Портпаролката на СДСМ, Богданка Кузеска го коментираше ставот на министерката Сања Божиновска околу нејзиното наводно бугарско државјанство. Според Кузеска, како се чувствува Божиновска и дали има бугарска самосвест не е прашање за адвокатите, туку таа лично треба да ѝ каже на јавноста дали има бугарска самосвест.

Кузеска бара од министерката да не ја лаже и манпулира јавноста.

-Божиновска е на висока функција во македонската Влада и го должи овој одговор до јавноста, токму и поради односите со Бугарија, рече портпаролката на СДСМ, додавајќи дека Божиновска должи одговори и за „долгот на нејзините фирми од 1 милион евра“.

Пред два дена министерката за енергетика, рударство и минерални суровини Сања Божиновска рече дека поседува македонско и чешко државјанство откако беше прашана од новинар дали се уште поседува бугарско државјанство. Таа притоа го праша новинарот „дали (таквото прашање) е релевантно за отчетот за енергетика“ за изминатите 100 дена од Владата.

„Ќе проверам со адвокатите и ќе ве известам. Ќе морам да се консултирам со адвокати, тие ја водат оваа процедура. Тоа беше многу одамна. Не го водев јас процесот, туку адвокатска канцеларија“, одговори министерката на прес-конференција во Владата, запрашана дали се уште има бугарска самосвест.

Неодамна гостувајќи во подкаст, Божиновска рече дека се откажала од бугарското државјанство.

„Во еден период од животот како и многу македонци сум имала бугарски пасош. Мислам дека сум една од ретките што се откажала од бугарското државјанство и немам повеќе валидна патничка исправа ниту лична карта. Имам и чешки пасош и никој не прашува зошто имам чешки пасош“, кажа министерката.

Според дополнителните проверки, таа побарала отпуст од бугарското државјанство во втората половина на 2023 и процедурата не е завршена, што значи дека сè уште е бугарска државјанка. Неколку месеци откако побарала отпуст од бугарско државјанство, Божиновска во февруари годинава стана членка на Извршниот комитет на ВМРО-ДПМНЕ.

За бугарски пасош, прво е потребно да се обезбеди бугарско државјанство. За некој, пак, да добие бугарско државјанство, треба да се декларира дека се чувствува како Бугарин пред тамошните власти.

The post Кузеска за Божиновска: Лично да ѝ каже на јавноста дали има бугарска самосвест appeared first on Република.

Христијан Мицкоски наместо да го осуди понижувањето на македонската државата среде Бугарија и да побара одговорност за тоа што се дозволи национален срам без македонско знаме, се обиде да ги оправда виновниците, Силјановска и министрите во неговата Влада.

Ниту министрите, ниту Силјановска не реагирале за националното понижување во Бугарија заради жал за загинати пилоти, „не сакале да создаваат тензија“ вели Мицкоски.
Демек знаеле дека е понижување и бришење под со Македонија ама не сакале да создаваат тензија? вели Богданка Кузеска.

Па фотографиите само со бугарски знамиња тогаш зошто самите си ги објавија? Или и сликите ги објавија и се фалеа заради пилотите?

Срамно е ова однесување на Мицкоски, го правда скандалот во Бугарија со смешни изјави потценувајќи ја интелигенцијата на граѓаните. Па уште и ги навредува граѓаните. Мицкоски нема образ, па тој ли ќе зборува за свиткана кичма, дозволи Бугарија под да избирше со Македонија и да ни приреди национален срам среде Софија.

Дилетантизам и неспособност ете тоа го покажуваат Мицоски и ВМРО-ДПМНЕ.

Овој скандал потврдува дека Владата и институците предводени од Мицкоски и Силјановска, немаат никаков капацитет за меѓународна политика уште помалку да обебзедат подобри услови на земјата во меѓународни рамки

The post СДСМ реагира за неистакнувањето на македонското знаме во Софија appeared first on Република.

