„Стара рана“ е насловот на најновата песна во изведба на Боби Павловски. Станува збор за побрза композиција, спакувана во стилот на 80-те години и интересно е дека таа својата официјална промоција ја има на истиот датум како и нумерата „Поносан“.

„Музиката, текстот и аранжманот се на Милан Раѓен мојот веќе проверен соработник кога станува збор за аранжманите на нумерите снимени на српски јазик и, исто така, комплетен автор на „Поносан“ која излезе на истиов ден, пред точно една година. Навистина убава коинциденција и искрено се надевам дека реакциите на публиката и за оваа тема ќе бидат исто толку позитивни“, вели Боби, кој со оваа песна полека го затвора албумот што би требало да биде комплетиран до крајот на летото.

„Стара рана“ инаку доаѓа по одличните „Тамо негде“, „Заблуда“, „Калдрма“, „Самица“, „Поносан“, „Не оклевај“, и и овој пат видеото е со потписот на Tropical Lifeisfun. Кадрите се снимени во Белград, под режисерската палка на Љуба Радојевиќ.

„Презадоволен сум од финалниот производ и искрено верувам дека и „Стара рана“ ќе ѝ се допадне на мојата публика. Едвај чекам да ја отсвирам и отпеам во живо и да ги видам реакциите“, вели Павловски и додава дека септември е месецот кога на својата публика ќе ѝ ја претстави последната песна од албумот снимен на српски јазик.  

https://www.youtube.com/watch?v=ta3oaQ-wicg

The post „Стара рана“- најновата песна на Боби Павловски спакувана во стилот на осумдесеттите appeared first on Република.

По одличните „Заблуда“, „Калдрма“, „Самица“, Метар дана“, „Тамо негде“ и „Не оклевај“ Боби Павловски на јавноста и ја претставува одличната балада со наслов „Поносан“. И оваа тема е снимена на српски јазик и значи продолжение на проектот во чии рамки досега Боби сними шест нумери.

Музиката, текстот и аранжманот за „Поносан“ се дело на Милан Раѓен, а и овој пат за придружните вокали се погрижи колешката од соседството Ивана Селаков. Спотот, пак, е работен со веќе проверените соработници на Павловски Tropical Lifeisfun, под режисерската палка на Љуба Радојевиќ.

Летото е некако резервирано за поведри теми, но јас решив да пуштам една убава балада која уште на прво слушање ми се залепи и за уво и за срце. Верувам дека и мојата публика ќе го препознае истото и дека ќе им се допадне песната“, вели Боби, кому ова лето тешко дека ќе му остане време за одмор, бидејќи агендата со настапи му е преполна. „Не е лесно да се настапува речиси секоја вечер, но верувајте нема ништо поубаво кога на настапите гледаш задоволни лица и кога буквално ми ги пеат песните во еден глас, од прв до последен стих“, додава Павловски.

Видеото за „Поносан“ е снимено на локации во Белград и е интересна љубовна приказна која низ кадри кои се враќаат наназад го прикажува односот меѓу една љубовна двојка.

https://www.youtube.com/watch?v=js3qeS1-DAI&fbclid=IwAR1KM0QmoMn4SWiWvq4sKp3LrsANI8OPTviybihHsoVdpJjT-uHCLTPYagQ

The post Боби Павловски има нова балада appeared first on Република.