Ивица Томовски, директор на служба за општи и заеднички работи во „Дејли Клик“ на ТВ21 откри две злоупотреби на владиниот авион од минатата влада.

Првиот е кога тогашниот министер Бојан Маричиќ барал со него да лета од Скопје до Ниш, а вториот кога Талат Џафери го барал авионот додека е на сервис, и било побарано веднаш да биде вратен во Скопје, за да не се распаднела коалицијата СДСМ – ДУИ, открива Томовски.

„Има еден обид за злопотреба и една класична злоупотреба на авионот. Како на пример Бојан Маричиќ кога го барал авионот да лета од Скопје до Ниш, а побрзо и поекономично е да стигне до Ниш со возило. И за среќа е одбиен од службата. И вториот случај е кога од страна на Талат Џафери бил побаран владиниот авион во миговите кога бил тој на вонреден сервис во Нирнберг. И додека е авионот на сервис, пилотите одат во САД каде вежбаат на симулатор за летање, по што пилотот добил телефонски повик брзо да се врати во Скопје со авионот. Тој им одговорил дека е расклопен и дека е на сервис и дека не може да се врати, му рекле како знае да го склопи и веднаш да дојде во Скопје, во спротивно ќе се распаднела тогашната коалиција СДСМ – ДУИ. Значи има загрозување на безбедноста на пилотите, патниците кои понатаму ќе летаат со тој авион само да не се распадне коалиција“, рече Томовски.

The post Томовски: Маричиќ го барал владиниот авион да лета од Скопје до Ниш, Џафери го барал оти ќе се распаднела коалицијата СДСМ – ДУИ! appeared first on Република.

Како носечки ресори во Владата на Македонија за Планот за раст, Секретаријатот за европски прашања и Министерството за финансии, ги презентираа приоритетите од Реформската агенда утврдени како наша обврска во Планот. Од ЕУ имаме високи признанија за тие приоритети и тие се усогласени и со приоритетите на Брисел, рече во видеоизјава вицепремиерот за европски прашања Бојан Маричиќ по министерскиот состанок за Планот за раст кој се одржува во Котор, Црна Гора.

Нагласувајќи ја важноста за Планот за раст на ЕК за  Западен Балкан, Маричиќ истакна дека нема време за губење во успешното спроведување на договорените обврски на секоја од земјите опфатени со Планот за раст на Западен Балкан на Европската Унија.

-Во една реченица тоа е главната порака од Регионалниот состанок на министрите за европски прашања и на министрите за финансии од земјите од регионот со највисоките претставници на Европската комисија и на финансиските институции на ЕУ задолжени за успешна и навремена имплементација на Планот за раст, наведе Маричиќ.

Како што соопштува Секретаријат за европски прашања, Маричиќ информира дека веќе се договорени и усогласени нашите обврски за Пристап до единствената област за плаќање во евра, за Зелените ленти за унапредување на олеснувањето на трговијата и транспортот, за слободните вај-фај зони на јавните простори во 500 општини во регионот и за развој на дигиталните иновативни центри. Како што рече, утврдени се и следните чекори.

-Еден од нив е работата на проектите за Академија за единствен пазар за да се осигура дека националните системи целосно се усогласуваат со оние на ЕУ. Од исклучителна важност е прифаќањето на Дигиталниот паричник, како удобен и безбеден метод за граѓаните и бизнисите да го утврдат нивниот идентитет, користејќи ја нивната дигитална лична карта за интеракција и во јавниот и во приватниот сектор. Како трет приоритет до следната средба е договорено да работиме на придружувањето на земјите од Западен Балкан кон Алијансата на ЕУ за критични лекови и медицинска опрема за зајакнување на националните здравствени капацитети.За сето ова должиме благодарност до ЕК за постигнатите цели досега и за нивната тесна соработка со нашите институции, изјави Маричиќ.

Посветеноста на ЕУ за забрзување на евроинтеграциските процеси на земјите од Западен Балкан и на Македонија, нагласува тој,  „е силен поттик за нас на ниту еден начин да не го опструираме овој процес“.

-Станува збор за процес за брза европеизацијата на државата којашто мора да продолжи според веќе утврдените планови и приоритети за просперитет на секој граѓанин, на Македонија и на регионот и Европа, истакнува Маричиќ во изјавата

The post Безбедноста е на највисоко ниво: Маричиќ е во Котор appeared first on Република.

Првиот заменик претседател на Владата за европски прашања, Бојан Маричиќ, учествуваше на Регионалниот состанок на министрите за европски прашања и финансии на Западен Балкан посветен на Планот за Раст. Регионалниот состанок му претходи на Лидерскиот самит на западен Балкан кој ќе се одржи утре, 16 мај 2024.

Како што соопшти СЕП, средбата ја отвори домаќинката на регионалниот состанок, министерката за европски прашања на Црна Гора, Мајда Горчевиќ истакнувајќи ја важноста на соработката во регионот кој има заедничка визија.

