Во 1119 година Бугари го основале во Болоња Првиот Универзитет во Европа на местото на куќата на Булгаро де Булгарис, наречен Златоуст, учен правник и учител.
Плоштадот пред неговата куќа до денес се вика „Бугарински плоштад“. На негово место е основан „Universitato Bulgaro“. Таму се гледаат семејните грбови на ALCEUS BULGARINI и ASCANIUS BULGARINO од Сиена, објави Фејсбук страницата „Грамотни“.

Во целосна независност од црквата, таму учат 10.000 студенти од цела Европа. За споредба, во Кембриџ, основан следниот век, учат 5.000 луѓе

Магнетизмот на „Universitato Bulgaro“ привлекува претставници на европската култура, како Томас Бекет, Данте Алигиери, Еразмо од Ротердам, Николаус Коперник..

Најстарата зачувана слика е од средината на 14 век и е бугарска. Знакот @ е симбол на ерата на Интернет, тој е клучен за електронската пошта и социјалните мрежи. До неодамна, никој навистина не знаеше од каде доаѓа, пишува Клер Бејтс на почетокот на своето истражување.

The post Првиот Универзитет во Болоња го основале Бугари? appeared first on Република.

Продолжуваат заканите од Бугарија, и тоа од политички активисти кои имаат забранет влез во Македонија. Последната е против новинарот на Канал 5 Александар Видиновски по објава на неговата репортажа со соговорници, Македонци од Мала Преспа во Албанија, во врска со пописот во Албанија во кој за прв пат се појавуваат како Бугари, и тоа од редовите на граѓани кои на претходните пописи се изјасниле како Македонци.

Според изјавите на Македонците од репортажата на Видиновски тоа е резултат на силна бугарска пропаганда во Албанија како и негрижа на државата Македонија за одржување културен идентитет на Македонците во Албанија.

Во својот коментар на репортажата бугарскиот политички активист Виктор Стојанов му се заканува на новинарот Александар Видиновски со кривичен прогон и со притвор. Да потстетиме, спомнатиот активист Виктор Стојанов, политички и финансиски е поддржан од бугарските власти и подолг период е поддржувач на бугарската пропаганда и во Македонија, каде што веќе една година му е забранет влезот во државава.

Заканата со кривичен прогон и притвор за македонскиот новинар Александар Видиновски од Канал 5 воопшто не е само вербална писмена закана затоа што во минатото таквите закани навистина предизвикале и правни последици.

Поранешниот министер за одбрана на Бугарија, Красимир Каракачанов, по вакви закани до бугарското обвинителство поднесе кривични пријави против тогашниот главен и одговорен уредник на Сител Драган Павловиќ Латас за вербален деликт.

Македонската Асоцијација на новинари, МАН, повикува на поддршка од страна на јавноста но, и на новинарската струка во Македонија, за новинарот Александар Видиновски и телевизијата Канал 5 во одбрана на неговите професионални права и поддршка за крајно професионално однесување во изработка и објава на спомнатата репортажа од Мала Преспа во Албанија.

Воедно, Македонската асоцијација на новинари МАН, во оваа прилика, дава поддршка за ваквите новинарски трудови, најценетите во новинарството, како што се репортажите и аналитичките осврти.

Канал 5 и Телевизија Алфа како и весникот Нова Македонија, од редот на медиумите, се најистакнатите примери за другите во областа на репртажите и политичките анализи и, поради тоа, најчесто на удар на неистомислениците кои немаат одговоир на изнесените факти туку се закануваат со прогони или насилства.

Ја имаат нашата, и поддршката од јавноста, во својата професионалност.

МАН - Македонска асоцијација на новинари

The post Случај Мала Преспа: Пропаганда или факти, закани или информација appeared first on Република.

Бугарите се поранешни Срби и Хрвати, тврди контроверзниот Мирољуб Петровиќ. Овој српски писател тврди дека Бугарите ја имаат фалсификувано својата историја.

Тука живееле Срби кои се помешале со Азијати и Ватикан ја формирал бугарската нација. Бугарите не го знаат своето потекло.Не можеме од луѓето да ја знаат својата историја кога не ја учеле.

Петровиќ тврди дека Бугарите имаат и хрватско потекло. Кан Ховрат по кого Хрватите го добиле името и кој живеел во седмиот век на територијата на денешна Бугарија. Бугарите дошле два века подоцна но го сметаат за свој херој. За Бугарите тој е Хан Кубрат.

The post Мирољуб Петровиќ: Бугарите се поранешни Срби и Хрвати appeared first on Република.

