На 17.03.2024 во 11.00 часот на фудбалското игралиште во село Богомила, општина Чашка, за време на одигрување на фудбалски натпревар помеѓу екипите на ФК Богомила од с.Богомила и ФК Мартолци од с.Горно Врановци, по претходна расправија, настанала физичка пресметка помеѓу играчи од двете екипи и дел од публиката, по што натпреварот бил прекинат.

За настанот бил известен јавен обвинител и се преземаат мерки за расчистување на случајот.

The post Масовна тепачка помеѓу фудбалери на натпревар во Богомила, упадна и дел од публиката appeared first on Република.

Хеликоптер на АРМ се вклучи во гаснењето на пожарот кај селата Богомила и Ореше, кој заедно со 10 вработени од Национални шуми, подружница „Бабуна“ и месното население, се обидуваат да го стават под контрола.

Пожарот избувна вчера околу 12:30 часот при што гори дабова шума и габер.

Од ЦУК појаснуваат дека таму има „гола сеча“ од пред неколку години, но насобраниот отпаден материјал претставува висок ризик за гаснење од земја.

Во текот на денот, веднаш по намалување на опасноста на пожарот во Општина Долнени, трите ПП авиони „ер трактор“ од ЦУК.и хеликоптер на МВР е планирано да интервенираат во Општина Чашка.

Од ЦУК стравуваат од можноста двата пожара од општините Чашка и Долнени да се спојат во еден

The post Хеликоптер на АРМ го гаси пожарот кај селата Богомила и Ореше appeared first on Република.

Јавен обвинител од Основното јавно обвинителство Велес донел наредба за спроведување истражна постапка против 21-годишен жител на Богомила осомничен за кривично дело „убиство“.

Осомничениот, како што информираат денеска од Јавното обвинителство, на 22 јануари, со умисла лишил од живот едно лице.

https://republika.mk/vesti/crna-hronika/pronajden-mrtov-mazh-kaj-bogomila-teloto-predadeno-na-obduktsija/

Оштетениот 60-годишник дошол до куќата на осомничениот да ги повика својата сопруга, ќерката и помалиот син кои биле во домот на осомничениот да се вратат дома. Осомничениот на тоа излегол надвор и без причина почнал да го удира оштетениот со тупаници во пределот на градите. Ќерката на оштетениот ги раздвоила, но од повредите оштетениот починал, се наведува во соопштението од Обвинителството.

Јавниот обвинител до судијата на претходна постапка доставил предлог за определување мерки за претпазливост за осомниченото лице.​​

The post Фамилијарна кавга во центарот на Богомила довела до убиство, ќе му се суди на 21-годишник appeared first on Република.

Дежурен јавен обвинител од Основното јавно обвинителство Велес изврши увид на спореден пат во селото Богомила, каде што беше пронајдено тело на починато машко лице, соопшти денеска Јавното обвинителство на Република Македонија.

Јавниот обвинител издаде наредба за обдукција на телото на починатиот 60-годишен маж со цел да се утврдат причините за смртта. По насоки на јавниот обвинител, подигнати се траги кои ќе бидат предмет на вештачење, а се преземаат и други дејствија за целосно испитување на настанот, по што ќе биде донесена одлука за натамошниот тек на постапката

The post Пронајден мртов маж кај Богомила, телото предадено на обдукција appeared first on Република.