на објектот. Беше истакнато дека ваквите вандалски акти не се само израз на национална омраза и нетрпеливост кон невладините организации како важен дел од граѓанското општество, туку се во сериозен судир и со демократските вредности и принципи на современиот цивилизиран европски систем.

Бугарската страна е убедена дека инцидентот во Битола не придонесува за развој на пријателството, добрососедството и соработката и е спротивен на напорите на владите на двете земји да го најдат вистинскиот пат за европска интеграција на Република Македонија, пренесува БГНЕС.

The post Бугарија му врачи протестна нота на македонскиот амбасадор appeared first on Република.

Министерот за надворешни работи Бујар Османи и неговата колешка од Бугарија, Теодора Генчовска на денешната работна средба, заеднички остро го осудија инцидентот во Битола.

https://republika.mk/vesti/makedonija/makedonskite-vlasti-go-osudija-palenjeto-na-centarot-vancho-mihajlov-vo-bitola/

Како што истакнаа Османи и Генчовска, двете министерства ќе продлжат да наоѓаат заемно прифатливи решенија и да ги унапредуваат билатерталните односи помеѓу двете земји.

Разговорите протекоа во пријателска и конструктивна атмосфера во функција на продолжување на дијалогот меѓу двете министерства за надминување на отворените билатерални прашања согласно Договорот за пријателство, добрососедство и соработка и унапредување на евроинтеграцискиот процес на Македонија, информира МНР по средбата.

Османи уште еднаш најостро го осуди, какош што вика вандалскиот напад, овојпат преку водеопорака на Фејсбук.

Најостро го осудуваме вандалскиот напад кон здружението „Иван Михајлов“ во Битола.
Ваквиот акт е доказ дека многу актери се против постигнувањето на напредок во дијалогот меѓу Македонија и Бугарија и нашата заедничка европска иднина, вели министерот за надворешни работи Бујар Османи во обраќањето.

Разговорите ќе продолжат и утре, а, како што истакнува МНР, дополнително ќе се интензивираат во периодот кој претстои „во насока на изнаоѓање заемни решенија за остварување на споделената цел за унапредување на европската иднина на Македонија“.

Средбата која беше дел од дводневната работна посета на Генчовска во Македонија, се одржа во присуство на тимовите на министерствата од двете страни. мч/мд/

The post Бујар Османи цел ден најостро го осудува „вандалскиот напад“ на здружението „Ванчо Михајлов“ во Битола appeared first on Република.

Ковачевски и СДСМ да не глумат загриженост пет ден по настанот, да кажат зошто дозволиле формирање на клубот Ванчо Михајлов, велат во соопштение ВМРО-ДПМНЕ.

Ковачевски и СДСМ не можат да ги манипулираат граѓаните. Пет дена молчеа за отворањето на клубот Ванчо Михајлов во Битола, за кога видоа дека јавноста е целосно против фашистичките тенденции да излезат со наводни осуди.

Ковачевски и СДСМ дозволиле формирање на клуб со името Ванчо Михајлов, тие знаеле и дека Петков ќе дојде на отворање на истиот, и молчеа во надеж дека се ќе помине без поголема реакција на јавноста. Ковачевски и СДСМ се организатори на срамот кој го претрпе Македонија и Македонците.

Ковачевски и СДСМ да не глумат загриженост, туку веднаш да побараат писмени гаранции за македонскиот идентитет, јазик историја, пред се поголемите налети на фашизам на кои сме сведоци, стои во соопштението.

The post Ковачевски и СДСМ да не глумат загриженост пет дена по настанот, да кажат зошто дозволиле формирање на клубот Ванчо Михајлов appeared first on Република.

САД јасно ставија до знаење дека даваат силна поддршка за влез на Македонија во ЕУ, изјавија од Стејт департментот откако бугарска делегација предводена од премиерот Кирил Петков во Битола присуствуваше на отворањето на културен клуб со името на соработник на фашистичкиот режим „Ванчо Михајлов“.

Изјавата беше даден по прашање од МИА како САД реагираат на постапката на бугарската делагација предоводена од Петков на отварањето на културен центар именуван по контраверзна личност која соработувала со нацистичка Германија од времето на Втората светска војна, што не е во прилог на решавањето на тековните проблеми меѓу С Македонија и Бугарија.  

