Градоначалникот на Општина Тетово, Биљал Касами, денеска имаш средба со претставници на компанијата Заубермахер на која биле дискутирани конкретни чекори за зачувување на животната средина и одржување на чистотата во градот. Се најавува дека секое прекршување ќе биде санкционирано со законски мерки согласно законот за јавна чистота.

-Во рамките на оваа соработка, ќе бидат поставени камери за мониторинг на сите клучни точки во градот, со цел следење и надзор на состојбата. Општина Тетово апелира до сите граѓани да ги почитуваат правилата и да не фрлаат отпадоци на несоодветни места. Секое прекршување ќе биде санкционирано со законски мерки согласно законот за јавна чистота. Да се ангажираме сите за чист град и здрава животна средина без отпадоци, се вели во изјавата на Касами, која ја пренесува Канцеларија за комуникации и односи со јавноста при Општина Тетово

Во соопштението, Општина Тетово упатува и молба до граѓаните кои имаат инертен отпад што не може да се фрли во контејнери да се обратат до Јавното комунално претпријатие (ЈКП), кое ќе се погрижи за транспорт на отпадот од нивните домови.

The post Касами со камери ќе ги лови сите кои фрлаат ѓубре надвор од контејнерите appeared first on Република.

Имаме начелен договор за распределба на ресорите во првиот и вториот ешалон во следниот владин состав, но не можам да зборувам за имиња, истакна Биљал Касами, еден од предводниците на коалицијата „Влен“.

- Генерално, од почеток на разговорите, има добар амбиент во делот на распределба на одговорностите, во делот на хармонизација на програмата. Така што, во фазата во која се наоѓаме денеска, веќе имаме начелен договор за распределба на ресорите во првиот и вториот ешалон, односно министерствата и замениците на министрите. Исто така, има договор дека и претседател на Собранието ќе биде од редовите на „Влен“. Но, за тоа што веќе имаме договорено, кога ќе заврши целиот процес, ќе излеземе официјално со целиот договор, не би сакал да излезам со детали затоа што лошо е чувството и во органите на партијата, кога некоја информација која треба официјално да ја слушнат, ја дознаваат од медиумите. Имаме начелно договор за претседател на Собрание, како и за првиот и вториот ешалон, вели Касами во интервју за „360 степени“.

За „Влен“, во владата со 20 ресори, ќе има пет министерства, плус министер без ресор.

Можам да потврдам дека еден од ресорите кој би требало да биде воден од кадар на коалицијата е Секретаријатот (за европски прашања н.з) кој е предвидено да стане ресорно министерство и согласно важноста на позицијата да биде и вицепремиер. Исто така, можам да потврдам дека и во делот на економијата, нашите еколошки определби и животната средина, би требало да раководиме и со некој од тие ресори. Главно, се работи за меѓусебно разбирање целата влада да биде фокусирана на исполнување на тоа што ќе го договориме без разлика кој каде ќе биде министер, посочува Касами.

Коментирајќи ја идната задача на министерот без ресор, Касами вели дека тој ќе биде задолжен за борба против корупцијата и злоупотребата на службените позиции.

Одговарајќи на прашањето дали не е претенциозна квалификацијата дека идната ќе биде влада на национален спас, лидерот на „Беса“ потенцира дека освен одреден прогрес во евроинтегративниот процес, власта предводена од СДСМ и ДУИ сериозно ја уназадила државата.

Имајќи предвид дека претходните два состави на влади направија некои работи во делот на надминување на некои препреки со соседите со Преспанскиот договор и Договорот со Бугарија, во друга насока тие направија многу штета. На домашен план во делот на корупција и злоупотреба на службените позиции…Така што, сегашната економска ситуација, во делот на владеењето на правото, во делот на исполнување на барањата на европскиот процес за реформа на системот и за приближување кон ЕУ, мислам дека не чека многу работа, така што можам да земам за право да кажам дека оваа влада треба да биде за национален спас, затоа што во многу од овие сегменти има многу назадувања. Државата е доведена до незавидна позиција со која ќе треба да се занимава следната влада, вели Касами.