На средбата се обрати Герт Јан Копман - Генерален директор на генералниот директорат за соседство и преговори за проширување. (ДГ НЕАР), висок претставник на Европската Комисија со што ги нагласи напорите и заложбата на Европската Комисија за реализација на Планот за раст за Западен Балкан.

На средбата се зборуваше за приоритетите за спроведување на рефорсмките агенди на земјите од Западен Балкан со акцент на конкретните чекори кои треба секој од земјите вклучени во Планот да ги превземат.

Во своето обраќање Маричиќ го наведе усогласувањето на приоритетите на државата со приоритетите на Брисел. Ги истакна договорените и усогласени обврски и мерки кои ќе се спроведуваат. Ја истакна важноста на СЕПА - Пристап до единствената област за плаќање во евра, Зелените ленти за унапредување на олеснувањето на трговијата и транспортот, за слободните Вај-фај зони на јавните простори во 500 општини во регионот и за развој на Дигиталните иновативни центри.

Понатаму во обраќањето ги наброја утврдените, следни чекори односно работата на проектите за Академија за единствен пазар со што се осигурува усогласување на националните системи со оние на ЕУ, важноста за прифаќањето на Дигиталниот паричник, како удобен и безбеден метод за граѓаните и бизнисите да го утврдат нивниот идентитет, користејќи ја нивната дигитална лична карта за интеракција и во јавниот и во приватниот сектор.

Вицепремиерот Маричиќ за крај се заблагодари до Европската Комисија, главниот инцијатор на целиот процес Герт Јан Копман, генералниот директор на ГД Неар, на целиот регион на Западен Балкан како и државната секретарка на Секретаријатот за европски прашања, вработените во администрацијата кои во соработка со министерството за финансии ги поставија главните приоритети, упорно работеа на реализација на Планот за раст за Западен Балкан.

Европската Унија направи голем исчекор и заложба со иницијативата за Планот за раст за соработка на регионот. Затоа, регионот и сите засегнати страни заедно со Европската Комисија мора да продолжат да работат да ја реализираат иницијативата на регионот.

Регионот го постави Планот за раст во функција за забрзување на членството во ЕУ до 2030 и треба сите заедно да бидеме активни, транспарентни и упорни во успешна реализација на оваа важна иницијатива, рече Маричиќ.

Состанокот на министрите и вицепремиерите на Западен Балкан го носи насловот „Еден регион, заедничка визија“ и му претходи на утрешниот Лидерски самит на кој ќе учествуваат лидерите на земјите од регионот на Западен Балкан, како и највисоките претставници на Европската Комисија.

На средбата учествуваше и државната секретарка на Секретаријатот за европски прашања, Дрита Абдиу Халили.

The post Mаричиќ од Котор: Нема време за губење во успешното спроведување на договорените обврски на секоја од земјите опфатени со Планот за раст на Западен Балкан на ЕУ appeared first on Република.

Првиот заменик претседател на Владата за европски прашања Бојан Маричиќ денеска одржа средба со амбасадорот на Република Унгарија Андраш Клајн, заменик амбасадорката Кристина Тиханји и претставникот Золтан Марки, соопштија од Секретаријатот за европски прашања.

На средбата унгарската делегација ги презентирала приоритетите на унгарското претседателство со цел зајакнување на процесот на европските интеграции во претстојниот период. Унгарија претседава со Советот на Европа од 1 Јули 2024 до крајот на годината.

-Вицепремиерот Маричиќ со заложба дека европеизацијата на државата мора да продолжи со засилен тек ја истакна важноста од носење на важни одлуки за понатамошно реализирање на стратешките цели на Македонија и регионот, се вели во денешното соопштение од СЕП.

Во него се додава оти тој потенцирал дека европската интеграција е важен стратешки план и приоритет за државата и за сите граѓани во неа.

Амбасадорот Клајн се заблагодарил за досегашниот успех и постигнатите резултати од процесот на евроинтеграција, скрининг процесот, отпочнувањето на преговорите за државата и комплетната подготовка за реализација на европската агенда на државата

The post Маричиќ работи турбо по избрите, се сретна со амбасадорот на Унгарија appeared first on Република.

Вицепремиерот за европски прашања Бојан Маричиќ не успеа повторно да добие столче во македонскиот Парламент, откако неговата СДСМ во Изборната единица 1, во која тој беше четврти на листа, со добиени 25.730 гласа, зеде само три мандати - коносителите на листата лидерот на партијата Димитар Ковачевски и лидерката на ЛДП Моника Зајкова, како и Даниела Николова, која и досега беше пратеничка на СДСМ.

Маричиќ предмалку преку „Фејсбук“ им го честиташе на победниците за успехот, а на граѓаните и на институциите за демократските и мирните избори.

Тој додаде дека СДСМ како опозиција ќе биде постојано тука за потребите на развојот, да иницираат но и го поддржат тоа што им треба на граѓаните.

