Интензитетот на сообраќај на патните правци надвор од градските средини е зголемен. На граничните премини Табановце и Богородица, од македонска страна има задржување за влез во државата, времето на чекање е повеќе од еден час. На останатите гранични премини нема подолги задржувања, соопшти вечерва АМСМ.

Сообраќајот на државните патишта се одвива непречено, по суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post За ГП „Табановце“ и „Богородица“ за влез во државава се чека повеќе од еден час appeared first on Република.

Швајцарската политичарка Санија Ахмети додека вежбала стрелање ја изрешетала сликата на Богородица со Исус.

Подмладокот на десничарската Швајцарска народна партија поднесе кривична пријава против Ахмети за нарушување на слободата на вероисповед и богослужба, соопштија од партијата.

Николас Римолди, основачот на движењето Маш-Вол, покренато како протест против пандемиските мерки, исто така најави дека ќе поднесе жалба.

Откако швајцарскиот дневен весник Блик објави за фотографиите што Ахмети ги објави на Инстаграм во неделата, 32-годишната политичарка ги избриша фотографиите и напиша дека не била свесна што направила, по што побара прошка.

Во екот на критиките, Амети поднесе оставка од лидерската позиција на Зелените либерали во Цирих.

Партијата размислува и за исклучување, според извештајот на швајцарската јавна телевизија СРФ.

Според мислењето на раководството на партијата, натамошното членство на Санија Ахмети во Зелените либерали би и наштетил на угледот на партијата. За да се спречи натамошна штета, партијата бара итно да се покрене постапка за исклучување, соопштуваат од партијата.

Во нејзината биографија стои дека е родена во Босна во 1992 година и дека со родителите побегнале во Швајцарија во 1995 година.

The post Ахмети „не била свесна што прави“ кога ги решетеше Богоридица и Исус со куршуми appeared first on Република.

На граничните премини “Табановце” и ”Богородица” за влез и излез од државата се чека околу 30 минути. На останатите гранични премини од македонска страна, нема подолги задржувања за влез и излез од државата, соопшти АМСМ.

Сообраќајот на останатите државни патишта се одвива непречено, по суви коловози. Интензитетот на сообраќај на патните правци надвор од градските средини е зголемен.

Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се
однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post На „Табановце” и „Богородица” за влез и излез од државата се чека околу 30 минути appeared first on Република.

На денешниот празник Успение на Пресвета Богородица во кругот на обновената црква во селотo Скребатно се подготвува и дели ручек за 5.000 луѓе, со што се продолжува заветот даден пред повеќе од два века.

Тоа е голем црковно-народен собир посетен од 7-8 илјади домашни и гости од странство, на кој во кругот на обновената црква „Св. Богородица“ се подготвува и дели ручек за 5.000 луѓе. Необично во целата приказна е што Голема Богородица, како што народот го нарекува големиот христијански празник, толку масовно се празнува во планинското село кое одамна е напуштетно и нема ниту еден постојан жител.

Собирот во секој негов дел секогаш е одлично организиран, уредени се паркинзи и важи посебен сообраќаен режим за празникот што ги поштедува гостите од застои и нервози. Се служи манастирска ракија и храна за 5.000 гости, а секогаш е весело со ора и изворна музика. Сето тоа е дело на луѓето што се иселиле од селото, но не само што не го заборавиле, туку со воодушевувачка посветеност и заедничка работа создаваат од Скребатно успешна приказна која секоја година привлекува се` повеќе гости.

Заветот на овчарот

Најголемиот дел од работите во манастирскиот комплекс во Скребатно се прават волонтерски, со огромен труд и енергија на луѓето што потекнуваат од селото. Или, како што велат скребаштани, се` се прави за здравје и од народ за народ, во заедништво со Македонската православна црква.

Според легендата, традицијата со заедничкиот ручек – ордија, почнала пред повеќе од 200 години кога еден овчар од селото на ливадата го зафатило силно невреме со громови. Тогаш тој се заветувал дека ако остане жив, како благодарност ќе заколе две овци и ќе чести ручек. Во истиот момент невремето се смирило.

Денес ордијата се прави на тревникот над црквата. Гостите се сместуваат во низи, секој ред лице в лице, а скребаштани ги послужуваат. Ручекот се сервира секогаш во глинени пајнци и се јаде со дрвени лајци. Такви комплети има над 5.000, колку што ручеци се делат секој 28-ми август.

