Во писмото со сочувство за починатиот владика г. Тимотеј, покрај зборовите на уважување, се наведува: „Во овие тешки моменти за Вас и за целата Православна црква на Македонија, изразуваме искрено сочувство за оваа привремена разделба со нашиот упокоен собрат“! Ова е дел од дегутантниот политички памфлет срочен во еден вака осетлив и тажен момент, чин кога смрт на еден македонски владика се користи за политички поени и понижување на македонскиот народ, црква и држава. Со вакви дневно-полтикантски збоорови во него, бугарскиот патријарх г.г. Даниил испрати писмо со сочувство до архиепископот на Македонската православна црква-Охридска Архиепископија, г.г. Стефан, за упокојувањето на митрополитот Дебарско-кичевски од МПЦ-ОА, г. Тимотеј.

Претходно, во адресирањето на писмото со сочувство од БПЦ, т.е. од патријархот Даниил, архиепископот на МПЦ-ОА се нарекува „Неговото Блаженство Северно-Македонскиот Архиепископ Стефан“.

За упатените во црковниот процес за целосно признавање на МПЦ-ОА, како рамноправна црква во светот на православното христијанство, забележливо е тендениозното именување на македонската црква од страна на бугарскиот партијарх како „Православна црква на Македонија“, а архиепископот г.г. Стефан, како „северно-македонски архиепископ“.

Во официјалното именување на Македонската православна црква-Охридска Архиепископија, никаде и никогаш не се споменува додадената географска одредница во името на државата Македонија, наметнато со Преспанскиот договор во 2019 година. Од световно-правен аспект, МПЦ-ОА е независен ентитет во државата Македонија, кој нема обврска да се придржува и да ги исполнува обврските преземени од државата со Преспанскиот договор. Во контекст на процесите на преговори што се водат со Вселенската патријаршија за ингеренциите на МПЦ-ОА, во кои има и обиди за менување на именувањето на македонската црква, адресирањето на сочувството на бугарскиот патријарх и именувањето на ахриепископот г.г. Стефан, имаат (не)скриен тон на негирање на македонскиот карактер на црквата, но и на државата. Секако и тон на подметнување на световна дневна политизација на меѓуцрковните и духовните прашања, дури и во контекст на изразување сочувство.

Во најсвежата колективна македонска меморија, од пред 6-7 години, забележана е и епизодата со идејата Бугарската православна црква да биде мајка-црква во процесот на признавање на МПЦ-ОА, за да се заобиколи Српската православна црква, која до 2022 година ја оспоруваше автокефалноста на македонската црква. Сепак БПЦ не го прифати „ризикот“ да биде мајка-црква на МПЦ-ОА, а СПЦ во мај, 2022 година издаде томос со кој ја призна автокефалноста на МПЦ-ОА. Но и понатаму се чини дека „македонскиот елемент“ во МПЦ-ОА е трнот во окото на некои од црквите во православната екумена.

The post Скандалозно писмо со сочувство од Бугарскиот архиепископ: Архиепископот на МПЦ-ОА се нарекува „Неговото Блаженство Северно-Македонскиот Архиепископ Стефан appeared first on Република.

На 20 јуни, по 42 круга на последователно гласање, беа избрани тројца митрополити кои денеска ќе се борат за местото патријарх на Бугарската православна црква. Иако бројката изгледа импресивно, всушност изборот беше значително побрз од последниот во 2013 година, кога траеше цели два дена. Сега, еден од тројцата кандидати - Григориј Врачански (намесник-претседател на Синодот) беше избран уште по првото гласање со 11 гласа, додека другите двајца - Данил Видински и Гаврил Ловчански беа избрани соодветно во 32. и 42. круг со по 9 гласа.

Што е познато за тројцата претенденти?

