Полициска бркотница се одвивала синоќа на подрачјето на Бит Пазар во Скопје.

Полицијата дала знак за запирање на автомобилот во кој биле две лица од Арачиново, скопско, но тие не застанале туку удриле во полициското возило и се обиделе да побегнат.

Кога полицијата ги стигнала и уапсила, двете лица М.Б.(31) и Џ.Б.(29), фрлиле јакна во која биле пронајдени два пиштоли и 20 куршуми од различен калибар, велат од МВР.

По целосно документирање на случајот, против нив ќе биде поднесена соодветна пријава.

The post Бркотница на Бит Пазар: Удриле во полициското возило, па фрлиле јакна со пиштоли и куршуми – завршиле со лисици appeared first on Република.

Нешто по полноќ синоќа, полицијата уапсила двајца скопјани кои неколкупати бегале низ населбата Аеродром, а кога конечно успеале да ги запрат, со автомобилот удриле во полицаец и во возило на МВР.

Денеска (14.02.2023) во 00.45 часот на ул.„Ангел Димовски” во Скопје, полициски службеници од Единицата за интервентна полиција при СВР Скопје ги лишиле од слобода М.Б.Ѓ.(36) и А.И.(34), двајцата од Скопје. Претходно, околу 00.30 часот на ул.„Беласица”, М.Б.Ѓ. не застанал на знак за запирање даден од полициски службеници со возилото „Рено Лагуна” со скопски регистарски ознаки, кое го управувал, а сопатник бил А.И., по што ја зголемил брзината и продолжил со движење, велат од полицијата.

Пред да биде запрен тој не испочитувал уште една наредба за запирање и со неговото возило удрил во службено полициско возило и во полициски службеник. Двајцата биле задржани во полициска станица и по целосно документирање на случајот, против нив ќе биде поднесена соодветна пријава, се додава во соопштението.

The post Бркотница низ Аеродром: Возач кој бегал со „рено“ удрил во полицаец и возило на МВР appeared first on Република.