Кога ќе се споредат бројките на граѓани кои гласаа за парламентарните и претседателските избори се наоѓа бројот на оние кои ги бојкотираа изборите за шеф на државата. На парламентарните избори гласаа 997 596 а на претседателските избори, пак, гласаа 859 951 избирачи.

Бојкотирале 137 645 гласачи. Најголем број на овие гласови што ги има на парламентарните а ги нема на претседатеслките се во средини со албанско население, претежно со поддржувачи на ДУИ. Негативата оди на контото на претседателскиот кандидат на СДСМ, Стево Пендаровски, кој после првиот круг сметаше на поддршката од владиниот коалиционен партнер ДУИ. Но, се чини, ДУИ го пуштија Пендаровски низ вода.

The post Го пуштија Пендаровски низ вода: Бојкотот на ДУИ за претседателските избори однесе 137.000 гласови appeared first on Република.

Околу 51 илјада на гласачи денеска на двојните избори одбиле да гласаат за претседателските избори.

Поточно, според резултатите на ДИК за излезноста до 13 часот на парламентарните избори  и на пребројани 97,81% од избирачите, гласале вкупно 457 562 лица, додека ма пребројани 98,4% од избирачите на вториот круг од претседателските избори гласале 406 735 гласачи.

Ова се досегашните податоци за излезност во општините со мнозинство на албанско население, а според кои се гледа разликата на гласачи кои гласале на претседатлските VS парламентарните избори:

Гостивар 9.766 со 14.060

Тетово 12.781 со 20.796

Струга 7.258 со 10.884

Kичево со 3.327

Чaир 7.409 со 5.452

Арачиново 738 со 1.689

Сарај 2.723 со 7.183

Липково 853 со 4.443

Студеничани 1.637 со 2.530

Чашка 1.176 со 1.443

Боговиње 1.477 со 4.363

Желино 1.705 со 3.822

Пласница 469 со 730

Како што веќе е познато, граѓаните со право на глас денеска имаат избор да гласаат и на двата избори или да одберат да гласаат само за претседател и само за Собрание. Oфицијални повици за бојкот на изборите немаше од ниедна политичка партија, но постојано се зборуваше дека доколку не се оствари цензусот за излезност во вториот круг на претседателските избори, односно нема излезност од 40% од запишаните гласачи – се оди на нови избори и се создава вештачка политичка криза, за на крај да се остварат барањата на дел од албанските политичари претседател на Републиката да се бира во Собрание.

Дека неговата партија само зборува за демократија, денеска потврди и вицепремиерот Артан Груби кој јавно одби да земе ливче за претседателски и да гласа, макар и да го пречкрта.

The post 51.000 гласачи одбиле да земат ливче за претседателски appeared first on Република.

Податоците објавени на страницата на Државната изборна комисија за излезноста до 9 часот на денешните двојни избори уште од утрово го покажува она на што се предупредуваше по првиот круг на претседателските избори - граѓаните од албанска националност го бојкотираат избирањето на претседател на Македонија.

Како што веќе е познато, граѓаните со право на глас денеска имаат избор да гласаат и на двата избори или да одберат да гласаат само за претседател и само за Собрание. Oфицијални повици за бојкот на изборите немаше од ниедна политичка партија, но постојано се зборуваше дека доколку не се оствари цензусот за излезност во вториот круг на претседателските избори, односно нема излезност од 40% од запишаните гласачи - се оди на нови избори и се создава вештачка политичка криза, за на крај да се остварат барањата на дел од албанските политичари претседател на Републиката да се бира во Собрание.

https://republika.mk/vesti/makedonija/pishuva-ako-si-musliman-ne-glasaj-letotsi-so-povik-za-bojkot-rastureni-niz-chair/

Ова се досегашните податоци за излезност во општините со мнозинство на албанско население, а според кои се гледа разликата на гласачи кои гласале на претседатлските VS парламентарните избори:

Гостивар 1165 со 2184

Тетово 1898 со 2761

Струга 1166 со 1663

Кичево 541 со 1182

Чaир 704 со 1041

Арачиново 96 со 244

Сарај 578 со 885

Липково 135 со 534

Студеничани 353 со 285

Чашка 334 со 400

Боговиње 164 со 409

Желино 276 со 531

Пласница 183 со 233

Претседателот на ДИК, Александар Даштевски изјави дек нема бојкот на претседателските избори, сите што излегле на парламентарни, гласале и за претседател, но податоците од страницата на ДИК покажуваат нешто сосема поинакво.

The post Разликата е мала но очигледна – дел од Албанците бојкотираат претседателски! appeared first on Република.

