Пред почетокот на денешниот меч Вардар – Шкендија, пејачката Бојана Скендеровски ја загреа атмосферата со песната „Заветна“, а во еден глас со неа грмеа и сите присутни на полната трибина на стадионот во Маџари.

The post ВИДЕО: „Заветна“ ечеше на стадионот во Маџари appeared first on Република.

„Лажни светови" е насловот на најновата песна на Бојана Скендеровски. Станува збор за одлична балада во која таа го покажува сиот свој раскош, сета своја емоција.

„Лажни светови“ е вистинска емотивна, женска песна, која Бојана ја носи маестрално и го покажува сиот свој музички раскош. Автор на музиката и текстот е Александар Тарабунов – Тара, додека аранжманот е со потписот на Димитар Андоновски.

Одамна сакав ваква песна, сакав да отпеам нешто што ќе трае. Сакав песна со музика, мелодија и песна што ќе може да биде отсвирена во живо, со инструменти. Во денешно време на компјутерска музика ни недостасуваат песни со мелодија отсвирени во живо“, рече Бојана и призна дека верува во "Лажни светови" зашто е направена со многу љубов, емоции.

За песната е снимено и видео кое е работено под капата на Скендеровски продукција, во кое главната улога инприпаѓа на Бојана, а акцентот е ставен на емоцијата. Бојана се појавува во неколку интересни креации за кои беше задолжена Ивана Кнез.

https://www.youtube.com/watch?v=nm5tMprgkz4&fbclid=IwAR1R5ubR-bSJwnnx-BAgAa7v1CY9NJuL8RbN0HiYdIRQgIrvK7fZpUzfQ50

The post Одамна сакав да отпеам нешто што ќе трае, вели Бојана Скендеровски за новата песна „Лажни светови“ appeared first on Република.

Овогодинешното 38. макфестовско издание не помина без двократниот победник на единствениот фестивал на забавна музика кај нас - Бојана Скендеровски, која на сцената ја донесе одличната „Да те немам“.

https://www.youtube.com/watch?v=_VluzHKqMAk

Станува збор за брза, клупска песна чии аранжман и музика ги потпишува самата, додека текстот е дело на Робин Зимбаков.

Песната е во малку поинаков стил, но некако сакав на мојата публика да ѝ приредам мало освежување, а воедно сакав да донесам и нешто ново и поразлично и во мојот репертоар, вели Бојана и открива дека нема да застане тука.

Веќе наголемо, вели, се работи на нови песни, се размислува за дует, солистички концерт, а, секако, тука е и проектот „Македонијо во срце те носиме“ кој продолжува напролет.

Освен што на сцената донесе стилски поразлична песна, Бојана се потруди и комплетниот настап и појавувањето да биде уникатно и впечатливо.

За мојот изглед овој пат беше задолжена Ивана Кнез, која инспирацијата за креацијата ја најде во приказната од романот „Дилбер Стана“ на Стале Попов – девојка заробена во прекрасна гардероба и сопствени соништа во копнеж и мечта по љубов. Бисерите како заштитен знак на Ивана Кнез симболизираат моќ за трансформација на негативното во позитивно, кога од проблем се создава волшепство исто како што школката од зрно песок го создава бисерот. Со вера, надеж и љубов, од жена за жени... “, раскажува Бојана и вели дека и таа како во приказната за бисерот ќе се труди и понатаму да создава волшепства.

Бојана беше двоен победник на Макфест – прв пат во 2003 година кога ја отпеа темата „Немам одбрана“ и втор пат во 2015 година кога триумфираше со „Диви цветови“.

The post Бојана Скендеровски со стилски поразлична песна и уникатна и впечатлива појава на „Макфест“ appeared first on Република.

Бојана Скендеровски, која успеа да ја дигне и целосно да ја загрее атмосферата на Пиво фест во Прилеп. Коментарите се дека ова е можеби најмакедонскиот настап досега.

Погледнете и уверете се...

The post Дали е ова најмакедонскиот настап на Пиво фест во Прилеп appeared first on Република.

Неофицијалната химна на Македонците како што ја нарекуваат „Заветна“ на легендарниот Пепи Бафтировски, Бојана Скендеровски не ја пее прв пат, но сега премиерно ќе ја чуете спакувана во ново руво. „Заветна“ е дел од проектот „Македонијо во срце те носиме“ и нејзиниот нов аранжман, како впрочем и на целиот проект, го потпишува маестро Николче Мицевски.