САД јасно ставија до знаење дека даваат силна поддршка за влез на Македонија во ЕУ, изјави портпарол на Стејт департментот.

Слично денеска изјави и Габриел Ескобар, заменик-помошник државен секретар за европски и евроазиски прашања и специјален претставник на САД за Западен Балкан. Во телефонски разговор со македонскиот министер за надворешни работи, Бујар Османи, Ескобар ја истакна од потребата за што поскоро надминување на разликите меѓу двете земји и старт на преговорите со ЕУ.

The post СД по посетата на Петков и Јотова: САД даваат силна поддршка за влез на Македонија во ЕУ appeared first on Република.

The post ЕК: Свесни сме дека Ванчо Михајлов е висококонтроверзна фигура во Македонија appeared first on Република.

Поранешниот амбасадор Мухамед Халили вечерва во дебатниот магазин „Click Plus“ на ТВ21 посочи дека црната дамка не било отворањето на бугарскиот клуб „Ванчо Михајлов“, туку изјавите на потпретседателката на Бугарија, Илијана Јотова дека нема понатамошна интеграција на Македонија во Европската Унија доколку пред јуни не бидат ставени Бугарите во македонскиот Устав.

Според него, и во Бугарија има лица кои се декларираат како Македонци и мора да се признае тоа чувство безразлика дали зависи од бугарскиот Устав.

Тој вели дека за мешање во внатрешноста на државата може да се смета и доаѓањето на бугарскиот премиер Петков во Битола.

The post Халили: Доаѓањето на Петков и Јотова во Битола е мешање во внатрешните работи appeared first on Република.

Вонредно обраќање на премиерот Димитар Ковачевски доцна вечерва по однос бугарската делегација во Битола и отворањето на клубот чие име го носи „Ванчо Михајлов“.

Од првиот ден на мојот мандат како премиер, реков дека не отстапувам од тоа разговорите меѓу Македонија и Бугарија да се водат достоинствено и во духот на европските вредности. Кон оваа определба се придржувавме цел овој период. Реализиравме конкректни заеднички проекти, ги подобривме односите и го намаливме говорот на омраза.

За жал, со последната посета на бугарската делегација во Битола се разбудија духовите од минатото поттикнувајќи го повторно говорот на омраза и недовербата против кои успешно се боревме. Оттука, целосно го разбирам и чувствувам гневот на граѓаните во изминатите денови.

Нашата држава ја стекна својата независност по Втората светска војна во која граѓаните учествуваа во антифашистичката народно ослободителна војна. Антифашистичката определба на граѓаните е дел од нашиот национален идентитет со кој се гордееме во демократска Европа.

Македонските граѓани се определени за членство во ЕУ, но провокации кои ги повредуваат нашите чувства како граѓани ја загрозуваат таа определба.

Република Македонија е суверена држава и имаме должност да го чуваме нашето достоинство. Имаме стратешка цел за влез во ЕУ, но достоинствено со својата национална гордост и посебност.

Верувам дека треба да продолжиме и да работиме на зајакнување на дијалогот и унаредување на односите меѓу двата народи до конечно решавање на спорот. Но, за тоа да биде успешно, ниедна од страните не смее да прави чекори назад. Не смееме да дозволиме постојано враќање кон минатото и потези кои значат еднодневна политичка корист, а долгорочна штета на кревките односи кои ги градиме.

Република Македонија ќе ги продложи реформите во сите области со кои ќе ја подготвиме земјава за полноправно членство во Унијата. Тоа се процеси кои ги водиме за наше добро, за развој на нашата земја и подобри услови за граѓаните, рече Ковачевски.

https://www.youtube.com/watch?v=UeUyirR5QrM&t=120s

The post Вонредно обраќање на Ковачевски: Со последната посета на бугарската делегација во Битола се разбудија духовите од минатото appeared first on Република.

