После Јужноамериканската премиера на Јон Вардар против Галаксијата на еден од најголемите филмски фестивали во Латинска Америка, престижниот Мостра до Сао Паоло, првиот македонски долгометражен анимиран филм повторно патува за Бразил.

Овојпат, Јон Вардар ќе биде прикажан во „бразилското Сен Тропе“ на 6. декември, на 14тото издание на меѓународниот филмски фестивал Балнеарио Камбориу.

Режисерот Цветановски изјави дека поканата за учество ја добил од директорот на фестивалот веднаш после проекцијата во Сао Паоло.

„Се‘ уште сум воодушевен од реакцијата на бразилската публика. После првата проекција се сликав со група весели ученици со кои разговаравме за филмот, а потоа следеше и интервјуто за бразилскиот сервис на ‘Си-ен-ен’. Драго ми е што филмот наиде на интерес во Бразил и повторно ќе биде прикажан таму“, изјави Цветановски.

Ова е четврта фестивалска презентација на Јон Вардар против Галаксијата, а Цветановски најави возбудливи новости во текот на 2025.

The post „Јон Вардар против Галаксијата“ повторно на фестивал во Бразил appeared first on Република.

Површина споредлива со големината на Белорусија изгоре во Бразил помеѓу јануари и септември 2024 година, според извештај објавен денеска, пренесе ДПА.

Вкупно 22,38 милиони хектари изгореа во пожари во првите девет месеци од 2024 година, што е зголемување за 150 проценти во споредба со истиот период во 2023 година, се вели во извештајот на иницијативата MapBiomas.

Областа одговара на околу 2,6 отсто од површината на Бразил, поголема е од Белорусија (20,29 милиони хектари) и речиси е колку Романија (23 милиони хектари).

За извештајот, мрежата составена од универзитети, невладини организации и технолошки компании, анализираше сателитски снимки и други податоци.

Повеќе од половина од изгорената површина е во регионот на Амазон. Само во септември таму изгореа 5,5 милиони хектари – скок од 196 отсто во споредба со истиот месец во 2023 година.

Сушната сезона во Амазон, која вообичаено трае од јуни до октомври, беше особено тешка оваа година и дополнително ја влоши кризата со пожари во регионот, рече Ане Аленкар од MapBiomas.

Наречена „белите дробови на планетата“, амазонската прашума апсорбира јаглерод диоксид од атмосферата, играјќи клучна улога во борбата против климатските промени.

The post Во пожарите во Бразил досега изгоре површина поголема од Белорусија appeared first on Република.

Бразилскиот претседател, Луис Инасио Лула да Силва, порача дека Бразил ќе остане неутрален по прашањето за војната меѓу Русија и Украина.

Лула посочи дека неговата земја не може да заземе страна во тој конфликт и дека оние кои учествуваат во него и кои сега повикуваат на дијалог со Бразил требало да го сторат тоа порано.

Затоа е важно Бразил да не учествува во војната меѓу Украина и Русија. Затоа е важно Бразил јасно да каже дека сакаме мир, не сакаме војна. Оние кои сега сакаат да разговараат со нас можеа да го сторат тоа пред да започне војната“, рече претседателот на Бразил.

Лула изјави дека Бразил инсистира на мирно решавање на конфликтот, обидувајќи се да избегне учество во непријателства.

Го отфрламе масакрот на жени и деца во Палестина. На ист начин го отфрламе тероризмот на Хамас. Но, Бразил се издвојува по една работа: ние сме дел од континентот кој сака мир“, истакна Лула.

Коментарот уследи откако членовите на владата на украинскиот претседател Володимир Зеленски побараа Лула да ја посети Украина и ја критикуваше позицијата на Бразил, која ја сметаат за проруска. Од друга страна, рускиот претседател Владимир Путин го спомена Бразил, заедно со Кина и Индија, како можни посредници за мир.

The post Лула да Силва: Бразил ќе остане неутрален во војната меѓу Русија и Украина appeared first on Република.

По пронаоѓањето на кокаин во пакувања со банани и други јужни овошја, балканскиот нарко картел се обиде да прошверцува дрога на брод што превезувал добиток на крајот на минатата недела.

