Ја подобруваме поврзаноста со регионот и ЕУ преку инвестиции во унапредување на инфраструктурата на граничните премини и забрзување на постапките при истовремена ефективна контрола. Истовремено ја зајакнуваме и регионалната и меѓународната соработка која е клучна за размена и мечирање на податоци во синџирот на меѓународната трговија. На овој начин го трасираме патот напред, при што нашата интенција е забрзана интеграција во единствениот пазар на ЕУ и подобрување на конкурентноста на македонската економија.

Ова беше клучната порака на директорот на Царинска управа, Бобан Николовски, на дводневниот состанок на високо ниво во Будимпешта „Зајакнување на регионалната царинска соработка“ на којашто присуствуваа директорите на царините од Западен Балкан и земјите-членки на ЕУ. Настанот е организиран под покровителство на Националната даночна и царинска агенција на Унгарија во рамки на Унгарското претседателство на Советот на ЕУ. Истиот беше отворен со видео порака од еврокомесарот за проширување на Оливер Вархеји кој потенцира дека интеграцијата е многу значајна во процесот на проширување и оти царинските управи имаат клучна улога во овој процес.

На настанот од страна на учесниците беше потенцирано дека интеграцијата во единствениот пазар на ЕУ, соработката помеѓу царините во делот на воспоставување зелени коридори и размена на податоци и предвидливата бизнис клима обезбедува стабилност и раст на економиите.

Директорот Николовски притоа потенцира дека голем дел од постигнувањата се овозможени благодарејќи на силната поддршка на Европската Унија.

Благодарение на силната поддршка од ЕУ, во моментов работиме на неколку проекти со ИПА грант и национално кофинансирање. Интензивно работиме на отпочнување на проект за автоматизација на терминалите и реконструкција на граничен премин Делчево. Воедно во моментов работиме на воспоставување на нови гранични премини со Бугарија – Клепало и со Грција- Маркова Нога. Паралелно работиме на имплементација системот за регистрација и идентификација на економските оператори ЕОРИ 2 чија цел е воспоставување единствен систем за регистрација и идентификација на економските оператори, истакна Николовски.

Во делот на соработката со Царините на другите земји Николовски истакна дека со Бугарија и Грција веќе се договорени билатерални средби на кои ќе се дискутира за прашања кои се од клучно значење за забрзување на трговијата. Воедно истакна дека денеска ќе биде потпишан и Протокол за елекронска размена на податоци преку SEED со Црна Гора.

На настанот Николовски се осврна и на проектите што ги имплементира Царинската управа во рамки на проектот на Светска банка за олеснување на транспортот и трговијата во Западен Балкан.

Директорот притоа истакна дека во моментов највисок приоритет е финализирање на имплементација на Новиот компјутеризиран систем – Фаза 5, а интензивно се работи и на новиот Царински закон со цел усогласување со царинскиот закон на ЕУ, се со цел подобрување на условите за водење бизнис и побрза интеграција во единствениот пазар на ЕУ.

The post Николовски од Будимпешта: Со силна поддршка од ЕУ, ја подобруваме поврзаноста со регионот и унијата appeared first on Република.

На маргините на настанот на Европската политичка заедница во Будимпешта, премиерот Христијан Мицкоски оствари, како што ја оценува, продуктивна средба со францускиот претседател, Емануел Макрон.

Отворено разговаравме за одблокирање на патот на Македонија кон Европската Унија. Оптимист сум за нашата иднина, се бориме за нашите аргументи и вистината која е незаобиколива.
Ќе дадеме се од себе да ги зачуваме државните и националните интереси, порача Мицкоски.

Мицкоски од Будимпешта, каде беше придружуван од министерот за надворешни работи и трговија Тимчо Муцунски, министерот за евроинтеграции Орхан Муртезани и претставници од неговиот кабинет, сподели дека на самитот на Европската политичка заедница имаше доста продуктивни работни средби со европските државници.

