Вчера околу 03.30 часот во паркот „Бранители“ на подрачјето на Драчево во Скопје, полициски службеници од Полициската станица Драчево го лишиле од слобода В.Г.(36) од Скопје.

Тој бил затекнат како со остар предмет ги оштетувал иконите на долниот дел од крстот, поставен во паркот.

Лицето било приведено во полициска станица и по целосно документирање на случајот ќе следува соодветна пријава, велат од МВР.

The post Скопјанец фатен на дело како ги оштетува иконите на крстот во Драчево appeared first on Република.

Претседателот на Собранието, Африм Гаши на денешниот брифинг со новинарите истакна дека му е одземена можноста да свика седница на собраниска Комисија за која веќе била свикана. Потенцира дека останува во доменот на собраниската Комисија за социјална политика, демографија и млади да одлучи за измените на Законот за посебните права на припадниците на безбедносните сили и членовите на нивните семејства.

Мене ми е одземена можност да свикам седница која е веќе свикана во одреден ден кога се требало да се постапи по тоа прашање. Така да, тоа останува во доменот на Комисијата за социјална политика, демографија и млади да одлучи за Законот за посебните права на припадниците на безбедносните сили и членовите на нивните семејства - рече тој.

Одговарајќи на новинарско прашање дали претседателката на Комисијата за социјална политика, демографија и млади Иљире Даути го прекршила Деловникот со тоа што не свикува седница со ова точка на дневен ред, Гаши рече дека тој како претседател на Собранието е обврзан да го применува Деновникот, а не да суди.

Јас како претседател на Собранието сум обврзан да го применувам Деловниот, но не сум тој кој суди дали некој прекршил или не. Тоа останува веќе, тоа е простор за интерпретација на различен политички аспект, правен аспект итн. Секој како што го гледа тоа може да го оцени. Мислам дека тоа е веќе друго прашање, не можам јас да судам околу тоа - рече тој.

Гаши информира дека ќе свика седница на собраниската Комисија за деловнички и мандатно-имунитетни прашања, но не по вчерашното барање на потпретседателот на Собранието и пратеник од СДСМ Јован Митревски тој да ја задолжи Комисијата за деловнички и мандантно-имунитетни прашања да свика седница, каде ќе се толкува примената на членот 126 став 3, односно да постапи на ист начин со законот за бранителите, како и во случајот со законот за здолжувањето со Унгарија.

Според Деловникот, претседател на Собрание според член 26 став 4, може да свика по барање на потпретседателот избран од опозицијата. Но, секако знаете дека јас поодамна најавив дека за коализија помеѓу членови од Деловникот секогаш кога ќе се појават такви ситуации, ќе свикаме Комисија за деловнички имунитетни прашања. И тука во Комисијата, ако можеме јавноста и експертската јавност да ја вметнеме за да можеме да донесеме поквалитетни заклучоци со кои ќе се служат и актуелниот состав, но и во иднина другите собраниски состави - рече Гаши.

The post Гаши: Моја работа е да применувам деловник, не да судам appeared first on Република.

Премиерот Христијан Мицкоски денеска ја повтори поддршката за бранителите и посочи дека претседателката на собраниската Комисија за социјална политика, демографија и млади Илире Даути треба да го стави на дневен ред Предлог законот за бранители.

Одговарајќи на новинарско прашање дали законот за бранители ќе биде ставен на седница на Комисијата за труд и социјална политика, упати на одговор кај претседателката на Комисијата, Илире Даути, пратеничка од опозицискиот Европски фронт.

За тоа ќе ја прашате Илире Даути. Треба да го стави - рече Мицкоски.

За поддршка на законот, како што изјави, не разговарал со коалициските партнери „Вреди“.

Не сме разговарале на таа тема, многу јасно сме го соопштиле нашиот став во минатото. Бранителите ја имале, ја имаат и ќе ја имаат мојата поддршка - изјави Мицкоски.

Законот за бранители, на предлог на пратеничката од СДСМ Славјанка Петровска, доби поддршка да се носи по скратена постапка во рамки на 14. седница на Собранието. лв

The post Мицкоски со поддршка на бранителите, со „Вреди“ не разговарале за законот appeared first on Република.