Ламбе Арнаудов

Деновиве, мојот прекрасен роден град Охрид беше брутално пислослан, изгнасен од несмасните шовинистичко-фашизоидни изјави на една непресметлива политичарка во која е вграден и фашистички но и болшевистичко живковистички код, денес непримерен и неприфатлив во животот што го живееме на овие клети балкански простори. Дури и ако се прашуваат луѓето, а не политичарите, такво нешто и НИКОГАШ немало.
Госпоѓо Јотова, во однос на создавање нација, универзалното право на самоопределување, човечки права и слободи, самоизјаснување и демократија, ти си сé уште во ПРВО одделение и тоа неколкукратен повторувач.
Сама себе се негираш со својата изјава, а и грубо го навредуваш твојот народ, кога правиш споредба за состојбите во Бугарија и Македонија.
Зборуваш дека ние сме повеќенационално устроена држава и Уставот и Законите ни биле такви и потоа продолжуваш: Во Бугарија со ЗАКОН се забранети МАЛЦИНСТВА.
Со ова кристално јасно и потврдуваш и се согласуваш дека МАЛЦИНСТВА во Бугарија и те како ПОСТОЈАТ и ги има многу, ама сиротите се онеправдани и асимилирани од вашата фашизоидна шовинистичко надрасната и крајно неприфатлива осамена, срамна политика, смислена, поточно кажано турена во вашите празни глави.
Не оди подалеку од своето семејство. Со него ручаш, го делиш брачниот кревет, твојот почитуван сопруг кој исто така, од таквите како тебе, е асимилиран Бугарин, а е Грк или Влав, тој си знае ама нема што да прави.
Госпоѓо Јотова, јас никогаш како тебе, нема да го негирам постоењето на бугарскиот народ, ниту ми паѓа на памет да се сомневам во постоењето и посебноста на било кој народ, не ги осудувам и ги прифаќам чувствата на малиот број Македонски Бугари. Нивно право е да се чувствуваат така.
Но, госпоѓо Јотова во Македонија се изјасниле слободно демократски за Македонски Бугари, 0,2% од населението во Република МАКЕДОНИЈА.
Научниците хемичари, да те потсетам сигурно не знаеш, правејќи анализа на хемискиот состав на ПАТЛИЏАНОТ утврдиле дека во неговиот состав има и 0,2% маст.
Е, овие 0,2% не го прават свинска, овча, кравја или растителна МАСТ, тој си е 99,98% ПАТЛИЏАН.
Затоа госпоѓо Јотова те уверувам дека или сте вонземјани кои многу често за да го задоволите вашето преголемо ЕГО се прикажувате крајно будалесто или многу поверојатно сте фашисти што е потврдено, и во вашата национална историја и во севкупната светска историја и историографија.
Во светот имало и други фашистички народи, но сите се одрекнале од него за навек. За жал кај вас се возобновува, се доградува и функционира.
Не само кон нас МАКЕДОНЦИТЕ.
Нé има и во Бугарија и тоа многу.
Врати се половина век назад низ историјата. Благодарение на победата над фашизмот во Бугарија цела ПИРИНСКА МАКЕДОНИЈА беше МАКЕДОНИЈА со МАКЕДОНСКИ НАРОД кој зборува МАКЕДОНСКИ ЈАЗИК. Учеа, се образуваа на мајчин јазик и културно твореа и се воздигнуваа.
Првиот апокалиптички поход на озлогласениот болшевик Тодор Живков беше вперен уште од самиот почеток, приграбување на апсолутно автократски на власта во неговите раце, кон МАКЕДОНСКИОТ НАРОД во нашиот ПИРИН.
Бруталниот антимакедонски, шовинистичко асимилаторски и крајно неправеден и недемократски атак врз нашите сограѓани во ПИРИНСКА МАКЕДОНИЈА спречи тој дел да си биде составен со својата мајка МАКЕДОНИЈА.
Истото го направи и под РОДОПИТЕ со турското население, со влашкото згора преку Дунав, со грчкото на границата со Грција и со српското население.