Во текот на денот имавме многу билатерални средби, ги презентиравме нашите аргументи, како ја гледаме нашата економска иднина и начинот на којшто планираме да ја развиваме нашата Македонија и воедно да ги презентираме нашите погледи и аргументи за евроинтегративниот пат. Со секоја средба сè повеќе и повеќе се бориме за вистината онаква каква што е, онаа вистина што ја чувствуваат нашите граѓани и којашто е важна за Македонија. Ќе продолжиме да се бориме за Македонија и во неделите, месеците, годините којшто следат. Мора да успееме, мора да бидеме таму каде што заслужуваме, а тоа е успешна европска приказна, а местото наше е во рамките на Европската унија. После овој состанок на ЕПП овде во Будимпешта сум уште повеќе оптимист дека мора да нè биде и ќе нè биде. Тоа што е важно е дека ние ќе дадеме сè од себе да ги одбраниме националните интереси на македонските граѓани и на нашата татковина, порача Мицкоски.

The post Мицкоски-Макрон: Оптимист сум, отворено разговаравме за одблокирање на патот на Македонија кон ЕУ appeared first on Република.

The post Мицкоски во Будимпешта со излагање на сесијата посветена на економска сигурност и меѓусебно поврзување appeared first on Република.

Претседателот на Владата Христијан Мицкоски денеска изјави дека нема договорено средба со бугарскиот претседател Румен Радев на маргините на Самитот на Европската политичка заедница во Будимпешта, што се одржува утре.

-Не, но подготвен сум да разговарам со секого, секаде врз основа на вистински договор што ќе не однесе до целта, е на да го направиме само првиот чекор, рече Мицкоски .

https://republika.mk/vesti/balkan/orban-gi-sobira-liderite-na-evropskata-politichka-zaednitsa/

The post Засега нема договорено средба меѓу Мицкоски и Радев во Будимпешта appeared first on Република.

Еминентниот македонски пијанист, маестро Симон Трпчески, уште еднаш ја крена европската публика на нозе, овој пат со концерт во свечената сала на Музичката академија „Франц Лист“ во Будимпешта, каде што настапи со Симфонискиот оркестар на Унгарското радио и под диригентската палка на италијанскиот диригент Рикардо Фрица. Присутната публика имаше можност да ужива во неговата виртуозна изведба на Концертот за пијано и оркестар број 2 од Јоханес Брамс во првиот дел од вечерта. Според Трпчески, се работи за едно од најсложените дела во творештвото на Брамс.

„Се чувствувам прекрасно. Имав чест да го изведувам токму во градот каде што беше и светската премиера на ова дело. Будимпешта толку многу зрачи со уметност, да не кажам со музика од секој агол, но и воопшто, Унгарија е една земја со богати култура и историја“, рече Трпчески.

Тој за првпат настапи со Оркестарот на Унгарското радио, и тоа на покана од диригентот Рикардо Фрица од Италија, со кого веќе има настапувано заедно.

„Трпчески не е само пијанист, тој е, пред сè, мој пријател, се знаеме многу години и настапувавме заедно. Многу е лесно за мене да соработувам со него, бидејќи имаме иста страст кон музиката, имаме совршена музичка комуникација. Се надевам, ќе имаме уште многу заеднички концерти“, истакна диригентот.

Концерт-мајсторот на Оркестарот на Унгарското радио, воедно и прв унгарски уметник награден со „Еми“, исто така имаше пофални зборови за македонскиот музичар: „Трпчески свиреше одлично, неговата изведба е виртуозна. Го претстави на вистински начин делото на Брамс. Со пијанистот имаме план за македонско-унгарска соработка во иднина, како концерт на камерна музика“.

На крајот од својот настап, Трпчески ѝ подари на публиката македонска композиција.

„Изведов дел од ‘Македонисимо’, поточно ‘Пиперково оро’. Секогаш сакам да презентирам нешто наше, поради тоа што сум горд на она што го имаме како ризница, богатство, фолклорно, како земја, како Македонија. На концертот во Будимпешта публиката имаше можност да слушне унгарска народна музика преку ‘Концертот’ на Брамс, така што направив една поврзаност и изведов и македонска композиција“.

