Мораме да го шириме мултиетничкиот дух, ова е идеална можност да се зачуваме, сите живееме овде и затоа во мене, пред се, ќе имате вечен пријател и се надевам на добра соработка“, порачаа од Вицепремиерот и министер за односи со заедниците, Иван Стоилковиќ, кој по повод 28 септември, Меѓународниот ден на Бошњаците, организираше прием за група просветни работници од земјите кои предаваат на босански јазик.

На средбата присуствуваа и директорот на Управата за унапредување на образованието на јазиците на заедниците Мирослав Тричковиќ и советникот за босански јазик при Управата Исмаил Демировиќ.

Како што соопштија од министерството, средбата се одржа во конструктивна атмосфера, а беа разменети мислења и ставови за актуелните состојби кои се однесуваат на етничките заедници во земјава, со фокус на подобрување на нивната положба и ширење на мултиетничкиот дух.

Вицепремиерот и министер Стоилковиќ упатувајќи пригодна честитка до сите Бошњаци кои живеат во земјава вети дека ќе се потруди во идинина, а согласно средствата со кои ќе располага Министерството за односи меѓу заедниците во Буџетот за 2025 година, и тие, како и сите етнички заедници да имаат рамноправен пристап до нив.

Мораме да го шириме мултиетничкиот дух, ова е идеална можност да се зачуваме, овде живееме сите и затоа во мене, пред сѐ, ќе имате секогаш пријател, рече Стоилковиќ, потенцирајќи оти се надева на добра соработка.

Изразувајќи го огромното задоволство што од постоењето на Министерството ова е прва средба со претставници на бошњачката заедница, просветните работници ветиле дека преку лилјанот како национален симбол на Бошњаците и Правописниот прирачник на босански, хрватски и српски јазик со основи на граматика заеднички ќе се заложат културата на помалите етнички заедници да се издигне на повисоко ниво.

https://republika.mk/vesti/makedonija/prvpat-se-razvea-stoilkovik-postavi-makedonsko-zname-pred-ministerstvoto-za-politichki-sistem/

Соговорниците на крајот од средбата се согласија дека ова е само прв чекор, со единствена цел унапредување на положбата на помалите заедници кон подобри резултати и нови, идни планови, велат од министерството.

The post Откако постои, претставници на бошњачката заедница првпат поканети во Министерството за односи со заедниците appeared first on Република.

Во мое лично име и во име на ВМРО-ДПМНЕ, на сите припадници на бошњачката етничка заедница во Македонија им го честитам Меѓународниот ден на Бошњаците, вели Христијан Мицкоски, претседател на ВМРО-ДПМНЕ.

Бошњаците во Македонија со нивниот јазик, култура и посебност даваат дополнително значење нашето мултикултурно општество и како такви се исклучително значаен чинител во градењето на нашата заедничка татковина Македонија.

Македонија е пример на толеранција и соживот помеѓу граѓани од различни етнички, верски и јазични припадности, кои и во минатото и во сегашноста, но и во иднината заедно ги делеле и доброто и лошото во државата, но и кои знаеле заедно да застанат сплотени, да си помогнат и да ја градат својата и заедничката судбина тука во Македонија.

Она кое што не тишти сите нас заедно денес е бесперспективноста и сиромаштијата на секој еден граѓанин. Тоа за жал предизвика егзодус на многу наши сограѓани, кои побараа подобар живот во странство поради неспособноста на власта тоа да им го овозможи тука. Ова е една од маките која сите нас не обединува денес тука, и Македонци и Бошњаци и сите останати и тоа мора да биде причината поради која мораме да застанеме уште посплотено, да ги обединиме сите наши сили и капацитети да ја издигнеме Македонија од очајот во кој власта ја закопа. Борбата против корупцијата и криминалот, како современа рак рана на нашето општество, е обврска на секој граѓанин, на секој родољуб кој си ја сака Македонија и затоа ние како ВМРО-ДПМНЕ подаваме рака кон секој во таа наша заедничка битка.

Нека е честит Меѓународниот ден на Бошњаците.

Нека е вечна борбата за напредна и успешна Македонија, додава Мицкоски.

The post Мицкоски: Бошњаците во Македонија се значаен чинител во градењето на иднината на државата appeared first on Република.