Израелски воени авиони попладнево извршија серија напади врз јужни предградија на Бејрут, објавија либанските државни медиуми.

Портпаролот на ИДФ (Израелската армија) Даниел Хагари изјави дека израелските ВВС го нападнале главниот штаб на Хезболах во либанскиот главен град Бејрут. Хагари вели дека штабот бил изграден под цивилни згради во предградието Дахије, познато упориште на Хезболах во Бејрут.

Снимките објавени од либанските медиуми ги покажуваат масовни напади.

Либанското Министерство за здравство соопшти дека две лица загинале, а 76 се ранети во големиот денешен израелски воздушен напад во густо населените јужни предградија на Бејрут. Според министерството, станува збор за прелиминарен биланс.

Билансот вклучувал „15 за кои е потребна хоспитализација“, се додава во соопштението на Министерството.

Либанскиот премиер Наџиб Микати ја повика меѓународната заедница да го „запре“ Израел да води „геноцидна војна“ против Либан.

Оваа нова израелска агресија докажува дека израелскиот непријател не се грижи за сите меѓународни напори и повикува на прекин на огнот“, рече Микати, кој се наоѓа во Њујорк, во изјавата објавена од неговата канцеларија.

Тој ја повика меѓународната заедница да ја запре „Геноцидна војна што тој (Израел) ја води врз Либан“.

The post Најмалку двајца загинати, 76 ранети во денешното бомбардирање на Израел во Бејрут appeared first on Република.

Делегации од општината, државни институции и претставници на политички партии со положување цвеќе пред спомен плочата кај Народниот театар денеска одбележаа 83 години од бомбардирањето на  Штип од германските окупатори. Петар Мицевски претседател на Општинската организација (ОО) Сојуз на борци-Штип, рече дека 6 април е важен историски ден кога градот бил нападнат од фашистичката воена авијација.

- Денеска се собравме тука, пред спомен плочата на Народниот театар за да одбележиме 83 години од бомбардирањето на Штип. Бомбардиран од германскиот фашистички окупатор и неговите сојузници. Демонстрациите оддржани на 27 март 1941 година на територијата на цела бивша Југославија. А во тие рамки и на Македонија, ги расипале сите замисли и идеи на Хитлер и неговите сојузници за вклучување на бивша Југославија, а со тоа и на македонскиот народ во Тројниот пакт, рече Мицевски.

Тој посочи дека без никакво предупредување и најава на 6 април 1941 година во раните утрински часови, додека месното население спиело, а други пак оделе на работа Германците го бомбардирале градот Шти , со тоа што во текот на денот успеале целосно да го окупираат. Со овој напад биле опустошени многу куќи меѓу кои и зградата на старата болница. При нападот 54 лица ги загубиле своите животи, 22 биле тешко ранети, а 10 се водат како исчезнати.

The post Одбележани 83 години од бомбардирањето на Штип appeared first on Република.

САД извршиле нови напади врз цели на Хутите во Јемен. Американски официјални лица, кои сакале да останат анонимни, не откриле за кои цели станува збор или колку ракети биле лансирани, но американската војска соопшти дека биле елиминирани 14 ракети на Хутите кои биле подготвени за лансирање.

Јеменската новинска агенција Саба јави дека американски и британски авиони гаѓале области на регионите Ходеида, Таиз, Дамар, Ал Баџда и Саада.

Нападите на Хутите го забавија поморскиот сообраќај меѓу Азија и Европа од ноември. Движењето почна напади врз трговски бродови во знак на протест против израелските напади во Појасот Газа.

Американската војска вчера соопшти дека дрон лансиран од територијата контролирана од Хути погодил брод во американска сопственост во Аденскиот Залив. Според соопштението, немало повредени, а евидентирана е мала материјална штета.

The post САД повторно бомбардираат во Јемен appeared first on Република.

Руската војска потврди дека во вторникот случајно го бомбардирала руското село Петрапавловка во областа Воронеж во близина на Украина.

Во исто време, Русија продолжува со жестоките напади врз украинските градови Киев и Харков, во кои, како што тврдат украинските власти, се насочени главно кон цивилни објекти, што резултира со многу повредени и најмалку четворица загинати.