На концертот присуствуваа и неколкумина Македонци, меѓу кои и Ивица Боцевски, специјален претставник на Владата при унгарското Претседателство со Советот на Европската Унија.

„Во официјално својство, веќе на трет континент го слушам, дел сум од неговата публика, никогаш не пропушта кога прави бис, да ме поздрави, особено кога ги изведува македонските композиции. Повторно, и овој пат, го добив најнезаслужениот аплауз кога ме претстави како амбасадор од неговата татковина и кога ми го посвети ‘Пиперково оро’. Се сеќавам кога ме поздрави пред преполната сала на Државниот оркестар од Сао Паоло со делото од Шуплевски ‘Не си го продавај, Кољо, чифлигот’“, изјави Боцевски, за кого Трпчески е најголем македонски културен амбасадор.

„Тој е и најдобар доказ што пропушта Европа поради недовршената македонска и општо, балканска европска интеграција. Целиот талент, целата креативност, ум, труд и професионалност на секој Балканец е нераскинлив дел од европската цивилизација, култура, економија и придонесува кон зголемување на европската конкурентност во трката кон врвот во 21 век. Унгарците одамна го знаат тоа и затоа срдечно ја поддржуваат нашата европска интеграција, а и се однесуваат кон нас како веќе да сме земја членка. Беше гордост да се проследат петте биса што му ги даде унгарската публика на Симон, а и потоа да се ужива во друштвото на најдобрите унгарски и европски уметници, кои беа дојдени да го проследат концертот“, додаде тој.

Трпчески истакна дека особено му е мило што овој концерт се одржа токму во време на претседавањето на Унгарија со Европската Унија.

„Ова е една убава културна соработка помеѓу Македонија и Унгарија и ќе придонесе за развивање на понатамошните односи“.

Македонскиот пијанист доби пофални зборови од многубројната публика, врвни музичари и познавачи на музичката уметност. Меѓу нив и Франческа Испан, која е основач на камерниот оркестар „Солти“, составен од млади дипломирани музичари од Музичката академија. Таа воедно беше и пријателка со македонскиот композитор Властимир Николовски.

Турнејата на Трпчески продолжува во Белград, и тоа со два концерта во една вечер, па во Солун, Нови Сад и во Сараево.

The post Трпчески уште еднаш ја крена на нозе европската публика: Секогаш сакам да презентирам нешто наше, поради тоа што сум горд на она што го имаме како ризница, богатство, фолклорно, како земја, како Македонија appeared first on Република.

Вицепремиерот и министер за транспорт, Александар Николоски, во рамки на министерскиот состанок на министрите за транспорт на Европската Унија ги истакнал капиталните инфраструктурни проекти што се реализираат во државава, а кои се од клучно значење за поврзување со земјите од Западен Балкан. Состанокот на министри во Будимпешта е организиран од Унгарија во рамки на нејзиното претседателство со Европската Унија.

Како што информира Министерството за транспорт, Николски изразил задоволство што два дена заедно со министрите за транспорт од ЕУ разговараале на многу важни теми од оваа област.

Презентирав што прави македонската Влада во овие два и половина месеци. Прво, во однос на авиолиниите дека имаме нова политика на субвенционирање што очекувам следната година да донесе нови дестинации кон Скопскиот и Охридскиот аеродром, но исто така и над 20 отсто повеќе патници, повеќе туристи во Македонија, а за македонските граѓани повеќе можности да патуваат надвор од државата, истакнува Николоски.

Како што се наведува во соопштението, во однос на железницата, приоритет број еден за државата е изградбата на брзата пруга Скопје-Солун со 200 километри на час, која целосно треба да ја промени економијата и да ја поврзе државата со главните пристаништа, а на север со Централна Европа.