Кога станува збор за најавеното реструктуирање на министерствата и основање нови, со што од 16 ресори како што е сега, владата би имало 20 министерства, Касами вели дека најверојатно ќе нема многу министри без ресор како што било пракса досега.

Само таму каде што ќе има нешто конкретно во дел на програмските определби на владата ќе треба да има министри без ресор, главно сите би требало да покријат одреден ресор, бидејќи сакаме да имаме поефикасна влада и тоа што ќе биде назначено да има и конкретни работи, т.е надлежности со кои ќе се занимава. И ова е во рамки на таа реорганизација, затоа што во дел на ресорите одат од едно во друго, дел се делат, но не зборуваме за нешто ново кое е надвор од овој систем, туку зборуваме за реорганизација на целата влада и институуците кои се под нејзината надлежност за да биде поефикасна согласно одредени стратегии кои ги имаме, рече Касами.

Според Касами, позицијата министер за односи помеѓу заедниците кое сега се вика Министерство за политички систем и односи меѓу заедниците, не била програмска определба на „Влен“, а дополнително и поради честите злоупотреби кои, како што рече, ги правел министерот Артан Груби, не сакаат да го добијат во распределбата на владиниот колач.

Мислам дека тоа беше едно од министерствата кои беа синоним на злоупотреба на Груби и на ДУИ на институциите и знаеме дека во рамките на тоа министерство беа фиктивно вработени многу граѓани кои потоа немаше каде да одат на работа… Како да беше дизајнирано за Артан Груби за да му се најде место и беше еден од примерите како претходната влада работеше наместо да најде соодветни кадри за институциите. Се знаеше дека претходно тоа беше Секретаријат за имплементација на Охридскиот рамковен договор, па потоа направија министерство, па го ставија и политичкиот систем, па го додадоа и прв вицепремиер… Затоа, не би сакале ние да продолжиме да бидеме налик на нешто што сме го критикувале, вели тој.

Прашан што ќе пишува во владината програма за уставните измени за внесување на Бугарите, Касами нагласи дека еден од главните столбови на програмата на следната влада ќе биде интегрирање на државата во ЕУ и сѐ што треба да се преземе за да се забрза тој процес. Касами го повтори својот став дека уставни измени полесно можат да се донесат со влада на ВМРО-ДПМНЕ и „Влен“, која, според него, е решителна да го продолжи европскиот пат не само како декларативна заложба.

Немам сомневање дека оваа влада ќе ги имплементира Уставот и законот. Во ниту еден случај нема искажано двоумење во тој дел. Без разлика што имаше некои такви ситуации. Во тој дел, како институционалисти, и претседателот на државата и премиерот и другите чинители како идна влада, би требало и верувам дека ќе се почитува Уставот и законите. И во тој дел треба да се види што е законито и уставно во однос на имплементирање на тоа што е постигнато досега. Јас можам уште еднаш да потврдам дека нема да има враќање во тој дел, зашто тоа го имаат кажано и сегашниот претседател и идниот мандатар, рече тој.

За официјалните обраќања на претседателката Сиљновска-Давкова, која не го користи уставното име на државата, Касами вели дека треба на тоа да се гледа и од друг агол.

Може да одиме и на друга линија, таа на сегашните патувања користи пасош со тоа име, и заклетвата – писмениот дел беше потпишан со уставното име. Нема да биде интерес на ниту една страна да бидеме блокирани и да не добиеме ништо ново во делот на достоинството. Чинителите на следната влада, и претседателот и владините функционери, ќе најдеме начин како тоа да биде во рамките на Уставот, во рамките на зкаоните, односно тоа што е претходно договорено со Грција и да се продолжи патот напред, вели Касами.

На прашањето за можно вето од грчка страна поради непочитување на Договорот од Преспа, Касами вели дека приоритет на владата ќе биде деблокирање на процесот на еворинтеграции.

The post Касами: „ВЛЕН“ добива претседател на Собранието, пет министерства, плус министер без ресор appeared first on Република.

Градоначалникот на Општина Тетово и претседател на Движењето Беса дел од Коалицијата „Влен“, Биљал Касами вели дека од понеделник се очекува да почнат разговорите за формирање на новата влада.