Бугарскиот претседател денеска упати порака до Србија дека патот на земјата кон ЕУ може да биде отворен само ако се почитувале правата на Бугарите кои живеат таму.

Бугарија е главниот мотор на европската интеграција на земјите од Западен Балкан, а основниот критериум со кој ќе дадеме поддршка е состојбата на нашите сонародници во секоја земја – условите за нивниот економски и социјален развој, а пред сѐ нивниот можност да го одбранат својот национален идентитет, јазик, култура, историска меморија. Со одбрана на правата и слободите на нашите сонародници во Република Србија и спротивставувајќи се на секакви обиди за посегнување на историската вистина, Иван Николов се етаблира како вистински морален столб, рече Румен Радев на свеченото доделување на Орденот „Стара Планина“ на истакнатата личност на бугарското национално малцинство во Србија и на претседателот на Културно-информативниот центар „Босилеград“, Иван Николов, соопштија од претседателската прес-служба.

Радев додаде дека ќе продолжи активно да работи со српското државно раководство за решавање на проблемите на Бугарите во Србија.

Бугарите во Србија и не само во Србија, денес ги доживуваат најтешките искушенија, од кои зависи дали ќе застанеме на опскурантистичката идеологија која не одвои од татковината и ја протурка границата низ цркви, гробишта, дворови и најстрашно – низ душите на луѓето, рече Иван Николов по доделувањето на орденот.

Бугарите во Србија живеат главно во две општини на југоситокот на државата – Босилеград и Димитровград. Според последниот попис од 2022 во Србија има 13.000 Бугари. Тие претставуваа 0,2 отсто од вкупното население во Србија. Бројката на Бугарите во Србија постојано се намалува од 1950-те до денес. Во 1953 имало 60.000 Бугари, а во 1991 – 26.700.

The post Ги има 0,2%: Радев се закани со вето на Србија ако не се почитуваат правата на Бугарите кои живеат таму appeared first on Република.

Бугарски диктат не можеме да прифатиме. Од друга страна ги гледаме дел од претставниците на меѓународната заедница кои велат ние сме гаранција дека ова ќе се спроведе, а ние велиме во ред од вас сме слушнале многу гаранции. Но, ајде да земеме да работиме и да бидеме конструктивни, уверете ги вие Бугарите дека тоа што е одлука на европска институција треба да се почитува, рече претседателот на ВМРО-ДПМНЕ, Христијан Мицкоски на прашање за одложено важење на евентуално прифаќање на уставните измени за време на гостување на централниот Дневник во „Тема на денот“ на телевизија Сител.

Мицкоски укажа дека внес на Бугарите во Уставот е диктат прифатен од оваа Влада укажувајќи како да се верува дека ова ќе е последно барање на патот на Mакедонија кон Европската унија.

Ако вие не можете да ја убедите Бугарија да почитува одлуки на европски институции, а Бугарија е потписник на Конвенцијата за човекови права како да веруваме. И ако вие не сте во можност да ја убедите Бугарија како да веруваме дека ова е последно барање и дека нема да има други барања. Ние бараме еден вид гаранција дека нема да има други барања и други понижувања - кажа Мицкоски.

Според Мицкоски, главно е што според Уставот права уживаат сите етнички заедници подеднакво.

И доаѓаме до главното нашиот Устав е таков да правата на секој граѓанин без разлика на етничка припадност е загарантирана. Нашиот Устав не завршува со тоа што се почитуваат правата на наведените туку на сите. Ние многу проголтавме изминатите години - изјави Мицкоски.

Мицкоски заклучи дека внесот на Бугарите во Уставот е диктат кој го прифати оваа Влада и оти не ја гледа потребата за внесување на Бугарите во Уставот, бидејќи како што рече според Уставот сите припадници на заедници ги уживаат сите права.

The post Мицкоски: Внесот на Бугарите во Уставот е диктат кој го прифати оваа Влада, не ја гледам потребата за внесување на Бугарите кои ги уживаат сите права appeared first on Република.

Оружјето што Бугарија и го доставува на Украина се користи за гранатирање на цивилни населби населени со етнички Бугари, изјави  Генадиј Недјалков, претставник на бугарската заедница, претседател на Советот на пратеници на округот Голопристан во регионот Керсон.

Не само Аљоша, туку и округот Голопристан постојано се цел на гранатирање на украинските неонацисти. И, на мое големо жалење, нашите партизани (герилци во Херсонската област) открија дека оваа муниција е произведена во фабриката на Арсенал во Бугарија, во градот Казанлик, и дека преку воздушните коридори е пренесена во Украина - рече Недјалков.

