Ноќва во 03.20 часот во с.Доброште, тетовско, полицискислужбеници од Полициското одделение Теарце го лишиле од слобода Г.Ц.(52) од с.Мала Речица, тетовско, кој бил пријавен од лице од
тетовско дека го слушнал како пред неговата куќа разговара со друго лице и се договараат да му постават експлозивна направа кај неговата куќа.

Како што соопшти СВР Тетово, околу 10.15 часот покрај локалниот пат во близина на куќата на
пријавителот, полициски службеници пронашле две неексплодирани рачни бомби, кои биле безбедно подигнати.

Г.Ц. е задржан во полициска станица за понатамошна постапка и против него ќе следува
соодветен поднесок.

The post Ги слушнал како планираат да му фрлат бомба дома, полицијата ги фати со оружјето appeared first on Република.

Вчера во 08.25 часот во СВР Битола, Т.И.(60) од Битола пријавил дека при чистење на таванот од својот дом, пронашол 10 рачни бомби, четири топовски удари (шок бомби), два куршуми од 9мм и 4 куршуми од 7.62мм.

Во 09.20 часот, пиротехничар од Дирекцијата за заштита ги подигнал експлозивните направи за понатамошна постапка, соопшти МВР.

The post Битолчанец си го чистел таванот, не му се верувало што нашол appeared first on Република.

Католичкиот училишен центар во Зеница беше евакуиран откако училишната управа доби закана за бомба. Заканите што доведоа до хаос во училиштата во Сараево, се проширија и надвор од главниот град на Босна и Херцеговина.

Портпаролот на полицијата на Зеничко-добојската жупанија Самир Валентиќ потврди дека информацијата за поставената бомба стигнала нешто по осум часот.

„После тоа, полицајците ги евакуирале сите ученици и започнале антидиверзантска увид“, изјави Валентиќ.

Речиси во исто време, закани за бомби пристигнале и во две училишта во Сараево, па морале да ја прекинат наставата и таму, а учениците биле евакуирани.

Претходно оваа недела, сараевската полиција идентификуваше и приведе тројца малолетници за кои беше откриено дека испраќале закани до училиштата.

Еден од нив, како што е откриено во текот на истрагата, дури 49 пати испратил закани за бомба по електронска пошта.

По кривичната постапка, тој е предаден на Обвинителството на жупанија Сараево. Потоа обвинителот му предложи на судијата за малолетници на Општинскиот суд во Сараево да му одреди едномесечен притвор поради сомнение за сторени кривични дела загрозување на сигурноста и лажно пријавување.

The post Повторно пријави за бомби во училиштата во БиХ – учениците евакуирани appeared first on Република.

Католичкиот училишен центар во Зеница беше евакуиран откако училишната управа доби закана за бомба. Заканите што доведоа до хаос во училиштата во Сараево, се проширија и надвор од главниот град на Босна и Херцеговина.

Портпаролот на полицијата на Зеничко-добојската жупанија Самир Валентиќ потврди дека информацијата за поставената бомба стигнала нешто по осум часот.

После тоа, полицајците ги евакуирале сите ученици и започнале антидиверзантска увид, изјави Валентиќ.

Речиси во исто време, закани за бомби пристигнале и во две училишта во Сараево, па морале да ја прекинат наставата и таму, а учениците биле евакуирани.

Претходно оваа недела, сараевската полиција идентификуваше и приведе тројца малолетници за кои беше откриено дека испраќале закани до училиштата.

Еден од нив, како што е откриено во текот на истрагата, дури 49 пати испратил закани за бомба по електронска пошта.

По кривичната постапка, тој е предаден на Обвинителството на жупанија Сараево. Потоа обвинителот му предложи на судијата за малолетници на Општинскиот суд во Сараево да му одреди едномесечен притвор поради сомнение за сторени кривични дела загрозување на сигурноста и лажно пријавување.

The post Нови пријави за бомби во училиштата во БиХ appeared first on Република.

Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.

Ние го сфаќаме ова многу сериозно, додаде портпаролот.

Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.

Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.

Австриските разузнавачки служби истражуваат голем број закани. Австриската државна железничка компанија одби да ги коментира извештаите.

The post Закани за бомби во Австрија, затворени железнички станици appeared first on Република.

Претворањето на обичните, лични телекомуникациски уреди во бомби и таргетирањето на илјадници Либанци кои користат пејџери, воки-токи и друга електронска опрема е кршење на меѓународните прописи за човекови права, изјави високиот комесар на ОН за човекови права Волкер Турк.

Тирк на вонредниот состанок на Советот за безбедност на ОН рече дека мора да има независна и транспарентна истрага за нападите во Либан во вторникот и средата, кога уредите експлодираа, при што загинаа 37 луѓе, а беа повредени повеќе од 3.400, за што е осомничен Израел.

Тирк рече дека експлозиите не само што го прекршиле меѓународното право за човекови права, туку и клучните принципи на меѓународното хуманитарно право во војна, кои наложуваат разлика меѓу цивилите и борците, и мерките на претпазливост.

Меѓународното право, исто така, забранува употреба на мини кои изгледаат безопасни, рече тој, додавајќи дека „воено злосторство е вршење насилство заради терор меѓу цивилите“.

Либан го обвини Израел за нападите, чија цел се чини дека биле борци од либанскиот Хезболах, со кој Израел е во војна, но многу од жртвите биле цивили, вклучително и деца.

The post ОН: Претворањето обични уреди во бомби го прекршува меѓународното право appeared first on Република.

Пораншениот министер за финансии, професорот Џевдет Хајредини, коментира дека „причината зошто Али Амети и Димитар Ковачевски станаа заложници на Артан Груби, ce наоѓа во содржината на „бомбите“ што тој ги добил од Заев.

За ова и за повеќе други причини и едниот и другиот наскоро ќе мораат да одговорат пред членовите на своите партии, вели Хајредини.

The post Хајредини: Ковачевски и Ахмети станаа заложници на Артан Груби поради содржината на „бомбите“ кои тој ги доби од Заев appeared first on Република.

Преку анонимни телефонски повици во четири грчки телевизии кусо пред 11 часот утрово, непознато лице или лица предупредиле за поставени бомби на четири различни локации во Атина, односно во грчкиот парламент и во амбасадите на САД, Израел и Египет, јави дописничката на МИА од Атина.

Во сите четири анонимни повици пораката била дека бомбите ќе експлодираат во 11.30 часот со што веднаш беше вклучен алармот во грчката полиција.

Единицата за деактивирање експлозивни направи веднаш излезе на терен, а онаму каде што беше потребно беа затворени и улиците.

Пред амбасадата на Израел, зголемено беше присуството на полицијата, која ги затвори околните улици, а во состојба на готовност беа и возила на противпожарната служба и на брзата помош.

Телефонските повици биле во телевизиите Алфа, Опен и Контра, како и во собранискиот канал за бомбата во парламентот.

Веројатно е дека и овојпат станува збор за лажно предупредување.

The post Анонимни повици за бомби во грчкиот парламент и амбасадите на САД, Израел и Египет во Атина appeared first on Република.

Русија планира оваа година да започне сериско производство на својата нова бомба Дрел, која има способност самостојно, користејќи инерција и лизгачка патека до целта, да патува на подолги растојанија и да експлодира во „вистинскиот момент“.

Дрел е дизајнирана да уништува оклопни возила, копнени радарски станици, контролни центри за електрани и противвоздушни ракетни системи.

Воените аналитичари тврдат дека е отпорна и на радарски пречки и детекција, што го отежнува запирањето.

Руски и западни извори велат дека Дрел е тип на касетна бомба, муниција забранета во повеќе од 100 земји.

Украина доби касетни бомби од САД, додека рускиот претседател Владимир Путин претходно изјави дека Русија ќе користи касетна муниција во Украина „ако мора“.

