Билетите за двата завршни дуели на македонската фудбалска репрезентација во Лигата на нации ќе бидат пуштени во продажба во понеделник, објави попладнево Фудбалската федерација на Македонија.

Македонските фудбалери в четврток на Националната арена „Тодор Проески“ во Скопје ќе ја пречекаат Летонија (20:45 часот), а в недела во последното коло од 15 часот ќе играат против Фарски Острови.

Цената на билетите, како што објави ФФМ, е од 200 и 400 денари.

Пред двете завршни кола во групата Ц4, македонската репрезентација е првопласирана со 10 бодови, пред Ерменија и Летонија со по четири и Фарски Острови со три бодови.

The post Од понеделник во продажба билети за дуелите со Летонија и Фарските Острови во Лигата на нации appeared first on Република.

Основното јавно обвинителство Скопје поднесе обвинителен акт против три вработени во Јавното сообраќајно претпријатие Скопје за проневера во службата. Според обвинението, трите соизвршителки присвоиле пари доверени во службата во износ од 23.133.245 денари со намера да прибават противправна имотна корист.

Како што соопштуваат од обвинителството, трите соизвршителки, во временскиот период од 01.12.2018 година до 05.08.2021 година, со умисла извршиле повеќе временски поврзани дејствија што претставуваат повеќекратно остварување на исто дело, искористувајќи ист траен однос и исти прилики.

Тие заеднички, како одговорни лица вработени во Јавното сообраќајно претпријатие – Скопје, со намера да прибават за себе противправна имотна корист, присвоиле пари доверени во службата во вкупен износ од 23.133.245 денари, што претставува значителна имотна корист, стои во соопштението од обвинителството.

Дополнуваат дека две од обвинетите, продавачки на билети на продажните места – билетарници „Зелен пазар“ и ГТЦ уплаќале помалку парични средства наплатени во готово, додека, третата обвинета, самостоен референт-сметководител во Одделение за сметководство-Сектор за финансиско работење во ЈСП, иако знаела дека паричните средства не се уплатени и раздолжени, сметководствено вршела докнижувања, прекнижувања, исправки и други книговодствени дејствија без документација, за да може сметководствено да ги оправда и покрие неуплатените готови пари од дневниот пазар.

Јавниот обвинител, со поднесување на обвинителниот акт, предложил и определување мерки на претпазливост – забрана за напуштање на живеалиштето, односно престојувалиштето, обврска на обвинетите да се јавуваат повремено на определено службено лице или кај надлежен државен орган, привремено одземање на патна или друга исправа за преминување на државната граница односно забрана за нејзино издавање.

The post Продавачки во билетарниците на ЈСП на „Зелен пазар“ и „ГТЦ“ и вработена во сметководство проневериле над 375 илјади евра appeared first on Република.

Ги информираме учениците од прва година средно образование кои ги исполнуваат условите за бесплатен превоз (ученици во средни училишта чиј основач е Град Скопје) дека билетите ќе ги добијат во матичните училишта. Всушност, сега ќе им бидат дадени времени билети, кои во меѓувреме ќе бидат заменети со „Скопска“.

Учениците од повисоките одделенија, во случај да имаат потреба од нова персонализирана електронска картичка „Скопска“ (поради изгубена картичка и слично), нова/дупликат можат да обезбедат во кој било центар за персонализација на ЈСП Скопје.

Притоа, неопходно е да достават потврда од училиште и да платат еднократен надомест од 200 ден за изработка на картичката.

Потсетуваме дека средношколските билети за бесплатно користење на јавен превоз, важат за сите линии (градски и приградски) во период од 05 до 24 часот, односно, единствено не важат за користење на ноќни линии.

The post ЈСП: Средношколците ќе ги добијат бесплатните билети во матичните училишта appeared first on Република.

