Државниот секретар на САД, Ентони Блинкен на Асоцијацијата на земји од Југоисточна Азија (АСЕАН) во Виетнам изрази загриженост поради тешката ситуација на жителите во Појасот Газа и конфликтот на Блиски Исток.

Тој истакна дека САД прават сè што е во нивна моќ за да спречи ескалација на насилството.

Вниманието на САД, и тоа е така веќе една година, е насочено токму на ова: да се спречи ескалација на овие конфликти. Секој ден работиме на тоа, посочи Блинкен, додавајќи оти Вашингтон е во директна комуникација со Израел, во која ја нагласуваат потребата да се обезбедат хуманитарните потреби на жителите на Газа.

Тој наведе и дека Израел има право да се брани од нападите на Хезболах. Според него, Тел Авив има интерес да создаде услови за десетици илјади раселени жители во јужен Либан да се вратат во своите домови.

Од витално значење е, додека се прави ова, напорите да се фокусираат на заштита на цивилите за да не бидат фатени во вкрстен оган, истакна Блинкен.

The post Блинкен: САД се обидуваат да спречат ескалација на насилството на Блиски Исток appeared first on Република.

Високиот претставник на Европската унија (ЕУ) за надворешна политика и безбедност, Жозеп Борел, денеска предупреди дека целиот Блиски Исток е на „работ на целосен пожар што меѓународната заедница се чини не може да го контролира“.

На годишнината од нападот на Хамас врз Израел и почетокот на војната во Газа, Борел рече дека „ситуацијата само се влошува“.

Луѓето во регионот се понесигурни од кога било и паднаа во бескрајна спирала на насилство, омраза и одмазда, објави Борел.

Тој рече дека ЕУ „жали и отфрла“ каква било ескалација на насилството на Блискиот Исток, вклучително и ракетниот оган на Хезболах, израелското бомбардирање на Либан, раселувањето на над еден милион Либанци и 60.000 Израелци, зголемените тензии поради иранските ракетни напади и „загрижувачките“ случувања. на Западниот Брег.

Тој посочи дека воените операции и оружјето меѓу сите страни нема да „донесат иднина на народот на Израел или на народот на Палестина“.

„Само политичко решение ќе донесе мир, безбедност и просперитет“, рече Борел.

The post Шефот на европската дипломатија: Блискиот исток е на работ на целосен пожар appeared first on Република.

САД испраќаат неколку илјади дополнителни војници на Блискиот Исток за да ја зајакнат регионалната безбедност и да бидат подготвени да го одбранат Израел доколку е потребно, соопшти денеска Пентагон.

-Зголеменото присуство ќе дојде во форма на неколку борбени ескадрили, рече портпаролката на Пентагон Сабрина Синг.

Дополнителните сили што САД ќе ги испратат во регионот се ескадрили од борбени авиони F-15E Strike Eagle, F-16, A-10 и F-22 и персоналот за поддршка потребен за нив. Во принцип има ротација на авиони и таму ги заменуваат ескадрилите, но сега и претходните и новите ќе останат во регионот.

-Авионите нема да бидат назначени за евакуација, рече Синг. Тие ќе бидат таму за да ги заштитат американските сили, додаде портпаролката

The post САД испраќаат неколку илјади дополнителни војници на Блискиот Исток appeared first on Република.

Шефовите на дипломатиите на членките на Групата седум индустриски развиени земји (Г7) и високиот претставник на ЕУ за надворешна политика и безбедност, Жосеп Борел ги повикаа сите инволвирани страни на Блискиот Исток да се воздржат од продолжување на тековниот деструктивен циклус на одмазднички насилство, да ги намалат тензиите и конструктивно да се ангажираат кон деескалација на состојбата.

Ние, министрите за надворешни работи на Канада, Франција, Германија, Италија, Јапонија, Велика Британија и САД и високиот претставник на ЕУ, ја изразуваме нашата длабока загриженост поради зголеменото ниво на тензии на Блискиот Исток, што се заканува да разгори поширок конфликт во регионот, се наведува во изјавата на шефовите на дипломатиите на Г7 во врска со најновиот развој на настани на Блискиот Исток.

Како што соопшти Европската служба за надворешни работи, во изјавата во која се апелира за прекин на насилството, се додава и дека ниту една земја или нација нема да имаат корист од понатамошната ескалација на состојбата на Блискиот Исток.

