Победникот на музичкото шоу „Никад није касно“, Бобан Цаневски пред неколку дена ја промовираше својата најнова песна и тоа на српски јазик. Песната носи наслов „Удри бригу на весеље“, а неа како автори се потпишуваат веќе докажани музички работници. Музиката е дело на Блаже Темелков, текстот го направија Татјана Петровска и Сашо Младеновски, додека аранжманот е исто на Сашо.

Песната е објавена на јутјуб-каналот на „Гранд“ и за само неколку дена таа има преку 30.000 прегледи.

Инаку јавноста за Боби многу дозна откако тој учествуваше во „Никад није касно“, каде успеваше со секоја негова интерпретација да ги остави жирито и публиката со подотворени усти. Токму поради тоа, нашиот Боби заслужено беше и победникот во минатогодишната сезона.

Да бидам искрен, многу работи се променија после „Никад није касно“. Ме дознаа многу луѓе, постојано ме бараат за настапи, приватни прослави и да бидам ме радува тоа. Кога сме кај песната, можеби многумина ќе кажат дека требаше веднаш да извадам песна после финалето, но верувајте дека денеска не е лесно да дојдете до добра песна. Морав да слушнам преку 10 демо-верзии на песни, за на крајот да ја изберам оваа. Се надевам на публиката ќе и се допадне, јас секојдневно добивам само позитивни критки, изјави Цаневски.

https://youtube.com/watch?v=NJTpbgudZB0&feature=shares

Цаневски може да го видите и слушнете во повеќе локали и кафулиња ширум земјата.

The post Слушнете ја „Удри бригу на весеље“ од Бобан Цаневски, победникот на „Никогаш не е доцна“ appeared first on Република.

Скопјанецот Бобан Цаневски влезе во финалето на познатото музичко наптреварување „Никад није касно“ (Никогаш не е доцна) и тоа со маестрална изведба на песната „Доџи“ од прерано починатиот Аки Рахимовски.

Бобан уште во првите секунди ги освои симпатиите на жирикомисијата, која овојпат беше составена од славната пејачка Зорица Брунцлик, Бора Чорба и претседателот на таа жирикомисија, Маре.

Мислев дека ќе стигнам до третиот круг, но еве ме во финале. Ова шоу направи многу за мене, ефектот се гледа. Имам доста работа, ме бараат постојано за свирки, приватни забави, фестивали, изјави Боби пред да излезе на големата сцена и го испее големиот хит на Аки.

После завршувањето на неговиот настап, свој коментар даде и трочлената жирикомисија.

Одлично пеење. Никаде не погреши, има совршен распон на глас, пее како змеј. Пее на свој начин, покојниот Аки и јас требаше да бидеме кумови, но тој пее поинаку од Аки. Сите Македонци имаат слух, искоментира Бора Чорба.

 

Она што мене ме фасцинираше е динамиката. Вие сте еден од ретките кандидати кој ја пее оваа врта музика, а да внимава на динамиката, беше коментарот на Зорица.

 

Јас не знам многу вакви песни во поп-рок жанрови, но ова е една од најтешките, бидејќи пејачот мора да покаже се што знае, а Боби го покажа тоа. Апсолутно брилијантно, јас уживав и навивав за тебе, искоментира Маре.

Погледнете го неговиот настап и влез во финалето:

https://youtu.be/GnthSItOQQ0?t=8468

The post Бобан Цаневски влезе во финалето на „Никад није касно“, Аки Рахимовски би бил горд кога би го слушнал како пее! appeared first on Република.

Познатата српска ѕвезда Тања Савиќ не можеше да ги задржи солзите во емисијата „Никад није касно“, кога нашиот натпреварувач Бобан Цаневски (45) го пееше големиот хит на Здравко Чолиќ - „Као моја мати“.

Бобан воодушеви на големата сцена, а неговото емотивно пеење не ја допре само Тања, туку и водителот Жика Јакшиќ, како и целата публика во студиото. По завршувањето на неговиот настап жири-комисијата не штедеше пофални зборови за интерпретацијата на Боби.

Бобане, јас многу ја сакам Македонија, многу го сакам Скопје. Ти вечерва ме погоди со оваа песна, дури и солзи ми потекоа кога кажа: „Кад ти једном срце сломе, не верујеш никоме“...
Доста години имам, доста кустоси имам запознаено, но мислам дека сте најдобриот пејач - кустос кој сум ги запознал, беше коментарот на Франо Ласиќ.

Бобане, ми ја расплака Тања, јас не знам што да ти кажам. Можеби треба да направиме пауза со снимање, кажа познатиот композитор Маре.

Цаневски после овој настап оди директно во следниот круг од ова големо музичко натпреварување.

Инаку Бобан веќе долги години настапува во познати ресторани, кафулиња и клубови и помеѓу публиката важи како еден од најдобрите „мајстори“ за ноќните забави.

The post Тања Савиќ не можеше да ги сопре солзите кога запеа нашиот Бобан Цаневски appeared first on Република.