Учениците од прва година средно образование кои ги исполнуваат условите за бесплатен превоз (ученици во средни училишта чиј основач е Град Скопје) билетите ќе ги добијат во матичните училишта. Всушност, сега ќе им бидат дадени времени билети, кои во меѓувреме ќе бидат заменети со „Скопска“, информираат од ЈСП Скопје.

Учениците од повисоките одделенија, во случај да имаат потреба од нова персонализирана електронска картичка „Скопска“ (поради изгубена картичка и слично), нова/дупликат можат да обезбедат во кој било центар за персонализација на ЈСП Скопје.

Притоа, неопходно е да достават потврда од училиште и да платат еднократен надомест од 200 ден за изработка на картичката.

Средношколските билети за бесплатно користење на јавен превоз, важат за сите линии (градски и приградски) во период од 05 до 24 часот, односно, единствено не важат за користење на ноќни линии.

The post Средношколците ќе ги добијат бесплатните билети во матичните училишта appeared first on Република.

Британскиот крал Чарлс летово ќе ги за посетители отвори вратите на замокот Балморал, а како што пренесуваат медиумите, сите билети по цена од 100 фунти биле распродадени за 24 часа, пренесува Си-ен-ен.

Посетите ќе бидат дозволени од 4 јули до 11 август, а ова лето, за прв пат по завршувањето на изградбата на замокот во 1856 година, на посетителите ќе им биде дозволен пристап до делови од кралскиот дом кои никогаш досега не биле отворени за јавноста.

Сместен на брегот на реката Ди во националниот парк Кернгормс, имотот Балморал е шкотска резиденција од 1852 година, кога принцот Алберт ја купил за својата сопруга, кралицата Викторија.

Ова лето за првпат за јавноста ќе биде отворено и источното крило на Бакингемската палата, кое го опфаќа познатиот централен балкон каде што членовите на кралското семејство се собираат за јавни настапи.

Делови од други кралски имоти како Виндзор, Сандрингам, Холирудхаус и Хајгроув и претходно беа достапни на јавноста за различни настани.

The post Кралот Чарлс прв пат ќе ги отвори вратите на Балморал, билетите од 100 фунти распродадени за 24 часа appeared first on Република.

Ракометната федерација на Македонија (РФМ) соопшти дека билетите за Европското првенство во ракомет кое се игра во јануари се распродадени од страна на организаторот.

РФМ преку соопштение ги информира навивачите дека нема билети за престојното Европско првенство во Германија. Организаторот ги распродал влезниците за групата А каде што е и Македонија.

„Ве известуваме дека до Ракометната Федерација на Македонија секојдневно пристигнуваат барања за билети за претстојното Европско ракометно првенство во машка сениорска конкуренција, кое ќе се одржува во Германија во период од 10ти до 28ми јануари 2024 година.

Ракометната Федерација на Македонија, односно машката сениорска репрезентација е учесник на претстојниот спортски настап, согласно регулативата на Европската ракометна федерација правата за продажба на билети за европски спортски настани се кај домаќинот на првенството, во овој случај тоа е ракометната федерација на Германија и нивниот организационен комитет.

Европската ракометна федерација преку своите медиумски соопштенија уште во месец мај 2023 година, објави дека има огромен интерес за билети за претстојното првенство и дека половина од билетите за натпреварите во продажба се веќе распродадени, особен интерес и побарувачка за билети имаше во групата А каде настапува и македонската сениорска репрезентација, бидејќи во група А се наоѓа и домаќинот Германија.

Од страна на организаторот преку online мрежата за продажба, во месец септември 2023 година беа пуштени во продажба и последните слободни 10.000 билети, кои во екстремен брз временски рок беа распродадени.

Ве молиме бидете информирани дека билетите за натпреварите во Група А каде настапува и македонската репрезнетација, по добиената информација од страна на ракометната федерација на Германија и нивниот организационен комитет се распродадени“, стои во соопштението на РФМ.