Според информациите на светските агенции, нивни регрути од Јужна Америка сокриле количество на кокаин на брод во пристаништето Вила до Конде, во бразилската држава Пара, кое се наоѓа на брегот на реката Амазон.

Акцијата била спроведена во соработка со бразилската морнарица и Федералната управа за приходи. Засега нема уапсени, но отворена е полициска истрага со цел да се утврди потеклото и дестинацијата на дрогата и да се идентификуваат одговорните, како и да се открие дали сумата што е запленета е само дел од поголем товар што шверцерите требало да го сокријат на бродот“, изјави соговорник на „Вијести“ од странската безбедносна служба.

Тој објасни дека шверцери на дрога од Балканот во последните две години користат бродови кои превезуваат добиток.

„На почетокот на 2023 година, Националната полиција и царинските службеници извршија значителна заплена на таков брод – повеќе од четири тони кокаин беа запленети во пристаништето Лас Палмас де Гран Канарија. Во јули минатата година во Шпанија беше извршена уште една значајна заплена на дрога, исто така на брод што превезувал добиток. Кога станува збор за последната заплена, важно е да се објасни дека пристаништето Вила до Конде е многу блиску до устието на Амазон и границата на земјата со места како Гвајана или Суринам, клучни точки за товарење на големи пратки кокаин кои одат во Европа. Затоа се сомневаме дека бродот е контаминиран во тоа пристаниште“, вели соговорникот.

Тој објасни дека балканскиот нарко картел има свои бази на територијата на Јужна Америка и во нив регрути кои се задолжени за товарање на кокаин на бродови.

„Повеќето ги идентификувавме и работиме на нивно лоцирање и апсење“, вели изворот.

„Вијести“ неодамна објави дека балканскиот картел претрпел тешки удари во Јужна Америка во средината на август и средината на јули, во акции во кои беа запленети тони кокаин.

Во средината на јули, по четиригодишна истрага, Централната бригада за наркотици на Националната полиција, во соработка со Европол, американската агенција DEA, Националната агенција за криминал на Обединетото Кралство и Центарот за поморска анализа и операции за дрога (MAOC -Н), уапси околу 50 лица кои биле дел од криминална мрежа задолжена за транспорт на кокаин од Латинска Америка во Европа.

The post Шверцувале кокаин меѓу добиток: Заплена на наркотици на балкански картел во Бразил appeared first on Република.

Репрезентацијата на Колумбија ја совлада Аргентина со 2:1 во квалификациите за Светското првенство и дојде на два бода од светскиот и континентален шампион.

Без Лео Меси, се чини дека Аргентинците не се истата репрезентација, што се виде на овој меч, но најдобриот играч на светот ќе му биде на располагање на селекторот од следниот месец.

По корнерот на Родригез, Москера и донесе предност на Колумбија. На 1:1 израмни Нико Гонзалес, а Родригез погоди од пенал за победа на домашните.

Аргентина во Баранкиља го претрпе само вториот пораз во квалификациите, а воедно и вториот во сите натпреварувања за неполни две години.

Аргентинците не беа единствените кои тагуваа вечерва. Бразил доживеа пораз и во квалификациите за Светското првенство.

Парагвај победи со 1:0, а Данијел Гомез го постигна голот во 20. минута од натпреварот.

Во останатите натпревари Уругвај одигра нерешено со Венецуела, додека Еквадор го совлада Перу.

Квалификации за СП 2026, 8. коло:

Парагвај - Бразил 1:0 (1:0)
/Гомез 20/

Колумбија - Аргентина 2:1 (1:0)
/Москера 25, Родригез 60 пенал - Гонзалес 48/

Чиле - Боливија 1:2 (1:2)
/Варгас 39 - Алгараназ 13, Мигелито 45+1/

Еквадор - Перу 1:0 (0:0)
/Валенсија 54/

Венецуела - Уругвај 0:0

The post Ова ретко се случува: Аргентина и Бразил загубија во ист ден appeared first on Република.

