Во Кинотека денеска во рамките на декемвриската програма е проекцијата на „Чувари на формулата“, дело на познатиот Драган Бјелогрлиќ, ги пренесува вистинските случувања од крајот на педесеттите години во институтот „Винча“ во Србија. Гледачите ќе можат да изберат која од двете проекции во средината на месецот ќе ја проследат.

11 ДЕКЕМВРИ (ПОНЕДЕЛНИК), 20:00 ч.
15 ДЕКЕМВРИ (ПЕТОК), 18:00 ч.
ЧУВАРИ НА ФОРМУЛАТА
(Čuvari formule / Guardians of the Formula)
Игран филм, Србија / Црна Гора / Словенија / Македонија
2023, 120 мин., колор, ДЦП
Режија: Драган Бјелогрлиќ (Dragan Bjelogrlić)
Сценарио: Вук Ршумовиќ, Драган Бјелогрлиќ, Огњен Свиличиќ (Vuk Ršumović, Dragan Bjelogrlić,Ognjen Sviličić)
Улоги: Радивоје Буквиќ, Алексис Маненти, Лајонел Абелнаски, Ан Сера (Radivoje Bukvić, Alexis Manenti, Lionel Abelansky, Anne Serra)

Во октомври 1958 година, во екот на кризата од Студената војна, група на комунистички научници од Институтот „Винча“ во Србија спроведуваат таен проект предводен од професорот Драгослав Поповиќ. Поради непредвидени околности, тие се изложуваат на смртоносна доза на радиоактивно зрачење од ураниум, поради што југословенската тајна полиција ги носи на лекување во Клиниката „Кири“ во Париз.
Францускиот медицински тим предводен од професорот Жорж Мате заклучува дека нивната состојба е критична и дека нивните денови се избројани. Иако професорот Мате целиот свој живот го има посветено на борбата против нуклеарното оружје и длабоко го презира проектот на кој работеле југословенските научници, тој предлага за прв пат во историјата да се спроведе деликатна и неизвесна интервенција за замена на коскената срцевина на озрачените пациенти.
Дали е тоа експеримент врз живи луѓе или навистина сака да им помогне – станува мачно прашање за југословенските научници. Филмот е заснован на вистинска приказна.

Возрасна категорија: 16 години
Влезница: 150 денари

The post „Чувари на формулата“ денеска во Кинотека appeared first on Република.

Филмот „Чувари на формулата“ на режисерот Драган Бјелогрлиќ освои награда на фестивалот во Локарно. Во Србија е познат и како „Српскиот Опенхајмер“. Се работи за инцидент со радијација во 1950-те во југословенскиот Нуклеарен институт Винча.

Филмот ја освои наградата „Пардо верде“ за која се квалификуваат сите филмови прикажани на фестивалот што на публиката ѝ нудат нови интерпретации кои инспирираат промени во свеста за иднина која ќе има поголема одржливост.

Филмот на Бјелогрлиќ се прикажуваше на програмата Пјаца Гранде во најголемото кино на отворено во центарот на Локарно. Филмот е поддржан од Еуримаж е е копродукција меѓу Србија, Словенија, Црна Гора и Македонија, која преку Агенцијата за филм го поддржа на конкурсот во 2016.

„Критична зона“ на иранскиот режисер Али Ахмаџадех победи во главната конкуренција за награди. Го сними без дозвола на властите во Иран и беше опишан како еден вид на химна на слободата и отпорот во земјата. Поради тоа ирранските власти го забранија и се обидоа да го спречат да се прикаже во Локарно.

Приказната го следи животот на човек кој вози низ подземјето на Техеран со своето куче, продава дрога и исцелува вознемирени души. Ова е четврти филм на Ахмаџадех, чии филмови ја прикажуваат бунтовничката младина во Иран и нивната конфронтација со теократијата во земјата.

На Ахмаџадех и официјално му е забрането да работи како филмски режисер во Иран. Специјална награда на жирито освои романскиот „Не очекувај премногу од крајот на светот“ на Раду Жуде.

The post „Чувари на формулата“ на Драган Бјелогрлиќ награден на фестивалот во Локарно appeared first on Република.

Новиот филм на Драган Бјелогрлиќ „Чувари на формулата“, светската премиера ќе ја има на еден од најголемите европски филмски фестивали во Локарно на 4 август, а потоа ќе биде прикажан на 15 август како дел од главната програма на 29. Сараевски филмски фестивал.

Зад овој оригинален проект стојат продуцентските куќи Кобра Филм и Јунајтед Медиа, со поддршка на Еуроимаж, Криејтив Европа Медиа, Министерството за култура на Република Србија, како и Филмските центри на Србија, Црна Гора, Словенија и Македонија, и кино дистрибуцијата е доверена на компанијата Арт Виста.