Вообичаено за големите натпреварувања секоја репрезентација добива контингент на билети за своите навивачи, но овојпат тоа не е случај. Оние Македонци кои купиле билети по регуларен пат, ќе можат да ја бодрат репрезентацијата во живо.

The post Распродaдени се билетите за ракометното ЕП во Германија, нема карти за македонските навивачи! appeared first on Република.

Билетите за навивачите на македонската репрезентација за натпреварот Украина - Македонија кој ќе се одигра на 14. октомври, 2023 г. на стадионот на Спарта во Прага се пуштени во продажба.

Како што информираат од ФФМ, билетите се по цена од 300 чешки Круни (приближно 755 денари), а може да се купуваат електронски на следниот линк:

https://uaf.enigoo.cz/app/guests/events

За македонските навивачи, во секторот од трибината на стадионот наменета за навивачи на македонската репрезентација (блоковите F1, F2, F20, F21 од мапата на стадионот) се предвидени 988 влезници.

Фановите кои ќе патуваат во Чешка, билетот за натпреварот Украина - Македонија може да го добијат во ПДФ форма откако ќе го завршат процесот на електронско купување на влезница. Едно лице со пополнети лични податоци може да купи најмногу четири билети.

The post Пуштени во продажба влезниците за натпреварот Украина – Македонија во Прага appeared first on Република.

Билетите за натпреварот меѓу Македонија и Италија на Националната арена „Тодор Проески“ во Скопје ќе почнат да се продаваат на 30 август, а цените ќе изнесуваат 300 и 500 денари.

Продажбата на билети ќе се организира преку продажбата мрежа на „МКТикетс“ со физичко присуство на купувачите. Билетарницата на Националната арена „Тодор Проески“ ќе биде отворена на 7, 8 и 9 септември од 10.00 до 18.00 часот.

Цените на билетите по трибини:

Северна трибина

Блок 13 и 19 - 300 денари

Блок 14, 18, 20 и 24 - 500 денари

Јужна трибина

Блок 1 и 6 - 300 денари

Блок 2, 3, 4 и 5 - 500 денари

Западна трибина

Блок 25, 26, 27, 28, 29 и 30 - 300 денари

Македонските фудбалери имаат три освоени бодови по три одиграни меча, додека Италија има исто толку бодови по две одиграни средби.

Пресметката на репрезентациите е закажана за 9 септември од 20.45 часот.

The post Од утре почнува продажбата на билети за фудбалскиот меч Македонија – Италија appeared first on Република.

Додека Европа страда од топлотен бран, а климатската криза се забрзува, многу патници поради загадувањето повеќе сакаат да патуваат со воз отколку со авион. Тие често се соочуваат со превисоки цени.

Патувањето со воз на долги релации во Европа може да чини речиси 30 пати повеќе од летање, покажуваат податоците од нов извештај. Извештајот, составен од групата за еколошка кампања Гринпис, ги споредува цените на летовите и билетите за воз на 112 европски линии на девет различни датуми.

Билетите за воз беа во просек двапати поскапи од летовите, додека патувањата со воз од Обединетото Кралство до Европа, кои вклучуваат одење со често скапиот Еуростар до континентот, во просек беа четири пати повисоки од цената на авионските карти. Истото важи и за Шпанија, која има брза железничка мрежа со четири конкурентни марки. Летовите биле поевтини од возовите на 71 отсто од анализираните линии.

Имаше и шокантни поскапувања. Станува збор за патување во последен момент од Лондон до Барселона во мај, резервирано два дена пред патувањето, каде цената на возот беше 384 евра во споредба со 12,99 евра за лет на „Рајанер“, што го прави возот 29,6 пати поскап од авионот.

Лондон до Барселона е третата најпопуларна воздушна линија во Европа, со 3,36 милиони луѓе кои патуваа во 2019 година, според Гринпис, кој додава дека префрлањето на тие летови на железница ќе заштеди 461.000 тони стакленички гасови, што е еднакво на годишните емисии на повеќе од 300.000 автомобили.

