Корупцијата за жал е составен дел насекаде, ние интензивно работиме на сузбивање на корупција во сопствените редови, меѓутоа тоа не е доволно, треба да работиме и во останатите инстутиции, меѓутоа и да ги анимираме граѓаните дека не е начин да дадеш нешто под рака за да можеш да оствариш некое свое право, истакна директорот на Бирото за јавна безбедност (БЈБ) Александар Јанев на сесијата на НКЕУ-МК за Поглавјето 24 „Предизвиците во борбата со финансискиот криминал во Македонија: Важноста на ефикасните финансиски истраги“.

Вели дека за да се докаже финансиски криминал мора да се докаже целиот пат на парите, а за тоа од клучно значење е меѓуинституционална соработка, како и меѓународната соработка, која е најнеопходна, бидејќи, вели, криминалците најчесто парите ги вртат и преку повеќе земји од надвор.

Јанев посочи дека треба да се промени културата на живеење, и мора да се даде до знаење на сите дека тоа е нелегално, и сето тоа не е здраво за нашето општество, а нивна цел, како што кажа, ќе биде да тоа да го намалат или минимизираат криминалот и корупцијата.

Не е поентата некого само да ставиме во затвор, има нови трендови - разговаравме со француските и со италијанските колеги и тие велат дека џабе имаме ставено одредени криминални босови во затвор, новите трендови се тоа што тие анимираат луѓе од внатре од затворот, бидејќи имаат пари, тие не им се секнати. Жално е, велат тие, што анимираат деца од 12 годишна возраст и нагоре да извршуваат дури и насилни дејствија па дури и убиства, сето тоа тие го контролираат преку затворите, што е случај и кај нас, тоа е јавна тајна, нема што да го криеме. Тоа доведува кругот да не се затвори и не ставаме крај на одредени дјествија, вели Јанев.

Целта е, додаде, да го фатиме патот на парите, ама целта е и да ги замрзнеме имотите на криминалците.

Сум работел на неколку звучни случаи од минатото, „босот“ од Куманово Бајруш, таму замрзнавме одреден имот и одзедовме некој имот од страна, но не беше доволно. Мислам дека тој човек сега е надвор од затвор, и повторно е активен во легалниот бизнис, што е легитимно. Меѓутоа, на крај на денот, доколку ние сето тоа на време сме го секнале, како што треба, немало да оставиме простор за повторно да генерираме одредени претпоставки за одредени илегални дејствија, истакна Јанев.

Посочи дека една од алатките против корупцијата е воведување дигитализација.

За МВР овде имаме два сегменти - го воведуваме документ менаџер системот, и кејс менаџмент системот заедно со Финансиска полиција сме на иста платформа. Во самата алатка се создадени претпоставки да се вклучи и Обвинителство да ги следи работите на кејс менаџмент системот. Со оваа дигитализација убеден сум дека нема да има веќе случаи во фиока, нема да има нарачки на случаи, нема да има монтирани случаи, бидејќи алатката е еден вид и водич, кај што ги расчленува битијата на кривичните дела внатре. Обвинителот од самото запознавање на случајот, ќе биде во тек со сето тоа, да ги знае силните и слабите страни на тој случај, рече Јанев.

Истакна како нова администрација мора да се стремат да изградат ефикансни, транспарентни и отчетни системи.

Нашата мисија и визија е да бидеме транспарентни, не ние да владееме со народот, туку да служиме на народот, и интенцијата на нашето секојдневно работење е да работиме на превенција а помалку на интервенција. Бидејќи ако влеземе во еден вртлог на неказнивост, вртлог на неоткривање па неказнивост, корупцијата е како малигно ткиво кои од нас зависи дали ќе им дозволиме да бидат бенингни или да бидат малигни, рече Јанев.

Во крајна линија, додаде Јанев, колку што сето тоа е важно за интензивирање на македонскиот пат кон полноправно членство во ЕУ, во иста мера е важно за воспоставување на владеењето на правото како врвен интерес на македонската држава и нејзините граѓани, градење на безбеден и сигурен општествен амбиент.