The post Русија почна со сериско производство на бомби „Дрел“ – тип касетни бомби appeared first on Република.

Главниот обвинител на српското Специјално обвинителство за високотехнолошки криминал, Бранко Стаменковиќ, во врска со истрагата за лажни пријави за бомби во училишта низ Србија, рече дека досега се откриени повеќе малолетници од странство кои користеле различни програми за комуникација – од оние што се вградени во компјутерски игри, до оние што постојат независно и бараат посебна инсталација и поставување.

„Во овој случај се користеше една таква програма „Дискорд“. Оваа програма е многу популарна кај играчите, особено затоа што комуникацијата преку неа е заштитена со индустрискиот стандард за крипто-заштита. Со тоа е отежнато следењето на таа комуникација, но не е невозможно, изјави Стаменковиќ за Политика.

Според него, во извршување на кривични дела на различни начини учествувале повеќе малолетници од странство.

„Досега, според нашите сознанија, полицијата и обвинителствата на тие земји гонеле тројца малолетници, по еден во Чешка и БиХ, додека третата земја во моментов не можам да ја откријам од процедурални причини. Можам да кажам дека таа е земја од нашето опкружување“, истакна Стаменковиќ.

Стаменковиќ објасни дека малолетниците се поврзале поради заеднички интерес во одредена видео игра што ја играат. Тој изјави дека истражните органи се особено загрижени поради тоа што децата на возраст од 12 до 14 години се гледаат како сторители на кривични дела.

Поради лажни пријави за експлозивни направи во училиштата во Србија, досега кривично се гонети седум лица – четири малолетни и тројца возрасни. Дополнително, поведена е постапка и против шест родители поради, според надлежното основно обвинителство, сомнение дека ги напуштиле децата поради грубо занемарување на образованието, пренесува Политика.

Дискорд е апликација која луѓето ја користат за комуницирање, слична на Скајп. Таа доживеа огромна слава за време на пандемијата, клога милијарди луѓе низ светот останаа затворени во своите домови.

The post Малолетници во Србија на „Дискорд“ ги договарале заканите за бомби во училиштата appeared first on Република.

МВР информира дека денешните дојави за поставени експлозивни направи во училишта во Кочани, се лажни. Од МВР апелираме до родителите да не се вознемируваат, училиштата се безбедни.

Од Министерството ја известуваат јавноста дека протоколите за проверки и безбедност на училиштата функционираат и веднаш се преземаат соодветни мерки доколку се појават дојави за наводно поставени експлозивни направи.

Потсетуваме дека раководствата на училиштата имаат обврска да ги следат и имплементираат мерките на Владата односно насоките од Министерството за образование во целост и на тој начин да ја засилат безбедноста на училиштата и гарантираат непречена настава на учениците, велат од МВР.

Веднаш по добиените пријави, денеска полицијата ги направила сите потребни проверки и во врска со пријавите од училишта во Кочани, по добиените пораки на електронските адреси во Кочани и утврдено е дека станува збор за лажни пријави, велат од полицијата.

The post Лажни се денешнте дојави за бомби во училишта во Кочани, тврди МВР appeared first on Република.

Училишта во Белград денеска повторно добиле дојави за подметнати бомби, јавија белградските медиуми.

Полицијата е на тие локации и е во процес на проверка на тврдењата за поставени бомби.

Децата и вработените се евакуирани од училиштата.
Во изминатите денови зачестија анонимните дојави за бомби во белградските училишта, а МВР на Србија во петокот соопшти дека при детален преглед не била откриена ниту една експлозивна направа.

МВР на Србија и Министерството за образование вчера соопштија дека се подготвува нов безбедносен протокол за училиштата и градинките. Со него се предвидува училиштата и градинките да се проверуваат секоја вечер, а потоа да се заклучуваат. Според тој протокол, родителите чии деца одат во градинка би ги носеле децата само на влезната врата.