Двајцата кандидати за претседател, Стево Пендаровски и Гордана Силјановска-Давкова, се на ставот дека граѓаните треба да излезат на гласање на 8 мај, кога треба да се одржи вториот круг од претседателскиите избори. И двајцата се оградија од повиците за бојкот.

На дебатата на „Клик плус“ на телевизија 21, Силјановска-Давкова рече дека е антиевропски чекор доколку не се случи потребната излезност од 40 проценти во вториот круг од претседателските избори, а Пендаровски рече дека мора да се почитува Уставот, иако смета дека не би требало да има долен праг.

Доколку не се случи излезноста од 40 проценти, тоа ќе биде уште еден антиевропски чекор, бидејќи Венецијанската комисија и ОБСЕ/ОДИХР по најмалку четири мислења велат дека е тотално нелогично во вториот изборен круг да имате цензус од 40 отсто оти кога одат двајца, еден треба да биде избран со релативно мнозинство, посочи Силјановска Давкова.

Таа додава дека пораките за бојкот воопшто не се во духот на парламентарната демократија.

Некои пораки што ги слушаме за бојкот, воопшто не се во духот на парламентарната демократија, туку се наспроти парламентарната демократија, бидејќи јасно е дека овие 40 проценти туркаат во политички пазар, во уцени, во спогодби, а ние кандидатите бараме граѓаните да кажат дали сме за претседател подобни и соодветни, појаснува Силјановска Давкова.

https://republika.mk/vesti/makedonija/siljanovska-davkova-najavite-za-bojkot-na-vtoriot-krug-ne-se-vo-duhot-na-parlamentarnata-demokratija/

Според Пендаровски, не станува збор дали некој кандидат бара или не бара бојкот, туку за уставна одредба што мора да се почитува, а во која се вели дека 40 проценти од гласачкото тело мора да излезе за да има валиден претседател.

Овде станува збор за, за жал, уставна одредба која мора да се почитува, а која вели 40 проценти од гласачкото тело мора да излезе за да имаме валиден претседател. Јас сум да менуваме Устав и да немаме долен праг, затоа што кој сака да гласа има право да гласа, тоа никому не му е оневозможено, посочи Пендаровски.

Повиците за бојкот, вели, доаѓаат од политичката структура која ја поддржува Силјановска Давкова.

https://republika.mk/vesti/makedonija/pendarovski-povitsite-za-bojkot-doagaat-od-vmro-dpmne-oti-znaat-deka-ke-izgubat/

Според Пендаровски, треба да се избере претседател на 8 мај бидејќи во спротивно би влегле во политичка криза и неизвесност.

Од моја страна ниту некогаш било кажано, ниту некогаш помислено, гласачите кои ме поддржуваат да бидат наведувани на така наречен израз на ВМРО-ДПМНЕ - тивок бојкот. На секоја средба со граѓаните, на секој митинг јас велам „Излегувајте и гласајте. Македонија треба да има претседател на 8 мај, затоа што се друго освен тоа е влез во политичка криза, во неизвесност и тоа не ни е потребно. Јас сум првиот кој вели не за бојкот и ургирам сите, и оние кои ме гласаат и оние кои нема да ме гласаат да излезат и да го искористат своето демократско право, додава Пендаровски.

The post Силјановска Давкова и Пендаровски се оградија од повиците за бојкот – повикуваат граѓаните да излезат на гласање на 8 мај appeared first on Република.

Утрово пред зградата на општинското основно училиште Његош во Јурумлери, општина Гази Баба се оддржа протест на родителите кои од денес започнаа и со бојкот на наставата.

Родителите испратија порака до министерот за образование и наука, Јетон Шакири да се откаже од притисоците кои ги прави или настава во ООУ Његош нема да има до крај на годината.

Во ова училиште наставата се одвива на овој начин повеќе од 30 години. Нашите деца остануваат на часови до 17:00 часот попладне бидејќи нема просторни услови, дополнително нема ниту согласност за нова паралелка за дневен престој. Во ова училиште нема можност за воведување на нови паралелки. Министерот да се откаже од притисоците, секоја нивна акција која мислат да ја спроведат без договор со нас родителите ќе има од нас реакција. Ако тргнат на сила да носат решенија, настава нема да има до крај на годината, порачаа родителите од денешниот протест.

The post Почна бојкот на наставата во ООУ Његош во Гази Баба, родителите со порака до министерот: Откажете се од притисоците или настава нема да има до крај на годината appeared first on Република.

The post Димовски: Бојкот на машинскиот и извршен персонал во железницата, бараат исплата на вториот дел од платата за јули appeared first on Република.