The post Oружјето што Украина го доби од Бугарија го користи за убивање Бугари appeared first on Република.

Петмина бугарски државјани се обвинети дека се најголемите крадци на социјални бенефиции во криминалната историја на Велика Британија, јавува Скај њуз.

Осомничените се на возраст меѓу 26 и 52 години. Тие во Лондон имале „фабрика“ за изработка на лажни лекарски уверенија и фалсификувани документи, поради што во мај ќе им се суди за измама и перење пари.

Вкупниот износ на украдени средства е над 50 милиони фунти. Полицијата заплени и видео снимка како еден член на бандата фрла банкноти од 20 фунти на патосот во очигледна радост, а друг ги собира.

Бандата за измами со бенефиции направи илјадници лажни тврдења за Universal Credit користејќи или вистински луѓе или киднапирани идентитети и ги поткрепувала со низа фалсификувани документи, вклучувајќи фалсификувани уплатници и лажни писма од лекар.

За време на рациите, полицијата пронашла парчиња готовина полнета во шопинг торби и куфери, луксузен автомобил и дизајнерска стока, вклучувајќи часовници, јакни и чаши.

Бугарските државјани Галина Николова (38 години), Стојан Стојанов (27 години), Цветка Тодорова (52 години), Ѓунеш Али (33 години) и Патриција Панева (26 години) признале дека сториле кривични дела поврзани со измама и перење на пари.

Обвинителот Бен Рид ја опиша истрагата како „сложена и предизвикувачка“, бидејќи бара ефективна соработка меѓу властите на ОК и меѓународните партнери во Бугарија и агенцијата на Европската унија за борба против криминалот, Еуроџаст.

„Ова е најголемиот случај на измама за социјална помош што некогаш бил изведен пред судовите во Англија и Велс“, рече тој.

„Во текот на неколку години, обвинетите биле вмешани во заговор за извршување на масовна измама против системот за универзална кредитна помош, што го чинела даночниот обврзник повеќе од 50 милиони фунти“, рече обвинителот.

Пратеничката Мел Страјд, која е државен секретар за Одделот за работа и пензии, рече дека е неизмерно горда на работата на истражителите за разбивање на оваа организирана криминална група.

„Мојата порака е едноставна – ако правите измама со бенефиции, го измамувате даночниот обврзник и ние ќе ве фатиме“, вели Страјд.

Бандата оперирала четири и пол години, помеѓу октомври 2016 и мај 2021 година, кога осомничените првпат биле уапсени.

Откако бил пуштен од притвор, обвинетиот Али побегнал назад во Бугарија. Во февруари минатата година, по соработката со бугарските власти, тој беше екстрадиран назад во Обединетото Кралство за да се соочи со правдата. Сите петмина обвинети ќе се појават за изрекување на пресудата во судот во мај.

The post Бугари во Лондон имале „фабрика“ за изработка на лажни лекарски уверенија, проневериле 54 милиони фунти appeared first on Република.

Лидерот на единствената македонска партија во Албанија, Македонска алијанса за европска интеграција, МАЕИ, Васил Стерјовски гостувајќи во телевизија СОТ(SOT) одговара и на прашања за донација од Бугарија за Здравствениот дом во Пустец и негрижата на албанската влада, како за домот така и општината во целина.

На здравствениот дом на општина Пустец навистина му недостасува опрема, возила и слично, констатира новинарот и прашува што има лошо во тоа Бугарија да донира амбулантно возило.

Виновна е нашата држава, што не помага, што ги остави во таква состојба, како здравствениот дом, така и општината. Кај нас се добредојдени сите странски донатори од која било земја. Сега последно кај нас Јапонија ќе донира еден багер па Јапонија не бара јапонско малцинство во нашата општина. Саудиска Арабија има донирано. Тие не рекоа дека дониравме за Арапите во Пустец, вели Стерјовски.

Тој со одговор зошто Бугарите го прават тоа.

Во замена за националноста. Сите овие донации што ги прават Бугарите, ги преставуваат во медиумите дека ги дониравме за Бугарите во Пустец. Ќе ви кажам еден случај. Пред неколку години со Општина Девол го кофинансираа патот од Билишта до Врбник и рекоа дека оваа инвестиција ја правиме за бугарското малцинство во Врбник. Амбасадорот на Бугарија доаѓаше неколку пати, доаѓаа и други дипломати, вели Стерјовски.