The post Повторно дојави за поставени бомби во училишта во Белград appeared first on Република.

Утрово околу 8 часот и 20 минути во основни и средни училишта во Белград пристигнале дојави за подметнати бомби, јавија белградските медиуми.

Полицијата е на тие локации и е во процес на проверка на тврдењата за поставени бомби.

Децата и вработените се евакуирани од училиштата.

The post Дојави за бомби во основни и средни училишта во Белград appeared first on Република.

Припадници на МВР во Србија, во соработка со Антитерористичката служба, идентификувале и пронашле двајца ученици од основно училиште на возраст од 12 и 13 години кои, како што се сомнева, во претходниот период праќале мејлови за поставени бомби во основните и средните училишта на подрачјето на Нови Пазар, како и во маркет.

Полицијата извршила разговор со момчињата во присуство на нивните родители и го известила Вишото јавно обвинителство во Нови Пазар и Центарот за социјална работа во овој град.

По наредба на Вишото јавно обвинителство Нови Пазар, поднесена е прекршочна пријава против родителите на момчињата поради постоење основи на сомнение дека сториле прекршок со тоа што не извршиле уреден надзор над децата.

Инаку, по пријави за поставени бомби, сите студенти, вработени и граѓани беа евакуирани, а припадници на полицијата извршија увид во објектите и утврдија дека секоја пријава е лажна.

Припадниците на полицијата дополнително го зголемија присуството во училиштата и училишните зони за учениците и сите вработени да бидат уште побезбедни и како и досега веднаш ќе постапуваат по секоја пријава и во соработка со надлежните институции ќе ги преземат сите мерки и дејствија.

The post Двајца ученици во Србија приведени поради испраќање заканувачки мејлови за поставени бомби во училиштата appeared first on Република.

Пет основни училишта и едно средно училиште во Белград утринава добија дојави за бомби, што е потврдено од МВР, јави дописникот на МИА од Белград.

Помошник-командантот на полициската бригада Радојко Царан изјави дека само во Белград годинава имало повеќе од 2.000 лажни дојави за поставени бомби.

Најчеста мета во претходниот период беа основните и средните училишта, факултетите и аеродромот „Никола Тесла“, изјави Царан за РТС.

Тој објасни дека при дојава за поставена бомба, дежурната служба веднаш испраќа на лице место припадници на МВР, кои преземаат мерки и дејствија за обезбедување на лицето и местото и вршат увид на теренот, со цел. да се утврди дали има некаква експлозивна направа или минско експлозивно средство.

На прашањето колку трае увидот на објектот, Каран рече дека зависи од големината на објектот и од бројот на припадниците на МВР кои се на терен.

-Пристапот е плански, се проверува сектор по сектор и се внимава на сите сомнителни предмети, предмети кои не припаѓаат на тој простор или лица кои престојуваат во тој простор, како кога во вашето ТВ студио да има ранец кој не му припаѓа никому од тимот, објасни Каран на РТС.

Според него, кога ќе се најде ваков предмет, пристигнуваат контрадиверзантски екипи со заштитна опрема, специјални направи и службени кучиња за откривање експлозивни направи и го проверуваат објектот.

The post Дојави за бомби во шест белградски училишта, годинава во Белград над 2000 лажни дојави за поставени бомби appeared first on Република.

Јеботе, шампионите на сензационализмот кои селективно пуштаа бомби и тајно рекетираа и се уште рекетираат, оние кои ветуваа правда за Смилковско и лажеа ужалени семејства, кои збореа ќе имало правда за сите, кои ветуваа бесплатно здравство, кои ден денес водат линчови и хајки со платени медиуми, денес зборат за воздржаност, презумпција на невиност и избегнување хајки, потсетува Ивор Мицковски.

Не сте токму со главите и не го разбирате баш бесот на народот, им порача тој на властите.