Машинскиот и извршниот персонал на МЖ „Транспорт“ денеска од 13 часот ќе стапи во бојкот, со целосно блокирање на железничкиот сообраќај низ земјава. Како што изјави за МИА претставникот на машинскиот и извршниот персонал и претседател на Синдикатот на машиновозачи, Тони Димовски, бојкотот е поради неисплатен втор дел од платата за јуни, но и за покачување на коефициентите.

Бојкотот е и за почнување преговори или одговор за измена и дополнување на систематизацијата, зашто имаме сознанија дека се поделени 230 решенија со покачување на коефициенти на одредени работни места, истакна Димовски.

Според него, на 2 ноември 2021 година е донесена Одлука согласно која, ако до 25-ти во месецот не биде исплатена во целост платата за претходниот месец, на 26-ти машинскиот и извршниот персонал почнува со бојкот и блокада на железничкиот сообраќај.

Минатата недела имавме средба со генералниот директор на која ни беше кажано денеска во 10 часот да бидеме во канцелараијата кај него. Но, директорот денеска не беше дојден на работното место зашто бил на некаков состанок, дали во Влада или на друго место. Не прими неговиот советник кој не замоли да се стрпиме за плата до 4 август, петок. Ние неколку пати даваме шанса, еве и овој пат помина 26-ти. Им дадовме простор до крајот на месецот, но и до тогаш тие не можат во целост да ја исплатат платата за претходниот месец. Дополнително, и за првиот дел од платата, одбитоците за кредити кои некои колеги ги имаат земено, не се исплатени, објасни Димовски.

Тој потенцира дека железничкиот сообраќај ќе биде прекинат до исплаќање на вториот дел од платата и додека не се задоволат барањата на машинскиот и извршниот персонал доставени на 3 јули 2023 година.

Барањата се за покачување на коефициентите и за наредбата од генералниот директор која требаше да важи од 1 јуни. Во периодот со енормно високи температури, наместо да бидеме наградени, ние сме казнети со 10 отсто на квалитет, а ниту еден друг во фирмата не е казнет, дури некои се и наградени. Сите од администрација и од работилница од одржување работат до 13 часот, а некои и воопшто не доаѓаат на своите работни места, нагласи Димовски.

The post Од 13 часот блокада на железничкиот сообраќај, бојкот на машинскиот и извршниот персонал appeared first on Република.

Жителите во село Грабово, општина Грамш, округ Елбасан ги бојкотираа и денешните локални избори поради недостиг на инвестиции, посебно во инфраструктурата.

-Жителите на ова село, секогаш населено со Власи, ги бојкотираа и претходните локални избори, како и последните два изборни циклуси на парламентарните избори, разочарани, како што велат, од лажните ветувања на политичарите, јави Ора њуз.

До падот на комунизмот во селото живееле 12 илјади жители.

Поради лошите услови за живот денес живеат само околу 400 лица, главно повозрасни.

Селото со најблиското населено место е поврзано со тесен макадамски пат.

Во меѓувреме ЦИК објави дека излезноста на денешните локални избори до 14 часот е 26,6 отсто.

The post Жителите во село Грабово ги бојкотираа и овие избори, четврти по ред appeared first on Република.

Во четири општини во северно Косово денеска се одржуваат вонредни избори за градоначалници на Cеверна Митровица, Звечен, Лепосавиќ и Зубни Поток.

Граѓаните од српска националност одбиваат да излезат на гласање и ги бојкотираат изборите. Од официјален Белград изјавија дека очекуваат на гласање на излезат околу 1 отсто од гласачите.

Изборите следат откако Србите на Косово одлучија да излезат од институциите, како одговор на тоа што Косово одби да го исполни ветувањето и да формира Заедница на српски општини. Од тие причини оставки си поднесоа и градоначалниците на овие општини, а кои беа од редовите на Српска листа.

Изборите организирани од Косово се одржуваат во контејнери под силно полициско обезбедување и под надзор на војници од францускиот контингент Кфор.

Од десет кандидати, колку што се пријавени за градоначалници, само еден доаѓа од српската заедница.

The post Србите не излегуваат на гласање на локалните избори во северно Косово appeared first on Република.

Машинскиот и помошниот персонал во Железници на РСМ Транспорт, којшто е во бојкот со прекин на железничкиот сообраќај веќе 12 дена, денеска очекува исплата на вториот дел од платата за февруари.

Тони Димовски, претседател на Синдикат на машиновозачи и претставник на машинскиот и извршниот персонал, за МИА изјави дека вчера имале средба со раководството на железничкото претпријатие и оти им било речено дека ќе има исплата до 15 часот.