Иако имало и има понуди од повеќе фурни да даруваат леб за празникот, тоа никогаш не било прифатено. Целиот леб рачно го месат домаќинките од Скребатно. Лебот што ќе остане по ручекот се продава на лицитација. Обично се печат над 80 фурни леб или повеќе од 640 пешници. Секое семејство што го подготвува лебот донира и зеленчук за јагнешкиот гулаш. За ручекот се колат околу 70 јагниња.

Собирот, вака како што се одржува денес, е обновен пред повеќе од три децении. Го организира и води одбор во кој се луѓе кои потекнуваат од Скребатно и секој одбор досега завршил некој битна работа за собирот да успее. Првиот одбор го направил патот до селото, вториот донел струја, а пред неколку години е обновена и проширена црквата „Св. Богородица“, која добила и нов живопис. Тоа било направено со парите од изнесувањето и лицитацијата на црковниот бајрак, што е важен дел од прославата.

За црквата, за која се смета дека потекнува од 15-тиот век, постои легенда дека требало да биде направена на друго место, но секоја ноќ алатите биле пренесувани на сегашната локација. Мештаните поставувале ноќни стражи за да утврдат што точно се случува, но стражарите редовно заспивале, по што црквата и била изградена на местото што го барала таинствената сила.

На собирот во Скребатно секој може да учествува и да го помогне на кој било начин. Може да го помогне со пари, со некоја друга донација, со работна рака, а може да биде и само гостин. Секоја година се регистрираат најмалку по 300 до 500 нови гости. Секоја година на ливадата над црквата три дена пред Голема Богородица се поставуваат од 100 до 200 шатори. Во манастирот постои кујна, а гостите може да ги користат и неколкуте фурни што се дел од комплексот. (Крај)

извор: ОхридПрес фото: ОхридПрес

The post Денеска во кругот на обновената црква во селотo Скребатно се подготвува и дели ручек за 5.000 луѓе, со што се продолжува заветот даден пред повеќе од два века appeared first on Република.

На преминот Богородица се отворени пет ленти за излез од државата и пет ленти за влез во државата. Од страна на МВР се преземаат сите мерки и во функција се ставени сите човечки и технички капацитети за да се забрза протокот на патници, се разбира со спроведување на задолжителните гранични проверки. За излез од државата се чека околу еден час, информираа за МИА денеска од МВР.

Како што соопштија од Министерството, на граничниот премин Богородица во периодот од 10:00 часот вчера до 10:00 часот денеска влегле 4.470 македонски државјани, а излегле 2.442 македонски државјани. Што се однесува до странските државјани влез во нашата држава оствариле 689, а 5.988 ја напуштиле нашата држава.

На граничниот премин Табановце се отворени пет ленти за влез во државата. Во периодот од 10:00 часот вчера до 10:00 часот денеска влегле 2.743 македонски државјани, а излегле 2.246 македонски државјани. Во нашата држава преку овој граничен премин влегле и 2.515 странски државјани, а 3.866 ја напуштиле државата

The post На преминот Богородица се излегува и влегува на пет ленти, се чека околу еден час appeared first on Република.

Сообраќајот на државните патишта се одвива непречено, по cуви коловози.

Интензитетот на сообраќај на патните правци надвор од градските средини е зголемен. Се бележи поголем интензитет на сообраќај на граничните премини Богородица и Табановце.

На останатите гранични премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Колони возила на ГП Богородица и ГП Табановце appeared first on Република.

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен, информираат од АМСМ.

Се бележи поголем интензитет на сообраќај на граничните премини Богородица и Табановце.

На останатите гранични премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Гужвите не попуштаат: На Богородица се чека со часови! appeared first on Република.

Министерството за внатрешни работи ги известува граѓаните дека поради пожар кој избувна на грчка страна, во моментов е во прекин сообраќајот преку Граничниот премин Богородица.

Се преземаат интензивни мерки за гасење на пожарот и по неговото гасење, повторно ќе биде овозможено преминување преку граничниот премин. Апелираме до граѓаните да не се упатуваат кон граничниот премин додека не биде објавено дека пожарот е изгаснат и сообраќајот нормализиран, соопшти МВР.

