Европејците со вишок килограми одат 2,5 пати почесто на боледување од останатите луѓе, покажа истражување објавено на Европскиот конгрес за дебелина во Венеција, Италија.

Според истражувањето што опфатило 122.598 работници во 26 европски земји, колку еден човек има поголем вишок килограми, толку е поголема честотата на боледувања. Најчести наведени причини се болки во зглобовите, дијабетес, депресија или проблеми со срцето, пишува британски „Тајмс“.

Британските работници се трети најобезни во Европа, а бројот боледувања е двојно зголемен во Обединетото Кралство последниве 10 години.

Тоа, според проценките, значи намалување на продуктивноста во британската економија за околу 33 милијарди фунти.

The post Луѓето со вишок килограми одат два и пол пати почесто на боледување appeared first on Република.

Словенија бележи раст на работниците кои користат боледување. Минатата година во Словенија имало рекордни 56.128 вработени на боледување, што е за 84,8 отсто повеќе од 2014 година.

Болничкиот систем во Словенија нема временско ограничување и затоа не може да се споредува со другите европски земји. Таков систем во Европа има само Бугарија.

-Ситуацијата е загрижувачка во последните години, предупредува Ана Водичар, раководител на областа за одлучување за права и медицински производи во Словенечкиот завод за здравствено осигурување. Рекордер во Словенија е човек кој 12 години е на боледување.

Бугарија е единствената која сè уште има таква регулатива. Во странски системи, привремената спреченост за работа обично трае една, можеби и три години. Потоа, ако некој е сè уште неспособен за работа, потрајна форма на неспособност или привремена неспособност.

-Ако во 2014 година сè уште имавме околу 225 милиони расходи од фондот за здравство, лани исплативме речиси 700 милиони евра. Тоа се огромни зголемувања. И затоа е толку загрижувачки, рече Водичар.

Минатата година просечното боледување во Словенија траеше 13,4 дена, но времетраењето варира од регион до регион. Најдолгото боледување било во Корушка и траело 19 дена, додека најкраткото боледување било во Горишка и траело 11 дена.

The post Лани во Словенија рекордни над 56 илјади работници биле на боледување appeared first on Република.

Словенија бележи раст на работниците кои користат боледување. Минатата година во Словенија имало рекордни 56.128 вработени на боледување, што е за 84,8 отсто повеќе од 2014 година.

Болничкиот систем во Словенија нема временско ограничување и затоа не може да се споредува со другите европски земји. Таков систем во Европа има само Бугарија.

Ситуацијата е загрижувачка во последните години, предупредува Ана Водичар, раководител на областа за одлучување за права и медицински производи во Словенечкиот завод за здравствено осигурување. Рекордер во Словенија е човек кој 12 години е на боледување.

Бугарија е единствената која сè уште има таква регулатива. Во странски системи, привремената спреченост за работа обично трае една, можеби и три години. Потоа, ако некој е сè уште неспособен за работа, потрајна форма на неспособност или привремена неспособност.

Ако во 2014 година сè уште имавме околу 225 милиони расходи од фондот за здравство, лани исплативме речиси 700 милиони евра. Тоа се огромни зголемувања. И затоа е толку загрижувачки, рече Водичар.

Минатата година просечното боледување во Словенија траеше 13,4 дена, но времетраењето варира од регион до регион. Најдолгото боледување било во Корушка и траело 19 дена, додека најкраткото боледување било во Горишка и траело 11 дена.

The post Дури 12 години не се појавил на работа: Загрижувачки раст на боледувањата во Словенија appeared first on Република.

Наместо 30 боледувањето кое паѓа на товар на работодавачот да се скрати на 15 дена. Ова е барањето на Организацијата на работодавачи за да се намалат злоупотребите од страна на работниците. Лажните боледувања се се почести, а ги има и во приватниот и во јавниот сектор, вели Димитров. Затоа во консултациите со Министерството за труд, околу новиот Закон за работни односи бараат да се внесе и ваквата одредба.

Зелено светло за кратење на боледувањето што го плаќаат газдите од министерството за труд има, но крајниот збор треба да го даде Фондот за здравствено осигурување. Во предлог законот за работни односи вметната е одредбата за докажување на боледувањето од страна на Наделжен орган. Но работодавачите бараат да се прецизира – кој ќе биде тој орган? Дали државата или   самите газди?

Фондот за здравство нема податоци колку боледувања се издадени лани. Последните бројки се за 2021 та година – кога имало 3.044 боледувања до  30 дена. Но дали и колку од нив биле лажни, нема информации.  Од таму само велат дека 10% од парите на фондот одат  на боледување.

The post Работодавачите бараат да плаќаат само 15 дена од боледувањата appeared first on Република.

Скоро 30 отсто од жените користат боледување поради симптоми на менопауза, но само мал дел од нив ја наведуваат отворено оваа причина за боледување.

Се смета дека една жена е во менопауза кога ќе поминат 12 месеци од нејзината последна менструација.