Коментирајќи ја изјавата на премирот Димитар Ковачевски дека „ваков тип на криминал е мултипартиски, мултиетнички и мултикултурен“, Мицковски вели:

Хаааах, каков успех за нашето мулти-култи општество.
Да бе, секој криминал е таков, и во Влада, и меѓу партии и коалиции и за делење тендери.
И народецот ни е мулти-мизерен, и земјата мулти-запуштена, овде се е мулти-идиотско.

The post Мицковски: Шампионите на сензационализмот кои селективно пуштаа бомби денес зборат за презумпција на невиност appeared first on Република.

На 30 мејлови, меѓу кои и на неколку редакции во Загреб, е испратена грозоморна порака во која се наведени локации на кои наводно биле поставени бомби.

„Поставуваме темпирани бомби со тајмер“, се вели меѓу другото.

Исто така се додава дека бомбите се темпирани да експлодираат во петок попладне.

Покрај во некои медиуми, наведуваат дека експлозивна направа била поставена и на кривината на трамвај во Дубрава, четири во Земјоделското училиште, еден хотел и две во полициската станица во Дубрава.

Од загрепското Јавно обвинителство велат дека веќе извршиле увид на пет локации и било утврдено дека пријавите се лажни.

The post Дојави за бомби на неколку локации во Загреб, полицијата на терен appeared first on Република.

Неколку хрватски медиуми и полицијата во Загреб утрово добиле дојави за наводно поставени бомби на повеќе локации во главниот град на Хрватска.

Заканите биле дека експлозивни направи се поставени во зградата каде се наоѓа редакцијата на весникот „Јутарњи лист“, во трамвајската клучка во областа Дубрава, земјоделското училиште, хотелот „Резиденс“ и во Полициската станица во Дубрава.

Загрепската полиција веднаш по дојавите излегла на терен и ги проверила локации. На четири од нив, јавува „Индекс“, не се пронајдени експлозиви односно дојавите биле лажни, додека петтата локација сè уште се проверува. Неофицијално, единствената локација каде не е завршена проверката е во редакцијата на „Јутарњи лист“.

Порталот пишува дека во порака со дојавата за бомби пишува дека секоја експлозивна направа содржи експлозив Ц4 и нервен агенс сарин, како и дека има тајмер.

The post Дојави за бомби на повеќе места во Загреб appeared first on Република.

Наставата во сите црногорски училишта е прекината денеска откако на електронските адреси беа примени заканувачки пораки за бомбашки напади и напади со нервен гас, а закани стигнаа и до градинки и државни институции.

Евакуирани се градинки во Подгорица, а во исто време се упатени закани и на адресите на црногорското МВР, Управата на полицијата, Агенцијата за национална безбедност, Министерството за правда, Основниот и Високиот суд и локални медиуми.

Како што пренесуваат црногорските медиуми, во заканата се наведува дека канистри со наводно отровен нервен гас со детонаторни направи ќе бидат поставени во Подгорица, Бар, Будва и Котор.

Тоа е втор ден по ред како бројни црногорски институции добиваат закани, поради што се евакуирани.

Вчера на адреса на 120 училишта и институции во Црна Гора пристигна дојава за поставена бомба, кои поради новиот бран закани со бомби беа испразнети, а наставата беше прекината.

The post Закани со бомби во Црна Гора во училишта, градинки и институции appeared first on Република.

Зградата на Парламентот на Црна Гора утрово е евакуирана поради дојава дека во институцијата е поставена бомба.

Претставници на полициската управа за „Вијести“ информирале дека дојавата била примена кусо пред осум часот.

Припадници на полициската управа преземаат мерки и дејствија што се во нивна надлежност и се работи на проверка на информациите, велат од полицијата во Подгорица.

Претставници на Министерството за образование за „Вијести“ неофицијално изјавиле дека дојави за бомби добиле и неколку училишта во Подгорица, како и едно средно училиште во Никшиќ.

The post Евакуиран парламентот во Црна Гора, дојави за бомби во неколку училишта appeared first on Република.