Македонскиот каратист Стефан Стојановиќ го освои денеска бронзениот медал на Светското првенство за кадети, јуниори и младинци кое се одржува во Венеција.

Стојановиќ во категоријата над 84 килограми за каратисти до 21 година во борбата за бронзениот медал беше поуспешен од Германецот Николаи Секот со 3-2.

Македонскиот каратист до бронзата дојде со пресврт, откако противникот водеше со 2-0.

На патот до медалот Стојановиќ забележа победи на Алишер Таижан, (1-0), Константин Ковуров (2-1) и Етан Смол (4-1), а неговата борба за пласман во финалето против Матео Анванзини заврши 3-3, но пласман во финалето обезбеди италијанскиот каратист поради правилото „прв освоен поен“.

The post Македонскиот каратист Стојановиќ бронзен на СП до 21 година appeared first on Република.

Македонскиот мотоциклист Христијан Бузалковски викендот го доби признанието за освоено трето место на престижниот Европски шампионат во брзински моторциклизам.

На „Prize Giving Ceremony“ во Верона, Италија, Бузалковски го доби бронзениот медал, прв за еден Македонец во ова натпреварување.

Огромна чест и задоволство е да се натпреваруваш на ваков шампионат, а уште поголема е кога ќе освоиш медал од истиот! Истовремено сум многу среќен и горд што заедно со мојот тим успеавме да испишеме историја во македонскиот мотоспорт и што вложениот труд испливува на површина. Овој бронзен медал нас е силна мотивација за идните планови и цели, изјави Бузалковски.

Со Prize Giving Ceremony се заокружи 2023 година во Европски шампионат.

The post Христијан Бузалковски го доби бронзениот медал освоен во Европскиот шампионат во брзински мотоциклизам appeared first on Република.

Македонскатата репрезентативка во традиционално таеквондо Христијана Парулеска освои бронзен медал во спаринг-борби за јуниорки од 14 до 15 години на Светското превенство што се одржува во Астана, Казахстан.

Парулеска е најдобрата континентална кадетка, со златен медал освоен на Европското првенство одржано годинава во Италија.

На Светскиот шампионат нашата делегација отпатува со тројца натпреварувачи – Парулеска, Давид Крстески и Елена Јанеска.

Светското првенство завршува задутре.

The post Христијана Парулеска освои бронзен медал за Македонија на СП во традиционално таеквондо appeared first on Република.

Македонската репрезентација го освои третото место на Светското првенство во параглајдерство, што се одржа во Франција. На северниот дел на Алпите во изминатите две недели четворица репрезентативци летаа учествуваа во првенството што се одржа во француското градче Шаму-сир-Желон во северниот дел на Алпите. 57 држави учествуваа на 18. Светско првенство.

За Македонија настапија: Дарко Станковски, Мартин Јованоски, Александар Гацевски и Ѓорѓи Ристовски, кои по деветте одржани трки освоија 14.879 поени. Медалот го освоија откако и избегаа на Чешка на последниот ден од натпреварувањето.

Златниот медал го освои Франција со 16.100 поени, а на второто место беше Велика Британија со 15.517.

The post Македонските параглајдеристи се трети во светот appeared first on Република.

Срцето му е топло на секој Македонец, кога наши луѓе ќе успеат во светот. Едни од нив се сестрите Илина и Ева Соколовски, кој нижат успеси низ Германија во ритмичка гимнастика.

Она што во моментов претставува македоска гордост е успехот на Илина (16) во Бундес лигата, која започна по пауза поради короната. И на стартот на натпреварувањето Илина се закити со бронза.

Таа екипно викендот настапуваше во Берлин, каде освои високи поени, но екипно за влакно им побегна среброто. До крајот на спортската сезона претстојат уште многу натпревари, кога на крајот се собрираат поените и се прогласува победникот.

Настапив со три точки, топка, чуневи и лента. Благодарејќи на високите поени во соло настапите идниот месец заминувам за Леверкузен, каде ќе имам интернационален настап, ни рече гордо Илина.

Она што е важно, пак, за нејзината помала сестра Ева (12), е што оваа година таа остана на резервната клупа во нејзината категорија во Бундес, бидејќи поради годините се уште не е дел од ова најголемо германско натпреварување, но поради талентот и наградите што ги има зад себе добила покана да биде дел од Бундес лигата, но само доколку е потребно за замена.

А до крајот на спортската сезона овие две македонски донца, кои боите на Германија го бранат со македонски пасош, ги очекуваат повеќе републички и интернационални натпревари.

Колку е голема љубовта кон овој спорт покажува и фактот што Илина минатиот месец  присуствуваше на светскиот натпревар по ритмичка гимнастика, што се одржа во Софија, а таму е пресреќна што се запознала со својот идол.

Неочекувано пред мене се создаде олимпискиот победник од Израел Ашрам. Јас се израдував и јас ја повикав. Таа дојде до мене и се сликавме. Пресреќна сум, бидејќи таа е најдобра во овој спорт, го сонувам нејзиниот успех и  сонот ми се оствари лично да ја запознам, вели Илина.

Илина и Ева веќе се подготвуваат за наредниот месец во Леверкузен, каде ќе се натпревруваат во нивните категории. И, секако, како што е вообичаено, ќе се закитат со некој медал.

The post Бронза за македонското девојче во Бундес лига – Нов успех на Илина Соколовска appeared first on Република.

На 27-та Балканијада, која викендов се оддржа во Истанбул, нашиот репрезентативец Андреас Трајковски на своето деби за македонската репрезентација го освои бронзениот медал во дисциплината скок во далечина.

Уште пред почетокот на Балканијадата, тој изјави дека ќе се обиде да постигне што подобар резултат и со освоениот медал и резултат во Истанбул, - ветеното стана реалност.

Трајковски до бронзениот медал дојде со резултат од 7 метри и 62 сантиметри, којшто го постигна во втората серија од натпреварувањето, што е за 3 сантиметри пократко од македонскиот рекорд, кој е во негова сопственост и го постави на отвореното првенство во Скиве, Данска на 27.02.2022 година.

Сребрениот медал го освои Хрватот Марко Чеко со скок од 7 метри и 71 сантиметар, додека со злато се закити Измир Смајлај од Албанија со скок од 7 метри и 79 сантиметри.

Со овој резултат Трајковски покажа дека се наоѓа во одлична форма и дека ќе продолжи во иста насока и на следните негови натпреварувања оваа сезона.

The post Бронзен медал за Андреас Трајковски на Балканијадата во Истанбул appeared first on Република.