Јас лично, со цел свој капацитет, со цела своја енергија, посветеност и знаење, ќе се вложам во заздравувањето и реформите на СДСМ како партија која искрено ја сакам и со гордост и припаѓам, бидејќи во овој момент каузите за кои целиот свој живот сум се борел се загрозени и со ослабена подлога и база, наведува Маричиќ.

https://republika.mk/vesti/makedonija/marichik-za-sdsm-vo-momentov-kauzite-za-koi-tsel-zhivot-sum-se-borel-se-zagrozeni-i-so-oslabena-podloga-i-baza/

Инаку, СДСМ, како втора најголема македонска партија, освои речиси тројно помалку пратенички места од ВМРО-ДПМНЕ.

Во ИЕ 2 мандат освоија само Оливер Спасовски и Фатмир Битиќи, додека партијата најлошо помина во шестката, каде пратеничко место доби само досегашната министерка за одбрана Славјанка Петровска.

https://republika.mk/vesti/makedonija/slavjanka-obezbedi-mandat-samo-za-sebe-koj-vleguva-vo-sobranieto-od-ie-6/

Во ИЕ 3 носителката Сања Лукаревска освои 4 мандати, заедно со Љупчо Николовски, Горан Мисовски, Благој Бочварски. Најдобро помина поранешниот министер за здравство Венко Филипче кој во ИЕ 4 освои 5 мандати. Од тука како пратеници на опозициона СДСМ влегуваат и  Јованка Тренчевска, Миле Талевски, Соња Мираковска и Борче Цветков.

Слабо помина и претседателот на Собранието Јован Митрески, кој со својата коносителка на листата во ИЕ 5, министерката за култура Бисера Костадиновска Стојчевска освоија 3 мандати. Нив ќе им се придружи помалку познато име за македонската јавност - Митко Трајчулески.

The post Маричиќ не освои мандат – ова се 18 пратеници на СДСМ appeared first on Република.

Македонските гласачи синоќа избраа претседателка на државата и 120 пратеници во законодавниот дом. Им честитам на победниците за успехот, а на граѓаните и на институциите за демократските и мирните избори. Новата власт има доволно гласови и поддршка од граѓаните за да ги решава сите напластени проблеми, но и да ги продолжи европските реформи и да не застрани од патеката на европската интеграција и регионалната соработка, нешто што во повеќе наврати беше јавно промовирано и ветувано од нивна страна. Ние, како социјалдемократи, како прогресивни и принципиелни политичари, оставаме во наследство подобра држава од онаа која ја затекнавме, но не доволно добра за очекувањата на граѓаните, напиша вицепремиерот Маричиќ на својот профил на Фејсбук.

Тој додаде дека СДСМ како опозиција ќе биде постојано тука за потребите на развојот, да иницираат но и го поддржат тоа што им треба на граѓаните.

Јас лично, со цел свој капацитет, со цела своја енергија, посветеност и знаење, ќе се вложам во заздравувањето и реформите на СДСМ како партија која искрено ја сакам и со гордост и припаѓам, бидејќи во овој момент каузите за кои целиот свој живот сум се борел се загрозени и со ослабена подлога и база, наведува Маричиќ.

Тој додаде дека нема компромис по однос на неговиот порив да продолжи да застапува европски реформи за членство на Македонија во ЕУ, користење на европските можности, солидарност, соработка и почитување на различностите.

Ќе дејствувам со ум, со разум, со љубов и со посветеност, за подобра европска Македонија, за СДСМ кој води, а не заостанува. Им благодарам за соработката на сите колеги од Владата, од партијата, од граѓанското општество и од бизнис секторот со кои имав можност да соработувам во изминативе седум години, напиша Маричиќ.

The post Маричиќ за СДСМ: Во моментов каузите за кои цел живот сум се борел се загрозени и со ослабена подлога и база appeared first on Република.

Секретарот за меѓународна соработка на СДСМ Бојан Маричиќ во својата изјава за социјалните медиуми го одбележа денот на македонскиот јазик, 5 мај
Во изјавата Маричиќ ја нагласува важноста на македонскиот јазик кој го претставува нашиот идентитет, прифатен и потврден како дел од европските идентитети.

„Доказ за тоа е преговарачката рамка, усвоена од Европската Унија, со која отпочнаа преговорите за нашето членство. Во неа е јасно предвидено да се преведе на македонски јазик целокупното законодавство на ЕУ со што нашиот јазик станува еднаков со сите други јазици на Европската Унија.

Институциите на ЕУ веќе воведоа превод од и на македонски. Службите на ЕУ распишаа оглас за преведувачи на македонски јазик кои ќе работат за Европскиот Парламент, Европската комисија или за Европскиот суд на правдата.“

Маричиќ истакна дека меѓународно признавање на македонскиот јазик е доказ дека тој ќе стане официјален јазик на Европската унија на денот на нашето зачленување.

„Македонскиот јазик е европски“, изјави Маричиќ.