Приказна е напишана од Вук Ршумовиќ со Огњен Свиличиќ и Драган Бјелогриќ како ко-сценаристи. Авторскиот тим, предводен од Бјелогрлиќ како режисер, го сочинуваат директорот на фотографија Иван Костиќ, монтажерката Милена Предиќ, сценографите Јелена Шопиќ и Јована Цветковиќ, костимографот Марина Вукасовиќ Меденица, композиторот Александар Ранѓеловиќ, а потпис на извршната продукција е Горанје Блогиќ.

Во главните улоги се појавуваат Радивој Раша Буквиќ, како и познатите француски актери Алексис Маненти, Оливие Бартелеми и Ана Сара. Директорот на Институтот Винча, Павел Савиќ, ќе го игра Предраг Мики Манојловиќ, а шефот на државната безбедност на СФРЈ, Лека Ранковиќ, Драган Бјелогрлиќ. Улогите на млади југословенски научници режисерот им ги додели на Јован Јовановиќ, Алиса Радаковиќ и Огњен Миќовиќ.

Музиката за филмот ја изработија Констракта и Мањифико, кои заеднички ја направија песната „Патот“. Оваа песна е специјално направена за потребите на филмот, а публиката првпат ќе може да ја слушне на фестивалите во Локарно и Сараево, каде што овој филм е вклучен во главните програми на фестивалот.

Музичката нумера „Патот“ е инспирирана на вистински начин од вистинската приказна за несреќата во Винча во 1958 година и човечките судбини кои се прикажани во овој филм базиран на бестселерот „Случајот Винча“ на Горан Милашиновиќ.

The post Новиот филм на Драган Бјелогрлиќ „Чувари на формулата“ со светска премиера на еден од најголемите европски филмски фестивали во Локарно appeared first on Република.

Во 18 часот пред Собранието на Србија започна нов протест „Србија против насилството“, петти по ред по трагедиите во белградското основно училиште и во две села кај Младеновац. Намерата на демонстрантите е во поворката од српскиот парламент да го опколат квартот каде што се наоѓа седиштето на претседателот на Републиката.

Денешниот протест можеби е уште помасовен поради острите реакции во јавноста откако претставници на владејачката Српска напредна странка во српскиот парламент ги нарекоа „ѓубриња“ актерите кои ги поддржаа демонстрантите и нивните барања. Оваа недела актерите објавија проглас во кој оценките на претставниците на СНС ги нарекуваат насилство.

Актерот и режисер Драган Бјелогрлиќ вечерва рече дека мисли оти денес има повеќе демонстранти од кога било.

„Посебно сакам да им се обратам на младите во Србија, пред еден месец бевме опфатени со трагедија каква што нашите луѓе не помнат. Трагедија која никогаш нема да ја преболиме и не треба да ја преболиме. Сите наши порази и несреќи , сите злосторства што сме ги направиле на другите и самите нас го допреле дното, а ако има дно, го допревме тој ден“, рече Бјелогрлиќ. „Тоа што вие младите излеговте на улица, што не сакате да живееме во ова соголено општество, дава надеж дека ќе се издигнеме од тоа дно“, рече Бјелогрлиќ.

The post Бјелогрлиќ на протестите во Белград: Тоа што младите излегоа на улица, што не сакаат да живеат во ова соголено општество, дава надеж дека ќе се издигнеме од дното appeared first on Република.

Режисерот, актер и продуцент Драган Бјелогрлиќ го почна снимањето на филмот посветен на случајот во Винча од 1958 година, а главните улоги ги толкуваат Раша Буквиќ и Мики Манојловиќ.

Октомври 1958, Студената војна го поделила со „железната завеса“ европскиот континент и целиот свет и претставува дотогаш невидена нуклеарна закана за планетата. Драгослав Поповиќ и уште тројца југословенски физичари се примени на Институтот „Кири“ во париз, по мистериозната несреќа која ги изложила на сериозно зрачење. Тајната служба на Франција му дава упатства на докторот Жорж Мате да ги излечи овие пациенти, кои на прв поглед се однапред изгубени случаи. Тоа е почеток за трка за опстанок во која ќе се спротивстават двајца научници, два света, две идеологии. Човечката приказна во текот на историското откритие, стои во синопсисот на филмот.

Според српските медиуми Бјелогрлиќ има меѓународна актерска екипа. Главните улоги ќе ги толкуваат: Радивоје Раша Буквиќ и Предраг Мики Манојловиќ, додека француската група актери ја предводи Алексис Манети, Жереми Лахерт и Лионел Абелански.

Снимањето на филмот ќе трае една година, ќе се снима на автентични локации во Србија, Словенија и Франција, а за фотографијата е задолжен младиот Иван Костиќ кој со Бјелогрлиќ ја работеше серијата „Сенки над Балканот“.

Несреќата во Винча со години беше сокривана под тепих, а постојат теории дека југословенските научници таму правеле атомско оружје по налог на врвот на СФРЈ и Јосип Броз Тито.

The post Бјелогрлиќ го почна снимањето на „Верижна реакција“- филм за најголемата тајна на Југославија, несреќата во Винча appeared first on Република.