The post Јанев: Целта е да ги замрзнеме имотите на криминалците, јавна тајна е дека и од затвор контролираат банди appeared first on Република.

Македонска делегација предводена од Директорот на Бирото за јавна безбедност (БЈБ) Александар Јанев, во присуство на Мајкл Маки, полициско аташе за ICITAP при Амбасадата на САД во Скопје, учествува на Годишната конференција на Меѓународната асоцијација на шефови на полиција (IACP), водечка организација која е фокусирана на унапредување на полицијата и безбедноста на глобално ниво, што се одржува во Бостон, Масачусетс, Соединетите Американски Држави.

На оваа конференција полициски лидери, службеници и експерти од разни држави од светот ќе имаат можност да разменат најдобри практики, иновации и стратегии за справување со предизвиците во секојдневното полициско работење.

– Ваквиот пристап на соработка е значаен за унапредување на безбедносните практики и размена на искуства, зајакнувањето на капацитетите на полицијата. Преку запознавање со специфичностите и предизвиците со кои се соочува полицијата во САД, но и останатите полициски служби во светот, учесниците ќе имаат можност да добијат клучни информации за методологијата за справување со истите. Конференцијата нуди одлична можност за градење нови партнерства, воспоставување на идни проекти и иницијативи, соопштија од МВР.

Во текот на конференцијата, македонската делегација ќе присуствува на повеќе настани, а најавени се и средби со менаџментот на ИЦИТАП, федерални обвинители и повеќе директори на полиции и шефови на делегации.

The post Делегација на БJБ предводена од Јанев учествува на Меѓународна асоцијација на шефови на полиција appeared first on Република.

Во периодот од 19 – 23.10.2024 година во Бостон, Масачусетс, Соединетите Американски Држави се одржува Годишната конференција на Меѓународната асоцијација на шефови на полиција (IACP), водечка организација која е фокусирана на унапредување на полицијата и безбедноста на глобално ниво.

Македонската делегација е предводена од Директорот на Бирото за јавна безбедност, г. Александар Јанев, во присуство на г. Мајкл Маки, полициско аташе за ICITAP при Амбасадата на САД во Скопје.

На оваа конференција полициски лидери, службеници и експерти од разни држави од светот ќе имаат можност да разменат најдобри практики, иновации и стратегии за справување со предизвиците во секојдневното полициско работење. Ваквиот пристап на соработка е значаен за унапредување на безбедносните практики и размена на искуства, зајакнувањето на капацитетите на полицијата. Преку запознавање со специфичностите и предизвиците со кои се соочува полицијата во САД, но и останатите полициски служби во светот, учесниците ќе имаат можност да добијат клучни информации за методологијата за справување со истите.

Конференцијата нуди одлична можност за градење нови партнерства, воспоставување на идни проекти и иницијативи.

Во текот на конференцијата, македонската делегација ќе присуствува на повеќе настани, а најавени се и средби со менаџментот на ИЦИТАП, федерални обвинители и повеќе директори на полиции и шефови на делегации.

The post Делегација на Бирото за јавна безбедност предводена од директорот Александар Јанев учествува на Меѓународна асоцијација на шефови на полиција (IACP) appeared first on Република.

Директорот на Бирото за јавна безбедност (БЈБ) Александар Јанев денеска беше во работна посета во Секторот за внатрешни работи Тетово, Полициската станица за безбедност на сообраќајот Тетово, полициските одделенија Групчин и Јегуновце како и Граничен премин Јажинце.

Од Министерството за внатрешни работи информираат дека директорот Јанев разговорал со колегите за предизвиците со кои се соочуваат во секојдневното работење и условите во кои работат.

Од исклучителна важност е полициските службеници да имаат добри услови за работа и дека приоритет е подобрувањето на условите за работа во полициските станици и набавка на потребната опрема. При посетите од особена важност е и остварената средба со началничката на Регионалниот центар Север на која се разговараше за важноста и потребата од блиска соработка, односно продлабочување на соработката помеѓу Одделот за гранични работи и миграции и Секторот за внатрешни работи Тетово со цел зацврстување на позицијата во обезбедување на сигурност за ефикасно решавање на транснационалниот криминал, миграции и борба со корупцијата, истакна Јанев.

