Полициски службеници од Полициска станица Кисела Вода вчера околу 14 часот во Скопје го привеле Б.Е.Г. (60) од Петрич, Република Бугарија поради сторено кривично дело „давање поткуп“ по чл.358 од КЗ.

Имено, Б.Е.Г. бил сопрен од полициските службеници откако сторил сообраќаен прекршок односно со товарно моторно возило „ивеко“ поминал на црвено светло на семафор, а откако полициските службеници му ја побарале сообраќајната дозвола и му укажале дека ќе му биде изречена глоба, Б.Е.Г. во сообраќајната дозвола ставил пари (евра) и рекол дека тоа го направил за да се почестат, односно да не му изречат глоба. Полициските службеници веднаш го лишиле од слобода Б.Е.Г. за сторено кривично дело „давање поткуп“ по чл.358 од КЗ, се вели во соопштението од МВР.

Од МВР, информираат дека е известен јавен обвинител и по документирање на случајот против Б.Е.Г. до ОЈО Скопје ќе биде поднесена кривична пријава по брза постапка.

The post Бугарин се обидел да поткупи македонски полицајци, тие го привеле appeared first on Република.

Во градот Кавала бил уапсен 35-годишен странски државјанин кој на јужната страна од пристаништето, го симнал грчкото знаме од јарболот, го фрлил и подигнал знаме на друга држава, соопштија од Крајбрежната служба на Грција, додека пак според медиумите станува збор за Бугарин, кој грчкото, го заменил со бугарско знаме, јави дописничката на МИА од Атина.

Според соопштението од Крајбрежната служба, веднаш откако ги сменил знамињата, 35-годишниот побегнал, не ги почитувал наредбите на пристанишните власти, давајќи силен отпор при апсењето и навредувајќи ги надлежните.

Грчката новинска агенција АНА-МПА пишува дека освен што ги навредувал надлежните извикувал дека конкретните области ѝ припаѓаат на Бугарија, а според информациите на агенцијата, ова е втор сличен инцидент за уапсениот, кој најверојатно е член на „екстремистичка организација која смета дека Кавала и грчкиот регион источна Македонија ѝ припаѓаат на Бугарија, а не на Грција“.

The post Бугарин уапсен во Кавала, од пристаништето го симнал грчкото и го закачил бугарското знаме appeared first on Република.

Туристот кој го врежа своето и името на неговата девојка на 2.000 години стариот Колосеум во видеото што го видоа милиони е Бугарин кој работи како фитнес инструктор во Велика Британија, откри „Дејли мејл“.

Иван Димитров (27), кој исто така се вика Иван Хокинс, беше фатен на камера од американскиот турист Рајан Луц како ги со клуч ги пишува имињата „Иван и Хејли 23“ на ѕидот на Колосеумот.

Иван со бугарско потекло минатиот викенд бил во Рим со долгогодишната девојка Хејли Брејси (33). Полицијата вети дека ќе го фати виновникот.

„Дејли мејл“ утврди дека Иван, кој по потекло е од Ловеч, работи како фитнес тренер во Бристол, како и возач на достава. Се верува дека Хејли води сопствен бизнис за спортска исхрана.

https://www.youtube.com/watch?v=OGYe1Z4EbQ0

The post Бугарин кој живее во Англија е туристот кој чкрташе на Колосеумот во Рим appeared first on Република.

Бугарин кој учествувал на наддавање организирано од бугарската Национална управа за приходи, платил за скап автомобил, но, како што вели – го добил без мотор.

Во документацијата пишувало дека автомобилот бил во многу добра техничка состојба, со 6-брзински менувач, јави Нова ТВ.

Имено, Даниел Николов најпрвин мислел дека дошло до недоразбирање. Откако се испоставило дека наместо на моторно возило, станал сопственик на нецелосен автомобил, мажот побарал да му бидат вратени парите. Меѓутоа, Управата одбила да му ги врати парите.

Одговорните, наместо тоа, го советувале дека треба да го прифати купениот автомобил и сам да си ги бара правата на суд.

The post Бугарин обвинува дека е измамен од државата откако купил скап автомобил без мотор на аукција appeared first on Република.

Додека македонските институции немо ги следат случувањата во домашната јавност околу отворањето на бугарските здруженија со контрадикторни имиња и немаат речиси никаков механизам да се справат со истите, бугарските ботови на интернет за разлика од македонската држава не уморно работат, пишува „Слободен печат“.

Имено, на денот кога Кирил Пејчиновиќ беше прогласен за светец од страна на поглаварот на Македонската православна црква-Охридска архиепископија г. г. Стефан во Преподобен Св. Кирил Лешочки во саботата, бугарските компјутерџии атакуваа на интернет енциклопедијата Википедија. Оваа најнова етапа на безмилосна бугаризација го зафати и идниот македонски светец Кирил Пејчиновиќ прогласувајќи го за бугарска верска фигура.

Во информациите објавени од бугарските интернет ботови на англиската верзија на Википедија која сега е насилно изменета, стои и дека тој е основоположник на модерната Бугарија и дека е една од историските личности кои низ времето се занимавале со промовирање и на раната бугарска ренесанса. На Википедија исто така стои запишано дека Пејчиновиќ го бранел „македонскиот“ идентитет, говорејќи на бугарски јазик во скопл на неговата татковина Бугарија.

Коментирајќи ги овие случувања екслузивно за „Слободен Печат“ Александар Пејчиновски кој всушност директен потомок на македонскиот преродбеник Кирил Пејчиновиќ вели дека тој е згрозен од оваа работа кој како што вели тој ја дознал по разговорите со своите пријатели.

Информацијата ја разбрав од блиските пријатели. Мојата реакција како и што всушност беше и нивната беше зачудувачка и непријатна. Тоа е така бидејќи овој атак врз делото на Кирил Пејчиновиќ дојде во моменти кога во Лешочкиот манастир со богослужба, со Света Божествена архиерејска литургија во тетовскиот соборен храм „Свети Кирил и Методиј“ се одвиваше процесот на прогласување на преподобниот Кирил Пејчиноновиќ за светител Кирил Лешочки. Едноставно кратко речено сум згрозен од самиот чин, посочува Пејчиновски.

Повеќе на „Слободен печат“

The post На денот кога Кирил Пејчиновиќ стана светец, за Софија стана Бугарин appeared first on Република.

Професор д-р Добринка Раичинова открива дека „рускиот претседател Владимир Путин имал бугарски корени“, пишува бугарски ko4.bg.

Неговото потекло е од градот Чипровци. Таа ја проучувала генеалогијата на лидерот Русија. Иречек во Историја на Бугарија споменува дека за време на востанието Чипровци (во 1688 година) едно момче од семејството Путин го преживеа масакрот во кој беа убиени сите благороднички семејства и нивните потомци, учесници и побегнал во Русија.

И ова момче се населило во Санкт Петербург. Претпоставувам дека со тоа што се оженил за Русинка, се создава семејството Путин, бидејќи јас не познавам друго семејство освен семејството од Санкт Петербург. Претпоставувам дека корените на ова семејство потекнуваат од овој прадедо, кој избегал од Чипровци, открива вонреден професор д-р Добринка Раичинова.

Затоа Владимир Путин е толку силно врзан за Бугарија, вели Раичиова.

The post Д-р Раичкова: Путин има бугарски корени, затоа толку е поврзан со Бугарија appeared first on Република.