Инаку, „Заветна“ е една од оние песни во кои Бафтировски го опејуваше родниот крај. Создадена е пред повеќе од 30 години и песна која ја опејува вековната тага што се пренесува од поколение на поколение, но и вербата дека ќе дојдат подобри денови.

 „„Заветна“ е повеќе од песна, таа е химна… Во себе ја содржи сета вистина за Македонија, и како историјата да се повторува од времето кога била создадена пред 30 години денес нејзиното значење е уште поголемо… Сакам да изразам огромна благодарност до Миле и Георги Барбаровски кои ни оставија вакво музичко, брилијантно дело… Апелирам Пепи Бафтировски постхумно да добие награда за посебен придонес во музиката како национален уметник од државата. „Заветна“ е песната која ги обединува Македонците на секоја точка во светот, таа во исто време ти предизвикуваа милион различни емоции, те тера и да плачеш, и да бидеш силен, и горд на тоа што си. Прв пат ја отпеав во 2011 година во емисијата „Зајди, зајди“ и се сеќавам дека сега веќе покојниот Милан Завков ми рече: ‘Бојана браво, како се сети на песната, јас го снимав студискиот дел од аранжманот кога ја подготвуваме за Пепи…’ Инаку, сакам да се заблагодарам на целиот наш тим кој работи на овој проект, на мојот и наш продуцент Васко Скендеровски, на Николче кој направи чиста уметност со преработките, на техничката екипа која работи на аудио и видео делот од проектов, на моите колеги кои беа вистински професионалци, на тимот кој го работи ПР-делот и кој е задолжен сето ова да допре до публиката, и на сите медиуми кои ни даваат безрезервна поддршка…. И на крај огромна благодарност на целиот македонски народ што го сака „Македонијо во срце те носиме”!“, вели Бојана.

Видеото за „Заветна“ во изведба на Бојана Скендеровски е со потписот на Скендеровски продукција, која стои зад проектот „Македонијо во срце те носиме“, а во чии рамки се препеани 12 македонски легендарни песни, во изведба на 12 изведувачи, и од светот на забавната и од светот на народната музика. Меѓу изведувачите кои публиката допрва треба да ги слушне и види се и: Сузана Спасовска, ДНК, Андријана Јаневска и Зуица Лазова.

Уживајте во изведбата на Бојана и моќната „Заветна“ и, секако, очекувајте го стартот на концертниот караван кој под истото име „Македонијо во срце те носиме“ ќе гостува во неколку македонски градови - Да ја обоиме Македонија со најубавите звуци и да го зачуваме највредното – музичкиот аманет кој ни го оставиле генерациите пред нас.

https://www.youtube.com/watch?v=RlRoE449XpA

The post Бојана Скендеровски: „Заветна“ е повеќе од песна, таа е химна… Во себе ја содржи сета вистина за Македонија! appeared first on Република.

Поп пејачката Бојана Скендеровски со жестока реакција кон министерката за култура Бисера Стојчевска-Костадиновска откако е намален буџетот за музичкиот бренд Макфест.

Нејзината објава ви ја пренесуваме во целост:

Министерке…

Јас не знам Вие со која музика растевте, дали од дома Ви кажаа дека „Макфест“ е основоположник на македонската поп музика, дека „Макфест“ бил почетна точка на многу популарни пеачи,кои подоцна биле регионални ѕвезди, кои денес полнат концертни сали, и се нечии идоли…(Тоше беше еден од нив)

Дали Ве научил некој ако не сте забележале сама, дека „Макфест“ произвел илјадници песни и хитови со кои се градеа генерации,и така се создаваше припадност на еден народ?!

Дали Ви купуваа касети како мала од “Макфест” и Ве учеа дека „Макфест“ беше престиж на Југословенско ниво?!

Дали сте свесни дека културата е сржта на идентитетот?!

Дали сте чуле за традиција?

Дали мислите дека Министерството за култура почнува од Ваше време, и завршува со Вас, дали не мислите дека е премногу дрско да ги понижите сите автори, изведувачи, и цела една фела, која со години вложува во македонската поп култура, која е идентификација и посебност на македонскиот народ….