Од следната недела, Бразил ќе ги заостри правилата за влез без виза, соопшти вчера владата. Чекорот следува откако мигрантите сè почесто ја користат јужноамериканската земја како меѓустаница на патот кон САД и Канада.

Од понеделник, странските патници без бразилска виза, кои транзитираат низ Бразил на пат кон друга држава, мора да патуваат директно до својата дестинација или да се вратат во својата земја, соопшти бразилското Министерство за јавна безбедност.

Во Бразил се забележува пораст на странски патници, особено од Азија, кои слетуваат во земјата со наводен престој, само за да побараат азил додека се таму, информира министерството. Сега на овие патници без виза нема да им биде дозволено да останат во Бразил.

Според два извештаи на властите, овие мигранти сакаат да останат во Бразил, тврдејќи дека се прогонувани и загрозени во своите земји. Откако ќе добијат азил во Бразил, многумина од нив често патуваат на север по копно, насочувајќи се главно кон Соединетите Американски Држави или Канада, соопшти Министерството, повикувајќи се на полициски истраги

The post Нови мерки во Бразил заради контрола на миграцијата кон Северна Америка appeared first on Република.

Меѓу 62-ца патници и членови на екипажот кои загинаа при падот и експлозијата на бразилскиот авион, имало осум лекари, онколози.

Шест водечки онколози и двајца медицински техничари, во последната година од престојот, беа на пат од нивниот роден град Каскавел на конференција за рак во Сао Паоло кога во петокот во 1.30 часот се урна турбопропот со двојни мотори на VoePass Airline ATR 72-500 по локално време.

„За жал, добивме многу тажна вест, а можеме да ја потврдиме смртта на осум лекари. Тие одеа на конференција за онкологија. Тоа беа луѓе кои ги посветија своите животи за да спасат други“, рече Едуардо Баптисела од Регионалниот медицински совет.

The post Oсум лекари загинаa во авионската несреќа во Бразил appeared first on Република.

Властите во Бразил потврдија дека се пронајдени сите тела на загинатите во авионската несреќа во бразилската држава Сао Паоло и дека идентификацијата на жртвите од несреќата на двомоторниот авион на компанијата Воепас што се урна во областа на градот Вињедо е во тек.

Како што јави Би-Би-Си, во саботата бројот на жртви е ревидиран на 62, бидејќи по првите најави е потврдено дека на кобниот лет имало уште еден патник кој не е евидентиран.

Бразилскиот претседател Луис Инасио Лула да Силва прогласи тридневна жалост поради авионската несреќа кај Сао Паоло во која загинаа сите патници и членови на екипажот.

Од моментот на објавување на оваа уредба, официјално прогласувам тридневна жалост низ целата земја за жртвите во авионската несреќа“, се вели во соопштението на Лула да Силва објавено на мрежата Х.

The post Пронајдени телата на сите загинати во авионската несреќа во Бразил appeared first on Република.

Најмалку 31 тело досега е пронајдено на местото на авионската несреќа во Бразил, во која загинаа 62 лица, а идентификувани се пилотот и копилотот, соопшти покраинската влада на Сао Паоло.

„Меѓу загинатите има еден Венецуелец и еден португалски државјанин“, рече претставникот на цивилната одбрана Роберто Фарина, додавајќи дека биле контактирани локални конзулати.

Сите пронајдени тела се пренесени во полициската мртовечница во Сао Паоло.

„Се анализира таканаречената ‘црна кутија’ на авионот, која содржи гласовни снимки и податоци за летот“, изјави Марсело Морено, шеф на бразилскиот центар за истражување на воздушни несреќи.

The post Пронајдени телата на 31 патник по авионската несреќа во Бразил appeared first on Република.

Бразилскиот претседател Луис Инасио Лула да Силва прогласи тридневна жалост поради авионската несреќа кај Сао Паоло, во која загинаа 61 лице.

Од моментот на објавување на оваа уредба, официјално прогласувам тридневна жалост низ целата земја за жртвите во авионската несреќа“, се вели во соопштението на Лула да Силва објавено на мрежата Х.