Интензивно работиме и на изградба на железничкиот Коридор 8, каде првата секција од пругата кон Бугарија е скоро готова, втората секција се работи во моментов, а на третата секција имаме технички предизвици, кои се надевам дека ќе ги решиме во следниот период, како и предизвици во однос на проектирањето, а и секако сите други пречки кои што ги спомнав во периодот што беше пред нас. Но, се надевам дека ќе најдеме и заеднички јазик со цел да немаме пруга која што завршува во тунел кој не води никаде, потенцира Николоски.

Во однос на изградбата на автопатиштата, Николоски посочува дека до крајот на годината ќе биде завршен експресниот пат Куманово - Крива Паланка, како и експресниот пат Прилеп - Градско.

Интензивно работиме на Охрид - Кичево и во наредниот период многу ќе се работи на Кичево - Букојчани, на Букојчани – Гостивар, на Гостивар - Тетово, како и на Прилеп – Битола. Ова е една одлична можност да се разменат мислења, но исто така да се поканат потенцијални донори и инвеститори да дојдат во Македонија, да донираат и да инвестираат со цел побрзо да ги изградиме проектите што се пред нас, е пораката на Николоски во Будимпешта.

The post Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ appeared first on Република.

Меѓународната шаховска федерација (ФИДЕ) смета дека поплавите во Будимпешта, кои се очекуваат до крајот на неделата, нема да го нарушат Конгресот и Генералното собрание.

Локалните власти ни рекоа дека и покрај тешката ситуација, хотелот каде се одвиваат нашите активности не е во опасност, информираа ФИДЕ.

Конгресот на ФИДЕ почна во унгарската престолнина на 17 септември. Генералното собрание, ќе се одржи викендов.

The post ФИДЕ нема да ги откаже Конгресот и Генералното собрание поради поплавите во Будимпешта appeared first on Република.

Главниот град на Унгарија се подготвува за огромен воден бран што в сабота треба да го достигне својот максимум во Будимпешта - се очекува нивото на водата на Дунав да достигне 8,5 метри.

Поради обилните дождови и поплавите, ситуацијата е критична во цела Централна Европа, изјави унгарскиот премиер Виктор Орбан на социјалната платформа „X“. Најголемата европска река, Дунав, веќе се излеа од коритото во Будимпешта и стигна до зградата на унгарскиот Парламент, јавуваат локалните медиуми.

Снимките и фотографиите објавени на социјалните мрежи покажуваат надојдена вода околу зградата. И покрај сериозноста на ситуацијата, Орбан смета дека имаат доволно средства за борба против поплавите.

Градоначалникот на Будимпешта Гергели Карачони најави дека градот ќе употреби милион вреќи со песок за да се одбрани од поплави, кои, според него, може да бидат една од најлошите во изминатата деценија, а 10.000 вработени и 15.000 волонтери се ангажирани за подготовка и одбрана од поплавите во главниот град.

Овој период е најтешкиот дел... ќе трае околу една недела или осум дена од денеска, рече тој, додавајќи дека врвот на бранот поплави на јужната граница се очекува да помине надвор од унгарската територија следниот четврток.

Најголемите поплави што ја погодија централна Европа во најмалку две децении оставија трага на уништување од Романија до Полска, со кал и урнатини во градовите, уништени мостови, потопени автомобили и оставајќи ги властите и луѓето со сметки за штети кои ќе се мерат во милијарди долари.

Во европските земји досега животот го загубија 20 лица, а Унгарија со денови се подготвува за најлошото. Унгарскиот премиер Виктор Орбан ги одложи сите свои меѓународни обврски и го посети населението на градот неколку десетици километри оддалечен од Будимпешта за да ги следи подготовките за одбрана од поплави додека бурата Борис уништува се пред него.

The post Дунав се излеа од коритото и стигна до зградата на унгaрскиот Парламент appeared first on Република.

Вицепремиерот и министер за транспорт Александар Николоски вчеравечер во Будимпешта оствари работна вечера со министрите за транспорт на Белгија, Малта, Грција, Германија и Кипар. На средбата министрите разговараа за развој на транспортниот сектор во регионот.