Директорот на БЈБ информира дека во иднина ваквите посети ќе станат редовна пракса, со цел увид во работењето и функционирање на сите служби кои се под надлежност на Бирото се со цел подобрување на условите и создавање на функционална полиција, која ќе биде во служба на граѓаните и спроведување на законот кој еднакво важи за сите.

The post Директорот на БЈБ Јанев во работна посета на СВР Тетово appeared first on Република.

Жестока борба и целосно сузбивање на криминалот преку унапредување на соработката со Бирото за јавна безбедност. Директорот на Царинска управа, Бобан Николовски и директорот на Бирото за јавна безбедност, Александар Јанев, одржаа состанок на којшто беше договорено двете страни да почнат да работат на нов Меморандум за соработка помеѓу двете институции како и Протокол за негово спроведување.

Преку јасно дефинирање на ингеренциите и подобрување на размената на информации, се очекува побрза интервенција, но и асистенција при гонење на криминалот на двете институции.

Директорот Бобан Николовски истакна дека борбата со криминалот бара менување на свеста на царинските службеници дека секој треба да придонесе во борбата со криминалот.

„Експертизата и разузнавачките информации со коишто располагаат Царината и Бирото за јавна безбедност обезбедуваат клучни елементи за откривање и разбивање на криминалните организации. Со унапредување на соработката и размената на податоци, но и побрзата интервенција и асистенција на меѓусекторско и меѓуинституционално ниво, очекуваме целосно сузбивање на криминалот“, вели Николовски.

Директорот на Бирото за јавна безбедност Јанев истакна дека Бирото е непоколебливо во решеноста да се стави ред и да се обезбеди сигурност за сите граѓани на нашата држава.

„Само преку заедничко делување, следење на трендовите во областа на техниката и технологијата и целосно подигнување на професионалноста во работењето во целост ќе застанеме на патот на организираниот прекуграничен криминал“, потенцира Јанев.

The post Николовски – Јанев: Жестока борба и целосно сузбивање на криминалот преку заедничко делување на Царина и БЈБ appeared first on Република.

Директорот на Бирото за јавна безбедност, Александар Јанев истакна дека благодарение на брзата и професионална реакција на полицијата, особено на интервентната полиција и специјалните единици, успеале да ги фатиме сторителите од вчерашниот настан и да ја обезбедат правдата.

-Сакам да им се заблагодарам на сите мои колеги за нивната професионалност, храброст и посветеност кон граѓаните и македонската држава. Вашата неуморна работа и решителност се пример за сите нас. Вашата пожртвуваност и храброст да се испречите пред куршумите за да ги заштитите нашите граѓани влева увереност дека тие можат да имаат доверба, објави Јанев на Фејсбук.

Јанев им се заблагодари на граѓаните за нивната соработка, смиреност и внимателност и довербата која ја укажале во текот на вчерашниот ден.

-Вашата поддршка е клучна за одржувањето на мирот и безбедноста. Од име на Полицијата, сакам да им заблагодарам и на медиумите, кои професионално известуваа и не дозволија да се крене паника и вознемиреност кај граѓаните. Овие постапки се потврда дека заедно можеме да го зачуваме мирот и безбедноста во нашата држава. Ние сме непоколебливи во нашата решеност да ставиме ред и да обезбедиме сигурност за сите граѓани. Вашата безбедност е наш приоритет и нема да дозволиме криминалот да го наруши нашиот живот и спокојство. Ви благодариме за вашата соработка и разбирање. Заедно, со заеднички напори, ќе го зачуваме мирот и ќе ја обезбедиме иднината на нашата земја, нагласи директорот на БЈБ.

The post Јанев: Непоколебливи сме во решеноста да ставиме ред и да обезбедиме сигурност, безбедноста на граѓаните е наш приоритет appeared first on Република.