Руската армија бомбардирала и руско село кое се наоѓа на 150 километри источно од украинската граница.

На 2 јануари 2024 година, околу 9 часот по московско време, за време на летот на авијацијата, имаше ненормално ослободување на оружјето на авионот над селото Петрапавловка во регионот Воронеж. Нема жртви, соопшти руската армија, пренесува АФП.

Селото Петропавловка се наоѓа на 150 километри источно од украинската граница. Во инцидентот се уништени шест семејни куќи, а покрената е истрага за тоа што се случило, пренесува Москва тајмс.

Објавите на социјалната мрежа Телеграм покажуваат уништени куќи и расфрлани остатоци, како и кратер на местото на падот на ракетата во центарот на селото.

Русија утрово со ракети ги нападна украинските градови Киев и Харков, соопштија властите на тие градови, откако Москва најави одмазда за минатонеделниот украински напад врз Белгород.

The post Русите по грешка бомбардирале нивно село appeared first on Република.

Сателитски снимки од северниот дел на Појасот Газа покажуваат дека по силното израелско бомбардирање, има повеќе од 1.000 кратери на околу 10 квадратни километри видливи од вселената, наведува „Гардијан“ во анализа.

Само во една област, широка само половина километар, неколку станбени области биле бомбардирани толку силно што биле видливи околу 100 кратери, некои од нив големи и до 13,9 метри, пишува британскиот весник.

Најмалку една болница и три училишта во областа не се во функција, очигледно поради бомбардирањето околу објектите. Останатите згради на снимката, која е снимена на 30 октомври, според анализата се целосно срамнети со земја и претворени во урнатини.

The post Сателитски снимки откриваат дека на северот во Газа има над 1.000 кратери од бомбардирање на околу 10 км2 appeared first on Република.

Северниот дел на Газа и градот Газа се соочуваат со најголем дел од израелското бомбардирање, јавува Ружди Абуалуф, дописник од Газа за Би-Би-Си.

Локалната радио станица која сè уште функционира објави масивни експлозии во четири области на северот, при што новинарите велат дека тие се со размери и интензитет што луѓето „никогаш не ги виделе“.

Тој вели дека нема комуникација дури ни со локалните власти и болниците, така што нема нова бројка за бројот на жртвите.

Луѓето се крајно загрижени, додава тој, за тоа што ќе се случи кога Израел ќе ја започне следната фаза од својата копнена офанзива.

The post Ново бомбардирање од невидени размери во Газа appeared first on Република.

Израелските одбранбени сили (ИДФ) соопштија дека за три часа извршиле 130 воздушни напади врз цели на Хамас во Појасот Газа.

Во текот на изминатите 24 часа, авионите на воздухопловните сили извршија опсежни напади долж и низ Појасот Газа, предизвикувајќи хаос меѓу терористите на Хамас, се наведува во соопштението на ИДФ.

Западните медиуми јавија дека има континуирано бомбардирање на една минута. Експлозии одекнува и низ Ашдод, град на околу 35 километри северно од енклавата.

Во исто време, ракети продолжија да се истрелуваат од Појасот Газа, иако во многу помал број и беа пресретнати од израелската противвоздушна одбрана.

The post Појасот Газа под силно бомбардирање appeared first on Република.

Од почетокот на септември, руските воздушни сили, заедно со единиците на вооружените сили на Сирија, почнаа масовни напади врз позициите на групите Хајат Тахрир ал-Шам и Ансар ат-Тавхид на југот на провинцијата Идлиб и на запад од провинцијата Алепо.

Целта се лансери, штабови и локации на овие терористички организации. Означувањето на целите и прилагодувањето на оганот го вршат екипажи на беспилотни летача од иранско производство Мохаџер-4, кои се во служба на сириската армија.

Активирањето на сириските трупи и руската авијација во овие области е поврзано со неодамнешните напади на милитантите врз позициите на владините сили и гранатирањето на населени места под контрола на официјален Дамаск.