Зошто некој би одел со воз од Лондон до Барселона и би платил до 384 евра кога авионските билети се достапни за смешно ниската цена од 12,99 евра? Граѓаните заслужуваат да имаат пристап до чист, ефикасен и достапен транспортен систем кој не штети на климата, луѓето и нашата планета“, се вели во извештајот.

Каде е најскапото возење со воз?

Земјите со најскапи билети за воз во споредба со авионските билети се Велика Британија, Шпанија, Белгија, Франција и Италија. Во извештајот се вели дека возовите често се поевтини од летовите во централна и источна Европа, но времето на патување, врските, фреквенциите на возот и стандардите за услуги се „обично полоши отколку во западноевропските земји“. Некои железнички компании во Европа не продаваат билети повеќе од два или три месеци однапред, се вели во извештајот, давајќи им уште една предност на авиокомпаниите.

Стандардната цена на билет не е целосна слика. Буџетските авиокомпании наплаќаат за седење, чекиран багаж, па дури и патни торби во некои случаи, додека летањето вклучува трошоци за патување до аеродром надвор од градот.

Според Европската агенција за животна средина, авионите, кои се одговорни за околу 2,5 отсто од глобалното загадување на планетата, испуштаат во просек речиси пет пати повеќе стакленички гасови од возовите, а воздухопловството беше најбрзо растечки извор на емисии на стакленички гасови во Европа помеѓу 2009 и 2019 година, зголемувајќи се за 29 проценти во текот на деценијата.

Сепак, податоците на Гринпис покажуваат дека во 2019 година втора најпопуларна рута во Европа била Единбург до Лондон, патување што може да се реализира за околу четири и пол часа со воз, иако по двојно повисока цена.

Авиокомпаниите во ЕУ се ослободени од плаќање данок на керозин, додека железницата немаат слични ослободувања од извори на енергија. Лоби групата „Транспорт и животна средина“ за чист транспорт процени претходно овој месец дека владите на ЕУ губат 4 милиони евра на час од потенцијалните даноци за воздухопловство, вклучително и керозин, пишува „Си-Ен-Ен“.

Нискобуџетните авиокомпании оперираат на 79 отсто од 112 анализирани линии. Буџетските превозници често се фалат дека имаат понови флоти и авиони кои се помалку штетни за животната средина, но нивниот експоненцијален раст ги прави главен дел од проблематичната експанзија на авијацијата, изјави за Си-Ен-Ен минатата година Матео Мироло, службеник за воздухопловна политика во Transport & Environment.

Лорелеи Лимузен, активистка на на Гринпис за климатски промени во ЕУ, вели дека авиокомпаниите имаат „корист од неверојатните фискални предности“.

Авионите загадуваат многу повеќе од возовите, па зошто луѓето се охрабруваат да летаат? Авионските билети од десет евра се можни само затоа што другите, како работниците и даночните обврзници, ја плаќаат вистинската цена. За доброто на планетата и луѓето, политичарите треба да дејствуваат за да ја сменат оваа ситуација и да го направат патувањето со воз подостапна опција, инаку ќе видиме уште повеќе и повеќе жештини во Италија, како во Грција, вели таа.

Групата ги повика владите на континентот да воведат долгорочни, достапни „климатски картички“ за јавниот превоз, вклучително и прекуграничниот. Тие сугерираат дека ова треба да се финансира со „постапно укинување на субвенциите на авиокомпаниите и праведен систем на оданочување заснован на емисиите на CO2“.

Овој извештај уште еднаш нагласува како неоправданите даночни олеснувања им дозволуваат на авиокомпаниите да нудат апсурдно евтини авионски билети, додека железничките оператори треба да плаќаат висока цена за енергија и железнички патарини“.