Тензиите на Блискиот Исток, кои се зголемија по нападот на припадници на Хамас врз Израел во октомври минатата години и одмаздничката акција на израелските сили во Појасот Газа и неколкуте поединечни напади низ земји во регионот, минатата недела дополнително ескалираа со убиството на лидерот на Хамас, Исмаил Ханија во Техеран, кое им се припишува на агенти на израелската тајна служба Мосад.

The post Г7 повика на запирање на деструктивниот циклус на насилство на Блискиот Исток appeared first on Република.

Американскиот државен секретар, Ентони Блинкен, пристигна на Блискиот Исток со надеж дека ќе се постигне прекин израелските напади во Газа и на огнот меѓу Израел и палестинската група Хамас.

Блинкен се сретна со египетскиот претседател Абдел Фатах ел Сиси во Каиро, а во текот на денот треба да се сретне и со израелскиот премиер Бенјамин Нетанјаху во Израел.

Пред неговото патување, Израел продолжи со нападите во централниот и јужниот дел на Појасот Газа.

Пред пристигнувањето на Блинкен, високиот функционер на Хамас, Сами Абу Зухри, ја повика американската администрација да изврши притисок врз Израел да ја прекине војната во Газа.

Хамас е подготвен да се вклучи во секоја иницијатива што обезбедува крај на војната“, изјави тој.

Војната влезе во деветтиот месец, а во израелските напади врз Појасот Газа досега загинаа повеќе од 37.000 Палестинци.

The post Блинкен пристигна на Блискиот Исток, првата средба ја има во Каиро appeared first on Република.

Претседателот на Турција, Реџеп Таип Ердоган, изјави дека израелскиот премиер Бенјамин Нетанјаху и неговата влада се единствено одговорни за ескалацијата на тензиите на Блискиот Исток.

Израел се обидува да предизвика регионален конфликт, а неговиот напад врз иранската амбасада во Дамаск беше последната капка, изјави Ердоган на прес-конференција во Анкара по состанокот на владата.

Ердоган додаде дека се можни нови регионални конфликти сè додека продолжуваат „суровоста и геноцидот“ во Газа и ги повика сите страни да дејствуваат разумно. Тој, исто така, го критикуваше Западот што го осуди иранскиот, но не и израелскиот напад врз иранската амбасада.

The post Ердоган: Нетанјаху е единствениот виновен за тензиите на Блискиот Исток appeared first on Република.

Рускиот претседател Владимир Путин телефонски разговарал со својот ирански колега Ибрахим Раиси за „заострената“ ситуација на Блискиот Исток до која дојде по израелскиот напад врз Иранскиот конзулат во Дамаск и одговорот на Иран со нападот викендов.

Путин изразил надеж дека сите страни ќе покажат разумна воздржаност и нема да дозволат нова рунда конфронтации, што би можело да има катастрофални последици за целиот регион. Раиси, пак, посочил дека акциите на Иран биле изнудени и ограничени по природа, соопштија од кабинетот на Путин.

Се додава дека разговорите се одвивале на иницијатива на иранската страна.

Раисил рекол и дека Иран не е заинтересиран за понатамошна ескалација на тензиите.

Лидерите се согласиле дека главната причина за актуелните настани на Блискиот Исток е нерешениот палестинско-израелски конфликт и во тој контекст потврдиле дека Москва и Техеран се посветени на итен прекин на огнот, олеснување на тешката хуманитарна ситуација и создавање услови за политичко и дипломатско решение на кризата.

Путин и Раиси изразиле желба за развој на билатералните односи меѓу двете земји. Путин на Раиси и на муслиманите во Иран им го честитал завршувањето на светиот месец Рамазан.

The post Неопходна е итна деескалација: Путин разговара со иранскиот претседател за состојбата на Блискиот Исток appeared first on Република.

Франшизата на „Старбакс“ на Блискиот Исток почна да отпушта околу 2.000 работници во регионот, објави „Ројтерс“. Светски познатиот бренд, стана цел на активисти за време на војната меѓу Израел и Хамас која почна на 7 октомври 2023 година.

Работниците ќе бидат отпуштени на локации на Блискиот Исток и Cеверна Африка. „Алшаја груп“ со седиште во Кувајт, е приватна компанија која има права на франшиза за многу познати западни компании како „Чизкејк фактори“, „Ејч енд Ем““ и „Шејк Шек“.

Многу од работниците на списокот за отпуштања се странски работници од азиските земји. „Алшаја“ има околу 1.900 филијали на „Старбакс“ во Бахреин, Египет, Јордан, Кувајт, Либан, Мароко, Оман, Катар, Саудиска Арабија, Турција и Обединетите Арапски Емирати.