The post Масовни напади на руската авијација и сириската армија врз позициите на милитантите во Идлиб appeared first on Република.

Молдавија денеска пријави „недостиг на струја на цела своја територија“ откако во руските воени напади врз украинската енергетска инфраструктура беше урнат клучниот далновод што ја снабдува со електрична енергија, изјави министерот за инфраструктура Андреј Спину.

По руското бомбардирање на украинскиот енергетски систем што се случи во последниот еден час, исклучен е еден од далноводите што ја снабдуваше нашата земја со електрична енергија, рече Спину.

Министерот кажа дека тоа довело до големи прекини на електричната енергија низ целата земја, додавајќи дека далноводите „не биле оштетени, туку автоматски биле исклучени од безбедносни причини“ и дека добавувачот „Молделектрика“ работи на поправките.

The post Во Молдавија снема струја по денешните руски напади во Украина appeared first on Република.

Украинската државна телевизија јави дека денеска, во раните утрински часови, се слушнале експлозии во украинските градови Николајев и Запорожје, додека во главниот град Киев се слушале сирени за воздушен напад.

-Експлозиите се во Запорожје, потврди шефот на градската администрација Александар Старух, пренесува Тасс.

Извештаите за експлозии во Николајев и сирените за воздушни напади во Киев доаѓаат од дописници на украинската телевизија во двата региона.

Во регионите на Киев, Суми, Черкаси, Кировохрад, Николајев, Дњепропетровск, Харков и Полтава, како и во делот на регионот Запорожје, контролиран од Киев, прогласена е тревога за воздушен напад, соопшти Тасс.

The post И утринава експлозии во Николајев и Запорожје, Херсон и Мелитопол, во Киев сирени appeared first on Република.

Израелските сили (ИДФ) бомбардираа цели во Газа за кои тврдат дека се поврзани со Исламскиот џихад и го убиле командантот на тоа исламистичко милитантно движење кој најави одмазда тврдејќи дека може да го погоди и Тел Авив.

Локалните здравствени власти соопштија дека во нападот загинале најмалку осум лица, вклучително и едно петгодишно дете, а 44 се повредени.

„ИД во моментов напаѓа во Појасот Газа. Прогласена е посебна ситуација на израелскиот домашен фронт“, соопшти армијата.

Претставник на палестинскиот Исламски џихад изјави дека Тајсер ал Џабари, висок командант на движењето, бил убиен во нападите, кои погодиле неколку цели во густо населена област.

Нападите доаѓаат откако Израел го уапси Басам ал Саади, висок водач на палестинската исламистичка џихадистичка група, за време на рација во окупираниот град Џенин на Западниот Брег претходно оваа недела.

Последователно, сите премини во Газа и околните патишта се затворени поради страв од репресалии од групата со седиште во Газа.

Во изјавата емитувана на ТВ Ал Мајадин, проирански либански канал, лидерот на исламските џихадисти Зиад ал Нахала вети одмазда за нападите. „Нема црвени линии во оваа борба и Тел Авив ќе падне под гранатите на отпорот, како и сите израелски градови“, рече тој.

Газа, тесен појас на земја на кој живеат 2,3 милиони луѓе на 365 квадратни километри, е постојана точка на конфликт откако Хамас ја презеде контролата врз областа во 2007 година.

Израел водеше пет конфликти со Газа од 2009 година, а последниот конфликт беше во мај 2021 година, кога Хамас истрела илјадници ракети врз Израел, а Израел одговори со воздушни напади врз Појасот.

The post Израелците го бомбардираат појасот Газа, Исламски џихад се закани со одмазда appeared first on Република.

Украинската армија обвини дека северниот пограничен регион на Украина, Чернигов, бил под „масовно бомбардирање“ од територијата на рускиот сојузник Белорусија.

Околу 5:00 часот наутро (02:00 GMT) регионот Чернигов претрпе масовно бомбардирање со проектили. Дваесет ракети, истрелани од територијата на Белорусија и од воздух, го гаѓаа селото Десна - соопшти Cеверната воена команда на Украина.

Оттаму додаваат дека засега нема информации за жртви.