Проследете ја интегралната изјава на Маричиќ:

„Македонскиот јазик е нашиот идентитет. Тој е прифатен и потврден како дел од европските идентитети. Доказ за тоа е преговарачката рамка, усвоена од Европската Унија, со која отпочнаа преговорите за нашето членство. Во неа е јасно предвидено да се преведе на македонски јазик целокупното законодавство на ЕУ со што нашиот јазик станува еднаков со сите други јазици на Европската Унија.

Институциите на ЕУ веќе воведоа превод од и на македонски. Службите на ЕУ распишаа оглас за преведувачи на македонски јазик кои ќе работат за Европскиот Парламент, Европската комисија или за Европскиот суд на правдата.Ова е меѓународно признавање на македонскиот јазик и доказ дека тој ќе стане официјален јазик на Европската унија на денот на нашето зачленување. Македонскиот јазик е европски."

The post Маричиќ на Денот на македонскиот јазик: Идентитетот ни е потврден и признаен како автентичен меѓу европските идентитети appeared first on Република.

Имаме сериозна намера и подготвени сме да ги извлечеме најдобрите придобивки од Планот за раст, кој треба да донесе дополнителна динамика во евроинтегративните процеси на земјите претенденти за членство во ЕУ. Рокот за поднесување на реформскиот план е запазен и до крајот на месецот ќе ја доставиме конечната верзија до Европската комисија, а првата исплата на средства се очекува во септември, вели вицепремиерот за европски прашања Бојан Маричиќ.

- Тоа е усогласено. Рокот беше до 26-ти. Ние испративме материјал, Реформски план. Денес во текот на денот има и консултации со граѓанското општество и до крајот на овој месец ќе ја доставиме конечната верзија веќе усвоена од Владата. Значи, ќе стигнеме со тој рок - 24-та - 27-ма година затоа што во спротивно ако се чекаат постизборните математики и новата влада, ќе задоцниме многу и сите други држави веќе ќе го имаат усвоено, рече Маричиќ на новинарско прашање по заедничката прес-конференција со неговата молдавска колешка Кристина Герасимов.

Потсети дека за Планот имал консултации и со претставници на опозицијата.

- Кажав и јавно дека сме имале на оваа тема комуникација со претставници на опозицијата во Собранието и дека имаме разбирање да се продолжи со овој процес без оглед на тоа што е Техничка влада во прашање. Не зависи се’ од нас, но ако оди се по план веќе во септември би требале да стигнат првите седум проценти од онаа сума од 850 милиони евра предвидени за Македонија, рече Маричиќ на новинарско прашање.

Планот за раст со шесте милијарди евра за Западен Балкан, според Маричиќ дека треба да овозможи забрзување на процесот за членство до 2030 година и бара реформи од државите и од владите, а придобивките се во системските промени што се обезбедуваат низ тие реформи, во финансиските пакети за земјава и во економската интеграција во единствениот европски пазар.

Усогласувањето на Нацрт реформската агенда меѓу Македонија и ЕУ требаше да се заврши најдоцна денеска, а финалната верзија на Реформската агенда да се усвои најдоцна до средината на мај годинава. По утврдувањето на финалната верзија на Реформската агенда и усвојувањето од ЕК ќе се отвори можноста за потпишување на договорите за инструментот за реформи и раст и за заем и со тоа поднесување барање за повлекување на првата транша, односно за авансот во висина од седум проценти од алокацијата за нашата држава, од вкупно 850 милиони евра.

The post Маричиќ: До крајот на месецот конечната верзија на реформската агенда до ЕК, првата исплата на средства од Планот за раст во септември appeared first on Република.

На социјалните мрежи кружи видео од телевизиско гостување на лидерот на ВМРО-ДПМНЕ Христијан Мицкоски во кое тој го прогнозира исходот на првиот круг од претседателските избори.

Тој рече дека разликата ќе биде над 100.000 гласови што и се случи бидејќи разликата меѓу Силјановска и Пендаровски е 180.000 гласови.

За разлика од Мицкоски, Бојан Маричиќ од СДСМ прогнозира дека разликата меѓу Пендаровски и Силјановска е тесна и оти нивниот кандидат е во предност.

Погледнете

The post Мицкоски го предвиде резултатот во првиот круг appeared first on Република.

Не може од државна плата да станете милионери. Тоа е невозможно. Ако сте станале од државна плата милионери значи не сте заработиле чесно. Ако не сте заработиле чесно вашето место не е во правосудниот систем, обвинителството, ниту во политиката, рече секретарот за меѓународна соработка на СДСМ и кандидат за пратеник на листата на Коалицијата за европска иднина, Бојан Маричиќ на митинг во Центар.

Тој додаде дека ветингот значи проверка на потеклото на имот на сите судии и обвинители, но и на секој функционер во политиката.

Проверка на сите релации, лични, родбински и бизнис релации на нивните семејства. И отстранување од системот на оние луѓе на кои што ќе им се утврди конфликт на интерес и на кој што ќе им се утврди прекумерен имот кој што не можат да објаснат како го стекнале, рече Маричиќ.

Тој додаде дека овој пат нема да се отстапи од ветингот, без разлика на притисокот од ЕУ, бидејќи доколку пред седум години се направеше ветинг, сега друга држава ќе беше Македонија.