Како резултат на континуираните предизвикувачки услови за тргување во последните шест месеци, донесовме тажна и многу тешка одлука да го намалиме бројот на колеги во нашите продавници на „Старбакс МЕНА“. Немаме политичка агенда. Не ги користиме нашите профити за да финансираме какви било владини или воени операции каде било, ниту никогаш сме финансирале“, се вели во соопштението на „Старбакс“.

The post Светски познатото кафуле дели откази на Блискиот Исток – брендот се најде на мета на активисти поради војната во Газа appeared first on Република.

Треба да ги фокусираме сите наши напори да можеме да го спречиме ширењето на кризата и во други региони, кои по дефиниција се особено ранливи, како што се Либан и Црвеното Море, каде што веќе поминуваме низ период на растечката тензија во безбедноста на поморството, порача министерот за надворешни работи на Грција Јоргос Герапетритис во изјава за државната телевизија ЕРТ по завршувањето на неговата посета на Јордан, јави дописничката на МИА од Атина.

Шефот на грчката дипломатија посочи дека на средбите со неговите домаќини акцентот бил ставен на прашањата поврзани со ситуацијата на Блискиот Исток и хуманитарната криза, како и на придонесот на Грција во решавањето на проблемот.

- Грција, која е силна членка на Европската Унија, припаѓа на поширокиот регион на Источниот Медитеран, има можност да разговара со инволвираните и е една од ретките земји што ја има оваа можност, токму поради тоа што има стекнато дипломатски капитал, поради надворешната политика што ја води и е базирана на принципи. Во позиција сме да имаме креативна и суштинска интервенција во прашањето на Блискиот Исток. Се согласивме следните чекори да бидат координирани меѓу Грција и Јордан, заедно со другите земји од арапскиот свет, кои во моментов се во првите редови на дискусијата, истакна Герапетритис.

Тој додаде дека неопходно е да се прошират и консолидираат каналите за хуманитарна помош во Газа, но и да започне дискусија за изнаоѓање решение.

The post Герапетритис: Грција е во позиција да има креативна и суштинска интервенција во прашањето на Блискиот Исток appeared first on Република.

Рускиот амбасадор во ОН, Василиј Небензја, изјави дека на Блискиот Исток се случува катастрофа од „библиски размери“, додавајќи дека „никакви хуманитарни паузи нема да помогнат“.

Степенот на загубите на агенциите на Обединетите нации е шокантен. Најголемата болница во Газа е под закана, девет болници се неупотребливи, а бројот на цивилни жртви се зголемува бидејќи Газа е отсечена од остатокот од светот , рече Небензја на итна седница на Советот за безбедност на ОН во врска со хуманитарната ситуација во Појасот Газа. Тој додаде дека во областа влегле само 94 камиони со хуманитарна помош

Небензја рече дека САД и Израел сакаат да ги истребат жителите на Газа или да ги избркаат од Појасот и да го асимилираат остатокот од палестинското население во Израел.

Војната меѓу Израел и Хамас се шири во Сирија, поттикната од растечката нестабилност, насилството и недостатокот на напредок кон политичко решение на 12-годишниот конфликт, изјави специјалниот пратеник на ОН Геир Педерсен. Тој пред Советот за безбедност изјави дека со насилството во сирискиот конфликт, населението во земјата сега се соочува со „застрашувачка перспектива за потенцијална поширока ескалација“ по нападите на Хамас врз Израел на 7 октомври и израелската воена одмазда.

Војната што се прелева во Сирија веќе не е само ризик, таа веќе започна, рече претставникот на ОН за Сирија.

Два вооружени беспилотни летала ја нападнаа ирачката воздухопловна база Аин ал Асад, во која се сместени американските сили, но нема жртви или штети, изјавија безбедносни и владини извори во Багдад.

Во понеделникот со четири ракети од типот „Каќуша“ беше извршен напад врз воздухопловната база Аин ал Асад, каде што се стационирани американски и други меѓународни сили во западен Ирак. Ракетите биле истрелани од пустинска област на околу 25 километри северно од базата, а ирачките безбедносни сили започнале потрага по напаѓачите, соопштија два безбедносни извори.

Израелските одбранбени сили (ИДФ) објавија дека изминатиот ден биле погодени околу 300 цели на палестинската милитантна група Хамас. ИДФ наведува дека нејзините членови убиле „многубројни терористи на Хамас“ во битки со, како што е наведено, „терористички ќелии“ кои кон нив „истрелале противтенковски ракети и митралези“.