Од почетокот на бојкотот на 31-ви минатиот месец во 12 часот досега, потсетува, не сообраќаат ниту патничките ниту товарните возови.

До вчера требаше да се исплатат и патните трошоци за март, но тоа не се случи, изјави Димовски, појаснувајќи дека бојкотот е организиран самоиницијативно и оти машинскиот и помошниот персонал е на работа но не ги извршуваме работните задачи.

Во барањата на машиновозачите е и зголемување на вредноста на бодот за 30 проценти, исплата на ноќна работа за кондуктерите, како и вработување на 40 машиновозачи за што, како што велат, уште во февруари испратиле барање до министерствата за транспрот и врски, и за финансии и до Владата.

The post Дванаесетти ден од бојкотот на машиновозачите, очекуваат исплата на вториот дел од платата за февруари appeared first on Република.

Учениците од Математичко-информатичката гимназија втор ден ја бојкотираат наставата. Реагираат на изборот на наставниот кадар и нивната стручност. Го бараат квалитетот кој им е гарантиран со закон. Сметаат дека со новоизбраните професори нема да го добијат квалитетот на настава кој им е потребен за подготовка на натпреварите по стручните предмети.

Ние сме овде за да научиме повеќе и да добиеме повеќе, а не да работиме сами. Сме имале многу професори што се потрудиле во овие години и сме имале резултати. Нашата програма е поспецијализирана. Со честите промени на кадарот ние треба да се прилагодуваме на секој нов наставник. Нам ни требаат кадарните професори од ФИНКИ и од ПМФ – велат учениците.

На конкурсот кој траел само три дена и не бил доволно транспарентен примени се професори од приватни факултети, а професори од ФИНКИ се одбиени без образложение.

Овие професори биле и иницијатори за формирање на гимназијата која ќе понуди специјализирана настава за најталентираните. За нив материјалниот надомест не е предизвик.

Директорката не беше ниту денеска достапна за одговори на медиумите. Од МОН соопштија дека бил распишан јавен оглас и изборот е извршен соглано критериумите. Пропуштените часови кои ги реализираат стручните лице ќе бидат надоместени велат од министерството.

The post Учениците од МИГ ја бојкотираат наставата: Овде сме за да научиме повеќе, а не да работиме сами appeared first on Република.

Шест француски градови најавија бојкот на Светското првенство во 2022 година во Катар, пренесува „Ge.globo“, повикувајќи се на Градскиот совет на Париз.

Според спортскиот портал, Париз, Марсеј, Лил, Стразбур, Ремс и Бордо нема да организираат гледање натпревари во живо и други настани за фудбалскиот Мундијал.

Оваа одлука е протест на градските лидери против Катар како земја домаќин на Светското првенство во 2022 година.

Мундијалот во Катар ќе се игра од 20 ноември до 18 декември. Франција е во Д-групата заедно со Австралија, Данска и Тунис.

The post Ќе го игнорираат Мундијалот: Париз, Марсеј и уште четири француски градови најавија бојкот на СП во Катар appeared first on Република.

Најавената активна блокада од страна на ВМРО-ДПМНЕ не е бојкот. А, СДСМ моментално бојкотира, ВМРО-ДПМНЕ само блокира и има разлика во тоа. Пратениците на ВМРО-ДПМНЕ одат на работа и работат многу повеќе од пратениците на власта. Премиерот Ковачевски вика ќе најдеме начин како Собранието да работи. Јас знам како ќе се најдат начини и на кои начини тој мисли, тоа е да се заобиколува Собранието, кое и вака веќе е маргализирано уште повеќе ќе се маргализира. Ќе се ставаат европски знаменца кај се стигне, ќе се закажуваат седници во 23 часот, ќе се закажуваат 100 комисии истовремено, да пратениците на опозицијата не можат да стигнат. Веќе тоа е видено од страна на СДСМ“, истакна Сашо Клековски, член на ИК на ВМРО-ДПМНЕ во утринска емисија на Телма телевизија.

Клековски посочи дека самиот предлог на Мицкоски за лидерска средба со Ковачевски покрај разговорот за предвремени избори се понуди и соработка во подрачјата на економија, енергетика, здравство, и уште едно две подрачја.

Ескалацијата во Собранието беше неопходна и првата жртва на ескалацијата во Собранието е автентичното толкување на законот за игри на среќа. Во тој закон ДУИ инсистира да помине автентично толкување кое ќе овозможи формирање на втора лотарија. Така да СДСМ кога ќе говори што се блокира, нека не кажува лаги, нека ја каже вистината, појасни Клековски.

