Исплатени се вкупно пет бонус плати за над 150 изработени прекувремени часови на годишно ниво. Откако го преземав раководењето со МВР, една од целите коишто ги поставивме на стратешко ниво беше и спроведувањето на гарантираните права на вработените во МВР согласно Колективен договор, објави министерот за внатрешни работи Оливер Спасовски на Фејсбук.

Тој во објавата посочува дека во периодот од 2017 до 2022 се исплатени бонус платите за 2017 и 2018, за коишто не беа обезбедени и исплатени средства од претходното раководство на МВР, а продолжи и редовната исплата на бонус платите за 2019, 2020 и 2021 година, односно вкупно се издвоени 561.773.133 денари или 9.060.857 евра, средства од Буџетот на МВР предвидени за остварување на ова право на вработените.

Нашиот веќе етаблиран концепт „Задоволна полиција – безбедни граѓани”, којшто за возврат донесе ефективни резултати за безбедноста и сигурноста во периодот од 2017 година наваму, продолжуваме да го унапредуваме и надградуваме, а се со цел уште подобри резултати во полициското работење, односно создавање на професионален сервис за граѓаните, сообразувајќи се со модерните трендови и стандарди на европските полициски служби, додава Спасовски во објавата

https://fb.watch/c8llj8JOwI/

The post Спасовски: Исплатени пет бонус плати за прекувремени часови на вработени во МВР appeared first on Република.

На 5 897 вработени во Министерството за внатрешни работи кои оствариле над 150 часови прекувремена работа во текот на 2021 година, ќе им биде исплатена бонус плата во поединечен нето износ од 28.718 денари (463 евра), информираа денеска од МВР.

За оваа намена од Буџетот на МВР издвоени се 188.167.373 денари, средства, се наведува во соопштението, обезбедени со домаќинско и планско работење. Досега, вклучувајќи ја и бонус платата за 2021 година, исплатени се пет бонус плати со вкупна вредност од 561.773.133 денари односно 9.060.857 евра.

Откако првпат во 2019 година беше исплатена бонус плата во МВР, во претходниот мандат на министерот Оливер Спасовски, Министерството за внатрешни работи продолжи со обезбедување средства за исплата на бонус плата и за 2020 година, но и за 2017 и 2018 година и истите се исплатени на вработените во МВР, коишто овие средства веќе нема да ги бараат преку суд, со што Министерството нема да се изложува на непотребни судски трошоци по тужбите на вработените, појаснуваат од МВР.

Се додава дека ова раководство на МВР е решено континуирано да го унапредува статусот на полициските службеници и вработените во МВР, како преку драстичното и сеопфатно материјално-техничко и инфраструктурно подобрување на условите за работа, така и со спроведувањето на загарантираните права на сите вработени, секогаш имајќи го предвид фактот дека само задоволна полиција претставува ефикасен сервис на граѓаните, работи со полн капацитет и легитимитет и испорачува резултати во активностите за справување со криминалот.

The post Во МВР исплатена бонус плата од 28.718 денари за 2021 година appeared first on Република.