Ве уверувам дека наредниот мандат тоа ќе ни биде еден од главните фокуси и никој више не може да не поколеба во тоа. Тој ветинг мора да го направиме и мора и во политиката, судството, обвинителството кадрите и луѓето да се делат на чесни и нечесни, на способни и неспособни, на искрени и лажни, рече Маричиќ.

The post Маричиќ: Не може од државна плата да станете милионери appeared first on Република.

Кандидатот за пратеник од СДСМ од ИЕ1, Бојан Маричиќ, синоќа пред група на граѓани во Влае го отвори своето обраќање честитајќи го роденденот на партијата и истакна дека како никогаш досега СДСМ е обединет, посветен, фокусиран, силен и победнички.

Воедно, рече дека со Коалицијата за европска иднина, претседателот Пендаровски и претседателот Ковачевски, СДСМ знае каде оди, со стратешки план за економија и за енергетика.

„Она што го нудиме во нашата ппрограма е енергетска трансформција, енергетска револуција. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, да добијат најмалку 8.000 денари од вредноста на енергетските компании или 500 евра за едно четиричлено семејство.“

Маричиќ напомена дека тоа ќе значи поголема рентабилност, поевтина струја, поефикасен енергетски систем и производство на енергија кое ќе се зголеми за најмалку 70% со што ќе се задоволат домашните потреби за струја.

„Да го искористиме нашето македонско сонце за обновливи извори на енергија, македонско сонце за македонска струја, македонска струја за македонската економија. Сакаме што помалку да зависиме од надвор, што поевтино да плаќаме струја и што попродуктивна да ни биде економијата“, рече Маричиќ.

Тој во обраќањето се заложи дека не се откажува од повисокиот животен стандард, стандард за сите и продолжи:

„Ниту еден граѓанин, ниту една категорија нема да биде заборавена. Младинската гаранција, гаранцијата за млади ќе ја зголемиме од 3.000 на 5.000 денари месечно, а со што им подаваме рака на младите до 26 години кои првпат се вработуваат, тие ќе добиваат по 200 евра месечна помош во првата година од нивното вработување.

Сакаме да ги видиме младите да останат дома, тука да живеат, тука да градат семејство и нивното знаење и искуство да се искористи тука дома во Македонија.“

The post Маричиќ: Европска иднина за младите кои сакаме да останат дома, тука да градат семејства, а нивното знаење и искуство да се искористи во Македонија appeared first on Република.

Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.

Во своето обраќање посочи дека е време да се сопре со фосилните технологии.

Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.

„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.

Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“

Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.

„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“

The post Маричиќ: Имаме план за зелена Македонија во која граѓаните ќе станат акционери на енергетските компании appeared first on Република.

Кандидатот за пратеник од редовите на СДСМ, Бојан Маричиќ вечерва се обрати од собирот на граѓани во Кисела Вода. Во своето обраќање вети надеж, посветеност и напорна работа на СДСМ и Коалицијата за европска Македонија.

„Ние ја гледаме иднината на државата како горда и рамноправна членка на ЕУ најдоцна до 2030 година. Сега ја имаме најголемата шанса досега за влез во ЕУ – извесно е, предвидливо е, остварливо е. Заедно ќе успееме.“

Маричиќ посочи дека патот кон ЕУ не е лесен. Но, државничките одлуки што ги донесе Владата на СДСМ во изминатиот период ја приближија земјата до ЕУ.

„Од почетокот на 2022 до оваа година, посветено спроведувавме политики и мерки кои гарантираат економска сигурност, подобрен животен стандард и солидарност.

Докажавме дека грижата обезбедува поддршка, стабилност и спокојство за сите наши граѓани. Посебно внимание посветивме на социјално ранливите групи и пензионерите.

СДСМ има конкретна, издржана и остварлива програма грижа за сите категории граѓани и за идниот развој на државата” – рече Маричиќ.

The post Маричиќ: Ја имаме најголемата шанса за влез во ЕУ до сега appeared first on Република.

Кандидатот за пратеник од редовите на СДСМ, Бојан Маричиќ, вќера оствари средба со граѓаните пензионери од Изборната единици 1. Во разговорот со Верица Јанева, пензионерка од Карпош, Маричиќ рече:

„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“.

Тој нагласи дека пензионерите тоа заслужуваат.

„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.

The post Маричиќ: Како ќе растат внуците, така ќе растат пензиите appeared first on Република.

Не стивнуваат реакциите по вчерашното скандалозно однесување на министерот за надворешни работи на ДУИ Бујар Османи кој работи спротивно на македонските интереси. Османи вчера ја презеде улогата на претседател на државата па самиот носи одлуки дали Македонија ќе излезе од регионални иницијативи како „Отворен Балкан“, дали имало геноцид во Сребреница. „Европски“ што би рекол Бујар во кампањата.