Кузеска и СДС да внимаваат што зборуваат на прес конференции, да не треба после пак да се извинуваат, кој ќе им го гледа срамот, порачуваат од владејачката ВМРО-ДПМНЕ.

Дали некој во СДС проверува што ќе каже Кузеска или чита што и дојде под рака? За разлика од времето на СДС кога немаше одговорност, сега во време на ВМРО-ДПМНЕ има експресна акција од институциите и никој не е поштеден. Одговорност има за секој кој се огрешил пред законот. Ја разбираме нервозата во СДС затоа што слични инциденти имало и во минатото кога тие биле власт, но тогаш се заташкувале и се молчело, за разлика од сега, кога им акција и одговорност за секого. Има разлика, истакнаа од ВМРО-ДПМНЕ.

Државата е управувана од луѓе кои работат за подобра иднина на народот, за разлика од СДС и ДУИ кои работеа за себе, додаваат од владејачката партија.

The post ВМРО-ДПМНЕ: Кузеска и СДС да внимаваат што зборуваат на прес конференции, да не треба после пак да се извинуваат appeared first on Република.

Oткако не успеа да го заташка, МВР го потврди скандалот со пиштолџијата кој СДСМ и медиумите го обелоденија. Откако цел ден молчеа на денот на настанот, МВР вечерта мораше да информира за него што укажува на јасна интенција истиот да се сокрие, изјави денеска на прес-конференција портпаролката на СДСМ Богданка Кузеска.

Како што истакна, ВМРО-ДПМНЕ побарало одговорност од извршителот, но не и од нарачателот.

Тошковски удира по самарот и го штити својот коалициски партнер Африм Гаши, на сметка на неказнивост, самоволие и непочитување на македонските закони. За целосно расчистување на скандалот мора да има одговорност за коалицискиот партнер на Мицкоски, Африм Гаши. Според извештајот на МВР стои дека „Пријавениот С.С. бил испратен на Меѓународен Аеродром Скопје од страна на претседателот на Собрание“ и дека „Санкциите кон обезбедувачот и другите вработени во МВР, дел од обезбедувањето на Гаши се поради извршување незаконска наредба - вели Кузеска.

Со ова, според неа, се потврдува одговорноста кај Гаши дури и од страна на МВР.

Прашуваме, зошто ништо не е преземено досега? Дали Мицкоски ќе излезе јавно да побара од него одговорност? Дали МВР ќе покрене постапка? Или решија да го пуштат низ вода обезбедувачот, на сметка да го заштитат нарачателот - изјави Кузеска.

Побара премиерот Мицкоски итно да го смени Гаши од претседател на Собранието, за што СДСМ ќе му даде поддршка.

Го повикуваме обивнителството да покрене постапка, а Мицкоски да излезе во јавноста и да побара од Гаши политичка одговорност. Овој случај не може да се смета за затворен додека сите инволвирани во него не понесат одговорност. Институциите се должни итно да започна постапки. На Мицкоски му порачуваме наместо да се нуди да биде ексорт на ВИП личности на скопскиот аеродром, да обезбеди почитување на правото кое не го вади од уста. Нека го доведе Гаши до одговорност за случајот - истакна Кузеска на прес-конференција.

The post Кузеска: Мицкоски итно да го смени Гаши од претседател на Собранието, за што СДСМ ќе му даде поддршка appeared first on Република.

На денешната прес-конференција портпаролката на СДСМ Богданка Кузеска сподели обвинувања за имотната состојба на министерот за внатрешни работи Панче Тошковски.

