Бројот на склучените бракови во 2023 година, во споредба со 2022, е намален за 1.6 % и изнесува 12672, покажуваат податоците на Државниот завод за статистика.

Најмногу бракови, 1597 или 12.6 %, се склучени во месец август, а најмалку во месец март, 730 бракови или 5.8 %. Најчесто е стапувањето во прв брак со учество од 93.2 % за жените и 92.2 % за мажите.

Во втор брак со учество од 7.0 % и во трет брак со учество 0.8 %, од вкупниот број склучени бракови, почесто стапуваат мажите.

Во 2023 година, според возраста најмногу бракови се случиле во старосната група од 25 до 29 години, односно 4228 или 33.4 % кај жените и 4450 или 35.1 % кај мажите.

Просечната возраст при склучувањето прв брак е 27.5 години за невестата и 30.1 година за младоженецот.

Бројот на разводи во 2023 година бележи зголемување од 9.4 % во споредба со 2022 година и изнесува 1765 разведени брака.

Најмалку бракови во текот на годината се разведени во месец август, односно 66 или 3.7 %, а најмногу, односно 201 или 11.4 % во месец декември.

Според возраста, најголем број разводи се случиле во старосната група од 35 до 39 години, од кои 310 или 17.6 % кај жените и 295 или 17.6% кај мажите.

Според траењето на бракот, најмногу разводи 393 или 22.3 % се случиле од 5 до 9 години по склучувањето на бракот.

The post Се повеќе разведени: Најмногу бракови пукнале пред Нова година, од 5 до 9 години по склучувањето appeared first on Република.

Ковид-19 придонесе за намалување на бројот на бракови и раѓања во Кина, на кои во последните години влијаеа и високите трошоци за образование и одгледување деца, објави кинеската Национална здравствена комисија.

Многу жени ги одложуваат своите планови да се омажат или да имаат деца, соопшти Комисијата, додавајќи дека брзиот економски и социјален развој довел до „длабоки промени“.

Тие посочуваат дека има одредена улога кај младите кои се преселуваат во урбаните средини и тоа што тие повеќе време поминуваат во стекнување образование или во работните средини каде се под висок притисок.

Демографите сугерираат дека бескомпромисната кинеска политика „нулта стапка на ковид“ придружена со строга контрола врз животите на луѓето може да предизвика длабока и трајна штета на нивната желба да одлучат да имаат деца.

„Коронавирусот имаше јасно влијание врз договорите за брак и раѓање деца“, наведе Комитетот.

The post Ковид-19 го намали бројот на склучени бракови и новородени деца во Кина appeared first on Република.