Директорот на Бирото за јавна безбедност Александар Јанев, заедно со дел од неговиот тим го посетиле местото „Букоково“, на тромеѓата помеѓу селата Расино, Косел и Опејнца, каде гори борова шума, соопштија од Министерството за внатрешни работи.

https://republika.mk/vesti/makedonija/osum-aktivni-pozhari-shirum-zemjava-pet-se-izgasnati/

Како што наведуваат од МВР, Јанев се заблагодарил за пожртвуваноста на сите вклучени чинители во справувањето со огнената стихија, како и посветеноста на хеликоптерските единици при МВР и МО, без чија воздушна поддршка, вели, пожарите не може да се стават под контрола.

Внимавајте кога се движите по шумите, по нивите, полињата, да не се фрлаат отпушоци, да не се палат стрништа, сепак, општото здравје и човечките животи се нешто најскапоцено, а подметнувањето на пожари е криминал од највисок степен, рекол Јанев пренесуваат од МВР.

Ќе бидат ангажирани сите расположливи дронови, додал Јанев, кои ќе бидат во функција 24 часа заедно со термалните камери, се со цел откривање на можни сторители-подметнувачи на пожари.

The post Јанев: Најстрого ќе бидат санкционирани оние што ги предизвикуваат пожарите на отворено appeared first on Република.

Директорот на Царинската управа Бобан Николовски остварил работна средба со директорот на Бирото за јавна безбедност (БЈБ) Александар Јанев, на која ја потенцирале својата посветеност во заедничка борба со организираниот криминал и корупцијата, како и за безбедност на граничните премини.

Како што соопшти Царинската управа, тоа ќе бидат главните постулати на соработката помеѓу Царинската управа и македонската полиција.

На средбата беше договорено во периодот кој следува да се интензивира соработката на оперативно ниво со дефинирање контакт точки помеѓу двете служби со цел спроведување успешни заеднички акции. Истакната беше потребата од заеднички пристап во надградбата на електронските системи и размената на податоци помеѓу двете институции, како и можностите за системско поврзување на системот за видеонадзор и препознавање регистарски таблички на граничните премини, што за цел ќе овозможи побрз проток на патници и стоки на границите, а воедно ќе овозможи поефикасни контроли и секако подобри резултати во откривачките функции на институциите, наведува Царинската управа.

Директорот на БЈБ, Јанев, изразил подготвеност за размена на искуства, знаење и најдобри практики за успешно функционирање на неодамна формираниот сектор во Царинската управа за посебни истражни мерки.

Двете служби ќе соработуваат за воспоставување системско решение за континуирано идентификување и спроведување заеднички обуки, кои ќе вклучат развој на превентивни мерки за намалување на криминалот, криумчарење и нелегална трговија, потенцирал Јанев.

Николовски истакнал дека ќе работат заедно на дефинирање на точките на заедничко делување, но и разграничување на надлежностите на двете служби.

При што ќе се овозможи хомогено дејствување и подобри заеднички резултати во интерес на безбедноста на граѓаните и поддршка на легалната трговија, истакна директоротна Царинската управа.

The post Царината и БЈБ ќе ја засилат соработката во борба со организираниот криминал appeared first on Република.

The post Николоски: Почнуваме со гонење на криминалот! Одговорност ќе има! appeared first on Република.

Владата на денешната седница, на предлог на министерот за внатрешни работи Панче Тошковски, за нов директор на Бирото за јавна безбедност го назначи м-р Александар Јанев. Тој доаѓа на местото на д-р Сашо Тасевски.

На чинот на примопредавање на функцијата, директорот Јанев истакна дека неговата визија е подобрување на квалитетот на услугите на полицијата и засилување на безбедноста на сите граѓани.