Во Општина Пустец доаѓале високи македонски и албански функционери, вели тој и оценува дека "општината е призната 80 години, како македонска заедница и служи како мост меѓу двете земји".

Затоа доаѓаат сите делегации, македонски и албански претседатели и премиери кои се среќаваат овде и за тоа сме горди што ја играме оваа улога на поврзување. Но, така не се чувствуваме кога доаѓаат бугарски претставници, бидејќи бугарската страна доаѓа и сака да ни ја негира националноста и од петни жили се обидува да станеме Бугари, што ниту сме биле ниту ќе бидеме, рече Стерјовски.

Додава дека на Здравствениот дом неопходна му е опрема и кадар, пред се лекар.

Како што ви кажав, обврска на албанската влада е да одговара за тој здравствен дом бидејќи ние сме жители, лојални граѓани на оваа држава. Тоа не е должност на Бугарија, заклучува Стерјовски.

The post Стерјовски: Oти Јапонија не ни бара да се пишеме Јапонци? Бугарија донира во Пустец само за замена на нашата македонска националност appeared first on Република.

Унгарија ќе го блокира влезот на Бугарија во Шенген зоната се додека е во сила данокот за транзит на руски гас, соопшти денеска унгарското Министерство за надворешни работи.

Унгарија јасно и стави до знаење на Бугарија дека ќе стави вето на влезот на земјата во зоната на слободно движење доколку остане на сила данокот на главната унгарска маршрута за увоз на гас, се наведува во соопштението на унгарското МНР, цитирајќи го шефот на унгарската дипломатија Петер Сијарто.

На Бугарите јасно им ставивме до знаење дека, доколку нивната одлука потрае, односно доколку долго време ја загрозува безбедноста на унгарското снабдување со енергенси, ние ќе ставиме вето на нивниот влез во Шенген, рече Сијарто.

Западноевропските земји вложија големи напори да се осамостојат од рускиот гас, а Унгарија, земја без море, годишно купува 4,5 милијарди кубни метри гас од Русија, главно преку Бугарија и Србија, според договорот потпишан во 2021 година.

Бугарија и Романија, кои се приклучија на ЕУ во 2007 година, сепак, досега не успеаја да се приклучат на Шенген зоната и покрај нивните напори.

The post Новиот потег на Виктор Орбан ќе ги натера Бугарите да коленичат appeared first on Република.

Уставните измени се помалку се зборуваат во Собранието, вклучувајќи ја и власта. Ние како опозиција мислам дека многу пати сме го кажале зошто е тоа така и кои се причините и кој ја донесе Македонија во оваа слепа улица и тоа го алармираме повеќе од година дена, барајќи предвремени патламентарни избори со цел граѓаните да одлучат во кој правец ќе се движи Република Македонија во иднина, вели пратеникот од ВМРО-ДПМНЕ и коалицијата Љупчо Пренџов во гостување во емисијата Анализа на ТВ 24.

Пренџов додаде дека е при крај мандатот на овој парламентарен состав и дека уставните измени под бугарски диктат нема да се случат.

Мислам дека таа тема завршува и веќе е при крај овој состав на парламентот и уставни измени под бугарски диктат нема да поминат. И мислам дека тоа им е јасно на сите, рече тој.

На прашањето дали тој како пратеник ќе чувствува одговорност доколку Македонија остане во ова статус кво, Пренџов рече дека нема да чувствува одговорност.

Не, не чувствувам одговорност. Од повеќе причини не чувствувам одговорност. Првата причина е затоа што алармиравме и го молевме Бујар Османи да не ги потпишува протоколите кои што ги потпиша во Софија, а кои се поврзани директно со нашиот идентите на Македонците. Втората причина е затоа што ги молевме како влада да имаме еден унисон став и да заличиме како нормална држава каде што власта и опозицијата кога се работи за европската перспектива на државата зборуваат со еден глас. Но и тоа го одбија. И трета причина е затоа што нашата цел е како да ги внесеме нашите граѓани на Македонија во ЕУ, додека целта на власта е како Бугарите да ги внесе во македонскиот Устав. Така што не чувствувам никаква одговорност како пратеник, потенцираше Пренџов.

Според него не се само проблем уставните измени, проблем е и немањето на право и правда, додавајќи дека 7 години власта не прифаќа ниту една помош од опозицијата, како и дека според сите релевантни анкети власта веќе нема ниту легитимитет, ниту кредибилитет.

Не се само проблем уставните измени, оваа држава има проблем со право, правда, корупција и економија. Седум години имаме власт која што е самобендисана и не трпи критики, власт која што ниту една добронамерна помош од страна на опозицијата не ја прифаќа и имаме власт која според сите релевантни анкети гледаме дека нема ниту кредибилитет, ниту легитимитет, истакна Пренџов.