Патнички авион со 61 патник и членови на екипажот се урна вчера во местото Вињедо, во близина на Сао Паоло, и нема преживеани. Според информациите на превозникот „Voepass Linhas Aéreas“ се работи за турбо-лесен авион АТР-72 што се урнал меѓу Каскавел и Гуаруљос.

The post Тридневна жалост во Бразил по паѓањето на патнички авион appeared first on Република.

Нема преживеани во авионската несреќа во Бразил, објавија американските медиуми, повикувајќи се на локалните власти.

Претходно денеска во јужната бразилска држава Сао Паоло се урна патнички авион со 62 лица.

На социјалните мрежи кружи видео на кое се гледа како леталото удира во дрвја, по што од местото на несреќата почнал да се издига густ облак од црн чад.

Авионот од моделот АТР-72 имаше капацитет да превезува 68 луѓе.

Се урна во станбена зона во градот Винедо.

Никој на теренот не е повреден. Оштетена е само една зграда.

Авионот, кој бил во сопственост на бразилската авиокомпанија „VoePass“, бил на домашен лет меѓу градовите Каскавел, во јужната држава Парана, и Гуаруљос, во државата Сао Паоло. Во авионот имало 62 лица – 58 патници и четиричлен екипаж.

На местото на несреќата веќе се екипи на противпожарната и итната медицинска помош.

The post Нема преживеани во авионската несреќа во Бразил appeared first on Република.

Со својата позната „јогo бонито“ (jogo bonito), прекрасната игра, легендарните ѕвезди и рекордните пет титули светски шампионати, Бразил со децении е познат како „земја на фудбалот“. Но, дали сe уште е така?

Земјата на Пеле, Гаринчa и Роналдињо, која некогаш го воодушевуваше светот со својот фудбал, нема освоено Светско првенство од 2002 година. Ниту, пак, дала добитник на Златна топка од Кака во 2007 година.

„Selecao“ моментално се бори да го обезбеди своето место на Светското првенство во 2026 година, многумина во Бразил и пошироко се прашуваат што се случува.
Дури и претседателот Луис Инасио Лула да Силва се приклучи на националниот преглед, признавајќи дека Бразил „повеќе не го игра најдобриот фудбал на светот“.

Што се случи?

Исчезнуваат игралишта

Една од причините може да биде тоа што се помалку се игра фудбал на улица, каде некои од бразилските великани како Ривелињо, Зико и Ромарио пораснаа со топка.
„Никој повеќе не игра на улица. Не слушате приказни за некој одличен удар што скршил нечиј прозорец“, вели аматерскиот фудбалер Лауро Насименто, чиј дрес е извалкан со портокалова кал откако играше на еден од ретките преостанати земјени терени во северниот дел на Сао Паоло.
Насименто, 52-годишен финансиски експерт кој игра за локалната Аурора, скршил неколку прсти додека како дете играл босоног фудбал.

Денеска населбата Вила Аурора е покриена со бетон. Две згради стојат на поранешна ливада која се користела како фудбалско игралиште.

„Секој отворен простор еднаш беше доволен за децата да почнат да играат фудбал. Денес на нив се гледа како на можност да се изгради првокласен недвижен имот“, вели спортскиот историчар Аира Бонфим.

За пристап до игралишта, сиромашните деца во Бразил денес често зависат од училиштата, социјалните програми или фудбалските академии.
Според студија од 2021 година, само една од пет такви академии е бесплатна.
И многу од тие терени се синтетички, површина за која некои велат дека е помалку развиена за техниката на играчот од нерамните терени во старите времиња.

Механички фудбал

Намалувањето на времето поминато во спортување имаше „големо влијание врз нашиот фудбал“, вели аналитичарот Еулер Виктор.
„Има многу Бразилци кои играат во Европа, но многу малку ѕвезди.
Последната голема надеж на Бразил, Нејмар блесна во Барселона, но не успеа да ја одведе репрезентацијата до титулата светски шампион.

Бразилците сега ги полагаат своите надежи во 23-годишниот Винисиус Јуниор и младиот феномен Ендрик, кој би требало да му се придружи во Реал Мадрид кога во јули ќе наполни 18 години.
Бразил и понатаму е најголемиот светски извозник на фудбалери, но тие носат помалку пари.