Министерката Петровска пред Велигден ги навреди загинатите македонски бранители од масакрот кај Вејце.Таа на митинг на СДСМ рече дека тие загинале поради ВМРО-ДПМНЕ а не поради тоа да ја одбранат државата.

Загинаа зошто ваши генерали од Сдс ги предадова на Учките,набием те на кол ,дебела.@SlavjankaPetrov pic.twitter.com/gMEcRgSvr9

— MakedonKata. 🇲🇰 (@3_mkd024) May 1, 2024

The post Mинистерката Петровска пред Велигден ги навреди македонските бранители appeared first on Република.

Советот на Општина Ѓорче Петров денеска изгласа низа одлуки кои се однесуваат на бранителите од конфликтот од 2001 година, односно на финансиско олеснување на секојдневието на нивните семејства.

Како што информирааат од Општина Ѓорче Петров, со денешната одлука, припадниците на безбедносните сили на државата и членовите на нивните семејства, жителите на општината, кои се родители на деца, се ослободуваат од плаќање на месечните износи на цените на услугите што ги дава детската градинка „Росица“, како  и износите за надоместоци на трошоци за престојот. Исто така, ова  се однесува и за воннаставните активности утврдени со Годишната програма за работа на училиштето, кои се незадолжителни активности, како што се: посета на театарски и кино претстави, концерти, фестивали и други настани што се поврзани со воспитно-образовниот процес на учениците, како претплата за ученички списанија и за организирани екскурзии, летувања/зимувања.

-Советниците ја изгласаа и одлуката, припадниците на безбедносните сили и членовите на нивните семејства, жители на општината, да бидат целосно ослободени и од обврската за плаќање на надоместокот за уредување на градежното земјиште, за делот кој се уплаќа, велат од Општината.

Општина Ѓорче Петров неодамна поведе и иницијатива до Град Скопје за преименување на неколку улици низ општината кои треба да ги носат имињата на македонските бранители од населбата кои ги загубија животите таа година.

The post Советниците од Ѓорче Петров изгласаа низа финансиски олеснувања за семејствата на бранителите appeared first on Република.

Денес одбележуваме 22 години од еден немил би рекол крвав настан кој на кукавички начин загинаа во заседа 8 припадници на резервниот состав на Армијата на Република Македонија во 2001 година кај месноста Љуботенски бачила.

И традиционално во Општина Бутел пред овој скромен споменик оддаваме почит на овие херои кои што го дадоа животот за нашата држава. Во оваа прилика би сакал да упатам еден апел до министерката за одбрана Славјанка Петровска, бидејќи слушнав дека пред некој ден таа даде изјава дека чека веќе подолго време од општина Желино дозвола за изградба на достојно спомен обелјежие за загинатите од Карпалак. Јас сакам во оваа ситуација да и упатам директен апел дека општина Бутел и јас како градоначалник сме спремни веднаш да изнајдеме локација и простор секако согласно закон и целосна документација за спомен обележја за овие 8 загинати бранители кои што на денешен ден го загубија својот живот да имаат конечно едно достојно спомен облежје изградено од државата, за која што тие се бореа и го дадоа животот.

Се надевам дека одговорот ќе биде позитивен и за многу кусо време општина Бутел во сорабтка со државата, поточно со Министерството за одбрана ќе изнајде конечно едно решение за достојно да го чествуваме овој ден кој што не потсеќа за жртвата која што е дадена за нашата држава Република Македонија.

The post Костовски: Општина Бутел е подготвена да изгради споменик за осумте бранители appeared first on Република.

Општина Битола и Министерството за одбрана, регионално одделение за одбрана-Битола, воени стрешени и делегации од градот, положија цвеќе пред споменикот на загинатите бранители „Ангел“ кај Саат кулата и споменикот кај поранешната касарна „Стив Наумов“ во Битола.

Како што е познато, пред 22 години на денешен ден во близина на селото Гајре, загинаа Влатко Миленковски, Благојче Силјановски и Пеце Матичевски од Битола и Новаци, воени резервисти, припадници на баталјонот на Воената полиција од Битолскиот корпус во конфликтот од 2001 година.