Клековски додаде дека е доста загрижен што власта не е отворена за дијалог со опозицијата. Тој дури укажа дека потребна е рамка за редовна комуникација помеѓу власта и опозицијата.

За енергетската криза кога ВМРО-ДПМНЕ даваше решенија веднаш се одбија од страна на власта. Во 11 часот ВМРО-ДПМНЕ преку прес конференција предложи решенија за пребродување на енергетската криза, а за еден час подоцна излегува портпаролот на СДСМ и веднаш ги одбива решенијата и ги фрла во ѓубре и започнува со клевети. Еве со такво однесување и водење на државата од страна на власта стигнавме до тука каде што сме денес, појасни Клековски.

Клековски во текот на гостување во емисијата посочи и пример со предлогот за изградба на клиничкиот центар. Тој рече дека ВМРО-ДПМНЕ нема да дозволи државата да се задолжува 500 милиони евра за изградба на клинички центар, кога во Белград и Ниш се изградија два клинички центра з а250 милиони евра.

Предлогот за нов клинички центар на ВМРО-ДПМНЕ беше 80 милиони евра, а предлогот на СДСМ чини 500 милиони евра. А, во Белград и во Ниш се направија клинички центри за 250 милиони евра. Нормално дека ВМРО-ДПМНЕ ќе го блокира предлогот на СДСМ, не е проблем локацијата, проблем поголем е сумата на пари. Проблемот е што поради СДСМ државата требаше да се задолжи за 500 милиони евра, а во момент кога има поефикасни и поевтини решенија, потсети Клековски.

Клековски во текот на гостувањето се осврна и на внатрешните разговори во партијата и дијалогот како се одвива.

Внатре во партијата имаме доста разнолични дискусии. Имаме и прилично различни ставови за многу работи и нема готови решенија кои доаѓаат и се соопштуваат“, појасни Клековски.

Клековски дури посочи дека дијалогот во партијата е на доста високо ниво.

The post Клековски: СДСМ моментално бојкотира, ВМРО-ДПМНЕ само блокира и има разлика во тоа appeared first on Република.

Претседателот на ВМРО-ДПМНЕ Христијан Мицкоски, при денешната посета во општина Карбинци, одговараше на новинарско прашање кое се однесува на вчерашните најави за активен бојкот на Собранието на Република Македонија доколку власта нема слух за барањата на опозицијата, како и изјавите од страна на СДСМ по однос на тие најави.

Мицкоски рече дека СДСМ со таа изјава практично признава дека Македонија е во криза, а во оваа криза, тие наместо да се обратат на најголемата политичка партија со најголемата пратеничка група и најголем број градоначалници и советници, тие одлучиле да молчат.

Два месеци буквално ги молевме и секој наш чекор е реакција на нивната акција. Јас на самата прес конференција кога го најавив ова кажав дека за сѐ понатаму единствената одговорност ќе биде врз Ковачевски и СДСМ. Ако некој за тоа не е свесен, еве уште еднаш ја користам оваа прилика да ја потенцирам нашата сериозност. Ќе повторам, ова нема да трае еден, два, три или пет дена, ова ќе трае со недели а можеби и со месеци сѐ додека оваа влада конечно не се вразуми, не седне да разговара со опозицијата и не организираме предвремени парламентарни избори – рече Мицкоски.

Во однос на изјавите од страна СДСМ дека не е потребно во време на криза да се организираат избори, Мицкоски запраша дали било домаќински да се закажуваат локални избори во Центар Жупа и Маврово Ростуше без консултација со опозицијата, ако знаеле дека тие нема да успеат, како што впрочем и не успеале?

За кои домаќини зборуваме, за оние кои се наполнија со пари на криминален начин на грбот на народот? За тие домаќини зборуваме? Тие се сѐ само не се домаќини, тие се расипници но не на своите пари, туку на парите и на маката на граѓаните. А дали треба да се организираат избори – избори треба да се организираат час поскоро за да излеземе од оваа криза. Денеска Европа се подготвува за есента и зимата, веќе е мај месец и за четири месеци ќе ни дојде есента а за шест месеци од денеска и зимата, дали вие слушнавте некој од владава денеска да каже дали и што презема за тоа што ќе нѐ очекува за четири месеци од денеска? Еве јас ќе ви кажам, не можете да слушнете затоа што овие луѓе немаат капацитет. Нивниот капацитет е само да обезбедат што поголема моќ за себе и што повеќе тендери во четири очи, сето останато е оставено народот сам да се снаоѓа кој како умее. Е тоа, ВМРО-ДПМНЕ нема да го дозволи. ВМРО-ДПМНЕ е народна партија и партија од народот и ќе дадеме сѐ од себе на овој народот да му помогнеме, а така ќе ѝ помогнеме и на Македонија – додаде Мицкоски.