Скандалот со подарокот од 325.000 евра за герералниот секретар на Владата, Игор Јанушев добива нови димензии. Денес објавуваме нови информации и детали со документи кои треба да ги истражат надлежните институции, Јавното обвинителство и Државната комисија за спречување корупција. Погледнете ја оваа фотографија. Фамозниот имот кој бил поклонет на Јанушев, вреден 325.000 евра е составен дел оваа зграда, во најстрогиот дел од Центарот на Скопје. Она што е особено интересно е дека имот во оваа зграда, покрај Јанушев, има и министерот за внатрешни работи, Панче Тошковски. Еве го неговиот имотен лист. Тошковски во зградата која е дел од шемата за поклонетиот имот на Јанушев има имот од над 200 квадрати, стан од 146 метри кавдратни и деловни простории од 46 метри квадратни. Вкупната пазарна вредност на овој имот е над 400.000 евра. Овој случај ужасно потсетува на една друга зграда, каде порано имаа станови неколку високи функционери на ВМРО-ДПМНЕ кои беа стекнати на многу сомнителен начин. Понатаму ги прашуваме Тошковски и ДКСК, пријавен ли е овој имот во анкетниот лист? Зошто неговиот анкетен лист не е достапен за јавноста? Клучно и најважно прашање: како се поврзани подарокот на Јанушев од 325.000 евра и имотот на министерот Тошковски? Каков заеднички бизнис имале овие двајца? Дали преку шема на давање подароци овие двајца прикриваат некаква бизнис зделка која јавноста не треба да ја знае? Имаат ли скриени бизниси кои на крај завршуваат со подароци во имоти вредни над 300 илјади евра? Јавноста знае дека Јанушев е веќе осуден криминалец во случајнот со 5 милиони евра за кинеските автубуси за ЈСП. Јавноста очекува одговори. Јанушев се криеше пет дена пред да каже за поклонот, ова може да е јасен сигнал дека се обидува да прикрие нешто во овој случај.
СДСМ ќе продолжи да ги објавува сите информации со кои располага. Се додека не започнат истраги, се додека не се дозане целата вистина, рече таа.

Со демант веднаш се јави Тошковски:

Во однос на обвинувањата изнесени од Богданка Кузеска од СДСМ, сакам јавно да ги демантирам и да ја информирам јавноста дека уште на 04.07.2024г. во законски утврдениот рок, до Државната комисија за спречување на корупцијата доставив изјава за имотна состојба. Сите податоци за мојот имот се јавно достапни на следниот линк: https://registar.dksk.mk/appointed-person/22221

Одговорно тврдам дека надвор од она што е наведено во изјавата за имотната состојба не поседувам ништо друго. Ги повикувам институциите детално да го проверат мојот имот, но и имотот на секој актуелен и поранешен функционер, особено на оние кои целиот свој живот се на товар на државниот буџет.

Упатувам порака до СДСМ да престане со лаги и манипулации. Транспарентноста и одговорноста се клучни за градење на доверба меѓу институциите и граѓаните. Време е вистината да излезе на виделина, порача тој.

The post Тошковски ја демантираше СДСМ: Не поседувам ништо надвор од она што сум го пријавил appeared first on Република.

Денеска имавме мирен, достоинствен и успешен изборен ден, изборите беа фер и демократски, како што доликува на земја членка на НАТО со почнати преговори за Европската унија. Констатирани се одредени неправилности, но сметаме дека се тие со незначителни во овој изборен процес, рече портпаролката на СДСМ, Богданка Кузеска.

Правото на глас и слободното одлучување се најзначајни придобивки во демократијата

Таа упати благодарност до граѓаните кои денеска гласаа, а изборите ги оцени како слободни, мирни, демократски и достоинствени.

Кузеска кажа дека граѓанската волја ќе одлучи по кој колосек ќе се движи Македонија понатаму.

Прашана како го коментира скриениот бојкот во општините каде што има доминантно албанско население Кузеска кажа дека како настапила секоја партија на овие избори треба да одговори пред граѓаните и пред себе.

