Премиерот Ковачевски објави дека денеска во Минхен се сретнал со премиерката на Босна и Херцеговина Борјана Кришто. Оваа вест не би била ништо необично ако се знае дека оваа поранешна југословенска република нема функција премиер.

Согласно договорот од Дејтон има Совет на Министри со девет министерства со ротирачки претседавач а во моментов тоа е Кришто. Таа е преставник на хрватската етничка заедница.Има 61 година и доаѓа од партијата ХДЗ-Босна и Херцеговина.

The post Ковачевски се сретнал со босанската премиерка, но Босна и Херцеговина нема функција премиер appeared first on Република.

Интегрирањето на балканските земји во големото европско семејство е реална потреба на регионот, заклучија на денешната средба на маргините на Михенската безбедносна конференција, премиерот Димитар Ковачевски и претседавачот на Советот на министри на Босна и Херцеговина, Борјана Кришто.

На средбата, на која присустувал и вицепремиерот за европски прашања Бојан Маричиќ, Ковачевски и Кришто ги потврдиле пријателските односи меѓу земјите како и заложбата за интензивирање на соработката во наредниот период.

Ковачевски на својата босанска колешка ѝ честиташе што Босна и Херцеговина доби кандидатски статус во Европската Унија.

Тој на средбата истакна дека единствено стабилна и просперитетна иднина на земјите од Западен Балкан е во Европската Унија.

Интегрирањето на балканските земји во големото европско семејство е реална потреба на регионот, заклучија двајцата соговорници.

Што се однесува до билатералните односи меѓу Босна и Херцеговина и Македонија, тие се без отворени прашања. Наредниот период владите на двете земји ќе бидат фокусирани на унапредување на економската соработка меѓу двете земји, посебно во сегментите на трговската размена во металната, прехранбената и текстилната индустрија, соопшти Владата.

The post Ковачевски-Кришто: БиХ и Македонија немаат отворени прашања, заедно работиме за стабилен Западен Балкан во ЕУ appeared first on Република.