Како што информираат од Министерството за транспорт, Николоски ги претставил приоритетите на нашата земја, со посебен фокус на изградба на брза пруга на Коридор 10 како и олеснување на транспорот и трговијата меѓу земјите од Западен Балкан. Нагласена беше важноста и од изградба на Коридор 8.

Во рамки на денешниот министерски собир, министерот Николоски ќе оствари работни средби и со министрот за транспорт на Италија, потоа со министерот на Унгарија и Австрија, како и со претставници на ЕУ каде ќе ги претстави проритетите на Македонија.

Состанокот на министри во Будимпешта е организиран од Унгарија во рамки на нејзиното претседателство со Европската Унија. Покрај министрите за транспорт од Унијата, на неформалниот состанок учествуваат и министрите за транспорт од земјите од Западен Балкан, од земјите од ЕФТА, Украина, Молдавија и Грузија, како и претставници на институциите на Европската Унија и транспортни организации.

На собирот на министри и денеска ќе се разговара за предизвиците на транспортниот сектор на ЕУ, подобрувањето на конкурентноста и поврзаноста меѓу ЕУ и соседните земји меѓу кои и земјите од Западен Блакан. Посебен фокус ќе биде железничкиот сектор, мерки и стратегии потребни за воспоставување на брза железничка мрежа. 

The post Николоски на состанок на министри за транспорт на земјите-членки на ЕУ во Будимпешта appeared first on Република.

Дунав се излеа од коритото во Унгарија, а водата го поплави кејот и стигна до зградата на парламентот во Будимпешта.

Како што јавуваат унгарските медиуми, Дунав го поплавил долниот кеј во Пешта, а водата стигнала до зградата на унгарскиот парламент.

The Danube has flooded in Budapest! 🇭🇺📷 This is what the lowest part of the city looks like The water level is expected to rise for two more days #Powodź #Powodz2024 #Budapest pic.twitter.com/Mp8hmAPAUu

— Madison Moore (@moore_madi73907) September 19, 2024

Унгарскиот премиер Виктор Орбан утринава на прес-конференција изјави дека состојбата со поплавите се уште е сериозна и тешка.

Нашето внимание не смее да олабави и по највисокиот водостој, бидејќи после тоа може да има проблеми“, изјави Орбан.

Тој додаде дека се очекува поплавата да ја напушти земјата до средината на следната недела.

The post Дунав се излеа во Будимпешта: Го поплави кејот и стигна до зградата на парламентот appeared first on Република.

Се зголемува бројот на загинати и исчезнати во катастрофалните поплави кои се борат во делови од Централна и Источна Европа. Според последните податоци загинале 19 лица.

Полска се соочува со вонредна состојба и евакуација на населението, а најлошо е во Острава – третиот по големина чешки град кој е буквално потопен. Се излеа реката Одра, а со хеликоптер се евакуирани и последните жители.

Flooding in Poland: Wroclaw braces for major flood wave https://t.co/kCNgsU7Tm6

— StefanDeJulien (@StefanDeJulien) September 18, 2024

Додека ситуацијата во Виена донекаде се стабилизира, во делови од Австрија е прогласена состојба на катастрофа.

Devastating floods sweep Central Europe!

At least 17 dead due to Storm "Boris", one of the region's worst in decades - CNN.

Poland, Czech Republic, Romania, Austria & Hungary severely affected. #StormBoris #Floods #CentralEurope pic.twitter.com/lmMHSKDtQL

— Facts Prime (@factsprime35) September 17, 2024

Огромниот бран на вода што се спушта по Дунав стигна и до Словачка, а за него се подготвуваат и во Унгарија, особено во Будимпешта, каде војската е веќе на терен.

Будимпешта допрва се подготвува за најлошото, Дунав веќе поплави места долж границата со Словачка. Премиерот Виктор Орбан ја посети границата со Австрија.

The post Иде Дунав: Будимпешта се подготвува за најлошото appeared first on Република.

Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.