Десна, мало село со население од околу 7.500 луѓе, се наоѓа на 70 километри северно од Киев и слично растојание јужно од границата на Украина со Белорусија.

Нападите доаѓаат кога рускиот претседател Владимир Путин се сретна со неговиот белоруски колега и близок сојузник Александар Лукашенко во Санкт Петербург.

The post Украинска армија обвинува за „масовно“ бомбардирање од Белорусија врз украински пограничен регион appeared first on Република.

Реагирајќи на барањето на американскиот претседател Џо Бајден да се изведе претседателот на Руската Федерација, Владимир Путин пред лицето на правдата за воените злосторства во Украина, портпаролката на руското Министерство за надворешни работи Марија Захарова на апликацијата Телеграм напиша дека „повикот на Бајден за судење за воени злосторства е одлична идеја“.

Одлична идеја, нека почнат со бомбардирањето на Југославија и окупирањето на Ирак. Сè уште може да се најдат главните режисери на тоа што се случи во Сребреница, напиша Захарова, со очигледна алузија дека во Сребреница не се случил геноцид, иако има судски пресуди кои недвосмислено го утврдиле тоа.

И, се разбира, во Косово постоеше трговија со органи под маската на американски официјални лица. Штом ќе завршат со тоа, веднаш можат да започнат и со процесот на нуклеарно бомбардирање на Јапонија, додаде Захарова, а на крајот напиша „Run, Forest, run“ на англиски јазик, алудирајќи на сцената од оскаровскиот филм „Форест Гамп“.

The post Со бомбардирањето на Југославија и окупирањето на Ирак нека почне судењето за воени злосторства, порача Захарова appeared first on Република.

За време на ноќно гранатирање на Доњецк, евидентиран е директен удар на украинска граната во станбена зграда, која е делумно уништена, соопшти градоначалникот, Алексеј Кулемзин.

Утринава, во 6.15 часот, украинските војници ги гранатираа Михајловка и Пантелејмоновка во Доњецката Народна Република, истрелаа вкупно 12 гранати од калибар 122 мм - соопшти републичкото претставништво во Заедничкиот центар за контрола и координација на прекинот на огнот.

Во соопштението се додава дека е гранатирана и областа Киров во Доњецк, каде што биле испукани десет гранати од 122 милиметри.

The post Украинците гранатирале станбена зграда во Доњецк appeared first on Република.

Училиште што служело како заштита за околу 400 луѓе во украинскиот пристанишен град Мариупол е погодено од бомба, објавија градските власти на Телеграм.

Зградата се користеше како засолниште за жени, деца и стари лица се додека не беше погодена вчера. Градските власти ги обвинија руските сили дека го извршиле нападот.

Луѓе се уште се под урнатините, се вели во соопштението. Се уште нема податоци за загинати или повредени.

The post Градски совет на Мариупол:Русија бомбардираше училиште во кое се засолнувале 400 цивили, вклучително и деца appeared first on Република.

Србинот, Владан Миличевиќ, на неколку медиуми во САД, Велика Британија и Австралија им испратил фотографии од деца кои седсат до нивните срушени куќи, како и бомбардирани и запалени згради со порака и барање да го осудат бомбардирањето на невини луѓе.

Медиумите, мислејќи дека станува збор за фотографии од Украина тие веднаш ги објавиле фотографиите осудувајќи го бомбардирањето, но кога Миличевиќ им кажал дека всушност станува збор за фотографии од Србија снимени при бомбардирањето на НАТО, медиумите му го „се налутиле“ и му го укинале профилот.

The post Од западни медиуми добил поддршка за осуда на гранатирањето невини луѓе, кога дознале дека сликите се од НАТО бомбардирањето на Србија му го укинале профилот appeared first on Република.

Зоолошката градина во Харков, најстарата од ваков тип во Украина, утрово беше погодена од пет бомби фрлени од руската армија.

За жал животните се убиени и повредени, соопштуваат оттаму, потенцирајќи дека во војна страдаат луѓето и животните.

The post Убиени и повредени животни по бомбардирањето на најстарата украинска Зоолошка appeared first on Република.