Американскиот актер и комичар Боб Сагет починал од повреда на главата, за која веројатно не верувал дека е опасна, објави неговото семејство.

Сагет беше пронајден мртов во неговата хотелска соба на 9 јануари во Орландо, Флорида, еден ден по стенд-ап настапот во близина на Џексонвил.

Властите заклучија дека Боб починал од повреда на главата. Констатирано е дека случајно се удрил во задниот дел од главата, мислел дека не е ништо опасно и отишол да спие, соопшти неговото семејство.

Инспекторите претходно негираа дека Сагет умрел од предозирање или дека бил убиен, туку од почеток веруваа дека се работи за срцев или мозочен удар.

Погребот на ѕвездата од „Полна куќа“ и „Најсмешните американски видеа“ се одржа на 14 јануари во Лос Анџелес.

The post Го удрил тилот, но мислел дека не е ништо и легнал да спие – откриена причината за смртта на Боб Сагет appeared first on Република.

Американскиот комичар и актер Боб Сагет, најпознат како Дени Танер од „Полна куќа“ и водител на „Најсмешните американски видеа“, ненадејно почина на 65-годишна возраст.

Со длабока тага потврдуваме дека нашиот сакан Боб почина денеска. Тој ни беше сè. Сакаме да знаете колку многу ги сакаше своите обожаватели, настапите во живо и зближувањето на различни луѓе преку смеата. Иако замолуваме за приватност во овие тешки моменти, ве покануваме да ни се придружите во сеќавањата на љубовта и смеата кои Боб му ги донесе на светот, се вели во изјавата на неговото семејство за „Си-Ен-Ен“.

Сагет беше пронајден мртов во хотелска соба во „Риц Карлтон“ во Орландо, потврдија од канцеларијата на шерифот од Оранџ Каунти.

Маж идентификуван како Роберт Сагет беше прогласен за мртов на лице место. Детективите не пронајдоа траги на насилство, ниту употреба на дрога, се вели во соопштението.

Телото ќе биде предадено на обдукција, за да се утврдат причините за смртта.

Сагет имаше настап во Флорида како дел од неговата стенд-ап тура низ САД.

The post Ненадејно почина комичарот и актер Боб Сагет appeared first on Република.