-Во текот на оваа недела ќе треба да ги имаме готови работните групи, а доколку не, за време на викендот и најверојатно од понеделник да почне официјализирањето на средбите и координацијата на активностите околу формирањето на владата. Секако, кадровските прашања ќе бидат дел од втората фаза на разговори. Она што е поважно е дека оваа коалиција ќе продолжи да биде гарант за интеграцијата на земјата во ЕУ и гарант за правата на Албанците, бидејќи изборите покажаа дека го добивме мандатот на Албанците да ги претставуваме и донесуваме одлуки кои се за доброто на сите граѓани и на државата кон европската интеграција, рече денеска Касами.

Прашан дали тој лично ќе преземе некаква функција во извршната власт, Касами одговори дека ќе продолжи со работата како градоначалник на Општина Тетово.

– Што се однесува до мојата одлука, самите тетовци покажаа дека ме чекаат уште многу работи да направам во Тетово кои се отворени и кои мора да продолжат, рече Касами.

Христијан Мицкоски, претседателот на опозициската ВМРО-ДПМНЕ која освои најмногу пратенички мандати на вчерашните парламентарни избори, вечерва во телевизиско гостување повтори дека коалицијата Вреди ќе биде нивниот главен коалициски партнер. Оцени дека се вистински претставник на албанската заедница во земјава, и додаде дека во идната влада се добредојдени сите кои ќе ја почитуваат предизборната програма на ВМРО-ДПМНЕ

The post Касами: Од понеделник почнуваат преговорите за формирање влада appeared first on Република.

Биљал Касами вечерва порача дека коалицијата Влен е апсолутен победник кај Албанците.

„Коалицијата Вреди е апсолутен победник кај Албанците, ова е како резултат за доаѓањето на нашите иселеници, затоа 100 илјади пати им велам благодарам, благодарам, благодарам“, порача Касами.

Tој вели дека разликата нема да биде поголема од 10 илјади гласови.

The post Вреди е апсолутен победник кај Албанците, порача Касами appeared first on Република.

Коалицијата на албанската опозиција „Влен“ се надева дека изборниот ден ќе помине мирно, иако, како што велат, има елементи на заплашување и притисок од одредени структури во полицијата.

– Се надеваме дека изборниот ден ќе помине мирно иако има елементи на заплашување и притисок од власта односно од одредени структури во полицијата, особено во Секторот за внатрешни работи во Тетово, изјави денеска лидерот на движењето „Беса“, Билал Касами.

Тој ги повика и нивните политички опоненти да придонесат за мирен изборен ден и после 8 мај државата, како што рече, да продолжи по евроинтегративниот пат.

Според Касами, околу пет илјади иселеници се пристигнати во земјава за да гласаат на 8 мај за коалицијата „Влен“, а се очекува оваа бројка да достигне до 10.000.

– Имаме информации дека одредени структури на ДУИ испратиле луѓе од Царината и од полицијата на граничниот премин Табановце за да ги отргнат нашите иселеници да гласаат. Ги повикуваме нашите опоменти да придонесат за мирен изборен ден. Нека победи најдобриот, оние што имаат најдобра понуда, а по 8 мај, Македонија да се врати на евроинтеграцискиот пат, рече Касами во изјава за медиумите.

Посочи дека во изборната програма предвидуваат над 100 милиони евра годишно за општините со претежно албанско население кои ќе бидат наменети за подобрување на инфраструктурата и економскиот развој.

The post Касами: Има заплашување и притисок врз гласачите од структури во полицијата appeared first on Република.

Претседателот на Движењето Беса и дел од албанската опозициска коалиција „Вреди“, Биљал Касами денеска на настан во Тетово изјави дека, како што веќе е најавено, нивната коалиција ќе биде дел од наредната влада. Посочува дека во таа влада, па дури и со ВМРО-ДПМНЕ, полесно ќе се изгласат уставните измени.