Григориј Врачански

Вистинското име на Врачанскиот митрополит Григориј е Красимир Цветков. Тој е роден во 1970 година во Ботевград. Учи Природно-математичката гимназија во градот, пред во 1996 година да се обрече во верност на Црквата. Првично е ракоположен за јероѓакон, а година подоцна и за јеромонах. Дипломирал на Богословскиот факултет на Атинскиот универзитет „Каподистрија“. Од 2007 година е протосингел на Софиската митрополија, а од 2011 година - игумен на Тројанскиот манастир.

Од 2014 година станува и викар на Софискиот митрополит. На 12 март 2017 година, по канонски избор, е избран за Врачански митрополит со целосна едногласност. Од март месец, по смртта на Неофит, е избран од Светиот синод за намесник-претседател, преземајќи ја службата на починатиот патријарх до изборот на нов. Нему му беше доверена и организацијата на изборот за нов поглавар на Православната црква.

Гаврил Ловчански

Вистинското име му е Цветан Динев. Роден е во 1950 година во Софија. Учи во Високиот инженерско-градежен институт, редовно посетувајќи го Клисурскиот манастир, каде што се зближува со монахиња по име Марија. Од 1973 година постојано живее таму, а во 1979 година е ракоположен за монах, една година подоцна е назначен за игумен на манастирот. Од 1984 до 1986 година специјализира во Московската духовна академија. Станува доктор по богословие, а потоа и архимандрит.

Од 1986 година е назначен за претседател на Бугарското црковно подворје при Московската патријаршија. Во 1991 година се враќа во земјата и станува протосингел на Софиската митрополија, истовремено и игумен на манастирот „Света Петка“. Од 1998 година е викар на Софискиот митрополит, а од 2001 година е избран за Ловчански митрополит. Во 2009 година е избран да го предводи Врховниот црковен совет при Светиот синод, две години подоцна и Културно-просветниот оддел.

Данил Видински

Роден е во 1972 година во Смолјан под името Атанас Николов. Завршил средно образование во родниот град, а во 1996 година запишува Англиска филологија на СУ „Св. Климент Охридски“. Веќе следната година се префрла на Богословскиот факултет. Од 1997 година е послушник во Хаџидимовскиот манастир „Св. Георги“, по две години станува монах и е ракоположен за јероѓакон.

Во 2004 година е испратен на послушание во Роженскиот манастир „Рождество Богородично“, каде што е ракоположен за јеромонах, а две години подоцна станува архимандрит. Во 2008 година по одлука на Светиот синод станува епископ во храмот „Св. Александар Невски“. Назначен е за викар последователно на Неврокопскиот митрополит Натанаил и митрополитот на САД, Канада и Австралија Јосиф. На 4 февруари 2018 година е избран за Видински митрополит.

Кој е фаворит за местото?

Според специјалистите, најголеми шанси за местото има 53-годишниот Григориј Врачански, кој беше избран меѓу тројцата претенденти уште во првиот круг со 11 гласа (од вкупно 14). Реално, ниту еден од другите двајца не собра толку, со оглед на тоа дека беа посочени дури по 30-тиот и 40-тиот круг. Големата предност му е токму искуството и фактот што де-факто веќе ги извршува функциите на патријарх како намесник-претседател до изборот на нов таков.

Инаку, другите двајца имаат интересно спротивставување - Ловчанскиот митрополит Гавриил е најстариот (74 години), а Видинскиот митрополит Даниил - најмладиот (52 години). Надвор од тоа, и двајцата имаат доста заеднички погледи, како што никогаш не ги криеле своите проруски позиции.

Малку по почетокот на конфликтот меѓу Русија и Украина, и откако Москва веќе ја објави Бугарија за непријателска држава, Гаврил учествуваше на литургија во Руската црква со министерот за надворешни работи на Московската патријаршија, митрополит Антониј. Данил, пак, беше меѓу луѓето кои реагираа исклучително остро по затворањето на Руската црква минатата година, изразувајќи јавно огорченост од одлуката претставникот, архимандрит Васиан и негови двајца духовници, да бидат избркани под сомнение за шпионажа.

