На 14 мај во Младински културен центар (МКЦ) ќе гостуваат култните „Бој Харшер“, едно од најголемите имиња на електронската „dark wave“ сцена.

На 14 мај во Младинскиот културен центар од 22 часот, ќе бидеме сведоци на концерт кој ќе донесе сурова енергија, моќни индустриски призвуци и интимни лирики. Концертите на американскиот врвен електронски бенд „Бој Харшер“ “ ги нарекуваат спектакли кои не смеат да се пропуштат, затоа што не носат напред во времето..., вели организаторот во најавата.

Ќе настапи и пост-индустрискиот музички проект базиран во Чикаго, САД - „HIDE“! Парот создава композиции-аудио колажи, користејќи комбинација од сопствени теренски снимки и аудио референци од поп-културата.

Официјалниот афтерпарти на овој настан ќе се оддржи во клубот „Минус еден“ со диџеј сетови на Martchin и Andreas Hz од колективот BTKRSH.

Концертот е во организација на „ROTKO Books & Music“, а билетите се достапни во билетарницата на МКЦ и на следниот линк: https://bileti.mkc.mk/index.php?id=1023

The post Концерт во МКЦ на 14 мај на едно од најголемите имиња на електронската сцена, култните „Бој Харшер“ appeared first on Република.