-Ќе има европска влада, влада во која коалицијата „Вреди“ веќе е најавено дека ќе биде дел. Во таа влада, се разбира, кажавме и кажуваме дека го гарантираме интегрирањето на земјата во ЕУ и унапредувањето на правата на Албанците. И претходно имаме кажано дека во таква влада ќе биде многу полесно, дури и ако ВМРО-ДПМНЕ е во таа влада или која било политичка партија, треба да се изгласат уставните измени. Затоа, кога велиме дека ќе се изгласат уставните измени и ќе се изгласат. Ние не сме како ДУИ која за 10 години коалицинирање со ВМРО-ДПМНЕ не направи ниту најмал чекор кон интеграција во Европската Унија, рече тој.

Касами нагласи дека нивната коалиција се „гаранти на уставните измени и унапредувањето на правата на Албанците“.

The post Касами: Веќе е најавено дека „Вреди“ ќе биде дел од наредната влада appeared first on Република.

Лидерот на Беса, Биљал Касами, по потпишувањето на Декларацијата за обединетост, рече дека вклучувањето на Алијанса за Албанците во коалицијата ја покажува одлучноста, револуционерниот дух и волјата за промена на албанскиот народ.

„Бидете уверени дека Вашата одлука да бидете дел од овој процес е вреден“, рече Касами.

The post Касами: Вклучувањето на АА ја покажува одлучноста, револуционерниот дух и волјата за промена на албанскиот народ appeared first on Република.

Наредните неколку денови ќе го објавиме кандидатот за претседателските избори кој ќе биде заеднички на опозицијата, рече Биљал Касами, лидерот на БЕСА во вечерашното гостување во „Клик Плус“ на ТВ21.

Според Касами, овие претседателските избори се историска шанса кандидатот Албанец да влезе во вториот круг.

Овој пат се одлучивме тој да биде политичка фигура, во игра е Таравари, во игра сум јас, набрзо ќе дознаете. Албанците имаат историска шанса нивниот кандидат да влезе во вториот круг на претседателските избори. Тоа го кажуваат моменталните бројки и рејтизни на партиите, СДСМ има многу низок рејтинг моментално и тоа е шанса албанскиот кандидат да влезе во втор круг доколку сите Албанци гласааат за него. На Албанците затоа им треба еден кандидат, рече Касами на прашањето дали со Али Ахмети може да се договорат за Албанците да имаат еден кандидат.

„ДУИ ја имаше оваа шанса, но ДУИ нема да излезе со кандидат Албанец, а доколку излезе со свој кандидат тоа ќе го направат затоа што ние ќе извадиме. ДУИ не е тука да ги застапува интересите на Албанците“, кажа Касами.

The post Касами: Албанците имаат историска шанса претседателскиот кандидат да влезе во втор круг appeared first on Република.

Претседателот на Движењето Беса и градоначалник на Општина Тетово, Биљал Касами во синоќешното гостување во емисија на Радио Телевизија Косово нагласи дека е разговарано со претседателот на Алијансата за Албанците Арбен Таравари тој да биде претседателски кандидат.

Да, разговарано е со Таравари да биде претседателски кандидат и се гледа како соодветен албански кандидат на овие избори, потенцираше Касами.

Првиот човек на Беса истакна дека косовскиот премиер и претседател на Самоопределување Албин Курти заедно со претседателот на косовското Собрание Глаук Коњуфца биле дел од изборните кампањи во неколку изборни циклуси.

Сега ќе имаме иновации, каде претставници или високи експоненти на Движењето Самоопределување на Косово, но и кои се државјани на Македонија, ќе бидат дел од изборните листи за пратеници во листите на здружената опозиција, рече рече Касами.

The post Касами: Имаме разговарано со Таравари за да биде кандидат за претседател на државата appeared first on Република.

Градоначалникот на општина Тетово Билал Касами ги повика институциите да реагираат и да го отстранат крстот што беше поставен на Попова Шапка.