„СДСМ од самиот почеток повикуваа на масовност, граѓаните да го искористат својот глас. СДСМ никогаш не бил кочничар на било кои процеси кои ја носат државата напред“, рече Кузеска.

https://www.youtube.com/watch?v=AroFp3tpZXE

The post Кузеска за скриениот бојкот во некои општини: Како настапи секоја партија на изборите, треба да одговори пред себе и пред граѓаните appeared first on Република.

Изборите беа фер и демократски. Констатирани се одредени неправилности, но тие се незначителни, изјави портпаролката на СДСМ, Богданка Кузеска, на денешната прес-конференција по затворањето на гласачките места во 19 часот.

Граѓаните можеа слободно да одлучуваат за иднината на земјата. Благодарност до сите граѓани кои излегоа на гласање. Особена благодарност изразуваме за граѓаните кои го дадоа гласот за СДСМ и за кандидатот за претседател Стево Пендаровски. Во исчекување сме на првичните резултати од изборите, рече Кузеска.

На новинарско прашање како ја оценуваат одлуката на некои политички партии да спроведат тивок бојкот за претседателските избори, Кузеска одговори:

Секоја партија ќе си одговара пред себе и пред граѓаните. СДСМ повикуваше на масовност и ги повикуваше граѓаните да го исполнат своето право на глас. Ние никогаш не сме биле кочничари. И затоа денеска излегуваме со една ваква оценка за изборниот процес, рече Кузеска.

The post Кузеска за бојкотот: Секоја партија ќе си одговара пред себе и пред граѓаните appeared first on Република.

Ниту претседателот Пендаровски ниту јас не го поддржуваме коментарот, вели портпаролот на СДСМ Богданка Кузеска преку „Фејсбук“, откако јавноста бурно реагираше на навредите изнесени кон претседателската кандидатка проф. Гордана Силјановска Давкова за време на митингот на партијата во Куманово.

https://republika.mk/vesti/makedonija/sred-miting-ja-navreduvaat-siljanovska-davkova-i-sekoja-edna-zhena-stevo-i-bogdanka-se-kezat/

На видеото од митингот се гледа поддржувач на СДСМ кој, меѓудругото, на микрофон ја нарекува Силјановска Давкова „баба“, а и Стево Пендаровски и самата Кузеска се смеат. Таа вели дека поради „масовноста“ не успала да го чуе.

Почитувани пријатели кои ме познавате и кои не ме познавате. По повод коментарот на еден од присутните на митингот на кандидатите на претседател во Куманово, сакам да бидам транспарентна и искрена кон целата јавност. Пред сѐ, поради масовноста на митингот за жал не успеав целосно да го слушнам коментарот на еден од учесниците и да го спречам. Тие кои ме познаваат и како поддржувачи на партијата на којашто сум гласноговорник, но и од сите други политички партии, знаат дека остро ги осудувам коментарите кои се навредливи за жена и знаат дека сум гласна во борбата против говор на омраза кон жените. Така е и во овој случај.
Коментарот е недоличен, навредлив и го осудувам. Ниту претседателот Пендаровски ниту јас не го поддржуваме коментарот, вели Кузеска.

The post Кузеска: Поради масовноста на митингот не успеав да го слушнам коментарот и да го спречам appeared first on Република.

Ако Стево Пендаровски изминативе годни беше претседател на државата, Силјановска е пратеник на ВМРО-ДПМНЕ во Собранието, но ние досега воопшто не видовме некаква заложба од нејзина страна дека сака земјата да биде членка на Европската Унија, рече портпаролката на СДСМ , Богданка Кузеска, во утринската емисија на ТВ Клан.

Не само што не видовме никаква заложба за влез во ЕУ, туку Давкова се уште ги подржува луѓето, кои кажаа дека дури и за 100 години нема да бидеме во Европска унија. Таа ги подржува оние кои во слични вакви емисии кажаа дека доколку ЕУ не ги дели вредностите на ВМРО ДПМНЕ, тогаш нема да влеземе во ЕУ”, рече Кузеска.