Комеморативен настан освен во Битола се одржа и во Новаци, а во текот на денот во спортската сала „Боро Чурлевски“ се одржува меморијален турнир во мал фудбал. МИА

Фото: Општина Битола

The post Во Битола оддадена почит на загинатите бранители во 2001 година кај Гајре appeared first on Република.

Во 2001-та како тогаш млад лекар бев на работно место во амбулантата во Радуша, која беше непосредно до полициската станица, објави Ленче Нелоска, претседател на советот на општина Ѓорче Петров.

-Имав можност да запознаам и да работам со многу припадници на македонските безбедносни сили, тогашни бранители. И веднаш после 2001-та, останав во контакт со многумина од нив, следејќи ги во нивните животи и нивните проблеми.

Токму затоа, како Претседател на советот на општина Ѓорче Петров поднесов иницијатива со која бранителите ќе добијат одредени олеснувања.

Имено како мнозинство во Советот на општина Ѓорче Петров, донесовме одлука за:

Ослободување на членовите на семејствата на бранителите од конфликтот во 2001 година од месечна партиципација за градинка, како и од паричниот надомест кој се дава за оброк во основните училишта.
Во знак на благодарност за животот вложен во одбрана на Република Македонија, општината донесе одлука со која дополнително финансиски ќе се олесни животот на Бранителите во услови на тешка економска и финансиска криза.

Сметам дека и во иднина треба да продолжиме да се грижиме за оние кои застанаа со својот живот во одбарана на нашата Татковина.

Бранителите може да гледаат сигурен партнер во ВМРО – ДПМНЕ, напиша Нелоска.

The post Нелоска: Бранителите може да гледаат сигурен партнер во ВМРО – ДПМНЕ appeared first on Република.

Советот на Општина Ѓорче Петров на денешната седница со мнозинство гласови од ВМРО-ДПМНЕ и коалицијата донесе низа клучни одлуки за граѓаните меѓу кои ослободување на членовите на семејствата на бранителите од конфликтот во 2001 година од месечна партиципација за градинка, како и од паричниот надомест кој се дава за оброк во основните училишта.

Советниците воедно изгласаа и доградба на ООУ „Јоаким Крчоски“ и изградба на нова детска градинка во Дексион, што е од особено значење за граѓаните на Ѓорче Петров, или одлука со која ќе се решат децениски проблеми со недостиг на капацитети во образовните институции

На денешната седница, Советот ја изгласа и одлуката за кофинансирање за реализација на проектот „Пилот-интервенции за третман на отпадни води и управување со цврст отпад во прекуграничниот регион“ или проект кој треба да донесе нова пречистителна станица во с.Орман, првпат во историјата на ова населено место.

Почнување постапка за изготвување Локален еколошки акционен план на Општина Ѓорче Петров е исто така одлука за која советниците денеска дадоа „зелено светло“.

The post Семејствата на бранителите се ослободуваат од партиципација во градинкити од надомест за оброк во училиштата во Ѓорче Петров appeared first on Република.

На вчерашната средба со коалициските партнери од СДСМ разговаравме за иницијативата што ја поднесовме до Владата, за да се донесе одлука за обештетување на бранителите од 2001 година. Од страна на премиерот Димитар Ковачевски и лидерот на ДУИ, Али Ахмети, е дадена недвосмислена поддршка но и зелено светло истата да биде сериозно разгледана, рече денеска на прес-конференција претседателот на Достоинство, Стојанче Ангелов.

Тој изрази благодарност и до лидерот на ВМРО-ДПМНЕ Христијан Мицкоски и пратеникот Драган Ковачки кои пред неполн месец поднесоа предлог законски измени за воведување симболични права за бранителите кои се бореле во 2001 година.