Според податоците на ФИФА, клубовите минатата година платиле 935,3 милиони долари за трансфери на 2.375 бразилски играчи, што е пад од речиси 20 отсто во однос на 2018 година, кога бројот на играчи бил помал - 1.753.
Дел од причината лежи во тоа што клубовите плаќаат помалку за млади играчи, но факт е и дека има помалку истакнати ѕвезди.

„Нашата техника е во опаѓање“, вели Виктор Иго да Силва, тренер во младинската академија на Фламенго во Сао Гонкало, недалеку од Рио де Жанеиро.

„Стилот на играта се промени и тоа ни одзеде дел од креативноста. Нашиот фудбал порано беше толку весел. Сега е механички“.

На синтетички терен тренира деца од седум до десет години кои сонуваат да тргнат по стапките на Винисиус, најпознатиот ученик на таа фудбалска школа.
Новите генерации се уште имаат фудбал во вените, но и проблеми со тренинзите, кои Да Силва ги припишува на нивниот начин на живот и „зависноста“ од екраните.

Бразил, кој има 203 милиони жители, има повеќе мобилни телефони отколку луѓе.

Повеќе од една третина од децата на возраст меѓу пет и 19 години се со прекумерна тежина или дебели.

Робсон Цимерман, ловец на таленти за клубот Коринтијанс од Сао Паоло, вели дека денешните фудбалери кои доаѓаат се соочуваат со потешки услови, вклучувајќи ја потребата да играат на повеќе позиции и преголемите очекувања од семејството и медиумите.
„Порано, тие требаше да се грижат само за играње фудбал“, вели тој.
Но, Лејла Переира, претседателката на градскиот ривал Палмеирас, актуелен бразилски шампион, тврди дека Бразил никогаш нема да престане да биде фудбалска земја.
Бразилските тимови ги освоија последните пет јужноамерикански клупски првенства, а Палмеирас освои две од нив.
Клубот е лулка на Ендрик, чија продажба на Реал Мадрид му донесе 65 милиони долари.
„Не се согласувам со оние кои мислат дека (бразилските играчи) го изгубиле квалитетот. Погледнете ги астрономските суми што ги носат“, вели Переира.

Забава во фавелата

За многумина, Переира, една од најбогатите жени во Бразил, е заштитно лице на нов бренд на бразилски фудбал, повеќе налик на европски, со раскошни плати според јужноамериканските стандарди и скапи цени на билетите.

„Со апсурдни плати на играчите, клубовите мора да ги зголемат цените на билетите, што ги исклучува навивачите како мене“, вели навивачот на Фламенго, Давид Сантос.

Во 2019 година, тој основаше клуб на посветени навивачи на Фламенго од сиромашни фавели како него.
Од врвот на сиромашен кварт со поглед на трендовските области Копакабана и Ипанема, тие создаваат атмосфера на Маракана во деновите на натпреварите, се украсуваат со знамиња на клубови, прават скара и пеат навивачки песни додека го гледаат натпреварот на џиновски екран.

„Фудбалот е она што го гледате овде. Тоа е игра на народот. Но, децата на улица како мене веќе немаат пристап до тоа“

The post Никој повеќе не игра фудбал на улица во Бразил appeared first on Република.

Поранешниот бразилски претседател, Жаир Болсонаро, е пуштен од болница откако претходно бe[e примен на лекување поради бактериска инфекција на кожата во северниот град Манаус.

Неговиот портпарол, Фабио Вајнгартен, соопшти дека Болсонаро од ноември 2022 година има кожна болест - еризипел, еден месец откако ги загуби претседателските избори од левичарот Луис Игнасио Лула да Силва.

Болсонаро зачера присуствуваше на настан во Манаус заедно со неговите поддржувачи.

The post Болсонаро пуштен од болница appeared first on Република.

Најмалку 56 лица го загубија животот во поплавите во бразилската држава Рио Гранде до Сул, по обилните дождови кои го зафатија тој дел од Бразил оваа недела, додека 67 лица се водат како исчезнати, соопшти денеска локалната влада.