Таа потенцираше дека граѓаните во изминативе години можеа да видат како се преставиле и Пендаровски и Давкова и дека тоа што досега го работеле е тоа што тие и ќе им го понудат на граѓаните.

Пендаровски ќе го понуди напредокот и европска перспектива на државата, а Давкова ќе понуди повторно блокади, кочење и уназадување на државата, рече Кузеска.

The post Кузеска: Пендаровски ќе понуди напредок на државата, Давкова само блокади и уназадување appeared first on Република.

ДПМНЕ влезе во Влада со ДУИ.Паднаа во вода сите изјави на Мицкоски, драматизирања, лажни обвинувања.Целата јавност добро се сеќава на изјавата на Мицкоски од лидерската средба.Прифаќаше се’ под единствен услов: ДУИ да не биде дел од Владата.Еве денеска, ДПМНЕ седна во Влада со ДУИ.Мицкоски излажа, вели Богданка Кузеска од СДСМ

Министрите на ДПМНЕ денеска не знаеа што да прават, дел присуствуваа на конститутивната седница на техничката Влада, дел побегнаа.

Но, како и да е, одлуките на конститутивната седница поминаа едногласно.Суштината секако не е во тоа дали министрите од ДПМНЕ му се поклонија на Талат Џафери туку зошто беа сите лаги и лажно креирани драми во општеството.Нека излезе сега пишман аџијата Мицкоски и нека им објасни на граѓаните, но и на неговите членови:

Зошто ја проблематизираше техничката влада кога на крај влезе во Влада со ДУИ?

Чуму ги бојкотираа своите кандидати за министри во македонското Собрание и не гласаа за техничката Влада?

Кому му служат овие незрели и политички уникатни чекори што ги нема на ниту едно место во светот.

Мицкоски нема став, ниту политички капацитет да донесе некаква одлука, дефинитивно не знае  што со себе, ниту со партијата.

Манипулацијата и лагата се белег на ДПМНЕ и Мицкоски.Ништо не е променето во ДПМНЕ. Во оваа партија едно се говори, друго се мисли, трето се прави.На Мицкоски не може да му се верува.

The post Кузеска: Ништо не е променето во ВМРО- ДПМНЕ appeared first on Република.

Со мерките и политиките кои СДСМ ги реализира има повеќе за сите.Кога велиме со СДСМ има повеќе за сите бројките силно, јасно и прецизно го потврдуваат тоа.Го реализираме 9-тиот пакет антикризни мерки вреден 662 милиони евра.

Силно поддржуваме 120.000 млади лица, над 74.000 социјално ранливи граѓани, над 187.000 пензионери, 40.000 земјоделци, речиси 540.000 корисници на апликацијата Мој ДДВ, 600.000 домаќинства како и над 70.000 компании.Грижата за сите носи повеќе за сите, рече Богданка Кузеска од СДСМ.

Од независноста до денеска, досега, не се случило толку голема финансиски помош, толку многу пари некоја влада да пренасочи кон граѓаните и компаниите.Ние во СДСМ сме горди на тоа. Само со 9 те пакети ние имаме над 2 милијарди евра пари вратено кај граѓаните.Но, кога велиме дека со СДСМ има повеќе за сите не мислиме само на антикризните мерки, не мислиме само на помошта кога е енергетска криза.Повеќе за сите е и фактот што СДСМ ја покачи минималната плата на 20.000 денари. За разлика од времето на ДПМНЕ кога беше едвај 9.000 денари.

Со СДСМ работниците имаат поголема минимална плата за над 120%. И минималната плата ќе продолжи да расте, затоа што со СДСМ работниците добиваат повеќе.

Повеќе за сите е и тоа што СДСМ ја зголеми просечната плата за 63,5% односно за над 15.000 денари.

Во времето на ДПМНЕ просечната плата беше 22.000 денари а со СДСМ денеска е над 37.000 денари.