Вчера бевме сведоци дека на Попова Шапка се постави еден гигантен крст. Овој непромислен акт ја вознемири јавноста. Свесни за овој момент и имајќи ги во предвид сценаријата кога властите ги искористиле емоциите на граѓаните за да создадат меѓуетнички и меѓурелигиски тензии. Денес сме тука да изјавиме дека Ние – челниците на субјектите на Европскиот Сојуз за Промени, ниту сме биле, ниту ќе бидеме против верските симболи, на било која вероисповед, но нема ниту да дозволиме никој да ги злоупотребува овие симболи за да создава меѓу граѓански конфликти, бидејќи верските симболи, секогаш пренесуваат пораки за мир, а не за конфликти. За волја на вистината, на Попова Шапка веќе има по еден култен објект на муслиманите и православните, а тоа до денес никому не му пречело. Но, со поставувањето на крстот вчера, се создава впечаток дека некој намерно има за цел да создаде инциденти и да створи нови тензии меѓу граѓаните“ изјави Касами.

Тие ги повикаа Комисијата за односи со верските заедници, Македонската православна црква, Охридската Архиепископија, односно Тетовската Митрополија, согласно нивните надлежности „да преземат мерки и самите да го тргнат овој крст, и да не дозволат верата да се трансформира во инструмент на создавање тензии меѓу граѓаните“.

Воедно, додаваат, го повикуваме Државниот инспекторат за градежништво и урбанизам, како орган со директни овластувања во оваа работа, да постапи што е можно побрзо согласно своите должности.

Знаеме дека оваа институција е под раководство на ДУИ и доколку не постапат ќе ги сметаме за тивок партнер со македонските партии, порано со ВМРО-ДПМНЕ сега со СДСМ, и ги повикуваме итно да се приклучат на постапот врз своите законските обврски, бидејќи таквите провокации се непростливи за никого. Сведоци сме од минатото дека ваквото поставување на култни објекти, без одобрение, без план и со наметнување, отсекогаш се сфаќало како провокација и предизвикувало неповолни сцени. Имајќи го во предвид ова искуство, ние сме гледале вакво сценарио во минатото, како една македонска партија глуми лав, една албанска партија глуми орел пред изборите, а кога ке влезат на избори после се претвараат во маче и во врапче, затоа ве повикуваме на мир, љубов и меѓусебно почитување, се обраќаме до Македонската Православна Црква – Охридска Архиепископија, за да не дозволат да станат жртви на националистичките политики. Ги повикуваме ДУИ и сите македонски партнери да престанат да ги злоупотребуваат верските симболи за да добијат дневни политички поени, под итно да излезат во јавноста и да побарат од властите на Македонската Православната Црква да го тргнат крстот, на овој начин ќе се создадат услови да се развие меѓусебното почитување и соживот, велат од Европскиот сојуз на промени.

Тие додаваат дека сакаат верските заедници во нашата земја да се облагородат во духовниот живот на нашите граѓани и да не дозволат да се инструментализираат за политички цели.

The post „Тргнете го крстот сами за да нема тензии“, се закани Касами во име на „Европскиот сојуз“ appeared first on Република.

Претседателот на Собранието, Талат Џафери, преку писмена изјава реагираше што градоначалникот на Тетово и претседател на движењето Беса, Биљал Касами, како што вели во реакцијата, „го злоупотребил Собранието со тоа што ги прекршил воспоставените собраниски процедури за одржување на конференции за печат во зградата на законодавниот дом, за лична политичка промоција“.

Во Собранието е предвидена посебна процедура за начинот на одржување на конференции за печат за тоа каде и кој се може да го користи тоа право. Согласно тоа, Прес-центарот во законодавниот дом е наменет исклучиво само за пратениците од тековниот мандат, па така, нејасно е во кое својство Касами присуствуваше и говореше на ненајавената прес-конференција во Собранието. Како поранешен пратеник, Касами би требало да е упатен во процедурите на законодавниот дом и да знае дека, Собранието не е место на кое тој може да се обраќа било како градоначалник или како претседател на партија, наведува Џафери.

Освен тоа, како што посочува Џафери, во прекршувањето на собраниските правила и норми на Касами му се приклучиле и го поддржале уште неколку други пратеници, кои во спротивност со воспоставените правила, му овозможиле да се обрати од прес-центарот во Собранието, од местото предвидено исклучиво за изјави на народните избраници.