Кога ќе се знае кој е новиот патријарх?

Конечното решение кој ќе ја предводи Бугарската православна црква ќе биде денеска донесено од Патријаршискиот изборен собор, каде што вкупно 145 духовници и мирјани ќе гласаат тајно. Тогаш во Синодалната палата во Софија се очекува да присуствува и Вселенскиот патријарх Вартоломеј, што е показател за сложеноста на изборот. Сепак, на 1 јули ќе знаеме со сигурност кој е наследникот на починатиот Неофит.

The post Бугарската православна црква бира нов Патријарх: Кој е кој од кандидатите и дали има фаворит меѓу нив? appeared first on Република.

Синодот на Бугарската православна црква на својата редовна седница официјално го прифати томосот што го издаде СПЦ и нејзиниот поглавар Порфириј, со кој и беше дадена автокефалност на Македонската православна црква, јави дописникот на МИА од Софија.

Според одлуката, БПЦ изразува препорака прашањето за официјалното име да се реши во братски дијалог со гркојазичните и другите помесни православни цркви. Светиот синод на БПЦ на спомнувањето на имињата на поглаварите на православните цркви во својот диптих додаде дека архиепископот Стефан треба да се споменува како „блажениот Стефан Архиепископ на Македонија“.

За дописникот на МИА од Софија, член на Светиот синод коментира дека БПЦ е една од првите што ја признала духовната независност на Македонската православна црква, за разлика од другите православни цркви.

The post Бугарската црква го призна поглаварот на МПЦ како „блажениот Стефан Архиепископ на Cеверна Македонија“ appeared first on Република.

Светиот синод на Бугарската православна црква на својата редовна седница под претседателство на бугарскиот патријарх Неофит донел одлука „за признавање на томосот со кој Српската црква ѝ дава автокефалност на Македонската православна црква”, објавија бугарските медиуми.

Како што јави дописникот на МИА од Софија, според овие написи, Синодот на БПЦ смета дека МПЦ-ОА треба да се нарекува „Православна црква во Република Cеверна Македонија”.

Според медиумите, бугарскиот патријарх Неофит во своите диптиси на Божик ќе го вклучи и името на архиепископот охридски и македонски г.г. Стефан, но како „архиепископ скопски Стефан”, бидејќи БПЦ „не ја признава титулата со која што вселенскиот патријарх Вартоломеј ги прими во литургиско сослужување архиепископот Стефан и МПЦ”.

Бугарскиот црковен сајт doxologiainfonews.com наведува дека Синодот на БПЦ го оспорува името на Македонската православна црква – Охридска архиепископија, бидејќи според Статутот на БПЦ „правен наследник на Охридската архиепископија е Бугарска патријаршија”.

На заседанието на Синодот, не било разгледано прашањето за признавање на автокефалноста на Православната црква на Украина доделена од Вселенската патријаршија.

Медиуми во Софија ги критикуваат ваквите ставови на членовите на Синодот на БПЦ оценувајќи дека тие најверојатно се усвоени под влијание на раководителот на Одделот за надворешни работи на Московската патријаршија, митрополитот волоколамски Антониј, кој минатата недела престојувал во посета на Софија и неколку епархии во Бугарија. Според овие написи, митрополитот волоколамски Антониј воедно на неколку митрополити од бугарскиот Синод „им дал инструкции” да не ја признаваат Православната црква на Украина и томосот за нејзина автокефалност издаден од вселенскиот патријарх Вартоломеј.

Дописникот на МИА од Софија јави дека се очекува Бугарската патријаршија да излезе со официјално соопштение за заседанието на Синодот и за донесените одлуки.

Инаку, по одлуката на Вселенската патријаршија за примање во канонско единство на МПЦ-ОА, БПЦ во јуни годинава реши да ја признае нашата Црква и влезе во канонско единство со неа.