На вчерашната коалициска средба меѓудругото разговаравме и за проблемот кој што ги мачи 15-тина семејства на загинати бранители како и 30-тина воени инвалиди. Претходно, и од премиерот и од клучните министри имавме поддршка, со тоа што оваа иницијатива во следните денови ќе биде сериозно разгледана и се надевам на позитивно решение во разумен временски рок. Значајно е да истакнеме дека лидерот на ДУИ, Али Ахмети е подготвен за разговори во врска со оваа наша иницијатива, рече Ангелов.

Ангелов посочи оти е оптимист дека оваа иницијатива ќе биде прифатена од Владата, но како што рече, доколку Владата ја отфрли иницијативата на Достоинство, истиот ден ќе ја напуштат владината коалиција.

The post Ангелов: Али Ахмети е подготвен да разговара за иницијативата за обештетување на бранителите од 2001 година appeared first on Република.

Иако се поминати 22 години од случувањата во 2001 година се уште имаме едно 17 семејства на загинати бранители кој не се обештетени и има некаде околу 30-тина воени инвалиди кои исто така не се обештетени и ние предложивме измени и дополни на законот“, изјави пратеникот од редовите на ВМРО-ДПМНЕ Драган Ковачки во гостување во емисијата „Вечерното шоу на Богдан Илиевски“ на Телевизија Алфа.

Ковачки посочи дека власта го одбила нивниот предложен закон и не сакала да разговара воопшто на таа проблематика.

Не е коректно ова што им се случува на семејствата државата мора да изнајде начин како тоа да го реши со обештетувањето на бранителите затоа што тие луѓе поминале во војна не затоа што сакале, туку затоа што државата ги пратила“, истакна Ковачки.

Тој посочи дека за тоа прашање, СДСМ очигледно е уценета од ДУИ.

Во периодот кои претстои по промената на власта ние ќе изнајдеме начин и решение ќе има. Мораме да изнајдеме начин како тие луѓе да ги обештетиме и ќе ги обештетиме. Ние навистина сакаме да ги обештетиме тие луѓе и нема на тоа да тераме политика. Тоа кога тоа ќе го направиме нема да правиме политиканство на тоа“, порача Ковачки.

The post Ковачки: По промената на власта, ВМРО-ДПМНЕ ќе изнајде начин и решение за обештетување на бранителите од 2001 година appeared first on Република.

Крајно сме разочарани и револтирани од пратениците на СДСМ кои пред неколку дена гласаа против предлог законот за дополнување на законот за Бранители, соопшти Стојанче Ангелов како лидер на партијата Достоинство.

Тоj додава дека СДСМ има можност да ја исправи оваа голема неправда која ја нанесе на македонските Бранители од 2001-та преку носење на владина одлука.

Повторно ќе побараме Владата да ја реализира иницијативата на Достоинство поднесена во декември 2022 година и да донесе Одлука за праведно обесштетување на петнаесетина семејства на загинати бранители како и триесетина воени инвалиди од 2001 година.

 

Доколку нашата иницијатива биде отфрлена, Достоинство ќе го преиспита своето учество во владеачката коалиција предводена од СДСМ и ДУИ.
Слушнете само неколку реченици од таткото чиј син е изгорен кај Вејце. Ова семејство до ден денес сеу ште е необесштетено.

 

Иако таткото со скршен и огорчен глас лично мене ми повторуваше, нам не ни требаат никакви пари, вратете ни ги нашите синови, иако ниту едни пари на светот не вредат колку животот на било чиј син, ние како држава сме должни да ја исправиме оваа неправда и на сите необесштетени семејства на загинати бранители како и на триесетината необесштетени воени инвалиди од 2001-та да им исплатиме праведен надомест на нематеријална штета, вели Ангелов.

Вознемирувачко видео:

The post Стојанче Ангелов најави напуштање на владата: Крајно сме разочарани од СДСМ appeared first on Република.

Пратениците од владејачкото мнозинство денеска во Собранието гласаа против обештетување на загинатите бранители. Поради ова, Драган Ковачки oд ВМРО-ДПМНЕ излзезе со остар коментар, но и ветување дека кога ќе дојдат на власт ќе најдат начин да ги обештетат.