Дури 65 отсто од жените велат дека се чувствуваат неподготвени за она што може да го донесе менопаузата. Затоа е неопходна емпатија и индивидуализирана грижа за секоја жена која се движи низ оваа сосема природна, но понекогаш стресна фаза од животот.

Менопауза, понекогаш наречена „промена на животот” го сигнализира крајот на способноста на жената да има деца. Менопаузата, е природен дел од стареењето кој се должи на природното опаѓање на репродуктивните хормони кај жената, почнувајќи некаде од 45-та до 55-та година.

Во 1984 година Светската здравствена оргранизација (СЗо) го избра 18. Октомври за Светски ден посветен на менопаузата заедно со Меѓународното здружение за менопауза (ИМС).

Овој датум треба да ја подигне свеста и да ја намали стигмата поврзана со неа, како и да ги нагласи достапните опции за поддршка и подобрување на здравјето и благосостојбата на жената во понатамошниот тек на животот.

Менопаузата,односно периодот околу неа (таканаречена перименопауза) ужива “лоша репутација” токму поради бројните симптоми кои предизвикуваат фрустрација кај многу жени - како што се топли бранови, ноќното потење, сувоста на вагината, главоболки, зголемување на телесната тежина, намалена концентрација, промени во расположението и анксиозност. Симптоми кои секоја жена различно може да ги доживее, но и кои може многу да варираат и да траат повеќе години.

Оваа година WHO и IMS го празнуваат светскиот ден на менопауза подигнувајќи ја свеста за „менопаузната магла” или “brain fog” која опфаќа бројни симптоми како: тешкотии во учењето и вербалната меморија - тешкотии во помнењето зборови и бројки, намалена концентрација (лесна расеаност, губење на мислата), тешкотии при почетокот на секојдневни задачи, заборавање на причината за одредени активност (како – зошто, или по што дојдов во собава), заборавање на состаноци, значајни датуми и настани. Менопаузната мозочна магла е нормална и вообичаена во средовечните години, таа не е само имагинација на жената, и истата може значително да влијаат врз квалитетот на животот на една жена.

Притоа, дури кај три од пет жени, на возраст од 45 до 55 години, симптомите асоцирани со менопаузата негативно им влијаат врз квалитетот на реализација на работните обврски. Две третини од нив се жалат на помала способност да се сконцентрираат на работните и секојдневни обврски, а кај повеќето од половина ова предизвикува стресна состојба.

Неколку фактори на ризик кои можат негативно да влијаат на когнитивно здравје кај жените во перименопауза се: обезноста, нерегулираниот висок крвен притисок, дијабетесот, пушењето цигари, физичката неактивност, намалената социјална интереакција, когнитивната неактивност, анксиозноста и депресијата.

The post Скоро 30 отсто од жените користат боледување поради симптоми на менопауза, ама не кажуваат дека ја имаат appeared first on Република.

Граѓаните на Хрватска минатата година го собориле рекордот со повеќе од 20 милиони денови поминати на боледување, покажуваат најновите податоци на Хрватскиот завод за здравствено осигурување (ХЗ ЗО).

Во просек дневно на боледување биле околу 33.000 луѓе, објави ХРТ, прецизирајќи дека лани биле реализирани дваесет милиони и сто илјади боледувања.

Гледано по градови, најмногу боледувања отвориле граѓаните на Риека, каде што секој вработен во 2021 година бил на боледување во просек по 14 дена. Следат работниците во Загреб, Госпиќ, Чаковец ...

Сето ова боледување, работодавачите и државата го платиле три милијарди куни (398,5 милиони евра).

Загрижувачки е тоа што пред повеќе од една година имало 2,3 милиони дена боледување на сметка на работодавачите, вкупната стапка на раст била 13,2 отсто на сметка на работодавачот, а генерално стапката е значително повисока, 18,3 отсто - вели Милка Косановиќ од Хрватското здружение на работодавачи.

Таа додава дека нивните контроли покажале дека боледувањето не се користи исклучиво од потреба.

Работодавачите затоа бараат побрзи и построги контроли, а министерот за здравство ги најавува како дел од измените на законот за задолжително здравствено осигурување до крајот на годинава.

Се предвидува инспекторите, при контролата да можат да го заклучат боледувањето кај одредени лекари на лице место, што досега не беше случај. Исто така, се планираат одредени вонредни контроли доколку работодавачот има некаква информација за злоупотреба - вели министерот за здравство, Вили Берош.

The post На Хрватите не им се работи: Лани го собориле рекордот според земени денови за боледување appeared first on Република.

Во Србија 2.000 медицински работници се на боледување поради коронавирусот.

Министерството за здравство соопшти дека 29 се на болничко лекување, а останатите се во изолација.

Во Србија од досегашниот најсилен врв на коронавирусот десеткуван е здравствениот персонал, јави дописникот на МИА од Белград.

Професорот д-р Владимир Ѓукиќ, директор на КБЦ „Д-р Драгиша Мишовиќ“, за „Новости“ изјави дека во оваа болница од 64 медицински сестри на хируршкиот оддел, дури 22 се болни.

The post Во Србија 2.000 медицински сестри се на боледување поради ковид appeared first on Република.