Не треба да им се дозволи на САД да доминираат на глобалниот енергетски пазар додека ЕУ ги трпи последиците од конфликтот во Украина, изјави францускиот министер за финансии Бруно Ле Мер.

„Конфликтот во Украина не смее да заврши со американска економска доминација и слабеење на ЕУ“, нагласи тој во францускиот Парламент.

Ле Мер оцени дека е неприфатливо Вашингтон да го „продава својот течен гас по четирипати повисока цена од таа што им е одредена на американските индустријалци“, додавајќи дека „економското слабеење на Европа не е во ничиј интерес“.

„Мораме да постигнеме побалансирани економски односи во однос на енергијата меѓу американските партнери и европскиот континент“, рече тој.

Пред конфликтот во Украина, Русија беше најголемиот снабдувач на гас во ЕУ, со удел од околу 45 отсто од вкупниот увоз на гас во блокот. Сепак, поради санкциите воведени кон Москва по нападот на Украина, испораките на руски гас во ЕУ значително се намалија, објави Политико.

The post Ле Мер предупредува: Да не им се дозволи на САД да доминираат на глобалниот енергетски пазар appeared first on Република.

Францускиот министер за финансии Бруно Ле Мер денеска изјави дека поскапувањето на струјата следната година ќе биде ограничено, јави францускиот телевизиски канал БФМ.

„Зголемувањата за кои зборуваат претседателот и премиерот ќе бидат ограничени зголемувања“, рече Ле Мер, додавајќи дека Владата ќе обезбеди помош за домаќинствата кои најмалку се способни да ги платат сметките за енергија.

Францускиот претседател Емануел Макрон претходно оваа недела изјави дека претстојат „тешки месеци“, а неговата влада предупреди на пораст на цените на енергијата.

The post Ле Мер: Франција ќе го ограничи поскапувањето на струјата следната година appeared first on Република.

Францускиот министер за финансии Бруно Ле Мер предупреди дека најверојатно сценарио е целосен прекин на испораката на руски гас.

Тој говорејќи на Конференцијата за бизнис и економија истакна дека Франција мора да се подготви за целосен прекин на рускиот гас.

Тоа, барем како што сега стојат работите, е најверојатното сценарио, истакна Ле Мер.

The post Ле Мер: Русија најверојатно целосно ќе ја прекине испораката на гас appeared first on Република.

Францускиот министер за финансии, Бруно Ле Мер, додека зборуваше заедно со својот германски колега Кристијан Линднер на состанокот на министрите за финансии на ЕУ, изјави дека Европската Унија сака финансиски да ја изолира Русија.

Ќе бидат погодени руските банки. Сакаме да ја изолираме Русија финансиски. Сакаме да ги прекинеме сите врски меѓу Русија и глобалниот финансиски систем - изјави Ле Мер.

Украинскиот претседател, Володимир Зеленски, ја повика меѓународната заедница да стори повеќе, нагласувајќи дека санкциите објавени досега не се доволни.

The post Ле Мер: Сакаме Русија да ја изолираме финансиски appeared first on Република.