Платите ќе продолжат да растат затоа што со СДСМ има повеќе за сите.

Просечната пензија во јануари 2016 година изнесуваше 13.076 денари, а денес е 19.062 денари, што е зголемување за 6,000 денари или за 52,9%. Минималната пензија исто така ја зголемивме за 50%.

И пензиите ќе продолжат да растат затоа што со СДСМ има повеќе за пензионерите.

Со мерката за поврат на ДДВ, досега имаме вратено над 100 милиони евра кај граѓаните. Се повеќе пари ќе завршуваат назад кај граѓаните, со СДСМ има повеќе за сите.

Повеќе за сите не е само политика и мерки, повеќе за сите е посветеност за граѓаните, за подобрување на нивниот животен стандард, но и за иднината на државата.

The post Кузеска: Со СДСМ има повеќе за сите appeared first on Република.

На повидок е антиевропската коалиција на ДПМНЕ и Левица.Во едно интервју Мицкоски јавно кажа дека е за коалиција со Левица додека за вредностите би седнал на маса да преговара.

Во друго интервју пак неговиот партнер Апасиев вели дека се подготвени за преговори со ДПМНЕ и дека сите опции им се отворени, oбвини Богданка Кузеска од СДСМ

Левица е проруска, анти-НАТО и анти ЕУ партија која се поклонува на диктатори како Енвер Хоџа.Радикална десница, вљубена во режим исто како и ДПМНЕ.

Тоа се антиевропските вредности на коалицијата ДПМНЕ и Левица, на Мицкоски и Апасиев.

Одамна е се јасно, сега само се потврдува. На претстојните парламентарни избори ќе имаме два политичка блока.

Првиот проевропски блок, предводен од СДСМ кој се бори за европска иднина, поголеми плати и пензии, подобар животен стандард и европски вредности.

И еден антиевропски блок од ДПМНЕ и Левица кој е за изолација и кој значи економско уназадување, стагнација и оддалечување од европската унија и демократскиот свет.

Граѓаните не сакаат изолација, нови иселувања на младите и неизвесност.

Граѓаните сакаат членство во ЕУ, поголеми плати, подобар животен стандард, сакаат младите својата иднина да ја градат во европска држава, дома, во својата татковина.

Затоа антиевропската коалиција на ДПМНЕ и Левица ги чека пораз од граѓаните на изборите наредната 2024 година.

The post Кузеска: Граѓаните сакаат членство во ЕУ, поголеми плати, подобар животен стандард appeared first on Република.

Извештајот на Европската комисија ги потврди фактите, ДПМНЕ, Мицкоски и Левица се кочничари на напредокот кон ЕУ.Клучниот проблем за извештајот на Европската комисија и забелешките во него е тоа што Собранието е блокирано од страна на опозицијата.Се укажува на потребата да се донесат уставните измени и реформите за ЕУ кои ги блокираат токму Мицкоски ДПМНЕ, вели портаролот Богданка Кузеска

Блокадата на ДПМНЕ и Левица е и за поглавјата кои се однесувата на борбата против корупцијата, што значи ДПМНЕ беше и останува против правдата.Комисијата јасно посочува дека Македонија има прогрес во 81 отсто од поглавјата а нема назадување во ниту едно поглавје.Дополнително, 90 отсто од поглавјата се соодветно ниво на подготвеност.ДПМНЕ заедно со Левица се единствените антиевропски партии кои се најголемите кочничари на европскиот пат на земјата

The post Кузеска за извештајот: ВМРО-ДПМНЕ се кочничари на напредокот кон ЕУ appeared first on Република.

Треба да си Богданка Кузеска од СДС -Струга за да излезеш и збориш за локална власт, а да не смееш да писнеш за Рамиз Мерко и состојбите во Струга!, вели Наум Стоилковски, портпарол на ВМРО ДПМНЕ.