The post Бугарската црква ја призна МПЦ како „Православна црква во Република Cеверна Македонија“ а дедо Стефан како „архиепископ скопски Стефан“ appeared first on Република.

За разлика од Српската Православна Црква која како црква мајка го додели името Македонска Православна Црква – Охридска Архиепископија, бугарската црква не признава под називот Православна Црква од Македонија, објави верскиот портал Религија МК.

Оваа одлука ја донел Синодот на БПЦ, откако ги разгледал писмата од Вселенската патријаршија за кревање на шизмата од МПЦ-ОА и од Српскиот патријарх Порфириј.

Сепак, БПЦ смета дека за официјалното име на МПЦ-ОА, дополнително треба да разговара Синодот.

-Денеска на своето заседание, во полн состав, Светиот Синод ги разгледа писмата на Вселенскиот Патријарх Вартоломеј и Српскиот патријарх Порфириј во врска со каноничниот статус на Православната црква на Македонија и по спроведеното гласање одлучи: Бугарската православна црква – Бугарска Патријаршија со благодарност кон Бога и духовна радост ги прифаќа решенијата за подигање на шизмата и влегува во канонско и евхаристичко општење со Православната црква на Македонија. Прашањето за името на Православната црква на Македонија треба да биде дополнително разгледано, стои во соопштението на БПЦ.

Со ова практично Бугарската црква е четвртата црква во Православниот свет, која донесе одлука за сослжување со МПЦ-ОА, по Вселенската Патријаршија, Српската црква и Грчката (која ја поздарви одлуката).

Кога ќе се случи првото официјално сослужување меѓу МПЦ-ОА и БПЦ, засега нема најава.

The post БПЦ ја призна МПЦ како Православна црква на Ceверна Македонија appeared first on Република.

Универзитетскиот професор и поранешен директор на Комисијата за односи со верските заедници Цане Т. Мојаноски вели дека доколку се случи БПЦ да не ја признае афтокефалноста на МПЦ-ОА тоа нема да влијае на доделувањето на Томосот од страна на Вселенската патријаршија.

Ако ја погледнеме нивната практика дека се што е до 1944 година го присвојуваат како сопствен дел од историјата, такво поведение е можно. Но, што ќе значи за МПЦ-ОА ако една патријашија не ја прифаќа? Веројатно тоа прашање ќе стои отврено како што стои отворено прашањето за други православни цркви. Тоа нема да ја намали можноста МПЦ да е составен ден од православната екумена, да општи со неа. Во текот на јуни, нашиот архиепископ ќе богослужи на Фанар со вселенскиот патријарх. Да се надеваме дека таква заедничка литургија во иднина ќе стори и Бугарската православа црква, вели Мојаноски во интервју за Фокус.

Но, додава, без разлика на тоа каков ќе биде ставот на Бугарската православна црква, тоа нема да влијае на доделување на Томосот.

Тоа е прашање кое во јавноста создава забуни. Во православната црква долго време се заговараше идејата автокефалноста да се поврзува со консензусот на сите православни цркви. Тоа решение не стапи во сила што значи дека важечко правило е дека вселенскиот патријарх на основа на поднесокот, во случајот на СПЦ, дека ја поддржува и прифаќа автокефалноста на МПЦ-ОА ги известува другите помесни цркви. Тие потоа, секоја поединечно, ја вклучуваат таа црква во литургиите, вели Мојановски во интервјуто.

На прашањето зошто СПЦ одбра да ја признае МПЦ баш во овој момент, поранешниот претседател на Комисијата за односи со верските заедници објаснува дека има повеќе фактори.