Слугите на ДУИ од СДС уште еднаш покажаа дека се анти-македонска партија.
Да гласаш против обештетување на семејствата на загинатите бранители е чин на непочитување на жртвите и чин на непочитување кон државата која ги пратила тие луѓе да загинат за неа.
Како може Македонец да гласа против своите?
Пратениците на СДС ги срамат граѓаните кои гласале за нив.
Голем грев беше направен денеска.Еве го списокот на сите кои гласаа ПРОТИВ исправање на неправдата која им е нанесена од страна на системот.
После смената на власта, ќе најдеме начин како да ги обештетиме семејствата кои ги изгубија синовите и лицата кои имаат инвалидитет и кои по судските лавиринти го изгубија здравјето, а некои и животите-напиша Ковачки.

The post СДСМ и ДУИ гласаа против обештетување на семејствата на бранителите appeared first on Република.

Димитар Ковачевски, до кога ќе бегате и кога ќе одговорите за кршењето на плочите во Вејце?, го прашува пратеникот Драган Ковачки.

Мала ли работа е ова за Вас како премиер, да ви газат врз коските на загинатите, а вие да молчите?
Имате ли контрола над територијата или не?
Чија е оваа држава, за кого паднаа бранителите? Или Вам не Ви е важно, ја пративте Славјанка да положи цвеќе, си помина денот и толку, демек ќе се заборави? До кога со тој однос? До момент кога нема да биде дозволено ни цвеќе да положиме?
Нелегитимен и неизбран премиере Ковачевски, деновиве сте во посета на САД.
Земете пример од таму и прашајте ги како се однесуваат кон сопствените загинати војници.
Прашајте ги дали и таму во сред држава некој крши плочи на херои и ги гази цвеќињата за нив?
*Антимакедонската (!) власт на ДУИ и нивните слуги СДС нè тераат пред сè нас - Македонците, сопствената држава веќе да не ја чувствуваме за своја.
**Држава што не се грижи за тие што загинале за неа, не заслужува да биде држава.

The post Ковачевски, имате ли контрола над територијата или не? appeared first on Република.

Искршена е новата плоча со имињата на осумте припадници на безбедносните сили, кои загинаа во маскарот кај Вејце, а беше поставена таму на 28 април.

На фотографијата се забележува дека уништени се цвеќињата и свеќници, а стои само плочата со имињата оставена од Одборот на бранители.

Во петокот повеќе претставници на партии, организации, здруженија, МВР, Армијата и други оддадоа почит кон војниците и полицајците на место каде ги загубиле животите во 2001 година во близина на Вејце.

Плочата со имиња на загинатите припадници на безбедносните сили ја постави политичката партија Левица.

На 28 април 2001 беа убиени четворица припадници на воената единица „Волци“ и полицајци при ОВР Битола - Роберт Петковски (27) Игор Костески (26) Миле Јаневски (30) Бобан Трајковски (28), Марјан Божиновски (27), Илче Стојановски (24) Бошко Најдовски (25) и Кире Костадиновски (24).

The post Искршена е новата плоча со имињата на бранителите кај Вејце appeared first on Република.

Сакам да ги поздравам бранителите и да кажам дека и по цели 20 години лузните од негрижата на државата се присутни и болат, порача претседателот на ВМРО-ДПМНЕ, Христијан Мицкоски за време на годишната конференција на Унијата на ветерани на партијата.

Тоа што власта не зборува за овие трагедии не значи дека не постојат. А нивните дела за Македонија се херојски, иако нивните страдања за жал се на товар на нивните семејства кои државата ги третира на маргините.

 

Но, јас ќе испратам лична порака, сите вие и многу други кои покажаа храброст и пожртвуваност ја имате мојата најдлабока почит и поклон. Вашата љубов и дело за Македонија е забележано. Ќе работиме заедно додека не се исправи секоја неправда која е нанесена на секој еден човек од Македонија - истакна Мицкоски.

The post Мицкоски: И по цели 20 години лузните од негрижата на државата кон бранителите се присутни и болат appeared first on Република.

Градоначалникот на општина Куманово Максим Димитриевски денеска најави изградба на спомен обележје за бранителите од конфликтот во 2001 година и припадниците на МВР од немилите настани во Диво Насеље во 2015 година во Куманово.