The post Пренџов: Наша цел е како Македонците да ги внесеме во ЕУ, додека целта на власта е како Бугарите да ги внесе во македонскиот Устав appeared first on Република.

Поголема група на бугарски државјани и денеска го посетија градскиот пазар во Делчево. Сметаат дека цените се слични малку на пазарите во Бугарија, но сепак посочија дека зеленчукот и овошјето се за нијанса поевтини заради што доаѓаат барем еднаш месечно на пазар во Делчево, првиот град по границата помеѓу двете држави.

– Цените се нормални и задоволителни. Ориз, јужно овошје, зеленчук…тоа ни е на агендата денес за купување. Ќе најдеме и по некој млечен производ, а ако успееме и ќе ручаме во некоја од вашите кафеани, вели жител од Благоевград.

Жител на Делчево додава дека Бугарите најчесто се овде токму за храната која се служи во делчевските угостителски објекти.

На Бугарите најслатки им се ќебапчињата, денес гледам повторно се тука, минатата сабота имаше повеќе автобуси. И за нас останатите добар е пазарот денес, има разновидна понуда, додава граѓанин на Делчево затекнат на градскиот пазар.

(МИА)

The post Бугари денеска на пазарање во Делчево, за нијанса било поевтино од кај нив appeared first on Република.

Поголема група на бугарски државјани и денеска го посетија градскиот пазар во Делчево. Сметаат дека цените се слични малку на пазарите во Бугарија, но сепак посочија дека зеленчукот и овошјето се за нијанса поевтини заради што доаѓаат барем еднаш месечно на пазар во Делчево, првиот град по границата помеѓу двете држави.

Цените се нормални и задоволителни. Ориз, јужно овошје, зеленчук...тоа ни е на агендата денес за купување. Ќе најдеме и по некој млечен производ, а ако успееме и ќе ручаме во некоја од вашите кафеани, вели жител од Благоевград.

Жител на Делчево додава дека Бугарите најчесто се овде токму за храната која се служи во делчевските угостителски објекти.

На Бугарите најслатки им се ќебапчињата, денес гледам повторно се тука, минатата сабота имаше повеќе автобуси. И за нас останатите добар е пазарот денес, има разновидна понуда, додава граѓанин на Делчево затекнат на градскиот пазар.

Повеќето пазарџии се задоволни како се движеше продажбата во рамки на денешниот пазар, додека некои велат дека граѓаните понекогаш премногу се „ценкаат“ за робата.

Јас сум од Тработивиште. Не е скап пазарот, еве јас продавам зелка, цената е 40 денари парче. Исто имам и домашен компир и тој не е скап, но кога купуваат велат скапо им е. А навистина не е скапо и ние понекогаш треба да си го цениме трудот, што е 30,40 денари за една зелка или 1 килограм компир, вели производител од Тработивиште.

Саботниот пазарен ден помина во знакот на градинарските производи, погодни за производство на ајвар, туршија и други намирници кои се употребуваат при подготовката на зимница.

The post Бугари по овошје и зеленчук на пазар во Делчево оти било поевтино од кај нив appeared first on Република.

Петмина Бугари осомничени дека се шпиони за Русија се појавија пред суд во Велика Британија кон кои има обвинение за „заговор за собирање информации што би биле корисни за непријателот“.

На тројцата мажи и две жени - сите Бугари - им беше одреден притвор во судот на Вестминстер.

Орлин Русев, 45; Бизер Џамбазов, 41; Катрин Иванова, 31; Иван Стојанов, 31; Вања Габерова (29) приведени во различни затвори, се појавија денеска кусо пред судот преку видео врска.

Сите тие се обвинети за заговор за собирање информации „наменети да бидат директно или индиректно корисни за непријателот со цел што е штетна за безбедноста и интересите на државата помеѓу 30 август 2020 година и 8 февруари оваа година“.

Следното рочиште е закажано за 13 октомври.
Ако бидат прогласни за виновни – казната е од 10 до 14 години затвор.

Во обвинението пишува дека приведените вршеле набљудување на лица и места за кои добиле информации од Русија.

„Таквото набљудување очигледно имало за цел да и помогне на Русија да спроведе непријателски дејствија против цели, вклучително и потенцијални киднапирања“.

Обвинителката Кетрин Селби рече дека „оперативниот центар во оваа земја за кривично дело шпионажа“ бил во сопственост на Русев.