Наместо да ги понижувате македонските брендови и производи, Вие треба први да ги чувате и помагате!

Мене ми е срам од Вашиве постапки,за Вас лично не знам!

The post Бојана Скендеровски: „Макфест“ бил почетна точка на многу популарни пејачи, кои подоцна биле регионални ѕвезди-Тоше беше еден од нив appeared first on Република.

Поздрав до Џамбаски, тој денес во Скопје, ние во сред Бугарија ќе му ја пееме „Заветна“!, напиша на својот фејсбук профил пејачката Бојана Скендеровски и сподели видео од настапот.

Ако не си знаел да те потсетам: „Можат да ја одречат, други да ја предадат, само таа е бесмртна, жива вода подземна, кај што тоне, таа извира…“ Македонија

The post Бојана Скендеровски со песна го поздрави Џамбаски: Тој во Скопје, ние среде Бугарија ќе ја пееме „Заветна”! appeared first on Република.

По одличната „Среќа и несреќа“ Бојана Скендеровски денеска на јавноста ѝ ја претставува моќната балада со наслов „Сонце меѓу сенките“. И оваа композиција, како што веќе и најави Бојана, ќе биде дел од новиот студиски материјал што паралелно се подготвува и за домашниот, но и за пазарот во соседството.

https://www.youtube.com/watch?v=JA_IPNiY4aI

„Интересно за оваа тема е што воопшто не ми беше во план ниту да ја снимам ниту да се најде на веќе најавениот албум, но штом ја слушнав буквално се вљубив, што се вели, на прво слушање и едноставно не можев да ѝ оддолеам, па морав да ѝ најдам место на албумот. Се работи за песна, и текст и музика, која буди некоја магична емоција, и навистина верувам во неа, вели Бојана.

Текстот за „Сонце меѓу сенките“ е со потписот на Робин Зимбаков, додека музиката и аранжманот се на Срѓан и Кристијан Јовановиќ. Спотот, пак, чија приказна го следи самиот текст е снимен со режисерот Дарио Јанковиќ и на повеќе локации низ главниот град.

Бојана освен македонска, сними и српска верзија со наслов „Енигма“. Текстот за српската верзија е на Дивна Миловановиќ, а и таа е снимена во студиото Sound Desing Mix. Мастерингот е на Srkiboymusic, Кристијан и Срѓан Јовановиќ беа задолжени за пијано и клавијатури, а Младен Пецовиќ за гитара. Интересно е дека придружните вокали ги пее Сузана Бранковиќ, за чиј вокал пошироката јавност слушна по излегувањето на темата „Поноќ“ – насловната од филмот „Тома“.

Се надеваме дека ќе уживате во моќната емотивна балада на Бојана, која перидов освен на музички план и со снимање на новиот материјал, е сѐ поактивна и кога се живите настапи во прашање.

„Агендата со настапи низ Македонија полека се полни и тоа ме радува. Задоволна сум од реакциите на публиката и навистина уживам во дружбите. Едвај чекам во живо да ја отпеам „Сонце меѓу сенките“ и да ги чујам реакциите на мојата публика “, вели Бојана.

The post Бојана Скендеровски ја претстави баладата „Сонце меѓу сенките“ appeared first on Република.

Нека стават прст на чело тие што не излегоа на протести и мудро молчеа, зошто сè ова не зависело од нив, вели пејачката и водителка Бојана Скендеровски, како реакција на експресното решавање на проблемот на арачиновци, додека за оние илјадници македонски граѓани што секој ден протестираа против францускиот предлог, владата немаше слух.

https://republika.mk/vesti/makedonija/50-iljadi-demonstranti-protiv-francuskiot-predlog-nikoj-ne-gi-poslusha-a-deneska-vladata-ekspresno-najde-reshenie-za-arachinovo-malku-ni-e/

Oвде на протестиве требаше да има 100 000 народ, а не да викаат @што ако излезам на протест, што ја ќе сменам”. И, да Божо, во право си, малку ни е.
Можеме ние да се понижиме и да трпиме уште, само да е мирно, и да имаме платичка…
За крај една мудра мисла од еден мудар човек кој се вика Ататурк, а гласи: Заспаните народи,се будат во ропство!, пишува Скендеровски во коментар.

The post Скендеровски: Нека стават прст на чело тие што не излегоа на протести appeared first on Република.