Госпоѓо Јотова! Во Бугарија има многу МАЛЦИНСТВА. Секако МАКЕДОНСКОТО е најбројно. Што побргу тоа го сфатите полесно ќе се отрезните, оти тоа е благодат за Бугарија. Во спротивно многу скоро ќе се соочите со состојби кои не ви одат во прилог како држава полноправна членка на НАТО и ЕУ.
Постојано тврдите дека МАКЕДОНИЗМОТ е теорија на заговор на српско-шовинистичката комунистичка идеологија, особено зајакната по Втората светска војна против Бугарија, што е апсолутна невистина и голем БЛАМ за вас.
МАКЕДОНСКИОТ СЕПАРАТИЗАМ како што вие во Бугарија милувате да го наречете, што не е точно, туку е научно докажано самоосвестување на МАКЕДОНСКИОТ НАРОД против вашата прикриена и вешто пласирана лага за наводна грижа за Македонците и со право се нарекува МАКЕДОНСКА КАУЗА е започната и развивана токму во Бугарија пред повеќе од столетие и пол.
Ве прочитаа МАКЕДОНЦИТЕ.
Лажна е љубовта, секогаш била и сé уште трае интересот главен и основен, да нема МАКЕДОНЦИ во Бугарија, да нема МАКЕДОНЦИ во МАКЕДОНИЈА и да нема држава МАКЕДОНИЈА, зошто крајна цел ви е и нашата територија. Само сонувајте, ќе видиме која територија и на кого му припаѓа. Сигурно МАКЕДОНИЈА ќе ви остане само никогаш неисполнет СОН, а за другото ќе видиме, времето ќе покаже.
Ова декадентно живеење кај Балканските народи, и во Европа и сиот свет наскоро ќе биде заменето со многу похумано и подемократски организирани општества во кои луѓето ќе го живеат слободно во благосостојба, мирен и спокоен, животот што е должност на сите луѓе во светот.
Во тој благороден свет ќе нема место за предавници и кукавици.
Предавниците ќе бидат осудени со најстроги казни зошто ако не биде така, државата што им простува на предавниците ќе ја СНЕМА.
Хероите ќе ги прегазат кукавиците бидејќи колку и да е тежок, трнлив и болен нивниот пат, ТИЕ, ХЕРОИТЕ не се откажуваат за разлика од кукавиците кои пред најмалиот предизвик се кријат во глувчешки дупки, и дај Боже никогаш да не излезат.
Без нив светот ќе е многу ПОДОБАР.
НОВА РЕНЕСАНСА за НОВ ЖИВОТ.
Бугарија со вакво неконтролирано минато, без контрола и компас во сегашност е без шанси да ја контролира и иднината. Не припаѓа ни на ренесансата ниту пак на новиот свет.
Госпоѓо Јотова, навистина си првоодделенка, повторувачка повеќекратна и без контрола на ништо. Еве зошто.
Нација не се создава со укази, закони, декрети и Устав. Со нив демократските општества, напротив, го потврдуваат постоењето на народи и малцинства гарантирајќи ги, почитувајќи ги како меѓусебно еднакви и со исти права.
Нација се прави со векови, со мешање, со самоосознавање и истакнување на одредени особености, јазик, култура, творештво, трае со години, десетлетија и векови и никогаш не е посве чиста.
Тоа постои само во главите на малоумни, заведени, неспособни таканаречени елити, сите со заеднички именител - ФАШИСТИ.
Кој не го контролира минатото, тој не може да ја контролира ни иднината.
Лидерот ХРИСТИЈАН МИЦКОСКИ и ВМРО-ДПМНЕ, за среќа на МАКЕДОНИЈА, оваа исклучително значајна контрола ја има апсолутно содржано во својата идејна програма и за минатото и за иднината.
МАКЕДОНИЈА не е рамо за плачење.
МАКЕДОНИЈА има длабоки корени, исконско потекло, раѓала синови достојни да ја одбранат нејзината чест. Така било, така ќе биде сега и во иднина. И затоа е јака, силна, непобедлива.
А, за предавниците и кукавиците, повеќемина од нив, за жал, актуелни и поранешни премиери, претседатели и министри од МАКЕДОНСКИОТ НАРОД ќе бидат презрени и отфрлени, а и тие сами ќе се закопаат во јамата што ја отворија за МАКЕДОНИЈА.
МАКЕДОНИЈА ВЕЧНА!