За изненадување е што конечно има реакција од помалиот коалициски партнер на власта СДСМ.Се огласи  вицепремиерот за европски прашања Бојан Маричиќ кој смета дека одговорноста за случувањата во Сребреница треба да биде индивидуална, а не колективна.

https://republika.mk/vesti/balkan/ekspert-za-holokaust-tvrdi-vo-srebrenitsa-nemashe-genotsid/

https://republika.mk/vesti/makedonija/po-kojznae-kojpat-osmani-dokazha-deka-e-kosovski-a-ne-makedonski-minister/

Од каде тоа Османи има информации за случувањата во Бањска на Косово па уште и ќе ги презентира на затворена седница на Влада.

И зошто на седница на Влада би се расправало за настан во друга држава која патем не е ни држава туку полу-протекторат.

https://republika.mk/vesti/makedonija/diplomatijata-kidnapirana-od-dui-2-200-gragani-ke-ostanat-bez-rabota-vo-srbija-preku-otvoren-balkan-poradi-bujar/

Тоа е работа на властите во Приштина и на државата Србија е не на Османи.

Oсмани вчера решаваше и меѓународни проблеми па дури и се пофали дека самиот одлучил Македонија да биде промотор на Резолуцијата што Обединетите нации. Османи треба да знае дека во Сребреница навистина се случија ужасни убиства, но за тоа одговорноста треба да биде индивидуална а не колективна.Затоа вистинскиот збор е воени злосторства а не геноцид.

The post На Маричиќ конечно му текна дека Османи работи против македонските интереси appeared first on Република.

Планот за раст ни дава дополнителна сила и мотивација да не се откажуваме од европската иднина, за доброто на сите граѓани, порача денеска првиот вицепремиер за европски прашања Бојан Маричиќ.

Она што го баравме од Европската Унија, вели Маричиќ, конечно е извесно дека ќе се оствари откако Советот на ЕУ и Европскот парламент постигнаа согласност за предлогот на Европската Комисија за воспоставување на Инструментот за реформи и раст, односно Планот за раст за земјите од Западен Балкан.

-Ова претставува значаен чекор напред за Македонија на патот кон ЕУ, како земја која веќе ги започна пристапните преговори и успешно ја заврши првата фаза односно скрининг процесот. Со други зборови Европската унијата се заложува да ја спроведе една од најголемите инвестициски стратегии за интеграција на регионот на Западен Балкан, преку заедничка соработка со вкупно две милијарди евра во грантови и летири милијарди евра во заеми, за помош во реформите поврзани со ЕУ и економското приближување до европскиот стандард, изиави Маричиќ.

Според него, ивој чекор ја нагласува посветеноста за поддршка на усогласувањето на Македонија со вредностите, законите и стандардите на ЕУ, со што значително ќе се забрза ефектот со сите социо-економски придобивки на нашиот пат кон полноправното членство во ЕУ. Инструментот ќе се реализира во периодот од 2024 до 2027, ќе го надополни постоечкиот Инструмент за претпристапна помош (ИПА III), значително зголемувајќи ја финансиската помош за партнерите во регионот.

Целта на Планот за раст, потенцира вицепремиерот, е да ги поддржи партнерите на ЕУ од Западен Балкан во преземањето реформи поврзани со ЕУ и ќе го стимулира економското приближување со ЕУ, врз основа на амбициозните реформски агенди.

-Пораката од ЕУ се надоврзува на нашите заложби, го потврдува она што ни е нам важно, ЕУ сака Македонците да бидат дел од Унијата. Во меѓувреме потребно е да ги реализираме реформите преку стратешки планови со цел раст на регионот и државата кои ќе донесат значителни социоекономски придобивки за сите граѓани. Токму затоа, Планот за раст ни дава дополнителна сила и мотивација да не се откажуваме од европската иднина, за доброто на сите граѓани, вели Маричиќ.

The post Маричиќ: Планот за раст ни дава дополнителна сила и мотивација да не се откажуваме од европската иднина appeared first on Република.

Овие избори се борба за патот кон ЕУ со СДСМ или назад во изолација со ДПМНЕ. Никој нема дилема дека ние припаѓаме во ЕУ, и имаме јасен план како да стигнеме до таа цел до 2030 година. Она што сме го зацртале и политички сме го лобирале на секој состанок или средба во Брисел, е токму тоа, до 2030 година да станеме членка на ЕУ, рече секретарот за меѓународна соработка на СДСМ, Бојан Маричиќ, во поткастот Политиканти

Јас сум убеден дека повеќето граѓани не сакаат да се вратат во ретроградната власт на ДПМНЕ. Знаеме дека луѓето живеат тешко, и дека има негодувања во однос на многу теми, за се тоа сме свесни, ама сме свесни и дека граѓаните веруваат дека оваа Влада предводена од СДСМ и коалицијата може да ја испорачаат европската иднина. Па, никој не веруваше дека ќе станеме членка на НАТО, но тоа се случи, а истото ќе се случи и со ЕУ“, рече Маричиќ.