The post Додека не биде изгаснат пожарот: Да нема движење накај граничниот премин Богородица, апелира МВР appeared first on Република.

Во Полициската станица Гевгелија синоќа околу половина час по полноќ, било пријавено дека на автопатот од клучка Гевгелија кон Граничниот премин Богородица се случила сообраќајна несреќа помеѓу товарно возило „ман“ со велешки регистарски ознаки, управувано од Б.Ј.(35) од с.Селемли, општина Богданци и товарно возило „ивеко“ со гевгелиски регистарски ознаки, управувано од С.А.(26) од с.Стојаково, општина Богданци.

Во несреќата со тешки телесни повреди се здобил Б.Ј., кој на пат кон Комплекс клиники „Мајка Тереза“ им подлегнал на повредите, а лекар констатирал смрт. С.А. се здобил со телесни повреди, констатирани во Општата болница Гевгелија, информира МВР.

Извршен бил увид од увидна екипа од ОВР Гевгелија.

The post Тешка сообраќајка пред ГП „Богородица“: Загина возач по судир на две товарни возила appeared first on Република.

Евидентна е фреквенцијата на возила на граничните премини Богородица и Табановце. Утрово и на снимките од видео-камерите на Јавното претпријатие за државни патишта можеше да се забележи дека колони возила чекаат на граничните премини.

Од Министерството за внатрешни работи за МИА информираат дека во периодот од 10 часот вчера до 10 утрово на ГП Богородица за влез во Република Македонија вкупно се пријавиле 3.444 патници.

- За излез од Република Македонија се пријавиле вкупно 12.394, а севкупен број на патници влез и излез е 15.838, граѓани, соопштија од МВР.

Во истиот период на ГП Табановце влегле вкупно 8.173, а излегле 10.049, вкупно 18.222 граѓани.

Граѓани за МИА велат дека на граничниот премин Табановце за излез од државата се чека најмалку половина час, но и нагласуваат дека сите ленти се во функција. На ГП Богородица пак, евидентно е зголемен метежот на возила за излез од земјава.

Метежите на граничните премини Табановце и Богородица се вообичаени за викендите и за празниците. Метеж се очекува и во недела, вечерта.

The post Зголемен метежот на возила на граничните премини Табановце и Богородица appeared first on Република.

Споениот викенд започна во нашата земја, а Македонците традиционално  почнаа да ги освојуваат плажите во Грција.

Според видео камерите на „Јавното претпријатие за државни патишта“ во овој момент се гледа голема фреквенција и гужва на граничниот премин „Богородица“ за влез кон Грција.

Освен тоа може да се забележат и голема фреквенција на луѓе излезени од своите автомобили.

Инаку гужвите за влез во Грција започнаа вчера попладне кога исто така имаше голем наплив на автомобили на „Богородица“.

The post Јуриш на Грција: На „Богородица“ утрово километарски колони appeared first on Република.

Се верува дека Богородица одговара на молитвите на секој кој е искрен верник. Како што собветуваат светите лица, Богородица треба да да ја споменуваме во секоја од молитвите, бидејќи така ја чествуваме. Посебно кога ни е тешко, пожелно е да ѝ се обратиме, а таа на свој начин ќе ни обезбеди заштита.

Ова е најмоќната молитва до Богородица:

Преподобна Царице моја, Пресвета моја надеж, засолниште на сиромашните, заштитничка на патниците, помошник на оние кои се во беда и заштита на оние што ги злоупотребуваат. Види ја мојата неволја, види ја мојата мака. Од сите страни сум опкружен со искушенија и нема кој да ме брани, помогни ми зашто сум немоќен. Нахрани ме како странец, води ме како изгубен, исцели ме и спаси ме како безнадежен. Немам друга помош, немам друга заштита, никаква утеха освен Тебе, Мајко на сите бедни и оптоварени. Затоа, погледни ме, грешник и очаен, покриј ме со твојата света Плаштаница за да се избавам од злата што ме опкружуваа и секогаш ќе го славам Твоето најславно име. Амин!

Од друга страна, мајките речиси секогаш наоѓаат утеха во Пресветата Мајка кога се соочуваат со неволји и проблеми во животот, особено ако се поврзани со деца. Кога се чувствувате безнадежно, следните зборови ќе ве смират и охрабрат.