Богданка е од Струга, Мерко градоначалникот во Струга, ставен на АМЕРИКАНСКА МЕЃУНАРОДНА ЦРНА ЛИСТА ЗА КРИМИНАЛ, ама Богданка- си ќути.

Молкот на Богданка стружанката од СДС за Мерко значи дека:
За Богданка, Мерко исполнил ветувања, работи за народот, се е законски, се полни касата од легални градби, сите директори на Мерко се примени согласно пропишаните услови, парите од буџетот Мерко ги троши наменски и домаќински!

А Мерко во Струга е сè, сликата за Македонија, од судство, криминал, корупција, дивоградби, злоупотреба на пари, злоупотреба на положба, до образование на дно, здравство на дно, судски предмети застарени во фиока, судии и обвинители на "ало", ставен на Црна Листа на САД, и уште е градоначалник, ништо не смее да му попречи, а СДС не смее да писне!!!

За Богданка стружанката Кузеска Рамиз Мерко е перфектен градоначалник за кого не може лош збор да каже и со тоа се согласува цело семејство во Струга!

И тоа веројатно и го мисли!
Толку од релевантноста на Богданка Кузевска од Струга во кампањата на СДС против градоначалниците од ВМРО-ДПМНЕ!

Толку и од релевантноста на кампањата на СДС против градоначалниците на ВМРО-ДПМНЕ.
А па и јас сум се распишал, демек некој уште и верува на СДС.
Туку, не поднесувам кич!, пишува Стоилковски.

The post Треба да си Богданка Кузеска од СДС Струга и да зборуваш за локална власт, а да не смееш да писнеш за Рамиз Мерко и состојбите во градот appeared first on Република.

СДСМ е посветена на членството во ЕУ заради граѓаните, за подобар животен стандард, поголеми плати и пензии.

Затоа што нашите граѓаните заслужуваат европски животен стандард.

60% од светскиот БДП се прави во САД и во ЕУ.

ЕУ има единствен пазар од 500 милиони луѓе, што обезбедува голема можност за раст на нашата економија.

Земја членка на ЕУ, во реални пари, има приближно 850 евра дополнителен годишен доход по жител, во текот на една година.Затоа, гласот за уставни измени е глас за земјата да биде со економски, рамо до рамо со најразвиените држави.За само неколку години СДСМ со интеграциските политики успеа значително да ја раздвижи економијата, да ги покачи платите и пензиите, набројува Богданка Кузеска од СДСМ.

Минималната плата од 8.000 денари во време на ДПМНЕ, СДСМ ја покачи на 21.000 денари.Просечната плата СДСМ ја зголеми драстично, од 22.000 денари во време на ДПМНЕ на 37.000 денари.Тоа се 230 евра месечно повеќе во семејниот буџет на работниците во државата.

Во 2016 година сме имале само 338 милиони евра странски инвестиции а со СДСМ во земјава минатата година имаше 753 милиони евра странски инвестиции.  Двојно повеќе.

Со членство во ЕУ сите овие бројки драстично ќе бидат поголеми.

Платите во првите години на земјите членки во ЕУ растат 70-100 проценти.

Тука се и огромните финансиски фондови. Хрватска по членството во ЕУ има добиено 12 милијарди евра од европскиот буџет.

За тоа се бориме за членство во ЕУ, за пристап до фондови, за економски раст, за нови и добро платени работни места, поголеми, европски плати и пензии.

Другата опција е изолација, нови 11 години економска стагнација и тапкање во место, како што го имавме до ДПМНЕ.

Затоа ДА за Европа и ДА за Европа сега. Гласот за Европа во македонското собрание е глас за економски раст и развој, за поголеми плати и пензии.

The post Кузеска: СДСМ се бори за членство во ЕУ заради граѓаните appeared first on Република.

The post Tаче не излезе пред новинарите туку ја прати Богданка: СДСМ формирале работна група за разговори со ВМРО-ДПМНЕ за уставните измени appeared first on Република.

