Конфедерацијата на слободни синдиката (КСС) ја поздравува одлуката за зголемување на минималната плата на 22.567 денари од март годинава, но изразува загриженост во делот на усогласувањето на минималните плати согласно колективните договори.

Кога се работи за почитување на Законот за покачувањето на платите на функционерите, нема проблем и тој мора да се почитува, но кога станува збор за Законот за минимална плата има проблем да се спроведува и за него има различни толкувања, изјави претседателот на КСС Благоја Ралповски на прес-конференција.

Според него, во минатите усогласувања на платите низ годините законите не биле целосно испочитувани и бара тоа да не се повтори и овој пат.

Кога ќе ги прашате за членот 8 од Законот за минимална плата велат па не знаем дали важи или не важи, а целата правна наука во Македонија им кажа дека важи, рече Ралповски и додаде дека не знае што уште е потребно да се направи.

Како што истакна тој, очигледно е дека треба да почнат да се пуштаат кривични пријави поради кршењето на законите.

Кажуваа дека доколку не го почитувале Законот за именувани и избрани лица ќе одговарале кривично. Сега да ги прашам дали ги почитуваат законите со кои на работникот во Македонија треба да му се усогласи платата, а да не зборуваме за покачување што ни следи со колективните договори, рече Ралповски.

Смета дека е спорно тоа што четирите закони за административните службеници, со кои, според него, се укинува минималната плата, повторно биле ставени на пленарна седница во Собранието и ги повика пратениците да не ги гласаат.

Изминативе шест-седум години платите беа усогласени некаде само два пати, а некаде три пати, а оние претходни години кога се покачуваше платата немаше усогласување во ниту еден сектор. Апелирам пратениците во Собранието да се издигнат над партиските директиви и да излезат во пресрет на работниците во Македонија и законите да бидат отфрлени на собраниска седница, потенцира Ралповски.

The post Ралповски: Има проблем да се спроведува усогласувањето на минималните плати согласно колективните договори appeared first on Република.

Конфедерацијата на слободни синдикати (КСС) денеска на конгрес го избира новото раководство, а единствен кандидат за претседател е досегашниот претседател Благоја Ралповски.

Очигледно се задоволни од она што се случуваше во изминатите години. Мислам дека синдикатот го издигнавме на едно повисоко ниво и докажавме дека синдикалното организирање не е мртво, туку напротив го оживеавме и работниците се повеќе веруваат во синдикатот - изјави Ралповски пред почетокот на 5. Конгрес.

Она што останува предизвик за новото раководство на синдикатот ќе биде обештетувањето на синдикалниот имот, борбата за почитување на законите и колективните договори и решавање на судските спорови за работни односи во разумен рок.

Споровите траат предолго. Работниците се заморуваат и финансиски се исцрпуваат. Затоа, бараме од Владата, пред се судските спорови од работен однос да бидат судени во разумен рок, односно согласно Законот – шест месеци на првостепен суд и три месеци на второстепен суд - истакна Ралповски.

Претседателот на КСС се избира на конгрес и има мандат од пет години со можност за повторен избор.

The post КСС избира ново раководство, Ралповски единствен кандидат за уште еден мандат appeared first on Република.

Претседателот на КСС Благоја Ралповски на денешниот протест пред Собранието изјави дека голем број административни работници се соочуваат со огромни притисоци поради штрајкот.

Има голем страв и да излегуваат на улица. Се јавуваат, добиваме голем број повици, претседателите на синдикатите го кажуваат. Притисоци дека можат да ги загубат работните места. Тоа е главна причина зошто денеска сме тука во мал број - кажа Ралповски, при што информира дека поради таа причина се прекинува денешниот протест.

Според него, во текот на вечерните часови ќе има итен состанок во Синдикатот, на кој ќе се одлучува за следните мерки, по што утре ќе излезат со повеќе информации.

Претходно КСС најавија дека ќе протестираат се додека не бидат исполнети нивните барања за усогласување на платите со минималната плата.

Бараме да се усогласат платите во јавниот сектор согласно покачувањето на минималната плата, а не како што е направено со Законот за административни службеници со кој платите се покачуваат од 100 до 200 денари. Дел од јавната администрација се претвори во социјална категорија, доведена е на прагот на преживување во услови на секојдневен раст на цените и растечка инфлација Така што, во овој момент имаме ситуација каде што дел од административните службеници или вработените во јавниот сектор земаат или минимална плата или под минимална плата. Досега имаме само едно покачување, а тоа е 5% во 2019 година. И пред и потоа јавниот сектор е заборавен и затоа е доведен во ситуација да бидеме социјална категорија -истакна Ралповски.

The post КСС го прекина протестот поради притисоци врз администрацијата appeared first on Република.

Од Конфедерацијата на слободни синдикати- КСС најавија дека од утре започнуваат со секојдневни протести. Маршот утре ќе започне во 16 часот од Собранието до Владата. Претседателот на КСС, Благоја Ралповски вели дека ќе протестираат се додека не бидат исполнети нивните барања за усогласување на платите со минималната плата.

„Бараме да се усогласат платите со протести со најразлични притисоци, но очигледно дека нема разбирање. Затоа од утре излегуваме на улица секој ден доколку утре до 12 часот не се случи нешто, секој ден од 16 до 17 часот се до остварување на нашите барања. Овие денови помина онака незабележително, се донесе нов Закон за административни службеници во кој што има срамно покачување од 100 до 200 денари. Јавната администрација е донесена до социјална категорија и во овој момент кога имаме огромна инфлација и зголемени животни трошоци, вработените во јавниот сектор не можат да го издржат“ изјави Ралповски за Канал 5 телевизија.

The post Администрацијата од утре на протест за повисоки плати appeared first on Република.