 

Владите мора да ги отстранат даночните ослободувања за авиокомпаниите, како што се даноците за гориво и ДДВ, како и да ги намалат железничките патарини. Секој час, европските влади губат четири милиони евра од даноци за воздухопловство кои би можеле да се реинвестираат во промовирање на поодржлив транспорт“, вели Виктор Тевен, железнички координатор во организацијата „Transport & Environment“.

The post Возовите во Европа се до 30 пати поскапи од авиолиниите: Што ја предизвикува разликата во цената и зошто е таа всушност опасна appeared first on Република.

Во понеделник, 5 јуни, ќе започне продажбата на билетите за фудбалскиот натпревар Македонија - Украина (16 јуни, 20:45 ч.) на Националната арена „Тодор Проески“ во Скопје од квалификациите за ЕУРО 2024.

Цената на влезница за натпреварот изнесува од 300 и 400 денари, во зависнот од локацијата на трибините.

Продажбата на билети за натпреварот Македонија - Украина ќе се организира исклучиво преку продажната мрежа на MKTickets со физичко присуство на купувачите.

Едно лице може да купи најмногу четири (4) билети. Задолжителна е влезница за натпреварот и за деца, без оглед на нивната возраст.

Цени на билети:

Северна Трибина
300 денари - Блок 13, 14, 18, 19, 20, 21, 23 и 24

Јужна Трибина
300 денари - Блок 1, 2, 5 и 6
400 денари - Блок 3 и 4

Билетарата на Националната арена „Тодор Проески“ ќе биде отворена на 14-ти, 15-ти, како и на денот на натпреварот од 10:00 часот.

Ги повикуваме сите љубители на фудбалот и поддржувачи на македонската репрезентација со фер и коректно навивање да им помогнат на 'Рисовите' да дојдат до многу важна победа од квалификациите за Европското првенство 2024“, порачува ФФМ.

The post Од понеделник во продажба билетите за Македонија – Украина appeared first on Република.

Ракометната федерација на Македонија денеска ја започна продажбата на влезните билети за квалификацискиот натпревар меѓу сениорските селекции на Македонија и Португалија.

Македонија ќе биде домаќин во салата во СЦ „Борис Трајковски“ во четврток на 9. март, а денеска веќе може да се набават билети онлајн или на неколку продажни места.

Цената на билетите ќе биде 200 и 100 денари, а како и досега, се очекува полна сала за максимална поддршка на избраниците на Кире Лазаров.

Дуелот Македонија-Португалија се игра во рамките на квалификациите за ЕП во 2024 година.

The post Пуштени се во продажба билетите за ракометниот дуел Македонија-Португалија appeared first on Република.

The post Струмичкиот театар ќе ги донира парите од едномесечната продажба на билетите за настраданите во Турција и Сирија appeared first on Република.

Парите од продадените билети за концертот „Гајрет“ кој ќе се одржи в четврток ќе бидат донирани како помош за настраданите во катастрофалниот земјотрес во Турција, објави Филхармонија.

Овој четврток (9 февруари), оркестарот на Македонската филхармонија ќе го одржи концертот насловен „Гајрет“ на кој како солисти ќе настапат македонската перкусионистка Мојца Седеу и гостите од Турција – Бурџу Карадаг (неи) и Ајкут Коселерли (перкусии). Диригент е Лубнан Баалбаки, а на програмата се Концерт во два става за солист на удиралки и оркестар од Љубомир Бранѓолица, Концертот за неи и оркестар „Хезафрен“ оп 39 од Фазил Сај и Симфонија бр. 8 од Антонин Дворжак.

Бројот на загинати во големиот земјотрес што ги погоди Турција и Сирија денеска се искачи над 5.000, покажаа официјалните податоци, а спасувачките тимови се уште трагаат по преживеани под урнатините.

Најмалку 3.419 луѓе загинаа во Турција и 1.602 во делови на Сирија под контрола на владата и бунтовниците, со што вкупниот број достигна најмалку 5.021, соопштија официјални лица и медицински извори.