Прес-конференција, Богданка Кузеска, портпаролка на СДСМ

2022 година беше година на предизвици и справување со последиците од глобалната економска и енергетска криза.

Благодарение на навремените и ефикасни мерки преземени од Владата предводена од СДСМ, успеавме да го заштитиме животниот стандард на граѓаните и да им помогнеме на компаниите.

Во оваа, 2023 година, успешните економски мерки и политики ќе продолжат, 2023 година ќе бде година на економски пресврт, во која платите и пензиите ќе продолжат да растат.

Веќе во март месец, следува покачување на пензиите помеѓу шест и седум отсто за сите 330.000 пензионери.

Создадени се услови за ново зголемување на минималната плата за 10 отсто со што таа ќе изнесува безмалку 20.000 денари.

Тоа ќе придонесе за усогласување, односно раст на платите во сите сектори.

Во Буџетот за 2023 година, предвидени се 800 милиони евра за капитални инвестиции со што ќе се поттикне економскиот раст, кој според проценките на ЕБОР оваа година ќе биде околу 2,3 отсто.

Активно се работи на привлекување нови странски директни инвестиции кои отвораат нови добро платени работни места кои ја намалуваат стапката на невработеност.

Во новата 2023 година продолжува и поддршката за граѓаните за справување со последиците од кризата, за што во Буџетот се предвидени 250 милиони евра за нови антикризни мерки.

Почитувани,

СДСМ продолжува со постојана грижа за македонската економија и македонските граѓани.

Продолжуваме со реализација на мерки и политики што го заштитуваат и унапредуваат животниот стандард на сите граѓани.

The post Кузеска: Пензиите пак ќе растат, 2023 година ќе биде подобра appeared first on Република.

„Со брза и навремена реакција на Владата предводена од СДСМ, спречен е ценовен шок за граѓаните и драстично зголемување на цената на струјата. Мобилизирањето на сите домашни капацитети за производство на електрична енергија, придонесе цената на струјата да биде покачена за само 9,48% што е далеку под првичните прогнози од над 25%. Притоа евтината ноќна тарифа на струјата како и евтината тарифа во недела ќе се задржат, а дополнителни рекстрикции нема да има. Дека цената на електричната енергија е глобален проблем потврдуваат и покачувањата на цената на струјата во многу држави, а најизразено е во Турција каде електричната енергија за домаќинствата поскапи за 50 отсто, додека за компаниите и за над 100 отсто. За граѓаните од ранливата категорија, обезбедени се и 60 милиони денари со Програмата за заштита на потрошувачите на електрична енергија“, рече Богданка Кузеска, портпаролка на СДСМ.

„Со оваа мерка ќе се опфатат околу 7.500 домаќинства со ниски примања во времетраење од 12 месеци, кои ќе добијат намалување на месечната сметка за потрошена електрична енергија во износ од 600 денари или 800 денари месечно, во зависност од големината на домаќинството. Економијата е стабилна и ликвидна, државата е подготвена да им помогне на граѓаните и компаниите за надминување и на овој предизвик. И додека Владата предводена од СДСМ е посветена на креирање мерки со кои ќе се намалат последиците од енергетскага криза, ВМРО ДПМНЕ на чело со Христијан Мицкоски, продолжува и во време на криза со лаги, со цел да поттикнат паника кај граѓаните. Мицкоски лажеше дека цената на струјата ќе биде повисока до 40 отсто, тој и ВМРО ДПМНЕ и оваа криза ја користат за евтини политички поени, не водејќи никаква грижа за граѓаните. СДСМ како партија која се грижи за доброто на граѓаните и државата, ќе продолжи со реализација на мерки кои ги ублажуваат последиците предизвикани од енергетската криза“, додаде Богданка Кузеска, портпаролка на СДСМ.

The post Кузеска: Со брза и навремена реакција Владата спречи драстично покачување на цената на струјата appeared first on Република.