The post Госпоѓо Јотова, народи кои немаат малцинства се вонземјани или фашисти appeared first on Република.

И актерот Владо Јовановски не може да се изначуди на високата бугарска делегација на чело со премиерот Кирил Петков на отворањето на клуб именуван по фашистичкиот соработник Ванчо Михајлов.

„’Умре последниот балкански вампир’!

Ова беше насловна страница на тогашна ‘Нова Македонија’ во 1990 година, по повод смртта на 94-годишниот Иван – Ванчо Михајлов. Контроверзна историска личност, која за време на Втората светска војна беше под директна заштита на неговите пријатели Хитлер, Мусолини и Павелиќ. Човек кој се бореше за Македонија како ‘Швајцарија на Балканот’, се разбира, без Македонци. Да не зборувам за стотиците убиени по негова наредба…

И што има заедничко неговиот лик и дело со културен центар и со библиотека? Како би ги зближило тоа македонскиот и бугарскиот народ? Ако утре добрососедски ни се наложи заеднички да го чествуваме Радко, ќе мораме ли да ги славиме и неговите покровители и идеолошки пријатели?

Срамно и тажно!

И да, не е последниот вампир!

За жал, има уште многу…

Се плашам дека нема толку глогови колци колку што има ‘вампири’!

На денешен ден Христос го воскресна четири дена починатиот пријател Лазар!

На ваков светол ден да се обидуваш да го повампириш темното минато, нешто не е нормално.

Дефинитивно, не сме пиеле од ист извор, немаме заедничка историја и не сме ист народ.

Да, ама за вакви и слични понижувања никој не ни е виновен.

Проблемот е во нас, Македонците!“, ќе заклучи Јовановски во објавата на Фејсбук.

The post Јовановски: Дефинитивно, не сме пиеле од ист извор, немаме заедничка историја и не сме ист народ appeared first on Република.

Тони Дескоски, професорот по меѓународно право на УКИМ, реагираше на денешната посета на бугарскиот премиер Кирил Петков кој во Битола ќе отвори клуб кој ќе работи во состав на културниот центар „Иван Михаилов“.

„Кој парадокс,

Дури и самиот Михајлов во 1944 се откажал од идејата да воспостави квислиншка фашистичка творба во Македонија, свесен за големиот народен отпор кон фашизмот и веќе извесниот пораз на Хитлеровата коалиција.

Да му се прави клуб на Хитлеровиот квислинг е обична спрдачина со НОБ и со антифашистичките традиции на Македонскиот народ. И ругање со слободарска Битола.

Очигледно нашите државни органи не си ја вршат работата. И да сме на јасно, ова не е проблем само на Бугарскиот премиер (иако тој би морал да е свесен дека Михајлов е Хитлеров и Павелиќев квислинг и да одбие да учествува во ваква ујдурма), туку е проблем на нашата држава.

Фашизмот ни се повампирува на голема врата, а никој не е надлежен. п.с. Очекувам следниот клуб на оваа дружина да го носи името на Мане Мачков“, напиша професорот на Фејсбук.

Освен Петков во бугарската делегација беа и потпретседателката на Бугарија Илијана Јотова, министерката за надворешни работи Теодора Генчовска и поранешната шефица на дипломатијата Екатерина Захариева.

The post Дескоски за клубот „Ванчо Михајлов“: Фашизмот ни се повампирува на голема врата, а никој не е надлежен appeared first on Република.

Денешната парада на бугарскиот државен врв во Битола, на отворањето на културниот центар „Ванчо Михајлов“ наиде на жестоки реакции на македонската јавност, но не и од македонскиот политички врв.

Сите земји на Балканот тендираат да имаат втора потенцијална држава. Србија во Р. Српска, Хрватска во Херцеговина, Албанија во Косово, Грција и Турција на Кипар, Романија во Молдавија.
Бугарите очајнички сакаат тоа да го направат со Македонија.
Само ние и Босна сме држави за сите народи, сите други се само свои, пишува Ивор Мицковски по посетата на Петков и Јотова на Битола.

The post Мицковски: Само ние и Босна сме држави за сите народи, сите други се само свои appeared first on Република.

The post Коњановски: Кога ќе добиеме покана за отворање македонски културен клуб во Бугарија, ќе знаеме дека се за добрососедство appeared first on Република.

Бугарскиот премиер Кирил Петков денеска во Битола ќе отвори клуб кој ќе работи во состав на културниот центар „Иван Михаилов“. Тој ќе биде придружуван од потпретседателката на Бугарија Илијана Јотова, министерката за надворешни работи Теодора Генчовска и поранешната шефица на дипломатијата Екатерина Захариева, кои, како што соопштуваат оттаму „ќе промовираат владини проекти на таа држава на кои ќе им претходи средба на Петков премиер со бугарски здруженија на граѓани во земјава“.

Во пресрет на посетата на Битола, Петков како прв бугарски премиер кој ќе престојува во градот, истакна дека во „делегацијата што ја предводи ќе има многу луѓе од различни партии што ќе дадат поддршка на бугарската заедница во Македонија, и кои ќе потврдат дека, како што рече, земјата треба да биде дел од Европа и дека двете страни ќе се движат во таа насока“.