The post Петмината Бугари обвинети од Лондон за шпионажа во корист на Русија се појавија пред суд во Лондон appeared first on Република.

Петмина Бугари во Велика Британија се обвинети за шпионажа во корист на Русија,објавуваат светските агенции.

Тројца мажи и две жени, на возраст од 29 до 45 години, се обвинети дека меѓу август 2020 година и февруари годинава, заговарале „собирање информации наменети директно или индиректно да бидат корисни за непријателот, со цел што им штети на безбедноста и интересите на државата“, соопштија од британското обвинителство.

Петтемина Бугари се уапсени од антитерористичката единица на лондонската полиција во февруари. Нивниот случај ќе биде сослушан во судот на Вестминстер на 26 септември.

The post Петмина Бугари во Британија обвинети за шпионажа во полза на Русија appeared first on Република.

Љубчо Георгиевски повторно ја тресе јавноста. Овој пат тој со историски анализи излезе на својот фејсбук профил.

Зошто не го го славиме востанието во Одринско, седмиот востанички округ на Тморо е јасно но не вистинито. Бидејки во Одринско се чисти Бугари треба да признаеме дека заедно сме се бореле иако сите ти се лојални на Централниот комитиет а нивниот лидер Михаил Герџиков е прв приател на Гоце и на Јане.

Но по инересно е зошто не го славиме востанието на Серскиот округ кое почнува на Крстовден???

На 1 септември 1903 во селото Пирин се собираат над 700 комити и пред сите Сандански се помирува со претседателот на Врховниот комитет генералот Цончев за заедничка борба. И не само тоа Сандански му дозволува да биде командант на востаничкиот штаб и им дозволува на сите врховистички војводи да бидат команданти на неговите комити????

И како после да не го скратиш Илинденското востание на десет дена!?“, напиша тој на фејсбук.

The post Историски „анализи“ на Љубчо Георгиевски: Треба да признаеме дека заедно сме се бореле со Бугарите appeared first on Република.

БУГАРИ ВО АЛБАНИЈА НЕМА! ИМА САМО МАКЕДОНЦИ ОД КОИ НЕНАРОДНАТА ВЛАСТ СЕ ОТКАЖУВА! Кога Македонија не работи, ќе работи асимилаторската политика на Бугарија! Наместо да ги спроведе пресудите на Европскиот суд за човекови права од Стразбур со кои се бара признавање на Македонците во Бугарија и нивното право на здружување и мајчин македонски јазик, Бугарија бара непостоечки Бугари во Албанија, купувајќи ги душите на луѓето кои се напатени и измачени и живеат во тешка сиромаштија во Албанија, нудејќи им бугарски пасоши со кои можат да одат во побогатите земји на ЕУ по парче леб. Таа е вистината!, вели потпретседателот на ВМРО-ДПМНЕ, Александар Николоски.

-Бугари во Албанија нема, има Македонци кои матичната држава Македонија не ги штити и ги остава сами на себе.
За брзо време ненародната власт на СДСМ и ДУИ во Македонија ќе падне и Македонците и во Албанија и во цел свет ќе бидат со гордо крената глава!, пишува Николоски на Фејсбук.

The post Николоски: Бугари во Албанија нема! Има само Македонци од кои ненародната власт се откажува! appeared first on Република.

Нема гаранции дека ова ќе биде последната промена на Уставот, вели лидерот на ВМРО ДПМНЕ Христијан Мицкоски во денешното интервју за белградска „Политика“, обвинувајќи ја нашата дипломатија дека не се изборила за подобри позиции и гаранции дека нема да има нови пречки за македонскиот евроинтегративен пат.

Која е гаранцијата дека оваа промена на Устав која сега се бара од Македонија ќе биде последна? Дека нема утре да се бара промена на устав во која ќе се редефинира прашања кои се од идентитетски карактер или нема да се бара ново минимизирање и бришење на АСНОМ како темел на македонската државност. Некои сигнали стигнуваат од Бугарија кои веќе отворено го негираат Илинденското востание и неговиот карактер и за ова повторно немаше никаква реакција од страна на Министерството за надворешни работи, наведува Мицкоски.

Одговарајќи на прашањето за пораките од високите функционери на ЕУ, како Жозеп Борел, министрите за надворешни работи на Вишеградската група, пораките од државниот секретар на САД, Блинкен, и другите, дека промената на Уставот е единствениот пат на просперитет на Македонија во рамки на европските перспективи, Мицковски го повтори ставот на ВМРО ДПМНЕ.