Пратеници од партиите Демократско движење, Движењето Беса и Алтернатива, кои се дел од коалицијата Европскиот сојуз за промени, од собраниската говорница најавија дека ќе делуваат во една пратеничка група, чиј координатор ќе биде пратеничката Сафије Садики Шаини.

The post Џафери: Собранието не е место за Биљал Касами да се обраќа како градоначалник или како претседател на партија appeared first on Република.

Тетовскиот градоначалник Биљал Касами на социјалната мрежа Фејсбук објави покана од Основен суд Тетово, од каде бараат претставник на општината да дојде на судско рочиште на 15 септември поради сторен прекршок при пречекот на косовскиот премиер Курти, односно неспроведување на Законот за употреба на грбот, знамето и химната.

На Фејсбук-профилот, Касами само на албански јазик напишал дека тоа претставува обид за заплашување и молчење.

Уште еден обид за заплашување и молчење, што ме прави да разберам колку се плашат од албанската опозиција. Со овие дела ни ја зголемувате храброста. Повторувам, времето на заплашување и уцена на Албанците е мртво, како што умира и вашиот режим. Тоа го должиме само на граѓаните и на овој народ, бидејќи за вакви режими не се плашевме ниту во комунистичката ера, ниту сега. Вашето време истече, напиша Касами.

Објавен е и дел од судската покана со објаснување зошто се поведува постапката.

На ден 11.08.2023 година на градскиот плоштад при организираниот дочек на странска делегација и претставници на Владата на Косово предводена од Албин Курти при самото доаѓање на градскиот плоштад на поставена бина беше интонирана химната на Албанија при што не беше интонирана химната на РС Македонија. Воедно на бината каде што се одвиваше манифестацијата истакнати се знамиња на Р. Косово и Р. Албанија без притоа да се истакне државното знаме на РС Македонија. Горе пријавеното правно и одговорно лице во правно лице не постапиле согласно Законот за употреба на грбот, знамето и химната на РС Македонија при што при официјалната посета на странската делегација не ја интонирале државната химна како и не го истакнале државното знаме на РС Македонија“, стои во поканата на Основниот суд Тетово до локалната самоуправа.

Од 11 август СВР Тетово бара и човек кој вееше знаме со карта на т.н.Голема Албанија.

The post На Касами му стигна покана за на суд: Кога дошол Курти, не постапил согласно Законот за употреба на грбот, знамето и химната appeared first on Република.

Лидерот на Беса Албин Курти го пречека премиерот на Косово Албин Курти во Тетово.  Тетовскиот градоначалник  го претстави македонскиот град како „албански главен град во Cеверна Македонија.

„Драг пријателе Албин, добредојдовте во Тетово, албанскиот главен град на Македонија!“,

Слична порака имаше и при посетата на Тетово на делегацијата од градоначалници Албанци од Косово и од Србија  пред три недели.

The post За Касами, Тетово пак е албански главен град во Македонија appeared first on Република.

ДУИ бара соработка само кога им е тесно, само кога се во критична ситуација. И ова искуство беше во 2016 година, кога можеби не секој ден, но на неделно ниво имав телефонски повик или порака од првиот човек на ДУИ, Али Ахмети. Но, така беше до средбата во Тирана, додека не ги реши сопствените работи. И од тој момент ја прекина комуникацијата“, изјави лидерот на Беса и градоначалник на Тетово Биљал Касами за „Клик плус“ на ТВ21.

Касами напоменува дека, на Ахмети кога му треба соработка, секогаш станува добар комуникатор.

„Се јавува, бара состаноци, праќа посредници. Сега истото го прави и кога му требаат пратениците на Беса, за да го намали влијанието на „Огнените““, додава Касами.

The post Касами: Ахмети е во тесно, се јавува, праќа посредници, му требаат пратеници за да го намали влијанието на „Огнените“ appeared first on Република.

Уставните измени може да се направат оваа година, изјави лидерот на Беса и актуелен градоначалник на општина Тетово, Биљал Касами во синоќешното гостување во дебатниот магазин „Click Plus“ на ТВ21.