Во разговорот тој објасни и дека кога веќе Босна и Херцеговина ќе почнат преговори, Молдавија и Украина бараат материјали за скринингот, најмалку треба ние да стоиме во место.

„За жал има еден облак од лажни вести, дека имаме друга опција која е подобра. А, реално таква опција нема и ова треба да го сфатиме како наш пат и наша борба за ЕУ. Историјата не научи дека друга опција се само евтините трикови на ДПМНЕ, кое никогаш не било способно да се соочи со европските предизвици и блокади. Траумата од нашето вето од Букурешт ДПМНЕ го претвори во долготрајна државна политика, која наместо да не подучи дека што побрзо ни треба компромис, ние го одложивме за 10 години и го решивме во понеповолни услови за нешата држава“, потенцираше Маричиќ.

Кога е во прашање македонскиот јазик, тоа веќе е исполнето, а тука и договорот Фронтекс кој е потпишан на македонски јазик, одобрен од сите 27 држави вклучувајќи ја и Бугарија, да пишува македонски јазик, а во преговарачката рамка стои македонски јазик и тука нема дилема.

Ова е политичка борба за патот кон ЕУ или назад во изолација за која треба граѓаните треба да се изјаснат. Доколку се поверува во заблудата на ДПМНЕ дека ќе бидат конструктивни и ќе завршат работа, во однос на ЕУ, сметајте дека не чека уште 10-15 години нов период на изолација и пропаѓање, потенцираше Маричиќ.

Јас сум сигурен дека ДПМНЕ и нивата деструктивна политика нема да формираат Влада и дека ние, СДСМ ќе бидеме столбот.

Маричиќ се осврна и на лажирањето на анкетите, за кои рече дека се само индикатор за стилот на ДПМНЕ кој сме го осетиле на своја кожа. ДПМНЕ пумпа анкети во своја полза и ги пласира, и тоа го знаат сите, а сега само се верификуваше и се покажа на дело.

The post Маричиќ: Знаеме дека луѓето живеат тешко ама сме свесни и дека граѓаните веруваат дека СДСМ ќе ја однесе МАкедонија во ЕУ appeared first on Република.

Ние немаме право дa се откажеме од иднината и немаме право да се откажеме од ЕУ како наш најдобар и единствен пат и затоа овие избори се токму за тоа и СДСМ е токму партијата која во изминатите седум години поднесе многу политички жртви, за тешките одлуки, порача во интервју за „Реално“ на 24инфо.мк вицепремиерот за европски прашања и секретар за меѓународна соработка на СДСМ, Бојан Маричиќ.

Имавме проблеми, имаа граѓаните многу проблеми, но никогаш не ги напуштивме. Помагавме толку колку што можеше во тој даден момент, сигурно дека имаме и недостатоци, грешки но патот беше трнлив. Она што може да го ветиме е дека најтешките години се зад нас и во наредниот мандат може да се посветиме на подобрување на сите недостатоци кои ги имаме, фокусирање на прашањата кои ги имаме поврзани со владеењето на правото и борба против корупцијата. Еве и законот за рестриктивни мерки го повторуваме повеќе пати да биде донесен во Собраниете. И да ја вратиме довербата на граѓаните во институциите, да ја вратиме вербата на граѓаните дека има надеж за подобра иднина. Тоа може само со ЕУ. За жал ВМРО – ДПМНЕ нема план за тоа, ние имаме план и со таа понуда изглегуваме пред граѓаните“ посочи тој.

Маричиќ е убеден дека со добри политики и посветеност во реформите, за шест до седум години возможно е полноправно членство на државата во ЕУ.

Тој пат не треба да го идеализираме, тој пат е трнлив. Не треба ни да даваме преголем оптимизам на граѓаните, ниту пак да велиме ете ќе биде се розево. Но, сметаме дека тоа е нашиот пат, дека тоа е механизмот за суштински реформи, за вистински промени, за економски развој и за промена во клучните политики“ заклучи Маричиќ.

The post Маричиќ: Немаме право да се откажеме од иднината и од ЕУ appeared first on Република.

Заменик претседателот во Владата задолжен за европски прашања и секретар за меѓународна соработка во СДСМ Бојан Маричиќ, вечерва на инфо сесија под наслов „ЕУ за младите – за знаења, вештини и добро платена работа“ одговараше на прашања за програмата ЕРАЗМУС+ и за можностите кои ЕУ ги нуди за младите за обуки, размени, пракси и мобилност.

„Младите се наша целна категорија на која во изборната програма на СДСМ посветуваме посебно внимание. Македонската младина е европска младина. Ние сме покажале повеќе пати на дело дека знаеме и умееме да бидеме Европјани на дело. Ние ја сакаме ЕУ не затоа што таа е некоја бајка или приказна, туку затоа што носи механизми за тоа како да бидеме подобро општество, за тоа како да искористиме повеќе прилики, како да добиеме можности бесплатно да учиме на најдобрите универзитети во Европа и како тоа знаење да го употребиме, да го вложиме во нашиот развој, во нашата кариера“, им порача Маричиќ на младите на инфо сесијата.