Очекувам на некоја од следните седници на Советот на Општина Куманово едногласно од сите политички партии да се прифати иницијативата на здружението на ветераните "ЗАПВАРС" од Куманово за изградба на спомен обележје на сите Кумановски бранители од 2001 година, вклучувајќи ги и припадниците на МВР од Кумановските настани од 2015 година. Тие не задолжија, тоа е наша обврска која до ден денеска не е исполнета, истакна Димитриевски.

The post Димитриевски најави изградба на спомен обележје за бранителите од конфликтот во 2001 година и припадниците на МВР од настаните во Диво Насеље во Куманово appeared first on Република.

Стојанче Ангелов заедно со воени инвалиди, бранители од 2001 година одржа прес конференција, на која изјави дека ја продолжува битката за иницијативата за праведно обесштетување на четворицата ранети бранители од 2001-та година.

Во текот на 2001 година одредени припадници на безбедносните сили беа ранети, а некои ги загубија животите. Ччленови на семејствата на загинатите бранители, но и воени инвалиди поднесоа тужби против МВР и министерството за одбрана. Првостепените судови без исклучок пресудуваа во корист на воените инвалиди и во корист на семејствата на загинатите, со што доделуваа одреден паричен надомест, како нематеријална штета за претрпена загуба на блиско лице или за намалена животна активност, претрпен страв.

Апелационите судови ги потврдија сите пресуди, по што започна исплатата. За жал неколку години подоцна врховниот суд го поништи основот по кој што воените инвалиди и семејствата на загинатите беа обештетени, после што МВР и министерството за одбрана започнаа со контра тужби а во одредени случаеви и директно со контра извршување кон овие уѓе кои земале паричен надомест. Под силен пиритисок владата на ВМРО-ДПМНЕ во 2009 година донесе одлука со која ги повлече тужбите, но за жал против четири припадници на безбедносните сили тужбите не беа повлечени, вели Ангелов.

Ангелов доби поддршка од лидерот на ВМРО-ДПМНЕ Христијан Мицкоски за нивната Иницијатива.

Во текот на оваа недела делегација на Достоинство оствари работна средба со Мицкоски кај кој наидовме на разбирање и недвосмислена директна поддршка за решавање на овој проблем. Свесни дека ова иницијатива повторно може да заглави во владините лавиринти и покрај неспорно позитивната волја на клучните фактори во Владата, ние најавивме и изработка на Предлог-закон за надминување на овој проблем. Законот е во завршна фаза. Од страна на претседателот на ВМРО-ДПМНЕ, Мицкоски добивме уверување и гаранција дека пратеничката група на ВМРО-ДПМНЕ ќе даде поддршка на овој закон, рече Ангелов.

Тој нагласи дека вчера имал и телефонски разговор со премиерот Димитар Ковачевски, кој, како што рече, исто така дал неспорна поддршка за оваа иницијатива, која треба да ги помине владините процедури.

„Останува нашето барање за средба со премиерот Ковачевски во следниот период на која што ќе ја разгледаме оваа иницијатива и можност да помине во владина процедура. Но, доколку повторно не успееме да ја поминеме во владина процедура оваа иницијатива за четирите воени инвалиди коишто со законска камата ја враќаат назад на државата земената оштета, ќе ја предложиме во Собранието како Предлог-закон. Се поставува прашање дали да ја внесеме како граѓанска иницијатива со десет илјади потписи или со поддршка на одреден број пратеници“, посочи Ангелов.

Тој додаде дека Достоинство изработи уште една иницијатива за праведно обесштетување на 17 семејства на загинати бранители и на 30 воени инвалиди, коишто за жал до ден денес се уште се необесштетени.

Тој посочи дека со сума од 500 до 600 илјади евра државата, како што рече, конечно ќе може да ги затвори прашањата поврзани со воените инвалиди и семејствата на загинатите од 2001 година.

The post Ангелов доби поддршка од Мицкоски и Ковачевски за праведно обесштетување на четворицата бранители од 2001 година appeared first on Република.