The post Концертот „Гајрет“ со солисти од Македонија, Турција и Либан во Филхармонија, парите од билетите ќе се донираат за настраданите во земјотресот во Турција appeared first on Република.

Oд Ракометната федерација на Македонија информираат дека се пуштени во продажба дневните билети за Европското првенство на кое ќе биде и Македонија домаќин.

Билетите можат да се купуваат преку продажната мрежа на МК Тикетс низ Македонија. Повеќе информации можете да најдете на следниот ЛИНК.

Покрај продажната мрежа на МК Тикетс, билети се продаваат и на официјалната на страна на ЕХФ.

The post Цените на дневните билети за Европското ракометно првенство во Македонија од 900 до 3000 денари appeared first on Република.

Билетите за првиот настап на британската пејачка Адел во Лас Вегас се продаваат за повеќе од 40.000 долари на одредени веб-страници, додека билетите за другите концерти можат да се најдат по цена од 20.000 долари.

The post Билетите за првиот настап на Адел во Лас Вегас се продаваат за повеќе од 40.000 долари appeared first on Република.

Почнувајќи од денеска точно напладне, па во следните 20 дена, односно до 2 јули билетите за јубилејниот концерт на ДНК закажан во арената „Борис Трајковски“ на 3 декември, ќе се продаваат по промотивни цени: фан пит 200 денари, седење (трибини) 350 денари ВИП 800 денари и ВИП коњопој 800 денари.

По завршувањето на овие 20 дена, односно веќе од 2 јули ќе важат следниве цени: фан пит 350 денари, седење (трибини) 450 денари, ВИП 1000 денари и ВИП коњопој 1000 денари.

Билетите ќе бидат достапни преку продажната мрежа на mktickets.mk, односно во Скопје – ЛитератураМК Super Store – City Mall, ЛитератураМК – Буњаковец, ЛитератураМК – Веро центар, ЛитератураМК – улица „Македонија“, ЛитератураМК – ГТЦ приземје, ЛитератураМК – Ramstore Mall, ЛитератураМК – East Gate, Југотон ГТЦ, ЈК Травел – ТЦ Бисер Аеродром; Штип: Лаб Кафе; Велес: Унисон; Прилеп: ТА Бран; Куманово: Тобако Агора; Тетово: Гранд Тобако, Монако Тобако; Гостивар: Тобако Вона Пет (кај судот); Охрид: ТА Вис Пој; Битола: ЛитератураМК, Brothers Тобако; Струмица: ТА Сафари, ЛитератураМК; Радовиш: Халкидики травел.

The post „20 години ДНК“ – 20 дена билети по промотивна цена appeared first on Република.

Изборот за песна на Евровизија оваа година е закажан за 10, 12 и 14 мај во Торино, Италија, а сега организаторите ги објавија и цените на билетите за сите три вечери.

Најевтиниот билет во полуфиналните вечери ќе чини 384 евра, додека оној за финалето ќе чини меѓу 610 и 699 евра, во зависност од тоа колку сте блиску до сцената, според официјалната веб-страница на Евросонгот.

The post Билетот за полуфинале на Евровизија чини 384 евра, а за финале од 610-699 евра appeared first on Република.

Драстичниот скок на цените на горивата, како на светските пазари, така и кај нас, вчера резултираше со панично однесување на граѓаните кои почнаа да прават колони пред бензинските пумпи чекајќи ред да наполнат гориво по сè уште старата цена.

Новата цена на горивата предизвика и дополнителна загриженост кај граѓаните, барем кај оние кои ги користат услугите на градскиот превоз во Скопје за евентуално поскапување на билетите, но од ЈСП ја смируваат „топката“, нова цена на билетите нема да има.

Независно од порастот на цената на горивата, ЈСП Скопје не размислува за покачување на цените на услугите за користење на јавен превоз.