Безбедност без компромис, со висок стандард на професионализам и посветеност на полициските службеници. Ќе работиме со интегритет и посветеност за подобрување на безбедноста на сите. Со дигитална трансформација ќе го оптимизираме користењето на технологијата, обезбедувајќи подобра комуникација и безбедност на информациите. Непоколеблива борба против корупцијата, со транспарентност и отчетност, со што ќе ја подигнеме довербата на граѓаните во полицијата“, потенцира Јанев.

Директорот Јанев нагласи дека мотото под кое ќе работи ќе биде: Ред, закон, интегритет.

The post „Ред, закон, интегритет“ е мотото на новиот директор на Бирото за јавна безбедност appeared first on Република.

Mинистерот за внатрешни работи Панче Тошковски во интервјуто за „Република“ се осврна на последното убиство во Скопје во кое беше ликвидиран таткото на осомничениот за убиството на Орхан Бајрами-Оки како и за подметнатиот пожар во кафе барот „Барон“ во Чаир.

Министерот смета дека прашањето за ова убиство треба  да се постави на оној што согласно закон има надлежност и императивна моќ да превземе оперативни акции и планови.

Тој човек е на иста функција од август 2018 година и треба да ја гарантира безбедноста на граѓаните-посочува министерот.

https://www.youtube.com/watch?v=FoCJt9Idx1U

Министерот објаснува и зошто сѐ уште не е формиран оперативниот штаб за изборите.

На 19 февруари имав состанок со сите надлежни во министерството на највисоко ниво и побарав да се формира.На 27-ми писмено се обратив до единствениот надлежен кој што има право и обврска но не ми одговори.Немам информација зошто сѐ уште не е формиран.

https://republika.mk/vesti/makedonija/toshkovski-sramota-ke-bide-ako-nema-odgovornost-za-onie-shto-go-napravija-haosot-so-pasoshite/

The post Тошковски: Прашањето за последното убиство во Скопје треба да му се постави на оној што е на иста функција од август 2018 година и треба да ја гарантира безбедноста на граѓаните appeared first on Република.

На денешната прес конференција го честитаме најновиот бизнис на директорот на БЈБ Сашо Тасевски, на чијашто адреса од неодамна има регистрирано компанија поврзана за информатичка технологија и компјутери. Очигледно човекот има многу време, па покрај директорувањето со полицијата, со најважниот инструмент за спречување на криминалот и корупцијата, сега семејно ќе водат и бизнис, изјави Наум Стоилковски, портпарол на ВМРО-ДПМНЕ.

The post Стоилковски: Сашо Тасевски, директорот на БЈБ на домашна адреса има непријавена фирма за трговија со компјутерска технологија appeared first on Република.

Уште еден сокриен семеен бизнис со адреса на избран и именуван владин функционер претстави на денешната прес-конференција портпаролот на ВМРО-ДПМНЕ Наум Стоилковски, кој од име на партијата му го „честиташе“ најновиот бизнис на директорот на БЈБ Сашо Тасевски, на чијашто адреса, како што објави, од неодамна има регистрирано компанија поврзана за информатичка технологија и компјутери.

Очигледно човекот има многу време, па покрај директорувањето со полицијата, со најважниот инструмент за спречување на криминалот и корупцијата, сега семејно ќе водат и бизнис.На 12 октомври лани, 2022 година на домашна адреса на Сашо Тасевски е регистрирано Друштво за трговија, услуги и производство СМАРТИОТ ДООЕЛ со ограничена одговорност на едно лице, сопственик и управител, синот на Сашо Тасевски.Почитувани Сашо Тасевски е должен да одговори, со што тоа семејно се занимаваат на домашна адреса, со што тргуваат, какви услуги се нудат и што произведуваат? Колкав бизнис е во прашање и кои се клиентите до сега? Дали и колку позицијата директор на БЈБ добро влијае при склопување на зделки на фирмата на неговата домашна адреса?За блискоста на семејството Тасевски и до сега имало случаи и скандали за кои што на прашањата на прес конференциите останаа неодговорени, од тоа дали Тасевски семејно присуствувале на пукањето од автоматска пушка, до тоа дали Сашо Тасевски го сокрил синот во случајот напад врз полицаец во градски парк?Не веруваме дека Сашо Тасевски ќе го остави синот да не успее како бизнисмен и дека нема да му помогне во развојот на фирмата на домашна адреса.И како последно прашање за Тасевски денеска е, зошто за основањето на фирмата на домашна адреса не ја известил ДКСК? Тоа му е должност и обврска, а треба да е и пример за другите, особено по аферата “Тајни имоти” за неговите сопартијци!Почитувани, Сашо Тасевски е директно одговорен за спречување на криминалот и корупцијата на терен, но фактите покажуваат дека веројатно повеќе се посветувал на развојот на приватниот бизнис на домашна адреса.Едно е јасно, дека невозможно е Македонија да направи било каков исчекор со овие луѓе, со ДУИ и СДС, и решението се избори што поскоро!, порача на прес-конференцијата Стоилковски.