Израелскиот премиер Бенјамин Нетанјаху изјави дека Израел влезе во третата фаза од војната против Хамас.

Палестинското милитантно движење Хамас објави дека неговите борци возвраќаат со тешко пешадиско оружје и противтенковски ракети на израелските сили во северниот и јужниот дел на Газа, кои од утринава го напаѓаат главниот град на енклавата.

Израел во последните денови ги прошири копнените операции во Појасот Газа, напредувајќи кон градот Газа од два правци и обидувајќи се да го „пресече“ појасот на два дела со тенкови.

Очевидци изјавија дека израелските сили во понеделникот го нападнале главниот пат север-југ во Појасот Газа и го нападнале градот Газа од два правци.

Обединетите нации најавија дека е неопходно да се отвори уште еден граничен премин за испорака на хуманитарна помош во Појасот Газа.

„Потребен е повеќе од еден граничен премин за да се достави хуманитарна помош до опколениот Појас Газа, а Керем Шалом, кој е под контрола на Израел, е единствениот премин опремен за брзо обработување на доволно голем број камиони“, рече високата функционерка на ОН Лиза Даутен. Таа додаде дека настаните што се случија од 7 октомври, кога палестинската милитантна група Хамас го нападна Израел, се „ништо помалку од поразителни и потресни“.

Амбасадорката на САД во Обединетите нации, Линда Томас Гринфилд, го повика поделениот Совет за безбедност на ОН да се обедини, во време кога „хуманитарната криза во Газа од ден на ден станува се пострашна“.

The post Прелевањето на војната во Сирија веќе почна: На Блискиот Исток има катастрофа од библиски размери appeared first on Република.

Рускиот претседател Владимир Путин на средбата со руските верски поглавари изјави дека не е во ред невини жени, деца и старци во Газа да се казнуваат заради туѓите злосторства, јавија британските медиуми.

Нашата главна задача е да се запре крвопроливањето и насилството. Во спротивно, натамошната ескалација на кризата може да доведе до уште потешки, исклучително опасни и деструктивни последици. И не само за Блискиот Исток. Судирот би може да се прелее подалеку од границите на Блискиот Исток, рече Путин. 

The post Путин: Судирот на Блискиот Исток може да се прошири appeared first on Република.

Претседателот на САД Џозеф Бајден допатувал вчера во својата прва посета на Блискиот Исток, во текот на која ќе ги посети Израел, Западниот брег и Саудиска Арабија. Турнејата на Бајден има две цели - да ги увери израелските и саудиските власти дека Америка и натаму спречува нуклеарно вооружување на Иран, како и да ја придобие поддршката од арапските земји во сојузот против Русија, поради инвазијата на Украина.

Ерусалимска декларација

Турнејата на Бајден почнала кога во околу 15:30 часот по локално време неговиот претседателски авион слетал на меѓународниот аеродром "Бен Гурион" кај Тел Авив. Таму го дочекале претседателот на Израел Исак Херцог и премиерот Јаир Лапид.

Израелските службеници најавиле дека иранскиот нуклеарен програм ќе биде во фокусот на нивните разговори со претседателот на САД. Бајден се обидува да го оживее нуклеарниот договор со Иран за кој посредувал Барак Обама во 2015-та година, а Доналд Трамп го напуштил три години подоцна, што Израел го поздравил бидејќи остро се противел на тој документ.

Индиректните преговори за повторното влегување во договорот сега се во застој, додека Иран успешно ја развива својата нуклеарна програма. Иран им е потребен на САД и поради нафтата, по ембаргото кое и е воведено на Русија на "црното злато". Бајден во Ерусалим ќе го посети меморијалниот центар на Холокаустот "Јад Вашем", ќе му биде претставен новиот израелски противракетен систем за одбрана "Железен воздух", а ќе биде одликуван и со претседателски медал на честа. Домаќините најавиле и усвојување на Ерусалимска декларација, во која двете страни ќе заземат остар став кон иранската нуклеарна програма. Со палестинските службеници Бајден ќе се состане на Западниот брег.

Мировните преговори меѓу Израел и Палестина не се високо на агендата овој пат. „Многу сме внимателни во поставувањето на целите на Блискиот исток. Претходно администрациите многу ветуваа и се трудеа, но тоа беше само губење на време, ресурси и инвестиции. Ако започнеме мировни преговори, никој нема да дојде на масата“, рекол американски службеник кој сакал да остане анонимен. Од Тел Авив Бајден директно ќе одлета за Џеда.