Ќе гледаме машки да ја издржиме оваа криза во интерес на граѓаните на Град Скопје, колку што можеме. Како што знаете јавните претпријатија се создадени да им служат и да се во интерес на граѓаните, некогаш економската логика е таа, меѓутоа ќе гледаме со максимални заштеди да можеме тие загуби да ги покриеме – ни изјави в.д. директорот на ЈСП, Иван Илиевски.

извор: Плусинфо.мк

The post Билетите за градскиот превоз нема да поскапат appeared first on Република.

Студентите кои имаат годишен билет за бесплатно користење јавен превоз имаат право до крајот на февруари да се возат во автобусите и со непродолжен/незаверен билет за тековнава година, соопшти Јавното сообраќајно претпријатие „Скопје“.

ЈСП Скопје во случајов излезе во пресрет на барањето на Универзитетско студентско собрание при УКИМ, кое неодамна побара продолжување на рокот за продолжување на важноста на студентскиот билет, со оглед на актуелната ситуација со КОВИД-19, која, како што наведоа, на одредени факултети им предизвикува потешкотии при организација и распределба на документацијата потребна за продолжување на важноста на билетот, информира ЈСП.

Во случај на контрола додека го користат јавниот превоз, студентите имаат обврска да приложат „Скопска“ со која ќе докажат дека ги исполнуваат условите за користење годишен студентски билет, кој притоа не им е продолжен, но контролорите не смеат да им издадат записник/казна.

Но од 1 март, наведува ЈСП во соопштението, секој студент кој ги исполнува условите за овој тип билет, а не го заверил/продолжил, при контрола ќе добие казна доколку не поседува друг тип на билет, уредно валидиран.

Сообраќајното претпријатие потсетува дека право на користење на билетот имаат сите редовни студенти на додипломски студии на државните факултети во Скопје, без ограничување на возраста.

Важноста на билетот се продолжува секоја учебна/календарска година. На студентите кои првпат запишуваат прва година и го користат правото на билет за бесплатен превоз, билетот автоматски им важи и за наредната календарска година.

Останатите студенти ја продолжуваат важноста на билетот со потврда за редовен студент, не постара од еден месец и запишан зимски/летен семестар. Продолжувањето на важноста на билетот се врши во центрите за персонализација на ЈСП.

Годишниот студентски билет за бесплатно користење јавен превоз не важи во ноќна тарифа.

The post Студентите може да го користат јавниот превоз без заверен билет до крајот на февруари appeared first on Република.

Турција, Малезија, Казахстан и Србија се земјите со најевтини карти за кино во светот, покажуваат последните податоци на британскиот финансиски портал money.co.uk.

Во Турција е потребно да се издвојат 2,06 евра за кинобилет, во Малезија – 3,13, во Казахстан – 3,23, а во Србија тоа чини 3,40 евра. Белорусија, Русија, Аргентина, Панама, Унгарија и Костарика, исто така се на топ-листата од 10 земји со најевтини билети.

Од друга страна, Швајцарија е на другиот крај со најскапи билети за кино – 18,23 евра, потоа Данска – 14,79, Саудиска Арабија – 14,14, Јапонија – 14,07 и Финска со 14 евра за билет.

Порталот, инаку, го рангираше Лондон меѓу трите најдобри градови во светот за љубителите на филмот, со оценка 9,75 од 10, бидејќи има најмногу кина, а премиерите на најголемите наслови често се одржуваат на плоштадот Лестер.

Во текстот на уредникот Џејмс Ендрјус, се забележува дека и третопласираниот Лос Анџелес (оценка 9,49) е секако еден од највлијателните градови каде што се снимаат филмови, но второпласираниот Њујорк (9,55) е домаќин на најголемиот број филмски фестивали – повеќе од 1.000, вклучувајќи ги и Трибека, Фестивалот за документарци и Азиско-американскиот меѓународен филмски фестивал.

The post Во Турција и Србија се плаќаат најевтините кино билети во светот appeared first on Република.