https://youtu.be/jE6HSqI15Zg

The post Нов скандал со директорот на БЈБ: На домашна адреса има непријавена фирма за трговија со компјутерска технологија appeared first on Република.

ВМРО-ДПМНЕ постави прашања, а директорот на БЈБ и ЈО молчат. Сашо Тасевски мора да одговори, дали едно од четворицата лица кои биле фатени и евидентирани од полицијата под сомнение дека сакале да употребат бела прашкаста материја, и притоа ја нападнале полицијата бил негов син?, прашуваат од ВМРО-ДПМНЕ.

Сашо Тасевски мора да одговори, дали настанот кој се случил во 1 часот по полноќ, а напаѓачите биле однесени во ПС Карпош во 1.45 часот, е заведен во полициски билтен дури во 6.30 часот сабајлето, под притисок? Дали таквиот притисок или нешто друго е причина за во полицискиот билтен наместо четворица, да бидат запишани три лица? И фали четвртото лице е синот на Тасевски? Сашо Тасевски да не се крие и да даде одговори. Истовремено ЈО да не чека и да отвори истрага, велат од партијата.

The post Директорот на БЈБ влијаел врз случај каде се тепани припадници на ЕБР? appeared first on Република.

Син на висок полициски функционер, но и лично функционерот, според медиумите можно е да се вмешани во напад врз полиција, но и можно е да влијаеле врз менување на факти во записите, ова денеска преку прес-конференција го истакна Наум Стоилковски од ВМРО-ДПМНЕ.

Пред неколку дена, поточно на 3 јуни, пред една скопска дискотека, екипа на ЕБР, извршувајќи задача, фатиле група младинци во раните 20-ти години како се подготвуваат да конзумираат бела прашкаста материја, за која што подоцна, според медиумите е утврдено дека е кокаин! Притоа, на повиците од полицијата младинците дрско одбивале да престанат со тоа што го прават и доаѓа до физички напад од групата кон полицаец, со тоа што, како што се наведува, еден од нив го фаќа полицаецот за врат, а други удираат со тупаници и тоа е документирано! Групата е однесена во полициска станица Карпош во 1 часот 45 минути! И тогаш, се наведува, се заведени приведените четворица, со име и со презиме! Но кривично правниот настан, нападот е заведен дури во 6 часот и 30 минути сабајлето! И во него се споменуваат само три лица, вели Стоилковски.

Тој, воден од многу големи индиции прашува:

· Дали при контролата и потоа за време на нападот бил присутен и синот на директорот на БЈБ Сашо Тасевски? Дали и тој во најмала рака недолично се однесувал кон полицијата?

· Дали веднаш тука се нашол како присутен лично и директорот на БЈБ Сашо Тасевски?

· Дали во периодот од 1 часот и 45 минути па се до 6 часот утрото на 3 јуни, синот и таткото, директорот на БЈБ Сашо Тасевски и синот, правеле притисок врз полицијата и полициската станица Карпош, прво, да не биде запишан синот, а потоа и да се менува записникот од листата на приведените, учесниците во нападот врз полицијата?

