Бараме да си ја задржиме платата која ни беше исплатена во декември, ФЗОМ ќе нема пари за лекови, бидејќи ќе има штрајк, посочија Трпе Деановски, претседател на УПОЗ и Бранко Аџигогов претседател на Синдикатот во ФЗОМ во вечерашното издание на Топ Тема на Телма.

-Фондот за здравствено осигурување е независна институција, буџетот е веќе одобрен од Министерството за финансии. Сега има ново соопштение испратено до медиумите не до нас, дека доколку се исплатата овие плати нема да има пари за јавно здравство, односно за лекови за граѓаните. Но, да бидеме јасно дека ако не се исплатат платите на вработените во Фондот ќе нема пари за јавно здравство, бидејќи тогаш ќе има штрајк. Доколку се овозможи исплатата на оваа зголемена плата, има пари, ќе има средства и нема да има штрајк, вели Деановски.

The post Аџигогов и Деановски: Бараме да си ја задржиме платата која ни беше исплатена во декември, ФЗОМ ќе нема пари за лекови, бидејќи ќе има штрајк appeared first on Република.

Бранко Аџигогов, претседател на Синдикатот на Фондот за здравствено осигурување на Македонија (ФЗОМ) најави дека утре, по шестти пат ќе се одлучува дали платата на вработените во Фондот ќе остане иста или ќе им се намали за 21 отсто.

Скопска и Централа пред ФЗО ќе дојдат да дадат поддршка, да остане иста. Претседателот на УПОЗ и јас ќе имаме изјави за медиумите. Што ќе беше работава за нашиве платичиња толку да се закачат, да ни се намалат?!?. А избори утре, а избирачки список прочистување? Знаат ли што воопшто работиме во ФЗО или гајле им е?, пишува Аџигогов во статус на Фејсбук.

Аџигогов објаснува дека во моментов вештачки на пензионерите и на невработените им се чува осигурување, бидејќи немаат од први јануари годинава. Тоа значи нема рецепти за лекови, упати за прегледи.

Поради неплатени придонеси за нив, од шупље у празно, вработените прават гимнастика, само да се пуштат плати за јавно здравство, капитација за примарно, буџети за приватно, лекови во аптеки. Да се овозможи колку толку рефундација на лек, да се платат боледувања и породилно.
Па се мисли ли трезвено во државава, утре нема тоа да го прават и... Да крахира здравство. Најстрашно е што имаме пари и историски најголем буџет по сите параметри имаме. Се е тоа пари од придонес за здравствено.. не бараме ништо ни од патишта ни од гориво ни од царини ни од ДДВ.. Психолошка тортура вработените имаат од почетокот на годината, работат цел месец а не знаат дали ќе си ја земат платата или ќе им се намали 21%. А можно е воопшто да не ја ни земат. Па што проклет народ ќе бевме , што его ќе имаше, да оставиш 830 фамилии поради администравна грешка на некој си во ФЗО или во МФ.. ГОСПОДЕ БОЖЕ, пишува Аџигогов.

The post Што ќе беше работава за нашиве платичиња толку да се закачат, да ни се намалат, прашува претседателот на Синдикатот на ФЗОМ Бранко Аџигогов appeared first on Република.