Црно злато

Таму Бајден ќе се состане со саудискиот крал Салман и престолонаследникот Мухамед бин Салман и ќе присуствува на Советот за соработка на земјите од Заливот. Освен иранската нуклеарна програма, на состанокот со лидерите на Бахреин, Кувајт, Оман, Катар и ОАЕ, како и Египет, Иран и Јордан, кои не се членови на овој Совет, главна тема ќе биде зголемување на производството на нафта.

САД сакаат со зголемување на производството да се намали цената на пазарот за рускиот приход од извозот на "црното злато" исто така да биде намален, со што би се испразнила касата на Кремљ за водење на војна во соседна Украина. Меѓутоа, на државите од Персискиот залив им одговара висока цената на нафтата, бидејќи го полнат буџетот и помирно го очекуваат расплетот на судирот во Украина, како и економската криза во вид на рецесија која веќе ја има во САД, Европа и земјите кои и воведоа санкции на Русија.

The post Бајден од арапските земји ќе бара да го зголемат производството на нафта за да ѝ се нанесе удар на Русија appeared first on Република.

]]>

Претседателот на САД Џозеф Бајден допатувал вчера во својата прва посета на Блискиот Исток, во текот на која ќе ги посети Израел, Западниот брег и Саудиска Арабија. Турнејата на Бајден има две цели - да ги увери израелските и саудиските власти дека Америка и натаму спречува нуклеарно вооружување на Иран, како и да ја придобие поддршката од арапските земји во сојузот против Русија, поради инвазијата на Украина.

Ерусалимска декларација

Турнејата на Бајден почнала кога во околу 15:30 часот по локално време неговиот претседателски авион слетал на меѓународниот аеродром "Бен Гурион" кај Тел Авив. Таму го дочекале претседателот на Израел Исак Херцог и премиерот Јаир Лапид. Израелските службеници најавиле дека иранскиот нуклеарен програм ќе биде во фокусот на нивните разговори со претседателот на САД. Бајден се обидува да го оживее нуклеарниот договор со Иран за кој посредувал Барак Обама во 2015-та година, а Доналд Трамп го напуштил три години подоцна, што Израел го поздравил бидејќи остро се противел на тој документ. Индиректните преговори за повторното влегување во договорот сега се во застој, додека Иран успешно ја развива својата нуклеарна програма. Иран им е потребен на САД и поради нафтата, по ембаргото кое и е воведено на Русија на "црното злато". Бајден во Ерусалим ќе го посети меморијалниот центар на Холокаустот "Јад Вашем", ќе му биде претставен новиот израелски противракетен систем за одбрана "Железен воздух", а ќе биде одликуван и со претседателски медал на честа. Домаќините најавиле и усвојување на Ерусалимска декларација, во која двете страни ќе заземат остар став кон иранската нуклеарна програма. Со палестинските службеници Бајден ќе се состане на Западниот брег. Мировните преговори меѓу Израел и Палестина не се високо на агендата овој пат. „Многу сме внимателни во поставувањето на целите на Блискиот исток. Претходно администрациите многу ветуваа и се трудеа, но тоа беше само губење на време, ресурси и инвестиции. Ако започнеме мировни преговори, никој нема да дојде на масата“, рекол американски службеник кој сакал да остане анонимен. Од Тел Авив Бајден директно ќе одлета за Џеда.

Црно злато

Таму Бајден ќе се состане со саудискиот крал Салман и престолонаследникот Мухамед бин Салман и ќе присуствува на Советот за соработка на земјите од Заливот. Освен иранската нуклеарна програма, на состанокот со лидерите на Бахреин, Кувајт, Оман, Катар и ОАЕ, како и Египет, Иран и Јордан, кои не се членови на овој Совет, главна тема ќе биде зголемување на производството на нафта. САД сакаат со зголемување на производството да се намали цената на пазарот за рускиот приход од извозот на "црното злато" исто така да биде намален, со што би се испразнила касата на Кремљ за водење на војна во соседна Украина. Меѓутоа, на државите од Персискиот залив им одговара висока цената на нафтата, бидејќи го полнат буџетот и помирно го очекуваат расплетот на судирот во Украина, како и економската криза во вид на рецесија која веќе ја има во САД, Европа и земјите кои и воведоа санкции на Русија.

The post Бајден од арапските земји ќе бара да го зголемат производството на нафта за да ѝ се нанесе удар на Русија appeared first on Република.

]]>