„Зошто дури 5 часа од времето на лишување од слобода и носење во полициската станица Карпош оставајќи доволно простор за сомневање се прави новиот извештај и се остава простор да се мисли дека се злоупотребени полициските овластувања? Затоа бараме да постапи Јавното обвинителство за организиран криминал и корупција да има постапка, да се изврши распит и проверка на фактите на полициските службеници, да се потврдат или да се отфрлат индициите за злоупотреба на полициски овластувања од страна на директорот на БЈБ Сашо Тасевски. Ова не е прв пат името на Сашо Тасевски да е дел од скандали, и тоа да е поврзано со наркотици, пукање од недозволени автоматски оружја или пак дивеење и самоволие, а сега и со напад врз припадници од ЕБР! Со ликови како Сашо Тасевски, чија заслуга е чисто партиска, МВР станува само испостава на мафијата, вели Стоиковски.

https://www.youtube.com/watch?v=ex42OUfzUyc

The post Стоилковски: ЈО за организиран криминал да расчисти дали директор на БЈБ Сашо Тасевски влијаел во случај кога се тепани припадници на ЕБР appeared first on Република.

Арбен Јашари е нов заменик директор на Бирото за јавна безбедност – БЈБ на која позиција до вчера беше Ариф Асани.

Од МВР за МИА соопштија дека Јашари доаѓа од Центарот за обука на Министерството за внатрешни работи.

The post Арбен Јашари нов заменик директор на БЈБ appeared first on Република.

Деновиве во МВР пристигнале пријави од граѓани за добиенa електронска порака наводно во име на директорот на Бирото за јавна безбедност Сашо Тасевски, во која во вид на некакво барање за судско појаснување, примачот на пораката се известува дека е предмет на правни постапки за низа измислени кривични дела, кои ги нема сторено. Притоа, примачот на пораката се повикува да го контактира испраќачот.

МВР ги известува граѓаните дека станува збор за лажна порака која не е испратена од страна на МВР, односно од БЈБ.

Овие електронски пораки се класичен обид за измама во кој целта на измамниците е да дојдат до личните податоци на испраќачот со цел нивна понатамошна злоупотреба. Затоа апелираме на посебно внимание, овие пораки да не се отвораат, а уште помалку да се контактира испраќачот преку доставениот линк и да се споделуваат личните податоци кои ќе ви бидат побарани. Исто така, предупредуваме да не отворате линкови и датотеки кои се испратени во прилог на електронска порака која доаѓа од непознат испраќач, со цел заштита на вашиот компјутерски систем од малициозен софтвер, предупредуваат од МВР.

Од МВР информираат дека ваквите обиди за измама се со меѓународен предзнак, имајќи предвид дека електронски пораки со слична содржина, а со иста цел – злоупотреба на лични податоци, во изминатиот период беа испраќани и на граѓани во земјите од регионот.

The post Внимавајте: Повторно лажни пораки пристигаат од директорот на БЈБ Тасевски appeared first on Република.

Вознемирувачки пораки од адреса „Судска полиција“ и денеска пристигнуваат во електронските сандачиња на граѓаните. Во таканареченото „Судско барање“, се злоупотребуваат ознаките на македонската полиција и Интерпол, како и потписот и името на директорот на Бирото за јавна безбедност.

Од Министерството за внатрешни работи велат дека се работи за обид за измама во меѓународни рамки и апелираат до граѓаните да не наседнуваат на овие лажни електронски пораки.

Деновиве во МВР пристигнаа пријави од граѓани за добиенa електронска порака наводно во име на директорот на Бирото за јавна безбедност, Сашо Тасевски, во наводна соработка со Европол, во која во вид на некакво барање за судско појаснување, примачот на пораката се известува дека е предмет на наводни правни постапки за низа измислени кривични дела, кои ги нема сторено. Притоа, примачот на пораката се повикува да го контактира испраќачот со некакво објаснување за наводните дела. МВР ги известува граѓаните дека станува збор за лажна порака која не е испратена од страна на МВР, ниту од која било институција за спроведување на законот. Овие електронски пораки се класичен обид за измама во кој целта на измамниците е да дојдат до личните податоци на испраќачот со цел нивна понатамошна злоупотреба. Затоа апелираме на посебно внимание, овие пораки да не се отвораат, а уште помалку да се контактира испраќачот преку доставениот линк и да се споделуваат личните податоци кои ќе ви бидат побарани, информира МВР.