Според податоците на Цивилната заштита, 281 општина биле погодени од поплави, како што наведува бразилскиот портал Сампи, од историски размери.

Без покрив над главата останале 8.296 лица, а раселени се 24.666 лица.

Бразилскиот претседател Луис Инасио Лула да Силва ја опиша катастрофата како една од најлошите поплави во историјата на земјата.

Никогаш во историјата на Бразил немало толку многу дожд на едно место, рече тој на прес-конференција со јапонскиот премиер Фумио Кишида во главниот град Бразилија.

Досега се спасени повеќе од 8.000 луѓе.

The post Бројот на жртвите во поплавите во Бразил се зголеми на 56 appeared first on Република.

Бразилскиот напаѓач Ендрик постигна деби гол од соништата за својата репрезентација откако го постигна победничкиот погодок во победата на Бразил над Англија со 1:0.

Со тоа, сегашниот играч на Палмеирас и идното засилување на Реал Мадрид стана најмладиот стрелец во историјата на стадионот „Вембли“ со 17 години и 246 дена. Покрај тоа, Ендрик стана четвртиот најмлад Бразилец кој постигнал гол за „Селесао“ по Пеле (16 години и 257 дена), Јонас Едуардо Америко - Еду (16 години и 306 дена) и Роналдо (17 години и 246 дена). Тоа значи дека тој е најмладиот стрелец за Бразил овој век.

Тука е моето семејство, мојата девојка, моите агенти. Не сум човек кој плаче, па се воздржувам, но тоа е нешто уникатно и многу сум среќен. Неверојатно е, играв видео игра и исто така го постигнав мојот прв гол за Бразил токму овде на „Вембли“. Постојано размислував за тоа, беше убаво. Еден од моите идоли тука е Боби Чарлтон. Да играм на истиот стадион како Боби и да дадеш гол на ист датум кога Роналдо дебитираше, ќе ми остане неверојатен спомен, прокоментира пресреќниот Ендрик по натпреварот.

The post 17-годишниот Ендрик постави рекорд на „Вембли“ и се нареди покрај бразилските легенди Пеле и Роналдо appeared first on Република.

Американскиот државен секретар Ентони Блинкен денеска патува за Аргентина и Бразил на средби за зацврстување на односите со лидерите на тие две земји.

Тој исто така ќе учествува на средбата на министрите за надворешни работи на земјите од Г-20 што се одржува во Рио де Жанеиро.

Ова е прва посета на Блинкен на Бразил и Аргентина во својство на државен секретар на САД. Тој ќе се сретна со претседателот на Бразил Луис Игнасио Силва и со неодамна избраниот претседател на Аргентина Хавиер Милеи.

На Г-20 се очекува да дојде и рускиот министер за надворешни работи Сергеј Лавров, така што има шанси за средба, една од ретките, меѓу него и Блинкен.

The post Блинкен на средби со претседателите на Аргентина и Бразил appeared first on Република.

Бразилската полиција почна голема операција против поранешниот претседател Жаир Болсонаро и неговите приврзаници. Овластувањето е дадено од судијата на Врховниот суд Александре ди Мораес, објави бразилскиот весник „Глобо“.

Согласно одлуката, полицијата добила 33 дозволи за претрес и приведување, како и четири налози за притвор.

Според налогот, Болсонаро мора да го предаде пасошот во следните 24 часа. Покрај него, операцијата ќе влијае и на голем број поранешни министри и негови соработници, главно поврзани со безбедносниот сектор:

- Брага Нето, поранешен министер за одбрана и потпретседателски кандидат на Болсонаро во 2022 година;

- Аугусто Хелено, поранешен министер на Кабинетот за институционална безбедност (ГСИ);

- Пауло Серхио Ногуеира, поранешен командант на копнените сили;

- Алмир Гарние Сантос, поранешен врховен командант на морнарицата;

- Стеван Теофило Гаспар де Оливеира, поранешен шеф на Командата за копнени операции на армијата;

The post Голема полициска акција против поранешниот претседател на Бразил и негови блиски соработници од безбедносниот сектор appeared first on Република.

