Францускиот војник Жан-Стивен Декудие и девојчето од Косово  Милица Ѓорѓевиќ Бојковиќ во 2000 година  се гледале речиси секој ден. Милица и по долги 20 години останала во срцето на Жан и се вратил да ја најде.

На 13 јануари 2024 година,  повторно допатувал во Крагуевац каде што сега живее Милица за да се видат повторно.

- Ми недостигаше, се разбира, но одржуваме контакт и секако ќе се трудам што повеќе да се гледаме - започнува Французинот.

Милица сега е возрасна жена, мајка на две деца.

Французинот во текот на 2000 и 2001 година бил војник во меѓународните трупи на Косово. Француската база се наоѓала прво во Бањска, а потоа и во Нови Село, а причина за престојот на војниците биле интервенциите во Косовска Митровица, вклучително и заштитата на таканаречениот мост Аустерлиц, кој во тоа време бил уништен.

Жан-Стивен ги штител и конвоите во кои во текот на денот се превезувале Срби од селото Гојбуља кај Вучитрн до Косовска Митровица за да добијат залихи. Додека го обезбедувал конвојот, забележал мало девојче кое со загрижен поглед ја следи нејзината мајка до камионот.

The post Француски војник спасил српско дете на Косово, сега се семејни пријатели appeared first on Република.

Фудбалскиот клуб Бордо е исфрлен во Третата француска лига поради финансиски неправилности, соопшти управното тело на француската лига (ЛФП).

Бордо, кој е шесткратен првак на Франција, сезонава испадна во Втората откако заврши на дното во Лига 1 и има долгови од околу 40 милиони евра.

Клубот не успеа да го увери финансиското надзорно тело на францускиот фудбал (ДНЦГ) дека ќе може да ги исполни своите финансиски обврски во претстојната сезона.

Бордо, кој од лани е во сопственост на претприемачот Жерар Лопез, објави дека ќе се жали на пресудата

The post Шесткратниот француски првак Бордо исфрлен во Третата лига appeared first on Република.

Четиринаесет лица се повредени поради истекување на амонијак во хемиска фабрика во близина на Бордо, југозападна Франција.

Локалните власти соопштија дека несреќата се случила при полнење на камион-цистерна со течен амонијак. И покрај преземените безбедносни мерки на претпазливост, се формирал облак од амонијак.

По инцидентот евакуирани се работниците од фабриката за земјоделски ѓубрива и производи, како и блискиот објект.

The post Најмалку 14 повредени при истекување на амонијак во француска фабрика appeared first on Република.