Телата на возрасен маж и жена се пронајдени северно од главниот град, а властите се уште трагаат по пет исчезнати лица.

Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.

Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.

The post Две лица го загубија животот, а пет се водат за исчезнати во судар на крузер и чамец на Дунав кај Будимпешта appeared first on Република.

Професорката од Филолошкиот факултет „Блаже Конески“ од Скопје Гордана Алексова до 24 април 2024 година ќе одржи шест часа на две теми од областа на македонскиот јазик на Институтот за славистика и балтичка филологија при Универзитетот ЕЛТЕ во Будимпешта.

Алексова својата работна посета ја остварува преку мрежата Словенска филологија и нејзиниот културен контекст на програмата за мобилност CEEPUS, како гостин предавач на Лекторатот по македонски јазик во Будимпешта.

Како што информира лекторот по македонски јазик на Универзитет ЕЛТЕ во Будимпешта, Алексова вчера во библиотеката на Институтот за славистика и балтичка филологија го одржала своето прво предавање на тема: „ДА-конструкција во македонскиот јазик – граматички и стилистички карактеристики“ пред колегите и студентите на Институтот за славистика и балтичка филологија.

На 23 април 2024 година Алексова ќе одржи уште едно предавање на тема: „Интеркултурните компетенции на учебниците по македонски јазик – теоретски и практичен преглед“. По договор со студентите на Лекторатот по македонски јазик ќе одржи и предавање за Видови предмет во македонскиот јазик, тема која им задава потешкотии во совладувањето на македонскиот јазик.

Лекторот Златко Панзов најави уште два настани до крајот на семестарот, односно средината на јуни 2024 година. Во рамки на манифестацијата „Цртај на македонски јазик“ младата уметница Јана Борбала Панзов ќе го реализира и претстави проектот „Цртај, слушај и чувствувај на македонски јазик“ пред своите врсници од македонската дијаспора во Унгарија. Лекторатот по македонски јазик во соработка со Институтот за унгарски вина, музичкото дуо БудаПесме и винаријата Попов, како главен поддржувач и покровител, во Будимпешта ќе организираат Македонска вечер (вечер на македонско вино и македонска изворна музика).

Во соопштението лекторот Златко Панзов наведува дека преку своите активности не само што го промовира македонскиот јазик, туку активно работи и на промоција на македонската култура преку организација на манифестацијата Денови на македонска култура во Будимпешта, која претставува единствена културна манифестација од ваков вид во Унгарија и редовно се одржува од 2019 година.

The post Шест предавања на Гордана Алексова за македонскиот јазик на Универзитетот ЕЛТЕ во Будимпешта appeared first on Република.

Претседателот на ВМРО-ДПМНЕ Христијан Мицкоски, денес заедно со потпретседателот на ВМРО-ДПМНЕ Александар Николоски во Будимпешта оствари средба со Претседателот на пријателската партија, ФИДЕШ и премиер на Унгарија Виктор Орбан.

На средбата беа констатирани одличните и пријателски односи меѓу двете партии, и стана збор за реализација на стратешките цели на Македонија.

Лидерот на ВМРО-ДПМНЕ, Мицкоски, се заблагодари на поддршката од Унгарија на Македонија посочувајќи дека тоа е доказ за вистинско пријателство, изразувајќи надеж дека таа поддршка ќе продолжи имајќи го во предвид фактот дека Унгарија наредната година го презема претседателствувањето со Европската Унија.

Воедно на средбата беше направен пресек на соработката и работата на двете партии во насока на размена на искуствата кои се користат при изработка на програмата на ВМРО-ДПМНЕ за наредните избори. Воедно беше разговарано за идни проекти и планови за развој кои би се реализирале веднаш по промената на власта во Македонија, информираат од партијата.

The post Мицкоски на средба со Орбан: Поддршката од Унгарија на Македонија е доказ за вистинско пријателство appeared first on Република.

Колку Унгарија сериозно ја сфати организацијата на Светското првенство во атлетика најголемиот спортски настан во историјата на својата земја, најдобро говори фактот што новиот објект е изграден специјално за ова натпреварување.