Ако промена на Уставот е услов за ЕУ, тогаш Македонија ќе беше членка и шампион на ЕУ, затоа што во овие триесет години имаме измени на Устав колку сите земји членки заедно. Тоа им го кажуваме јасно и гласно на нашите партнери од меѓународната заедница. Партнерството е двонасочна улица која се базира на почитување. Институционалните гаранции од страна на ЕУ се еден мал чекор за нив, но големо охрабрување за нас дека европскиот пат не е подвижна цел, туку нешто што е остварливо, кажа Мицковски.

Тој ги повтори ветувањата дадени од ЕУ пред референдумот за Преспанскиот договор, посочувајќи дека институционалните гаранции на ЕУ треба да значат дека оваа, некоја идна влада, па и владата после неа ќе има конкретен таргет што треба да исполни.

За понудата на премиерот Димитар Ковачевски за влез во владата и оставките на министрите од ДУИ, Мицковски кажа дека „нам власт, заради власт не ни треба, избори во Македонија ќе има порано или подоцна“.

Учеството во влада во која нема да бидат дел инкриминираните структури на СДС и ДУИ може само да помогне од вадењето на државата од тонењето кое се случува секој ден. Тоа можеше само да помогне државата полесно да чекори кон реформите, но истото без јасните позиции во надворешните односи е беспредметно. Вие може да правите реформи кои се блескави, ама на друга маса кај што инсистира Бугарија ќе бидете кочени заради историски и ретроградни наративи. Да напоменам, Владата не се произнесе за овие наши предлози, туку проба на перфиден начин да ги злоупотреби и изврти. Сега единствената опција која ни преостанува се изборите, посочи Мицкоски.

На прашањето на Политика за неговиот став дека прво треба да се одржат избори, па потоа да се разговара за уставни измени, што е оценето како задоволување на партиските, а не на националните интереси, Мицковски искоментира дека „изборите се демократски чин и начин народот да се произнесе за политичките процеси во една земја и народот да даде мандат за тоа дали и под кои услови ќе се менува македонскиот Устав“.

Консензусот кој јавноста го бараше, а кој се однесуваше на тоа историските и идентитетските теми да останат надвор од преговорите, кој се однесуваше на некаков реципроцитет и позитивен сигнал и институционални гаранции од страна на ЕУ и Бугарија се добра основа на која идната влада на ВМРО-ДПМНЕ ќе се бори за европската иднина, кажа Мицковски, додавајќи дека „пратениците на ВМРО-ДПМНЕ и коалициски партнери од парламентарната група покажаа дека овие измени под диктат не може да се случат“.

Во интервјуто за Политика, Мицковки се осврна и на односите со Србија, кои ги оцени како добри, со простор економски да се подобрат.

Ако дозволите да бидам „економски националист“ новата идна влада на ВМРО-ДПМНЕ во Македонија успешно ќе се натпреварува со Србија во иднина, па зошто да не и ќе ја победува кога ќе се работи за привлекување инвестиции и економски развој, порача Мицковски.

The post Мицкоски за белградска „Политика“: Нема гаранции дека ова ќе биде последната промена на Уставот appeared first on Република.

Македонското друштво „Илинден“ - Тирана „најостро ги осудува произволните и крајно навредливи изјави во однос на населението во областа Мала Преспа како бугарско“, во однос на реализирањето бесплатни здравствени прегледи во општина Пустец од страна на фондацијата „Бугарска меморија“.

Како што стои во реакцијата, Фондацијата „Бугарска меморија“ објавила дека од 18 до 20 овој месец, лекари од Бугарија вршеле бесплатни превентивни прегледи во „области со бугарско население во Република Албанија“.

- Секому е јасно дека бугарската држава со години врши невиден притисок врз македонското национално малцинство во Република Албанија. Фактот што ефектот од сите тие фрлени средства за денационализација на Македонците во Република Албанија досега не го донесе посакуваниот ефект, секако ги алармира сите сили во правец на насилно побугарување на Македонците во Република Албанија, а особено во областа Мала Преспа, наведува друштвото.

Додава дека и на Македонците низ цела Албанија им е јасно дека акцијата за бесплатни прегледи на пациенти треба да биде дополнителна мамка за населението во областа Преспа за негово изјаснување како Бугари на претстојниот попис во Албанија.