Во Битола, пак, јавен протест за отворањето на клубот со „името на еден од најголемите експоненти на фашизмот и недвојбениот соработник на фашистичките главешини Хитлер, Мусолини, Анте Павелиќ и царот Борис III“, изразија од Сојузот на борците од Народноослободителната и Антифашистичката војна на Македонија 1941-1945 и граѓаните продолжувачи.

Тие велат дека со отворањето на овој клуб се врши промоција и рехабилитација на фашистичката идеологија, милитаризмот и антимакедонските политики од времето на Втората светска војна, се промовира историографски ревизионизам насочен кон негирање на Националноослободителната војна на македонскиот народ и нејзините придобивки во поглед на афирмација на македонскиот нациоинален индивидуалитет и македонската национална држава и се врши навреда на македонското национално донстоинство.

Протест од 13 часот најави и политичката партија Левица, поради „отворањето на клуб под името на еден од промоторите на фашизмот, империјализмот и антимакедонските политики“.

Да го зачуваме македонското национално достоинство и да не дозволиме рушење на интегритетот на државата, сабота во 13 часот на плоштадот Гоце Делчев пред Домот на Култура да се мобилизираме и го искажеме нашиот револт! Најстрого ја осудуваме дозволата за отворање на ваков клуб во Македонија, премолчувањето за ваквата иницијатива од страна на Владата на Република Македонија која индиректно поддржува рехабилитација на фашизмот, империјализмот и антимакедонизмот!, се вели во нивниот повик.

The post Протест во Битола за отворањето на клубот „Ванчо Михајлов“, освен Петков таму денес доаѓа и Захариева appeared first on Република.

Бугарскиот премиер Кирил Петков, заедно со потпретседателката на Бугарија Илијана Јотова, в сабота, на 16 април ќе ја посетат Битола, во организација на бугарската амбасада во земјава.

Средба на премиерот Димитар Ковачевски или некој владин претставник со бугарската делегација, министерот за надворешни работи Бујар Османи, денеска информираше дека се организира во рамки на новопланираниот далекувод на РЕК Битола што ќе ги поврзува Битола со Елбасан.

Со премиерот Петков договараме да има и официјална средба, но не можам да кажам дали ќе биде премиерот заради здравствената состојба, или некој од министрите на далекуводот Битола – Елбасан, а потоа тие ќе имаат свои ангажмани во Културниот центар во Битола во организација на Амбасадата на Бугарија, изјави Османи, одговрајќи на новинарски прашања на прес-конференција денеска во МНР.

Претходно, бугарските медиуми јавија дека Јотова на покана на Културниот центар „Иван Михајлов“ ќе го отвори новиот клуб на ова здружение во Битола, а на 17 април, таа ќе биде во посета на Охрид, каде што ќе го посети Дневниот центар за деца со аутизам. Проектот е финансиран од бугарската Влада како дел од програмата на бугарското Министерство за надворешни работи „Бугарска помош за развој“

The post Петков и Јотова в сабота во Битола ќе отворaaт нов клуб на КЦ „Иван Михајлов“ appeared first on Република.

Поранешната сопруга на секретарот на бугарскиот културен центар во Битола „Иван Михајлов“ го искршила стаклото од киоскот во негова сопственост кој го користел за продавање на свеќи и цвеќиња, лоциран на патот за накај црквата Света Недела во Битола.

Вчера од Културниот центар објавија дека е нападнат објектот на секретарот на Културниот центар Иван Михајлов во Битола. Тие соопштија дека случајот е пријавен во СВР Битола, но и во генералниот конзулат на Република Бугарија во Битола.

The post Поранешната сопруга на секретарот на бугарскиот културен центар во Битола „Иван Михајлов“ го искршила стаклото appeared first on Република.

Денеска наутро во Битола било искршено стакло од објектот што го користи секретарот на бугарскиот Културен центар „Иван Михајлов“, објавија од центарот.

„Повторно се наложува да си поставиме прашање дали е тоа само вандалски и криминален акт или станува збор и за нешто друго“, велат од Културниот центар.

За случајот тие пријавиле во СВР Битола и очекуваат сторителите да бидат откриени и санкционирани. Исто така, го известиле и генералниот конзулат на Република Бугарија во Битола.

The post Искршено стакло на бугарскиот Културен центар „Иван Михајлов“ во Битола appeared first on Република.