Владата на Орбан потрошила 658 милиони евраСо капацитет од 36.000 луѓе ова ќе биде едно од најгледаните изданија на Светското првенство „Кралица на спортовите“, но по завршувањето на првенството домаќинот нема да го напушти стадионот во иста форма.

Горниот прстен ќе биде отстранет  па трибините ќе имаат „само“ 14.000 седишта. Со тоа во иднина ќе се отвори погледот и на присутните, со оглед на тоа што стадионот се наоѓа веднаш до Дунав, па секој ќе може да ужива во прекрасната глетка.

The post Ова е унгарското чудо од стадион appeared first on Република.

Џони Деп бил пронајден без свест во својата хотелска соба во Будимпешта. Ваквата вест доаѓа откако неговиот бенд „Hollywood Vampires“ во последен момент го откажа настапот во овој град. Според полицискиот извештај, Џони бил толку онесвестен што морале да побараат лекарска помош.

Салата била преполна со луѓе и многу фанови поминале стотици километри за да го проследат настапот на бендот, но Деп наводно бил во толку лоша состојба што дури не можел ни да стигне до сцената.

Сè беше подготвено, сцената беше поставена, екипата зад сцената беше спремна за забава. Никој не мислеше дека би можело да има проблеми, порачал организаторот.

Наводно славниот актер бил премногу возбуден што се онесвестил. Иако бројни фанови биле изненадени од ситуацијата и се грижат за неговата здравствена состојба, некои од нив сметаат дека Деп пред настапот испил премногу алкохол. Имено, поединци го забележале Џони неколку часа пред почетокот на концертот како пие на улица.

Here’s Johnny Depp drinking an hour before cancelling his concert due to “unforeseen circumstances”. He likely passed out again 🥴 pic.twitter.com/tp9QQ4odRB

— chateau bunny ❄️ (@cocainecross) July 18, 2023

За потсетување, ова не е првпат бендот „Hollywood Vampires“ да се соочува со здравствени проблеми на славниот актер. Тие во јуни мораа да откажат неколку настапи бидејќи тој ја повреди својата нога. Сепак, планираат да ја завршат турнејата до крајот на месецот.

The post Џони Деп пронајден без свест во хотел во Будимпешта appeared first on Република.

Магазинот „Тајм“ ја вклучи Будимпешта на листата на препорачани дестинации за 2023 година објавена денеска, објави агенцијата МТИ.

Неделникот наведува дека годинава главниот град на Унгарија одбележува 150 години од обединувањето на Будим, Пешта и Обуд, три поранешни населби покрај Дунав.

Тој забележува дека мостот на синџирот повторно ќе се отвори за пешаците наесен по повеќе од две години реновирање и дека учесниците на маратонот во Будимпешта ќе трчаат покрај и под мостот во октомври.

Меѓу другите програми наесен, Тајм наведува јубилеен концерт на отворено што ќе се одржи на плоштадот на хероите, натпревар за торти во Будимпешта и нова изложба за идентитетот на унгарската престолнина во Историскиот музеј во Будимпешта.

Најавено е и отворањето на сосема нов Етнографски музеј, Куќа на унгарската музика, дизајнирана од јапонскиот архитект Су Фуџимото и Унгарската државна опера, по проектот за реновирање завршен минатата година, објави унгарската агенција.

The post Будимпешта на листата на препорачани дестинации за 2023 година на „Тајм“ appeared first on Република.

Повеќе од 40 камиони и автомобили денеска се судрија на километар 26 од автопатот М1 на излезот од Будимпешта, најверојатно поради песочна бура. Веднаш по судирот избувнал пожар.

Според првичните податоци, во несреќата изгореле 19 возила, а повредени се вкупно 36 лица, од кои едно се здобило со повреди опасни по живот, 13 лица се здобиле со тешки телесни повреди. Автопатот е затворен во двата правци.