Молитва за заштита на децата која секоја мајка е убаво да ја знае:

О, Пресвета и Преблагословена Богородице, Мајко на најслаткиот Господ наш Исус Христос, Царице на небото и земјата, семилостив застапнику на христијанскиот род, прибежиште и спасение на оние што доаѓаат кај тебе, паѓам пред Тебе и се поклонувам пред Твојата света икона и понизно Ти се молам: спаси ги и заштити ги под Твојата покривка моите деца (имиња), заштити ги од глад, уништување, земјотрес, поплава, оган, меч, непријателски напад, меѓусебни кавги, од сите видливи и невидливи непријатели, од секоја несреќа и болест, искушенија и ненадејна смрт. Амин.

Извор: Стил.рс

The post Се верува дека ова е најмоќната молитва до Богородица за заштита на децата од зло appeared first on Република.

Грчките земјоделци од северниот дел на земјата и вечерва периодично го затворија граничниот премин Богородица кон Македонија за сообраќај на сите возила, јави дописничката на МИА од Атина.

Блокадата започнала во 19 часот по локално, односно 18 часот по македонско време, а според информациите, земјоделците исто како и вчера затворале околу 20 минути, а потоа дозволувале да поминуваат возила за да не се создадат редици и доцнења.

Според истите информации, блокадата траела околу час и половина.

Грчките земјоделци по одржаниот масовен протест синоќа во Атина, најавија дека дополнително ќе одлучат кои ќе бидат нивните следни чекори, а не е исклучена можноста да продолжат со досегашните активности што вклучуваат затворања на автопати и гранични премини.

The post Грчките земјоделци повторно го блокираа граничниот премин Богородица кон Македонија appeared first on Република.

Од 18 часот вечерва граничниот премин Евзони за влез во Грција е блокиран од грчките земјоделци и на секој половина час по десет минути се пропуштаат патнички и товарни возила.

Веста за МИА ја потврди началникот на Регионалниот центар за гранични работи Југ при МВР, Славчо Богев.

Од 18 часот по македонско време отежнат е влезот во Грција преку преминот Евзони заради блокада на грчките земјоделци. Рампите се креваат на десет минути на секој половина час и засега немаме информација до кога ќе биде блокиран влезот, изјави Богев.

На другите граничните премини со Грција протокот на патници и стока засега се одвива нормално, а до 19 часот имало тричасовен застој на преминот Меџитлија-Ники, кој бил блокиран од грчките земјоделци од 16 часот.

The post Блокиран е граничниот премин „Евзони“ за влез во Грција, протестираат грчките земјоделци appeared first on Република.

На граничните премини Табановце и Богородица утринава за излез од земјава се чека од 30 до 45 минути, соопштува Авто мото сојузот на Македонија.

На останатите гранични премини од македонска страна, нема подолги задржувања за влез и излез од државата.

The post Почна гужвата на Табановце и Богородица, се чека и до 45 минути appeared first on Република.

Според календарот на МПЦ (Јулијанскиот календар) денеска е 9 септември, ден кога се празнуваат светите праведни богоотци Јоаким и Ана, родителите на пресвета Богородица.

Именден празнуваат: Ана, Јана, Јаника…

Денешниот празник е органски поврзан со празникот од претходниот ден, со празникот на раѓањето на Богородица. Како и по сите поголеми празници, и по овој празник се празнува споменот на непосредните учесници во настанот што ја сочинува содржината на вчерашниот празник. Тоа е споменот на светите Јоаким и Ана. Таткото на Јоаким се викаше Варпафир и беше родум од Јудиното племе, а потомок на царот Давид, а Ана беше ќерка на свештеникот Матан, од Левиевото колено. Тие ја добија ќерка си Марија на стари години, по 50 години брак и по нивните долги и топли молитви. Инаку, самите доживеаа длабока старост свети Јоаким се упокои на 80, а света Ана на 79 години.

Овој празник меѓу народот се смета за полесен, па во некои краишта (Гевгелиско) не работеле само жените.

Овој ден е посветен на добротворството и мисионерството и според верувањето денеска треба да се подари нешто. Бидете милостиви, но не со гордост и надменост туку со смиреност и почит кон тој кому се подарува. Доблеста не е доблест, ако тоа се меша со гревот, како што се млекото не е млеко, кога се меша со гас или оцет, поучува црквата.