Од МВР предупредуваат и да не се отвораат линковите и датотеките кои се испратени во прилог на мејл-пораката која доаѓа од непознат испраќач, со цел заштита на компјутерските системи на граѓаните од малициозен софтвер.

Воедно, информираме дека ваквите обиди за измама се со меѓународен предзнак, имајќи предвид дека електронски пораки со слична содржина во изминатиот период беа испраќани и на граѓани во земјите од регионот, наведуваат од МВР.

Од таму не наведуваат како или дали во иднина ќе ги спречат ваквите сајбер-измами, имајќи предвид дека поголема измама се случи и со Управата за јавни приходи, каде е изработена лажна веб-страница на УЈП, од каде се испраќаат пораки за некакво задолжително пријавување на лажен линк.

The post Вознемирувачките пораки со лажен потпис од директорот на БЈБ уште пристигаат на адреси на граѓаните appeared first on Република.

Министерството за внатрешни работи апелира до граѓаните да не наседнуваат на лажни електронски пораки кои се појавиле деновиве во име на директорот на Бирото за јавна безбедност (БЈБ) и предупредува дека се работи за обид за измама во меѓународни рамки.

Деновиве во МВР пристигнаа пријави од граѓани за добиенa електронска порака наводно во име на директорот на Бирото за јавна безбедност, Сашо Тасевски, во наводна соработка со Европол, во која во вид на некакво барање за судско појаснување, примачот на пораката се известува дека е предмет на наводни правни постапки за низа измислени кривични дела, кои ги нема сторено. Притоа, примачот на пораката се повикува да го контактира испраќачот со некакво објаснување за наводните дела. МВР ги известува граѓаните дека станува збор за лажна порака која не е испратена од страна на МВР, ниту од која било институција за спроведување на законот. Овие електронски пораки се класичен обид за измама во кој целта на измамниците е да дојдат до личните податоци на испраќачот со цел нивна понатамошна злоупотреба. Затоа апелираме на посебно внимание, овие пораки да не се отвораат, а уште помалку да се контактира испраќачот преку доставениот линк и да се споделуваат личните податоци кои ќе ви бидат побарани, информира МВР.

Исто така, Министерството предупредува да не се отвораат линкови и датотеки кои се испратени во прилог на мејл-пораката која доаѓа од непознат испраќач, со цел заштита на компјутерските системи на граѓаните од малициозен софтвер.

Воедно, информираме дека ваквите обиди за измама се со меѓународен предзнак, имајќи предвид дека електронски пораки со слична содржина во изминатиот период беа испраќани и на граѓани во земјите од регионот, наведува МВР.

Министерството ги информира граѓаните и дека во Секторот за компјутерски криминал е пријавено дека е изработена лажна веб-страница на Управата за јавни приходи, од каде се испраќаат пораки за некакво задолжително пријавување на лажен линк.

Апелираме до граѓаните да не ги отвораат ваквите пораки и да не ги оставаат податоците од своите банкарски сметки затоа што станува збор за измама, апелира МВР.

The post Нови сајбер измами: Лажни мејлови од директорот на БЈБ Тасевски пристигаат до граѓаните appeared first on Република.

Син на поранешен директор на Бирото за јавна безбедност синоќа бил приведен во полицискa акција во еден познат скопски локал во Капиштец, бидејќи кај него била пронајдена дрога, потврдуваат за „Фокус“ извори од МВР.

Инаку, таткото на приведениот беше назначен за директор на БЈБ после политичките промени, но многу кусо се задржа на оваа функција, бидејќи беше разрешен откако медиумите објавија дека неговата ќерка со службено возило била на пат за Грција.

The post Приведен син на поранешен директор на Бирото за јавна безбедност appeared first on Република.