АД прават неверојатни трошоци поради нивната преголема зависност од Русија за нуклеарно гориво. Со цел да се реши овој проблем, Америка планира да го зголеми производството на збогатен ураниум, наведува Блумберг.

Советникот за нуклеарна енергија на Белата куќа, Пранај Вади и извршната директорка на „Уренко“, Карен Фили истакнаа дека не само САД туку и целиот свет се премногу зависни од Русија во областа на нуклеарното гориво.

Според податоците на Блумберг, фабриката „Уренко“ која се наоѓа на територијата на американската сојузна држава Ново Мексико обезбедува околу една третина од потребите на САД за збогатен ураниум и е во процес на зголемување на производството за 15 отсто.

Според Фили, зголемувањето на капацитетот ќе биде завршено во 2027 година. Таа изјави дека тоа заедно со зголемувањето на капацитетот на главната компанија во Европа ќе биде доволно за покривање на уделот на „Росатом“ на американскиот пазар.

Таа не откри детали за тоа како може да се заобиколат санкциите.

- Ние сме разумно решение за САД. Зголемувањето на производството од „Уренко“ ќе биде доволно за да се покрие секој увозен дефицит од Русија, посочи Фили.

Поранешниот заменик-секретар за енергетика на САД, а сега главен извршен директор на корпорацијата за производство на збогатен ураниум за користење на нуклеарната станица „Центрус енерџи“, Ден Паунман оцени дека зголемувањето на капацитетот на централата „Уренко“ во САД за 15 проценти не се доволни за напојување на светските реактори.

The post Блумберг: САД се премногу зависни од руското нуклеарно гориво appeared first on Република.

Магазинот „Политико“ и агенцијата Блумберг очекуваат дека ќе биде тешко да се формира нова влада во Бугарија по вчерашните предвремени парламентарни избори. И според двата американски медиуми, на долготрајната политичка криза во оваа балканска земја не и се гледа крај, јави БТА.

На изборите победи партијата ГЕРБ на поранешниот премиер Бојко Борисов, но се уште е многу нејасно дали поранешниот карате шампион со нарушен имиџ ќе успее да формира влада, забележува Политико. Тоа беа четврти парламентарни избори во Бугарија за 18 месеци и сега Борисов ќе треба да се обиде да формира владина коалиција во многу фрагментиран политички пејзаж. Сепак, потребата за формирање влада само ќе биде комплицирана од „токсичната репутација“ на поранешниот премиер, коментира „Политико“ и потсетува на протестите против неговата влада во 2020 година.

И покрај неговата често пријатна врска со Кремљ и руските енергетски компании, поранешениот бодигард се обидува на овие избори да се претстави како проевропски атлантист, забележуваат американскиот медиум кој ги гледа природните сојузници на ГЕРБ во второпласираната проевропска и про-НАТО коалиција „Продолжување со промените“, предводена од поранешниот премиер Кирил Петков и во антикорупциската формација „Демократска Бугарија“. И двете политички сили, сепак, сметаат дека Борисов е персонификација на проблемите на земјата и е многу мала веројатноста да се согласат да соработуваат со ГЕРБ доколку тој не се повлече од политиката.

Доколку поранешниот премиер не успее да најде излез од ќорсокакот, претседателот Румен Радев најверојатно ќе назначи преодна влада до одржување на нови предвремени избори за неколку месеци. Сепак, сопствената позиција на Радев за Русија се смета за двосмислена, забележува Политико.

Според агенцијата Блумберг, се појавува политичка парализа и покрај првото место на партијата на Борисов. Коалицијата предводена од Петков беше втора, но и таа нема јасен пат до мнозинство. Долготрајната неизвесност може да ја доведе во тешка позиција најсиромашната земја од ЕУ, предупредуваат американскиот медиум.

The post „Политико“ и „Блумберг“: ГЕРБ победи, ама пак тешко ќе оди формирањето на влада во Бугарија appeared first on Република.

Националната валута на Русија зајакна на Московската берза на околу 63 рубли за долар, за првпат достигнувајќи го нивото на почетокот на февруари 2020 година, додека во однос на еврото достигна нов петгодишен максимум.

Рублјата се стабилизира на 63,32 рубли за долар, откако претходно го достигна нивото од 62,6250, најсилното од 5 февруари 2020 година. Сепак, банките нудат многу послаб курс за купување рубли, пренесува Ројтерс.

На почетокот на денешната сесија руската валута скокна во однос на еврото на 64,9425 рубли, што е нејзин најсилен курс од средината на 2017 година, но подоцна во текот на тргувањето падна за 0,8 отсто на 65,80 рубли за евро.

Според агенцијата Блумберг, оваа година рублјата стана најуспешната валута во светот, поддржана од контролата на капиталот што Русија ја воведе на крајот на февруари со цел да го заштити финансискиот сектор и да го спречи одливот на девизи поради западните санкции. наметнати поради нападот на Москва врз Украина.

Според њујоршката агенција, рублјата во однос на американскиот долар зајакнала за повеќе од 11 отсто од почетокот на годината. На меѓународниот девизен пазар курсот на рублјата порасна уште повеќе, за околу 12 отсто.

Зајакнувањето на рублјата беше поттикнато од одлуката на монетарниот регулатор дека компаниите фокусирани на извоз мора да ги претворат своите девизни приходи во домашна валута, додека побарувачката за девизи беше ограничена бидејќи увозот во Русија опадна поради логистичките нарушувања и острите западни санкции.

Во четвртокот, претседателот Владимир Путин го посочи растот на рублјата како пример за добрите резултати на Русија под санкции.

The post Блумберг: Рублјата е најуспешната валута во светот оваа година appeared first on Република.

Блумберг ЛП (Bloomberg LP), матичната компанија на Блумберг њуз, ја прекинува работата во Русија и во Белорусија поради воведените санкции. Но, медиумскиот проект на Блумберг ќе продолжи со работа, се наведува во соопштението на компанијата.

Клиентите во Русија и во Белорусија нема да имаат пристап до ниту еден од финансиските производи на Блумберг.

Во согласност со меѓународните санкции, голем број руски функции за тргување со хартии од вредност се деактивирани, руските акции се отстранети од глобалните берзански индекси на Блумберг, а обврзниците на земјата се отстранети од индексите со фиксен приход при ребалансот на крајот на месецот.

Уште на 4 март, Блумберг соопшти дека престанал да известува од Русија по законот воведен од Путин со кој се затвораат вестите кои владата ги опиша како „лажни“ согласност со меѓународните санкции, голем број руски функции за тргување со хартии од вредност се деактивирани, руските акции се отстранети од глобалните берзански индекси на Блумберг, а обврзниците на земјата се отстранети од индексите со фиксен приход при ребалансот на крајот на месецот.

The post Блумберг престанува со работа во Русија и во Белорусија appeared first on Република.