The post Мицкоски: И СДСМ признаа дека Македонија е во криза, затоа ВМРО ДПМНЕ размислува за бојкот, заради организирање предвремени парламентарни избори appeared first on Република.

Украинскиот министер за надворешни работи, Дмитро Кулеба, повика на бојкот на продавниците синџирот супермаркети „Ошан“, бидејќи француската групација која е сопственик на тие супермаркети ги продолжува своите активности во Русија.

Очигледно, загубата на бизнисот во Русија е поважна од мртвите во Украина“, напиша Кулеба на Твитер.

https://twitter.com/DmytroKuleba/status/1508050539887669255?ref_src=twsrc%5Egoogle%7Ctwcamp%5Eserp%7Ctwgr%5Etweet

Кулеба порача дека „Ошан“ треба да се бојкотира, ако тој синџир супермаркети го игнорира фактот дека за време на руската инвазија биле убиени 139 украински деца.

„Ошан“ има 231 продавница во Русија, со обрт од 3,2 милијарди евра, што е повеќе од 10% од глобалната активност на тој ланец. Кулеба апелираше и за бојкот на другите продавници, кои, како и „Ошан“, се во сопственост на француската групација „АФМ“.

The post Кулеба бара бојкот на француски синџир супермаркети appeared first on Република.

Кралицата се приклучи на културниот бојкот на Русија со задржување на мечевите наменети за Москва. Кралската колекција се согласи да позајми три оружја од 17 век на музеите на Кремљ за изложба за двобој, според Гардијан. Алишер Усманов, рускиот олигарх, кој е санкциониран по војната во Украина, беше спонзор на настанот насловен Duel: from Trial by Combat to a Noble Crime.

Сепак, дозволата за употреба на мечевите на изложбата беше повлечена во средината на февруари.

Овој потег, во комбинација со другите европски институции кои се повлекоа од настанот, значеше дека неговото закажано отворање на 4 март е одложено, без одреден нов датум.

Одлуката да се одложи заемот од три меча од Кралската колекција на музеите на Кремљ во Москва беше донесена во средината на февруари, изјави портпаролот на колекцијата на кралицата за Гардијан.

Меѓу мечевите имало и еден за кој се верува дека му припаѓал на кралот Чарлс I.
Усманов, кој имаше неодамнешни врски со фудбалскиот клуб Евертон, а претходно и со Арсенал, и Игор Шувалов, поранешен руски вицепремиер, беа санкционирани од Обединетото Кралство претходно овој месец.

Според Форин офис, тие имаат богатство од 19 милијарди долари, но сега ќе им биде замрзнат целиот имот во Обединетото Кралство и ќе им биде забранет влезот во земјата.

Исто така, се создава нова „оперативна група олигарх“, со министри и службеници од четири владини оддели кои работат со Националната агенција за криминал.

Обединетото Кралство и другите западни земји ги таргетираа Русите со врски со Кремљ за да го „засилат“ економскиот и политичкиот притисок врз Владимир Путин, рускиот претседател, по неговата инвазија на Украина.

The post Кралицата Елизабета со културен бојкот – одбива да го предаде оружјето од 17 век на музеите на Кремљ appeared first on Република.

Бојкотот во ООУ Љубен Лапе од Скопје од вчера е официјално прекинат, соопштија од Советот на родители. Причината за прекинот на бојкотот е отпочнување на разрешување на целиот случај со наставничката за која се бараше замена.

Како што сме информирани обезбеден е заменски наставник по предметот математика од друго училиште, а во врска со проблемот со претходната наставничка Анета Костоска, училиштето презема активности и постапува согласно дадени насоки од Државниот просветен инспекторат (по поднесени пријави од родители и од Советот на родители) и оттука за било какви детални податоци во однос на целиот случај да ги обезбедите преку раководството и стручните соработници на училиштето. Би сакале да ја искористиме оваа можност искрено на сите медиуми да се заблагодариме за поддршката и интересот за нашиот проблем, во однос на објективно, транспарентно и непристрасно информирање на јавноста. Убедени сме дека без Вас, ќе беше отежната нашата „битка" за разрешување на овој долгогодишен и континуиран проблем со кој се соочуваа родителите и учениците, се вели во соопштението од Советот на родители.

Од таму додаваат дека ги охрабруваат родителите и наставниците редовно да ги пријавуваат сите девијантни појави кои се сѐ повеќе присутни во училиштата, а ние како Совет на родители нема да останеме неми на ниту еден проблем кој ги засегнува учениците, наставниците или родителите од нашето училиште.