[caption id="attachment_618597" align="alignnone" width="620"] (фото: Унгарска полиција)[/caption]

Засега нема официјални информации за причини за несреќата, но според првите информации во моментот на судирот имало песочна бура на автопатот, која може значително да ја намали видливоста.

Автопатот М1 во близина на Будимпешта попладнево изгледаше како сцена од филм.

Кога пристигнале пожарникарите, од вкупно 42 возила кои учествувале во несреќата, целосно изгореле 19 автомобили, 1 комбе и кабината на камион. Пожарникарите имаа многу сложена задача на самото место, бидејќи мораа да спречат понатамошно ширење на пожарот, како и да организираат потрага по патници заробени во возилата, изјави Анет Сабо-Бизтрич, портпарол на Управата за катастрофи на округот Фејер.

На десетици повредени лица им е укажана лекарсдка помош и се пренесени во болница. Неколкумина се пренесени со спасувачки хеликоптер.
На терен за неколку минути пристигнале 70 пожарникари од седум града.

На едно од видеата може да се види мајка како оди со мали деца покрај патот, на неколку метри од нив насекаде има остатоци од пеплосани автомобили. Покрај автомобили во судирот учествувале и камиони.

Од полицијата информираа дека несреќата се случила околу 14.25 часот, а во неа учествувале 5 камиони и 37 автомобили, пишува News.ro.

Според првите информации моментално се лекуваат 25-30 повредени, но тоа не се конечни бројки, неколку возила се запалиле. Во моментов истрагата за повредените  е во тек, досега првата повратна информација беше дека околу половина од повредените се посериозни, а другата половина помалку повредени, по интервенцијата на лице место ќе можам да објавам точно колку има и со какви повреди се здобиле. Поради големиот број повредени ќе ги транспортираме во неколку болници за со помош на спасувачки хеликоптери многу брзо да ги сместиме потешко повредените во подалечни болници. Планирањето за ова се одвива заедно со третман на лице место, изјави портпаролот на Националната служба за брза помош Пал Џерфи за Хирадо.

The post Песочна бура предизвика верижен судир на 42 возила: Пеплосани 19 автомобили, 36 повредени, повеќето тешко appeared first on Република.

Маж избоде тројца полицајци синоќа во главниот град на Унгарија, од кои едниот им подлегнал на нанесните повреди, соопшти денеска полицијата во Будимпешта.

Инцидентот се случил кога тројцата полицајци интервенирале на дојавен повик за обид за упад во стан, а биле нападнати при обидот да го приведат разбојникот.

Во моментот на приведувањето, тој ги нападнал со нож полицајците, ги избодел и истрчал на улица, каде бил застрелан од четвртиот полицаец во ногата.

Унгарскиот премиер Виктор Орбан денеска изјави за локално радио дека Владата ќе обезбеди помош за семејството на убиениот полицаец.

The post Маж избол тројца полицајци во Будимпешта, еден им подлегна на повредите appeared first on Република.

Драстичниот пораст на цените на енергијата ја принуди Унгарија да ги затвори библиотеките, театрите, базените и нејзините нови стадиони во текот на зимата.

Новите стадиони, кои се сметаат за симболи на моќта на десничарскиот премиер Виктор Орбан, кој е на власт 12 години, се последните во долгата листа на објекти кои повеќе не можат да се носат со поскапувањето на енергијата.

Секешфехервар, еден од најбогатите градови во Унгарија, каде на власт се членови на партијата на Орбан, е еден од многуте што ги затворија своите музеи, библиотеки и театри за време на зимата. Градоначалникот Андраш Чер-Палкович најави дека новиот стадион, кој може да прими 14.000 гледачи, ќе биде затворен овој месец поради заштеда на трошоци.

– Јавните простори се она што го прави градот. Никој не е среќен поради овие мерки, но луѓето прифаќаат дека тие се неопходни, изјави Чер-Палковиќ, член на владејачката партија на Орбан, Фидес.

The post Во Унгарија се затвораат стадиони, базени, театри, библиотеки поради скапата струја appeared first on Република.