Само 62 македонски граѓани кои се декларираат како Бугари го искористиле своето право на глас за парламентарните избори кај источниот сосед, пренесуваат медиумите во Софија.И досега интресот за гласање беше слаб, но ова е рекордно ниска излезност кај граѓаните на Македонија кои поседуваат бугарски пасош.

Иако околу 100.000 Македонци поседуваат бугарски пасош само 3.500 на последниот попис се декларираа како Бугари.

Но, тоа не ги спречува властите да бараат промена на Уставот и влез на бугарското малцинство како услов Македонија да ги почне преговорите за членство во ЕУ.

The post Само 62 Бугари од Македонија гласале за изборите во Бугарија appeared first on Република.

Со една минута молк, бугарската амбасада во Скопје му оддаде почит на славниот бразилски фудбалер Пеле, кој почина на 82-годишна возраст.

Од Амбасадата порачаа дека Пеле беше најголемиот фудбалер на сите времиња.

Оттаму додаваат дека иако сега има други квалитетни играчи, Пеле беше првиот кој освоил три титули светски шампион.

https://www.youtube.com/watch?app=desktop&v=yLGQPW4YQAg

The post Со минута молк и фудбалска топка бугарската амбасада во Скопје му оддаде почит на Пеле appeared first on Република.

Бугарската амбасада во Скопје испратила нота до македонското министерство за надворешни работи, во која изразува длабоко жалење за како што велат, вандализмот по заедничката прослава на 150-годишнината од раѓањето на Гоце Делчев.

Во соопштението на бугарското МНР се вели дека по церемонијата во црквата Свети Спас биле скинати тробојните ленти од венците кои бугарската делегација ги положила на гробот на револуционерот.

Во нотата се наведува дека овој чин не придонесува за духот на добрососедството и напорите на двете страни за интензивирање на билатералниот дијалог.

Бугарската страна инсистира надлежните органи во Македонија да ги идентификуваат и казнат сторителите.

Вечерва стигна и реакција од македонското МНР, во која најостро се осудува ваквиот чин за време на прославата на годишнината од раѓањето на Делчев.

Министерството за надворешни работи на Република Македонија остро го осудува вандалскиот и немил инцидент кој се случи на денот на обележувањето на 150 годишнината од раѓањето на нашиот најистакнат револуционер Гоце Делчев, кој беше извршен од членови на навивачки групи, кои на нецивилизиран начин ги отстрануваа лентите од венците кои беа положени од страна на бугарските официјални претставници за време на оддавањето почит на гробот на Гоце Делчев.

За овој настан, министерството за надворешни работи официјално ја извести  Република Бугарија дека  надлежните институции на Македонија веќе ги презедоа сите потребни чекори и постапки со цел откривање на сторителите на овој немил инцидент, преку кој се прави обид да се фрли сенка на обележувањето и чествувањето на смртта на Гоце Делчев, на неговиот гроб, но и на угледот на нашата држава и на делегациите од Бугарија кои учествуваа на овој свечен чин на чествување  на оваа голема историска личност, значајна за сите нас.

The post Бугарската амбасада испрати протестна нота поради инцидентот на гробот на Делчев, МНР го осуди настанот appeared first on Република.