Прво, во СПЦ се промени еден дел од црковната ерархија, која повеќе или помалку беше поддржувач и прифаќаше определени гледишта кои се поблиски до световните гледишта отколку до црковните. А, се однесуваа на пример, за стратегијата за српските земји која може да се препознае во некоја од доктрините кои се присутни меѓу балканските земји кои се нарекуваат големодржавни концепти. Таа беше во унисон во концептот на Руската православна црква чија доктрина се нарекува „Руски свет“, во која руската црква смета дека таа треба да го организира православниот живот на луѓето кои се блиску до руската култура и јазик. Второ, во овој период има значителен број поместување кои се случуваат на Балканот во последните десетина година. Тоа можете да го видите во однос на позиционирањето на земјите во однос на одделни организации и вредности како евроатланските интерграции, вели тој.

Според Мојаноски, клучниот фактор во целиот процес е иницијативата на вселенскиот патријарх да го отвори прашањето на МПЦ како резултанта на обраќањето на МПЦ-ОА и обраќањата на политичките водства на Македонија.

Катализатор на тоа прашање е одлуката на Вселенската патријаршија од 9 мај, кога таа се определува во апелациска постапката да ја симне шизмата и да ја прими во канонско единство, потенцира во интервјуто универзитетскиот професор и поранешен претседател на Комисијата за односи со верките заедници.

The post Мојаноски: МПЦ ќе го добие Томосот и ако БПЦ не ја признае appeared first on Република.

Бугарската православна црква ќе мора да ја признае македонската како една од многуте православни цркви во светот, а не како единствената со која има директно заедничко историско минато, вели за БНР црковниот аналитичар и историчар д-р Горан Благоев. Како што пренесува дописникот на МИА од Софија, според Благоев, шансите за тоа се пропуштени.

Тој оценува дека речиси никој во православниот свет нема да биде импресиониран од претензиите на Бугарија за името Охридска архиепископија.

Благоев смета дека во последните години Бугарската православна црква се покажала со многу низок авторитет  во семејството на православните цркви. И, ако Светиот синод на БПЦ сметал дека имало причина, можел итно да реагира со порака до сите помесни православни цркви, да ги бранат своите историски права на ова име. Ако не го стори тоа, православниот свет ќе го прифати она што го диктира и одредува Цариградскиот патријарх.

Во црквата, како и во политиката, работите не се случуваат секогаш како што сакаме, вели Благоев. Она што се случи со МПЦ, според него, е очекувано, особено откако Бугарската православна црква во 2019 година одби да се заложи да го поддржи решавањето на македонскиот црковен случај. Откако бугарскиот синод немаше ниту овластување ниту потенцијал да го стори тоа, работите природно дојдоа до она што се случи вчера – српскиот патријарх Порфириј во Скопје објави дека СПЦ и дава автокефалност МПЦ-ОА.

Благоев коментира и дека „македонска црква била воспоставена како анти-српска, но за жал, властите на Тито многу бргу ја претвориле во инструмент на анти-бугарско однесување“.

Пристапот и односот на Бугарија во однос на ова прашање, според него, треба да биде многу деликатен, бидејќи Софија веќе огорчила доволно луѓе во С Македонија со болокадата на влезот на земјата во ЕУ.

The post Бугарски верски експерт тврди дека БПЦ ќе мора да ја признае МПЦ appeared first on Република.

По одлуката на Вселенската Патријаршија да ја прифати македонската црква во канонско единство, главно изостануваат реакциите од Бугарија, чија црква во 2019 година пропушти можност да игра активна улога во процесот на признавање на Македонската Православна Црква.

Агенцијата БГНЕС го цитира историчарот Христо Матанов кој вели дека потегот на Патријаршијата во Цариград е чисто геополитичко прашање, но додава дека Бугарија треба да остане на ставот дека Охридската Архиепископија е бугарска црква.

Во црквата ништо не се случува бргу. Треба да се обсмисли и процени. Позицијата која Бугарската Православна Црква треба да ја држи, според мене, е дека Охридската Архиепископија е продолжение на Бугарската Православна Црква, и дека не и се признава никаков македонски идентитет. Таквите тврдења претставуваат филетизам – обиди црквата да се изедначи со еден народ, вели професор Матанов.