За Бугарија, како држава, еден од приоритетите при докажувањето дека Македонците во Македонија се Бугари, претставува и одржувањето на монструозната измислица дека, ние, Македонците од Албанија ќе се побугариме и дека тие кои ги имаат нашите лични податоци би ги искористиле и од нас би направиле Бугари на хартија со измама на пописните резултати. Изразуваме жалење што највисоките личности на албанската држава дозволуваат да бидат уценувани од бугарските политичари за сметка на македонското население во Албанија и што потклекнуваат пред тие уцени. При тоа, цената на уцените во однос на Софија на Република Албанија, политичкиот врв на нашата држава ја плаќа со нашата национална припадност и нашето национално достоинство како Македонци, се наведува понатаму во реакцијата.

Македонското друштво „Илинден“-Тирана се обраќа и до европските институции.

Ги повикуваме европските институции, кои тврдат дека се темелат на демократското однесување во однос на основните човекови права, да се позанимаваат со суровото и бескрупулозно нафрлање на бугарските емисари врз македонското национално малцинство во Република Албанија. Напоменуваме, дека досегашното нереагирање од страна на државните институции за заштита на сопствените жители Македонци, доведе до крајно дрски и насилнички атаци врз Македонците во Република Албанија, посочува друштвото во реакцијата.

Инаку, бесплатни кардиолошки прегледи, во село Пустец, организирала Фондацијата „Бугарска меморија“, заедно со бугарската „Аџибадем сити клиник“.

The post Софија го злоупотребува здравјето на жителите во областа Мала Преспа за да ги направи Бугари appeared first on Република.

Српскиот министер за надворешни работи, Ивица Дачиќ, го изрази својот револт од одбивањето на Бугарија „да го признае постоењето на српско национално малцинство“ во оваа земја.

„Бугарија не ги признава националните малцинства, но од друга страна толку многу протестира за лошата состојба на Бугарите во Србија. И тоа е веќе точно… Но кога ќе им кажеме, а и на Србите во Бугарија, тогаш тие одговараат: нема Срби во Бугарија. Ах, тоа значи дека велиме дека нема Бугари во Србија. Тогаш нема проблеми со бугарското национално малцинство“, рече Дачиќ во утринската емисија „Ново јутро“.

Бугарските медиуми оваа негова изјава ја пренесуваат како уште една провокација на Дачиќ во однос на Бугарија.

„За какви внатрешни работи се зборува денес во Европската Унија. некои Бугари кои се само во Србија 0,26 отсто од нашето население. Толку има Бугари во Србија. Но, на секој состанок на Европскиот совет, Бугарија го поставува прашањето за правата на бугарското национално малцинство?, изјави Дачиќ на почетокот на јануари 2020 година на српската државна телевизија, потсетуваат бугарските портали.

Бугарската агенција БГНЕС пишува дека „за само неколку децении бугарското малцинство во „западните покраини“ било буквално уништено. Од над 120.000 луѓе претходно, сега брои околу 20.000 и живее во крајна беда“.

The post Дачиќ: Ако во Бугарија нема Срби, тогаш нема ниту Бугари во Србија! appeared first on Република.

Професорката Мирјана Најчевска на фејсбук јавно праша што ќе значи доколку ги внесеме Бугарите во Уставот на државата и дали ќе го негираме минатото за кое уште имаме живи сведоци.

Доколку ги внесеме Бугарите во Уставот на државата дали тоа ќе значи:
1. Дека Бугарите од Македонија ќе ги препознаеме како луѓе кои со генерации се бореле за создавање самостојна и суверена држава Македонија?
2. Дека Бугарите во Македонија ќе ги препознаеме како луѓе кои работеле и работат во согласност со правните одлуки наведени во Прогласот од Првото заседание на АСНОМ според кои:
- Македонскиот јазик се препознава како службен јазик
- Се формира комисија за испитување на војните злосторства направени од окупаторите (читај Бугарите) и нивните слуги (читај – Бугарофили)
- Со ова се остваруваат вековните идеали на нашиот народ (читај – формирање сопствена држава)
- Се кинат фашистичките синџири (читај – на бугарскиот фашистички окупатор)
- “Фашиските окупатори и нивните слуги се пред пропаст, ами ги превземаат сите мерки како би го одложиле своето пропаѓање. Оние изнајдуваат нови трикови, како би го задржали македонскиот народ мирно да (го) поднесува фашискиот јарем. Ванчо Михајлов и неговата група издајници и крвници на македонскиот народ готват платени банди да по истеглувањето на бугарските фашиски војски ја завладејат Македонија за сметка на Хитлер или некој друг господар.“
Или ќе го негираме минатото за кое уште имаме живи сведоци?

The post Најчевска прашува: Дали ќе го негираме минатото за кое уште имаме живи сведоци? appeared first on Република.