Седум лица загинаа откако мал авион се урна во земјоделска област во југоисточната бразилска држава Минас Жераис, соопштија властите.

Тие патувале од Кампинас до Сао Паоло кога едномоторниот авион се распаднал во воздух околу 10:30 часот по локално време во градот Итапева, изјавиле за AFP пожарникарите на Минас Жераис.

Седум лица кои се наоѓале во авионот се пронајдени мртви“, додаваат од противпожарната служба.

На видео објавено на Твитер се гледа како авионот паѓа на рид и се урива.

Утрото во областа каде што се случи трагедијата врнеше силен дожд.

Експерти од Државната цивилна полиција сè уште работат на местото на настанот за да се обидат да ја утврдат причината за несреќата, заедно со службениците од Центарот за истрага и превенција на воздухопловни несреќи.

The post Се урна авион во Бразил, седум лица загинаа appeared first on Република.

Дарко Гајслер од Панчево, кој наводно е убиен на 5 јануари во населбата Ембаре во Сантос, Бразил, Неговото пораешно презиме е порано се викал Недељковиќ и е осомничен дека го убил Андрија Мрдак на 25 декември 2014 година, пред влезот на затворот Спуж во Црна Гора..

Црногорската полиција тогаш го идентификувала врз основа на ДНК траги пронајдени на местото на злосторството и оттогаш трага по него. Наводно, тој важел за лице од безбедносен интерес близок до Шкаљарскиот клан.

Безбедносните камери го снимиле Дарко ако се симнува од велосипедот, со детето на него, пред капијата на зградата во која живеел со сопругата и  и се обидува да ја отвори вратата. Убиецот, кој најверојатно го чекал, потоа истрчува од белиот автомобил, притрчува до Дарко Гајслер и испука шест куршуми во него.

Во моментот кога убиецот пукал во него, детето паднало од велосипедот, а се се случило пред очите на неговата сопруга. Полицијата на местото на злосторството пронашла три чаури - пишуваат бразилските медиуми.

Инаку, како што изјавија, убиецот имал ракавици на рацете и маска на лицето, за да не остави траги.

Убиството погледнете го тука.

The post Му дојде од зад грб: Член на Шкаљарскиот клан брутално ликвидиран на улица во Бразил appeared first on Република.

Бразил соопшти дека распоредува војници долж границата со Венецуела, откако венецуелската Влада ги објави плановите за инкорпорирање на областите контролирани од Гвајана во својата територија.

Регионот Есекибо богат со нафта е спорен уште од 19 век, кога Гвајана беше британска колонија.

Венецуела го обнови своето право на оваа територија откако пред неколку години во неа беа откриени резерви на нафта и гас во морето.

Тензиите особено се зголемија по неделниот референдум во Венецуела, во кој над 95 отсто од гласачите го поддржаа тврдењето на владата за Есекибо, јавува Би-Би-Си.

Венецуелскиот претседател Николас Мадуро веднаш побара државната нафтена компанија да издаде дозволи за ископување во оваа територија и предложи Националното собрание да донесе закон со кој областа ќе биде дел од Венецуела. Со ваквите потези тој предизвика загриженост во целиот регион.

Додека Гвајана има свои војници на готовност, бразилската војска соопшти дека преместува повеќе војници во пограничниот град Боа Виста, главен град на сојузната држава Рораима, како и дека носи дополнителни воени возила. Меѓутоа, секој воен упад од страна на Венецуела ќе биде логистички предизвик бидејќи венецуелските војници ќе мора да поминат низ бразилска територија поради тешкиот терен на други места.

Бразилската армија нагласила дека го зајакнува своето присуство во регионот како дел од напорите „да се гарантира неповредливоста на територијата“.

Хеликоптер на војската на Гвајана, со седум лица, е пријавен за исчезнат во близина на границата со Венецуела. Меѓутоа, началникот на Генералштабот на армијата на Гвајана, Омар Кан, изјави дека „нема информации што укажуваат на тоа дека Венецуела е вмешана во инцидентот“.

The post Бразил распоредува војска на границата со Венецуела appeared first on Република.