Во разговорот за БГНЕС, тој обвинува про-руски владици во синодот на БПЦ за пропуштената можност да ја преземат Македонската Православна Црква под свое. Во 2019 година синодот на МПЦ се обрати до Бугарија и понуди да прифатиме дека бугарската црква е мајка црква на македонската, во очекување дека потоа БПЦ ќе и даде автокефалност на МПЦ. Но синодот на бугарската црква гласаше против следниот чекор што го предложи МПЦ – да се одржи заедничка богослужба, и формираше комисија за разгледување на прашањето која не презема никакви чекори.

Кога македонската црква ни кажа „бидете ни мајка-црква“ БПЦ не направи ништо. Ние ги следевме црковните правила, како што ги следи и Московската Патријаршија. И на кого да се лутиме сега? Како што Москва сака да ја задржи јурисдикцијата врз Украина, така и Белград сака да ја задржи јурисдикцијата врз Македонија. На крајот се сведе на геополитичка игра на конфликт меѓу Московската и Вселенската Патријаршија, вели Матанов.

The post Бугарија жали за шансата што ја пропуштила да ја стави македонската црква под свое appeared first on Република.

The post Бугарски медиуми не можат да го прежалат признавањето на нашата црква од Вселенската патријаршија appeared first on Република.

Скандал! Скопје и ја украде Бугарската Охридска Архиепископија од Бугарија, е наслов во бугарскиот медиум Епицентар.

Македонската православна црква беше изненадувачки призната од Вселенската патријаршија како Охридска архиепископија - во изминатите години Бугарската архиепископија во Охрид беше од големо значење за опстанокот на Бугарите како народ и духовност. Тоа е, исто така, најдолгата постоечка црковна институција - речиси 750 години, пишува медиумот.

Бугарската автокефална архиепископија во Охрид остана единствената бугарска духовна институција и со многу труд и работа успеа да го одржи жив христијанскиот дух кај Бугарите. Во XV и XVII век охридските архиепископи сè почесто почнале да се потпишуваат со титулата патријарх.

Признавањето на црквата „Охридска архиепископија за независна“ е предавство на националните интереси на Бугарија и ѝ штети на Бугарија и на бугарската кауза во Македонија, смета бугарскиот историчар проф. Божидор Димитров.

Ова е нож во задниот дел на Бугарската православна црква, за кој Охридската архиепископија е дел од историскиот и духовниот простор, како и најстарата бугарска црковна институција, коментираат теолозите, пренесува Епицентар.

Повеќе детали на Епицентар

The post Бугарски медиуми: Скандал! Скопје ја украде бугарската Охридска архиепископија appeared first on Република.

Бугарската црква продолжува со навредите кон Македонија и Македонците и најголемиот христијански празник Велигден. Епископот Сиониј во своето интервју воопшто не споменува Македонци кои живеат во Македонија туку дека во најголем процент народот бил бугарски.

Jaс сум убеден дека народот на Македонија во 90 проценти е бугарски. Во својата целост тој е бугарски.Не сакам да исклучувам никој друг народ ниту Албанците кои се многу во Македонија, ниту Србите ниту браќата Роми, ниту Турците.Никој не треба да биде исклучен од нашето братољубие. Но оновното население е бугарскиот наро, одроден од своите корени, заблуден од една држава-вели епископот Сиониј.

На најголемиот Христијански празник - ВЕЛИГДЕН, бевме сведоци, на најподол, најшовинистички, најгнасен, најнехуман, најбогохулен говор на бугарскиот епископ Сиониј, кој го испогани Велигден, со цел да лаже, клевети и да шири ГОВОР НА ОМРАЗА кон МАКЕДОНИЈА и МАКЕДОНСКИОТ НАРОД.👇 pic.twitter.com/PDXNet50wN

— Види Види (@1VidiVidi) April 25, 2022

The post Бугарската црква и на Велигден шири омраза: Народот во Македонија е бугарски appeared first on Република.