Неверојатни сцени од фудбалските терени доаѓаат од соседството, од Босна и Херцеговина. На мечот на клубовите од пониските лиги беше линчувана судиската тројка.

Натпреварот од Првата кантонска лига на Тузланскиот кантон Трешњевка Маоча - Младост Горње Живинице, на кој беа претепани судиската тројка - Аган Рамиќ, Амир Хусиќ и Емир Бабајиќ и понатаму е една од топ темите во фудбалските кругови во БиХ. Насобраната толпа од трибините ги пцуеше, се смееше и се шегуваше додека толпата ги тепа тројцата арбитри.

Фудбалерите и хулиганите буквално ги линчуваа тројцата судии, фрлаа по нив со шишиња, ги тепаа со раце и нозе.

Спас не можеа да најдат ниту во соблекувалната бидејќи и таму беа тепани како и на теренот. На крајот еден од судиите целиот облеан во крв дотрчал кон полициската патрола која мирно го следела целиот инцидент. Никој од тројцата униформирани не мрдна, дури и кога еден од судиите падна на колена од болки и молеше за помош.

https://republika.mk/sport/fudbal/kako-izgleda-mech-od-kosovskoto-prvenstvo-navivachi-maftaa-so-zname-od-uchk-i-ja-kinea-mrezata-od-golot/

The post Претепани судии во Босна, полицијата не мрдна со прст appeared first on Република.