СВР Тетово поднесе кривична пријава против М.M.(51) од тетовско Боговиње поради постоење основи на сомнение за сторени кривични дела „убиство“ и „неовластено изработување, држење, посредување и тргување со оружје или распрскувачки материи“ и против Н.А.(73) од истото село поради постоење основи на сомнение за сторени кривични дела „помагање на сторител по извршено кривично дело“ и „неовластено изработување, држење, посредување и тргување со оружје или распрскувачки материи“, соопштија од МВР.

На 02.06.2024 околу 10.15 часот пред угостителски објект во Боговиње, поради претходно меѓусебно нетрпение, првопријавениот со автоматска пушка испукал еден куршум кон А.Џ.(50) и го усмртил. Набргу, М.М. бил пронајден и лишен од слобода и во неговото возило била пронајдена автоматската пушка со која го сторил делото. Откако првопријавениот го извршил делото, второпријавениот Н.А. од домот на М.М. зел рамка од автоматска пушка со два куршуми и ги сокрил во неговата куќа, се вели во соопштението од МВР.

Од страна на судија на претходна постапка на првопријавениот му е одредена мерка притвор од 30 дена и бил спроведен во Казнено - поправната установа Затвор Скопје за издржување на мерката.

The post Уапсен и помагач на убиецот од Боговиње appeared first on Република.

Дежурен јавен обвинител од Основното јавно обвинителство Тетово изврши увид на лице место во Боговиње, каде едно лице беше лишено од живот со огнено оружје. Сторителот е идентификуван и лишен од слобода, а кај него е пронајдено и оружјето со кое го извршил делото.

Според првичните информации, настанот се случил во угостителски објект во кој во тој момент имало и други лица. Осомничениот и жртвата имале вербална расправија, по што сторителот извадил огнено оружје и започнал да пука. Јавниот обвинител издаде наредба за обдукција на телото на починатиот, како и наредба за прибирање и вештачење на траги од лице место. Ќе се вршат разговори со сведоци на настанот и со други лица.

The post ОЈО Тетово: Сторителот на убиството во Боговиње е идентификуван и лишен од слобода appeared first on Република.

Претпладнево во Боговиње е застрелан 47-годишен маж. На убиството му претходела расправија меѓу жртвата и убиецот. Осомничениот со автомобил потоа заминал од Боговиње кон Тетово каде е уапсен.

Го сопрела полициска патрола, а возачот бил вознемирен. Тогаш на полицајците кои го сопреле БМВ-то им стигнало известување за убиството и за возилото на осомничениот. Во автомобилот, на во просторот на задните седишта е најдена и пушката со која е извршено убиство.

Во тек е увид на местото на злосторот во Боговиње.Местото е заградено со полициски ленти. Полицајци вооружени со автоматски пушки и опремени со панцири ја обезбедуваат локацијата на која не може да и се пријде.

МВР издаде првично соопштение за убиството:

Денеска (02.06.2024 година) во 10.30 часот на улица „Цветан Димов“ припадници на полицијата од СВР-Тетово го лишиле од слобода лицето М.М.(50) од Боговиње, Тетово, кој управувал „БМВ“ со тетовски регистарски ознаки. Тој е осомничен дека околу 10.15 часот со огнено оружје го убил А.Ј. На местото на настанот се Јавен обвинител и полициски службеници кои вршат увид, стои во соопштението на МВР.

The post Детали за убиството во Боговиње: Прво се карал со соседот, па извадил пиштол и пукал во него appeared first on Република.