Според бројките во Еразмус+ на ЕУ, во 2022 година биле опфатени преку 10.000 млади и други образовни и научни работници, кои во земјите на Европа вклучени во оваа програма стекнувале знаење, вештини и реални искуства за усовршување.

„Ние кога сме биле студенти немаше такви можности, ни требаа визи и вистинско чудио беше некој да замине на школување во странство. Вие сте во многу подобра позицијата, имате многу повеќе можности за повеќе успеси и ние никогаш нема да се вратиме назад и ќе одиме само напред“, истакна заменик претседателот во Владата задолжен за европски прашања и секретар за меѓународна соработка во СДСМ Бојан Маричиќ, вечерва на инфо сесија под наслов „ЕУ за младите – за знаења, вештини и добро платена работа“

.

Маричиќ и останатите присутни на инфо сесијата, Марко Ѓорѓиевски од Националната агенција за европски образовни програми и Марко Михаилоски од Социјал демократската младина на македонија, одговараа и на прашањата на младите што беа поставени во текот на денот кога беше објавена информацијата за темата на вечерашната инфо сесија.

На прашањето каде може да се најдат детали за можностите за младите во програмата Еразмус+, беше речено дека место за тие информации е Националната агенција за европски образовни програми и мобилност и нивната веб страница и каналите на социјалните мрежи.

„Националната агенција што ја спроведува Еразмус програмата секогаш била пофалувана и укажувана како најпозитивен пример кај нас и како агенција која што веќе функционира како да сме во ЕУ. Во тој дел сме и добро усогласени, сме прилично напредни. Агенцијата е предмет на пофалби и во годишниот извештај на напредок на ЕУ“, рече Маричиќ.

На инфо сесијата на прашањето дали ЕУ планира повеќе средства за студентските и младинските размени и мобичност, беше речено дека финансиските средства на Еразмус+ програма растат од година в година, а до крајот на овој циклус до 2027 година тие ќе се зголемат со средствата кои за време ковид периодот не беа искористени.

Младите поставија прашање и кој сѐ може да биде корисник на можностите на Еразмус+ и беше кажано дека тоа се сите млади од од 15 до 29 години. Тие можат овие можности да ги користат директно преку повиците на Националната агенција или преку партнерските образовни или граѓански организации.

Заменик претседателот во Владата задолжен за европски прашања и секретар за меѓународна соработка во СДСМ Бојан Маричиќ на крајот од сесијата порача дека политичките лидери се должни на младите генерации да има ја обезбедат нивната европска иднина.

„Нивната иднина и нашата иднина е европска и од неа нема да се откажеме“, нагласи на крајот на инфо сесијата со младите Бојан Маричиќ.

The post Маричиќ: На младите ќе им обезбедиме европска иднина appeared first on Република.

„Нема силен европски блок и силна европска влада без СДСМ. Сигурни сме дека граѓаните ќе се определат за партии коишто дават поддршка на европските интеграции и коишто сакаат да продолжиме по тој пат“, порача вицепремиерот и секретар за меѓународна соработка на СДСМ, Бојан Маричиќ во вечерашното интервју на емисијата Клик плус на ТВ 21.

Тој говореше за европските перспективи на државата и потенцираше дека СДСМ има јасно утврдени чекои за наредните седум години, со цел Македонија до 2030 година да стане рамноправна членка на Европската Унија.

„Ние знаеме дека не е едноставно да се оствари тоа ветување, но тоа секако е една од определбите на СДСМ. Не сакаме да застраниме од тој пат, бидејќи знаеме дека граѓаните сакаат во ЕУ. Јас не велам дека ЕУ била целосно фер кон нас, но вистинското прашање е која е нашата реална алтернатива. Да прашаме кој е планот на Силјановска и на ВМРО-ДПМНЕ? Знаат ли што ќе прават доколу добијат прилика? Јас сум сигурен дека не смеат да соопштат што им е вистинска намера, а тоа е да ја блокираат државата подолгорочно“, рече Маричиќ.

Според Маричиќ, Претседателот Стево Пендаровски достоинствено ја претставува државата, стратешки е определен за ЕУ и за НАТО и покажа дека е еднаков кон сите граѓани и кон сите политички партии.

„Сите граѓани и сите политички субјекти треба да се определат дали се за еден кандидат како Пендаровски, којшто знаеме каде ќе ја води државата, којшто има стабилен правец, јасна политика, и влева доверба кај секој граѓанин, наспроти Силјановска која нема одговорено на речиси ниту едно прашање важно за граѓаните и којашто може да биде само реприза на Ѓорге Иванов од пред пет години“, истакна Маричиќ.

Говорејќи за изборната програма на СДСМ, Маричиќ објасни дека станува збор за платформа која ќе опфати длабоки реформи, поинакви практики од досегашните и платформа која подразбира раст на платите и пензиите и животниот стандард на граѓаните.

The post Маричиќ: Нема силен европски блок без СДСМ appeared first on Република.