Бојкотот на наставата по предметот математика во три паралелки од шесто одделение во основното училиште „Љубен Лапе" беше поради барање да се најде замена за наставничката Анета Костоска, поради чие однесување со децата незадоволството на родителите прерасна во организирано барање до надлежните за итно решение.

Ние не бараме наставничката Костоска да биде избркана од работа, таа е самохран родител, туку предлагаме надлежните да ѝ најдат соодветна работа врз основа на нејзиното образование и стручност. Слушаме дека се работи за квалитетен математичар. Проблемот е во нејзиниот однос кон децата, каков што е недозволив за една воспитнообразовна институција. Мора на надлежните во прв план да им бидат децата, изјави претходно родител.

The post Прекинат е бојкотот на наставата во ОУ „Љубен Лапе“, најден е заменски наставник по математика appeared first on Република.

Во основното училиште „Љубен Лапе“ во Аеродром има бојкот на наставата во шестите одделенија поради крајно некоректното, непрофесионално, неетичко и незаконско однесување и работење на наставничката по математика Анета Костовска. Таа ги навредувала и психолошки ги малтретирала учениците. Им викала дека се инвалиди и дека се грди, реагираат родители на децата кои денеска одлучија да излезат на протест и да ја бојкотираат наставата.

Родителите, во писмо до јавноста, посочуваат дека директорката, наместо да постапи согласно законските надлежности и јасните одредби во Законот за основното образование, Законот за наставниците и стручните соработници во основните и средните училишта и Статутот на училиштето и да ја отстрани од настава, повеќе од три месеци како акутен проблем ги одолговлекувала и ги занемарувала барањата на Советот на родители.

Ги исцпривме сите законски можности, но реакција од надлежните нема. Наставничката по математика Анета Костоска и натаму ги учи нашите деца, а досега сме поднеле повеќе жалби за нејзиното однесување со учениците – им вика дека се инвалиди, дека се грди, ги тера да стојат 45 минути пред табла за да видат како ѝ е нејзе - велат родителите чии деца ја бојкотираат наставата во ОУ „Љубен Лапе“ во Скопје.

Обраќањето до јавноста го пренесуваме во целост:

Сакаме доследно и транспарентно да ја информираме јавноста за овој горлив долгогодишен проблем кој веќе ескалира. Второто полугодие почна со бојкот на наставата во ООУ Љубен Лапе – Скопје во шестите одделенија, поради крајно некоректното, непрофесионално, неетичко и незаконско однесување и работење на наставничката по математика, Анета Костоска. Проблем кој има име и презиме и своја историја, за кој е потребна сеопфатна анализа. Долгогодишен проблем на училиштето за кој не се преземаат никакви мерки од страна на надлежните стручни служби и директорката на училиштето заради колегијалност и ‘сожалување’ на наставничката, спротивно на воспитно-образовната дејност и спротивно на интересот на учениците, занемарувајќи го претрпеното емоционално и психичкото вознемирување на нашите деца и нивните солзи. Проблем кој опстојува со години, но за жал досега ништо суштински не е превземено за да се реши истиот.

 

Нашите деца, ученици во шестите одделенија во кои предава наставничката Костоска се под постојано психичко и емоционално вознемирување, без право на збор, без право да постават прашање, со недостаток на елементарна комуникација меѓу наставник и ученик, изложени на потсмев и постојан притисок и упатени навреди од страна на наставничката. Наставничката НЕ комуницира ниту со колегите, од неразбирливи, свои субјективни причини.

 

Во продолжение, ќе Ви отсликаме неколку реални примери каде учениците се принудувани да стојат пред табла 45 минути за да видат како ѝ е нејзе (овој случај е посведочен и од педагошко-психолошката служба на училиштето), а дел од нив нарекувани со погрдни имиња како „инвалид“ и „грдо дете кое останатите ученици не треба да го гледаат затоа што е премногу грд“. За време на часовите наместо да им дозволи да постават прашање им вели на учениците дека „сега е време да се вежба тишина“. Покрај ваквото однесување, предавањата на наставничката се крајно несоодветни, со едноставно пишување на бројки на таблата, без објаснувања и без можност за разјаснување на нејаснотиите. Сето ова резултира со исклучително ниски резултати на контролните и писмените задачи, за кои ние како родители немаме никаков увид. Резултатите се толку лоши што во едно од одделенијата на последната писмена од прво полугодие има приближно дваесет единици.

 

Наставничката по математика Анета Костоска грубо ги крши Стандардите за професионално однесување на наставниците во основните и средните училишта, утврдени од министерот за образование и наука, како и направени се потешки прекршувања на Етичкиот кодекс на училиштето. Законот јасно утврдува дека грубото и потешко прекршување на одредбите претставува основ за суспензија на наставникот и утврдување на одговорност.

