Едно лице загина во тешката сообраќајка поради која вчера беше во прекин сообраќајот на патот Битола-Ресен.

Како што соопшти МВР, во 19.32 часот во СВР Битола било пријавено дека на магистралниот пат Битола–Ресен се случила сообраќајна несреќа помеѓу патничко моторно возило „бмв“ со ресенски регистарски ознаки управувано од Б.Н.(24) од с.Езерани-ресенско и патничко моторно возило „рено клио“ со охридски регистарски ознаки управувано од Г.С.(60) од Охрид.

Во несреќата двајцата возачи се здобиле со тешки телесни повреди, по што биле пренесени во Клиничката болница Битола каде возачот Г.С. починал.

Со телесни повреди се здобиле двајца сопатници од двете возила.

Извршен бил увид од Јавен обвинител и увидна екипа од СВР Битола.

The post Еден загинат во тешката сообраќајка која го затвори патот Битола-Ресен appeared first on Република.

На Фејсбук страницата на Гласот на Америка објавено е видео на коешто се гледа како автомобил се движи наназад на патот Ресен-Битола.

Видеото предизвика големо внимание во јавноста, но прашање е дали ќе ги заинтересира и надлежните од МВР, со оглед на тоа што вакво возење во „рикверц“ на автопат е забрането и претставува потенцијална опасност за другите учесници во сообраќајот.

The post Автомобил се движи рикверц на патот Ресен-Битола appeared first on Република.

Двајца словенечки државјани се тешко повредени во сообраќајна несреќа во на патот Ресен - Битола, кога со мотоцикл „хонда“ удриле во „фолксваген“ со скопска регистрација.

На 07.09.2022 околу 08.00 часот пријавено е дека на крстосницата од магистрален пат А-3 Ресен-Битола со крак од регионален пат Макази-Маркова нога се случила сообраќајна несреќа помеѓу патничко моторно возило „поло“ со скопски регистарски ознаки, управувано од В.Ј.(67) од Скопје и мотоцикл „хонда“ со словенечки национални ознаки, управуван од Ф.С.(60) од Р.Словенија, на кој сопатничка била Б.К.(56) од Р.Словенија. Во несреќата со тешки телесни повреди се здобиле Ф.С. и Б.К., кои им се констатирани во Клиничка болница – Битола, каде биле пренесени за укажување на лекарска помош - информираат од МВР.

За настанот е известен Јавен обвинител, а увид на местото на настанот извршила увидна екипа од Полициска станица Ресен.

The post Словенец и неговата сопатничка на мотор тешко повредени по сообраќајка на патот Битола-Ресен appeared first on Република.