Верувам дека уставните измени ќе се направат годинава. Која Влада ќе ги направи овие измени, тоа е друга тема. Можни се предвремени избори. Владата треба да прифати дека со оваа политика не може да се постигне мнозинство. Ако оваа влада е заинтересирана да ги направи уставните измени и да го продолжи патот кон ЕУ, мислам дека со договор на лидерите може да се обезбеди мнозинство за уставните измени, истакна Касами.

Тој најави најави и широк опозициски фронт пред избори.

Касами вели дека сега кога Алијанса за Албанците стана дел од Владата се отвара терен за опозицијата, конкретно сите албански гласачи со опозициско убедување, сега ќе се доближат до Беса.

Освен тоа, големо е незадоволството и кај гласачите на ДУИ. Но не само тоа. И другите етнички заедници се целосно незадоволни од оваа Влада. Ние сакаме да им отвориме врата и на другите етнички заедници, на пример на Турците, Ромите, Бошњаците, и другит, вели Касами.

The post Касами: Можни се уставни измени годинава, но и предвремени избори appeared first on Република.

Градоначалникот на Тетово Биљал Касами денеска изјави дека актуелната Влада нема капацитет да ги реализира најавените автопатски делници од Коридор 8, затоа што власта, вели, има многу проекти за тетовскиот регион кои останале само најава.

За вчерашното неприсуство на свеченоста за Коридор 8 не одговори дали Општината имала покана, но рече дека нема да присуствуваат на „свадбите без зет и невеста“ на Владата.

Нема да присуствуваме на никакви промоции на свадби без зетот и снаата, затоа што знаеме дека оваа влада е позната по тоа што прави такви свадби. Досега само во тетовскиот регион има промовирано три проекти кои нигде не се. Прво фабриката за електрични возила која пред изборите беше промовирана, никој не знае дали кога ќе почне да се стави камен темелник. Исто така, од самиот поранешен премиер во Тетово во изборна кампања беше промовирана инвестиција од 150 милиони евра. Исто од Еколог во делот на инвестиција на резиденцијални објекти, болница и такви работи, самиот премиер Заев го промовираше. Поранешниот министер за екологија промовираше инвестиција за Попова Шапка од над 150 000 000 евра, отиде министерот отиде инвестицијата, истакна Биљал Касами.

Тој рече дека ваквите најави од централната власт се заради нивната неуспешност.

За нас како Движење Беса е еден од од најважните коридори, Коридорот 8, затоа што како што беше како што е веќе завршен Коридор 10 што го поврзува југот со северот исто така толку важен е и Коридорот 8 за исток-запад, но оваа Влада нема капацитет тоа да го реализира, а се ова што се прави веќе медиумите вие објавувате секојдневно дека целта е корумпирачка и дека не е целта да се реализира таквиот капитален проект, истакна Касами.

Тетовскиот градоначалник рече дека со централната власт Општина Тетово нема никаква соработка во областа на образованието, со полицијата, урбанизмот и културата и за тоа трпат граѓаните.

The post Касами: И фабриката за електрични возила беше промовирана како Коридор 8, па не се знае ни дали ќе почне да се гради appeared first on Република.

Градоначалникот на Тетово Биљал Касами денеска изјави дека актуелната Влада нема капацитет да ги реализира најавените автопатски делници од Коридор 8, затоа што власта, вели, има многу проекти за тетовскиот регион кои останале само најава.

За вчерашното неприсуство на свеченоста за Коридор 8 не одговори дали Општината имала покана, но рече дека нема да присуствуваат на „свадбите без зет и невеста“ на Владата.

Нема да присуствуваме на никакви промоции на свадби без зетот и снаата, затоа што знаеме дека оваа влада е позната по тоа што прави такви свадби. Досега само во тетовскиот регион има промовирано три проекти кои нигде не се. Прво фабриката за електрични возила која пред изборите беше промовирана, никој не знае дали кога ќе почне да се стави камен темелник. Исто така, од самиот поранешен премиер во Тетово во изборна кампања беше промовирана инвестиција од 150 милиони евра. Исто од Еколог во делот на инвестиција на резиденцијални објекти, болница и такви работи, самиот премиер Заев го промовираше. Поранешниот министер за екологија промовираше инвестиција за Попова Шапка од над 150 000 000 евра, отиде министерот отиде инвестицијата - истакна Биљал Касами.