 

Истовремено, директорката на училиштето, Марјана Панчевска, наместо да постапи согласно законските надлежности и јасните одредби во Законот за основното образование, Законот за наставниците и стручните соработници во основните и средните училишта и Статутот на училиштето и да ја отстрани од настава, повеќе од три месеци како акутен проблем го одолговлекува и ги занемарува нашите и барањата на Советот на родители, како и задолженијата кои ги добива од Училишниот одбор, сè со цел, како и изминатите години да помине учебната година и наредната година да биде прераспределена на нова генерација, која одново се соочува со истиот проблем.

 

Бидејќи сметаме дека ги исцрпивме сите законски можности, започнуваме со бојкот на наставата се до исклучување на наставничката од настава по математика, поради несовесно и незаконско работење на штета на учениците, постапка која сериозно ги крши правата на децата по повеќе основи.

 

Ова известување нека биде апел до државните институции за ИТНО санкционирање на овие девијантни појави во образованието и заштита на интересот на учениците“ - се вели во апелот на Советот на родителите на ОУ „Љубен Лапе“ од скопската општина Аеродром.

Како што дознава „Слободен печат“ директорката на ОУ Љубен Лапе, Маријана Панчевска, си поднела оставка и пред два часа го информирала градоначалникот на о. Аеродром дека заминува од функцијата.

The post Наставничка по математика им се дерела на децата дека се грди и инвалиди: Родителите бојкотираат настава, директорката си поднесе оставка appeared first on Република.

Рускиот претседател Владимир Путин, обраќајќи им се на спортистите од неговата земја, порача дека Русија и Кина се против политизација на спортот и демонстративни бојкоти во пресрет на Зимските олимписки игри (ЗОИ) во Пекинг.

САД се во групата на неколку земји кои се одлучија за т.н. дипломатски бојкот и нема да испраќаат политичари или други официјални државни претставници на ЗОИ следниот месец

Од друга страна, Путин најави дека планира да присуствува на Зимските олимписки игри и да се сретне со кинескиот лидер Си Џинпинг.

Сметам дека основна цел на спортските натпревари е масовно популаризирање на спортот и зајакнување на пријателството меѓу народите. Овие пристапи ги споделуваат и организаторите на претстојните ЗОИ, нашите кинески пријатели. Заедно се бориме против политизирање на спортот и демонстративните бојкоти. Ние ги поддржуваме традиционалните олимписки вредности, пред сè, еднаквоста и правичноста - истакна Путин.

Наместо вообичаената церемонија во Москва пред заминувањето на руските тимови на Олимписки игри, Путин преку видео-линк им се обрати на спортистите собрани во тренинг центрите низ земјата.

Ве замолувам вас и сите ваши соиграчи ригорозно да ги почитувате сите барања на организацискиот одбор на Зимските олимписки игри и строго да се придржувате до сите медицински упатства - изјави шефот на руската држава.

The post Путин: Русија и Кина се против политизација на спортот пред ЗОИ appeared first on Република.

Не сакам да ми кажуваат дека треба да се бојкотира Парламентот, дека треба да бидеме насилни, тоа не е решение. Тоа е одлична можност да им ја продолжиме кариерата на овие кои што се сега на власт. Тоа не е решение, истакна претседателот на ВМРО-ДПМНЕ, Христијан Мицкоски во гостување во емисија на Алфа телевизија коментирајќи за штетните договори во однос на спорот со источниот сосед.

Мицкоски додаде дека потребен е друг пристап, треба да се понуди друг пристап на кој што ќе се зборува.

Ако ми понудат друг пристап на кој што ние би зборувале и би дошле до целта подготвен сум ги слушнам. Во спротивно таа е нашата политика, да ги користиме сите демократски алатки кои што ни стојат на располагање да го спречиме тоа. Имавме низа протести во минатото и цениме дека јавното мислење на кое што е негативно кон таков тип на решение и те како допринесе за да досега не потпишат таков авантуристички договор. И ќе ве потсетам на интервју на Зоран Заев даден за оној бугарски медиум кога наеднаш од окупатори станаа администратори и ослободители, рече Мицкоски.

Мицкоски потсети дека по интервјуто на Заев, ВМРО-ДПМНЕ излезе на улица и така се спротивстави на штетните политики и изјави на оваа власт.

The post Мицкоски: Бојкотот на парламентот е најдобар начин да го продолжиме мандатот на оваа влада која треба да си замине appeared first on Република.