The post Подарете нешто: Денеска е празник на родителите на Богородица appeared first on Република.

Интензитетот на сообраќај на патните правци надвор од градските средини е зголемен. Поради зголемена фреквенција на возила, времето на чекање за влез во државата на ГП Табановце е околу еден час, на ГП Богородица за излез од државата е околу 30 минути. На останатите гранични премини од македонска страна, нема поголеми задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Тоа посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post На „Табановце“ се чека еден час, на „Богородица“ 30 минути appeared first on Република.

Во познатото македонско древно светилиште, Бигорски манастир и во црквата „Успение на Пресвета Богородица“ во Дебар ќе биде одбележан празникот Голема Богородица.

-На денот кога го славиме сечесното Успение на Пресветата Владичица наша Богородица и Приснодева Марија, во свештената Бигорска Обител ќе се отслужи сеноќно бдение, со Света архијерејска Литургија, што ќе започне денеска, на 27 август, во 21 часот. Во текот на богослужението, пред Богородичната плаштаница во цветниот епитаф, ќе се испеат Богородичните статии, информираа од Бигорската Обител.

Додаваат дека Бдението ќе заврши со Божествена Архиерејска Литургија, со која ќе чиноначалствува игуменот на Обителта, Неговото преосвештенство епископот Антаниски г. Партениј.

Дебрани, ќе го одбележат патронот на црквата „Успение на Пресвета Богородица“ во Дебар, која се смета за заштитничка на градот.

Како што информираше намесникот на дебарската парохија, Миле Ангеловски, во чест на овој голем празник на Мајка Богородица, утре, со почеток во 7:20 часот ќе се одржи света Златоустова литургија, на која се очекува присуство и на поранешни жители на градот и нивни потомци.

Овој божји храм се наоѓа во населбата Варош, во горниот дел на градот, изграден е во 1840 година и е една од најубавите преродбенски цркви во нашата држава. Според формата таа претставува трикорабна базилика, насликана со ѕиден живопис и иконостас со прекрасни икони од 19 век.

Порано била главен соборен храм на Дебарското архијерејско намесништво и била седиште на Дебарската митрополија, која опфаќала простор сè до соседниот албански град Пешкопеја. Потврда за тоа е и фактот што и ден денес просторот до црквата дебрани го нарекуваат митрополија.

The post Голема Богородица ќе се одбележи во Бигорски и црквата заштитничка на Дебар appeared first on Република.

По повод празникот Успение на Пресвета Богородица, во народот позната како Голема Богородица, во Бигорскиот манастир ќе се одржи сеноќно бдение, со света архијерејска литургија.

-Возљубени поклоници на Царицата Небесна, ве известуваме дека на денот кога ја славиме „летната Пасха“, односно сечесното Успение и Преселување на Пресветата Владичица наша Богородица и Приснодева Марија, во Свештената Бигорска Обител ќе се одржи сеноќно бдение, коешто ќе започне во недела, на 27 август, во 21 часот, стои во соопштението на Бигорскиот манастир.

Се додава дека во текот на богослужението, пред Богородичната плаштаница во цветниот епитаф, ќе се испеат Богородичните статии.

Бдението ќе заврши со Божествена архиерејска литургија, со која ќе чиноначалствува игуменот на обителта, неговото преосвештенство епископот Антаниски г. Партениј.

Благослов да присуствуваат на бдението имаат сите кои молитвено сакаат да го прослават великиот празник на Мајката Божја.

По традиција се очекува големо присуство на верници од многу градови во земјава.

The post По повод Голема Богородица сеноќно бдение, со света архијерејска литургија во Бигорски appeared first on Република.

Министерството за труд и социјална политика соопштува дека согласно со Законот за празниците на РМ („Службен весник на РМ“, бр.21/98 и 18/07), 28 aвгуст 2023 година (понеделник), Успение на Пресвета Богородица (Голема Богородица) е неработен ден за граѓаните од православна вероисповед во Република Македонија.

Министерството за труд и социјална политика на граѓаните од православна вероисповед им го честита празникот Успение на Пресвета Богородица (Голема Богородица).

The post МТСП: 28 август, Успение на Пресвета Богородица е неработен ден за граѓаните од православна вероисповед appeared first on Република.