Тој рече дека ваквите најави од централната власт се заради нивната неуспешност.

За нас како Движење Беса е еден од од најважните коридори, Коридорот 8, затоа што како што беше како што е веќе завршен Коридор 10 што го поврзува југот со северот исто така толку важен е и Коридорот 8 за исток-запад, но оваа Влада нема капацитет тоа да го реализира, а се ова што се прави веќе медиумите вие објавувате секојдневно дека целта е корумпирачка и дека не е целта да се реализира таквиот капитален проект - истакна Касами.

Тетовскиот градоначалник рече дека со централната власт Општина Тетово нема никаква соработка во областа на образованието, со полицијата, урбанизмот и културата и за тоа трпат граѓаните.

The post Касами: Оваа Влада нема капацитет да го реализира Коридор 8 appeared first on Република.

Уставни измени само доколку го рефлектираат мултиетничкото општество на државата. Ова е одговорот на новинарското прашања до тетовскиот градоначалник и воедно претседател на Движење Беса Биљал Касами за предлогот на Христијан Мицкоски при уставните измени да се земе хрватскиот модел.

-Ние сме отворени да разговараме за секаков модел кој ја рефлектира реалноста во Македонија. Македонија е мултиетничко општество и државата треба да биде регулирана за да ги рефлектира правата и обврските на граѓаните согласно нивните различности. Така што, секоја дискусија поширока за уставна регулација на државата за нас е добредојдена. Сме заинтересирани да бидеме дел, но не сме заинтересирани да разговараме за било каков било модел кој не рефлектира на мултиетничкиот карактер на општеството во  Македонија - истакна Биљал Касами денеска од Тетово.

The post Касами и Беса прифаќаат уставни измени кои го рефлектираат мултиетничкото општество appeared first on Република.

Лидерот на движењето БЕСА, Биљал Касами, во синоќешното гостување на Алсат рече дека доколку власта сака да има уставни измени, прво мора да има договор за одржување на предвремени избори.

„Сметаме дека ако Владата сака да направи уставни измени во овој формат, тогаш мора нешто да понуди, а она што го бара опозицијата, во случајов Движењето БЕСА, се предвремени избори.

Значи, ако оваа Влада сака да направи уставни измени треба да седне со нас, а ние велиме дека се согласуваме дека во овој формат на Влада може да се зборува за уставни измени, но во исто време да се договориме за предвремени избори“, изјави Касами во емисијата „360 степени“. 

Тој уште рече дека Движењето БЕСА ќе ги поддржи уставните измени за вклучување на Бугарите во Уставот, но само ако при тоа се отстрани фразата „20 отсто“ од Уставот.

https://youtu.be/uWev_MNmFDk

The post Касами: Да за Бугари во Уставот, но прво… appeared first on Република.

Лидерот на Беса и тетовски градоначалник, Биљал Касами, кој не присуствува на средбата меѓу Еди Рама и лидерите на партиите на македонските Албанци во Тирана, преку социјалните мрежи се осврна на средбата.

Да, оваа Беса, со оваа политичка сила ве победи двапати по ред во главниот град на Албанците во Македонија- Тетово. Овој пат никој не може да ве спаси од пораз на следните избори, кога и да се одржат!, пишува Касами, откако Ахмети ги прозва од Тирана поради неговото недоаѓање на средбата со албанскиот премиер Еди Рама и лидерите на четирите партии на Албанците во Македонија.

Пред почетокот на средбата во Тирана, Ахмети го коментираше неучеството на Беса на оваа средба.

Би било убаво да беше. Но, секој има свои мисли, своја автономија. Времето ќе докаже колку е продуктивно тоа размислување, изјави кусо Ахмети.

The post Касами му возвраќа на Ахмети: Оваа Беса ве победи двапати по ред во главниот град на Албанците во Македонија – Тетово appeared first on Република.